Përsëritje 11 e Zotërimit Doktrinor

Kuptoni dhe Zbatoni

Painting of Christ reading to people from a scroll in a synagogue.

Ky mësim do të të ndihmojë të përsëritësh të vërtetat që gjenden në fragmentet e shkrimeve të shenjta për zotërimin doktrinor, dhe do të të ndihmojë të ushtrosh zbatimin e këtyre të vërtetave në një larmi rrethanash.

Përfshirja e nxënësve në të mësuarit. Nxënësit që marrin pjesë në mënyrë aktive në përvojën e të mësuarit, kanë më shumë gjasa ta kujtojnë atë që mësuan. Ftojini nxënësit të marrin pjesë në veprimtari që përfshijnë lëvizje fizike dhe ndërveprim me njerëzit dhe objektet përreth tyre.

Përgatitja e nxënësve: Nëse është e mundur, jepuni nxënësve një kopje të fletushkës që përfshihet në këtë mësim. Ftojini ata t’i përsëritin referencat e shkrimeve të shenjta për zotërimin doktrinor dhe frazat kyç. Gjithashtu, kërkojuni atyre të mendojnë për situata në të cilat të vërtetat që gjenden në këto fragmente të zotërimit doktrinor, mund të jenë të dobishme.

Veprimtari të Mundshme të të Mësuarit

Mund të jetë e nevojshme të jepet mësimi për një fragment të zotërimit doktrinor në vend të këtij mësimi përsëritjeje. Referojuni udhëzuesit të ritmit mësimor të ofruar nga drejtori apo bashkërenduesi i zonës ose rajonit për t’u siguruar që çdo mësim për fragmentin e zotërimit doktrinor, do të jepet gjatë zhvillimit të seminarit.

Përsërit fragmentet e zotërimit doktrinor

Gjej pak kohë për të përsëritur fragmentet e zotërimit doktrinor në Dhiatën e Re. Cilat i di mirë? Për cilat ke më pak njohuri?

• Cilat janë disa të vërteta që këto fragmente japin mësim, të cilat janë veçanërisht kuptimplota për ty?

Nëse nxënësit do të përfitonin nga një përsëritje e referencave të shkrimeve të shenjta për zotërimin doktrinor dhe frazave kyç, merreni parasysh të bëni ndonjë ose të gjitha veprimtaritë vijuese:

Shënim: Gjatë veprimtarive të tilla, mund të jetë e dobishme t’i ftoni nxënësit të punojnë në dyshe. Merreni parasysh t’i vendosni në dyshe nxënësit që kanë nevojë për ndihmë me nxënës që janë të gatshëm dhe në gjendje që t’i ndihmojnë ata.

1. Paraqitini referencat e shkrimeve të shenjta në një anë të tabelës dhe frazat kyç, të renditura rastësisht, në anën tjetër. Ftojini nxënësit të shohin se sa referenca dhe fraza kyç mund të përputhin me saktësi. Ftojini ata të përdorin shkrimet e tyre të shenjta për të kontrolluar punën e tyre.

2. Tregoni një pjesë të një fraze kyç dhe ftojini nxënësit ta përfundojnë atë dhe të japin referencën.

3. Filloni leximin e një fraze kyç me ngadalë, fjalë pas fjale. Kur nxënësit mendojnë se e dinë se cilit fragment të zotërimit doktrinor i referohet, ata mund ta hapin atë fragment në shkrimet e tyre të shenjta.

Doctrinal Master - Matthew - John

Referenca e Shkrimit të Shenjtë	Fraza Kyç e Shkrimit të Shenjtë
Lluka 2:10–12	“Sepse sot në qytetin e Davidit lindi për ju një Shpëtimtar, që është Krishti, Zoti.”
Gjoni 3:5	“Kush nuk ka lindur nga uji dhe nga Fryma, nuk mund të hyjë në mbretërinë e Perëndisë.”
Gjoni 3:16	“Sepse Perëndia e deshi aq botën, sa dha Birin e tij të vetëmlindurin.”
Mateu 5:14–16	“Ashtu le të shndritë drita juaj para njerëzve.”
Mateu 11:28–30	“Ejani tek unë, o ju të gjithë të munduar dhe të rënduar, dhe unë do t’ju jap çlodhje.”
Mateu 16:15–19	Jezusi tha: “Unë do të të jap çelësat e mbretërisë”.
Gjoni 7:17	“Në qoftë se dikush do të bëjë vullnetin e tij, do ta njohë … doktrinë[n].”
Mateu 22:36–39	“Duaje Zotin, Perëndinë tënde. … Duaje të afërmin tënd.”
Lluka 22:19–20	Jezu Krishti urdhëroi që të merrej sakramenti “në përkujtimin [e Tij]”.
Gjoni 17:3	“Dhe kjo është jeta e përjetshme, të të njohin ty, të vetmin Perëndi të vërtetë, dhe Jezu Krishtin.”
Lluka 24:36–39	“Sepse një frymë nuk ka mish e eshtra, si po shihni se unë kam.”

Një mënyrë për të kujtuar të vërtetat në shkrimet e shenjta është t’i lidhësh ato me objekte të përditshme. Zgjidh dy fragmente të shkrimeve të shenjta për zotërimin doktrinor dhe përsërit frazën kyç që lidhet me secilën. Më pas bëj sa vijon me secilin prej fragmenteve:

Christmas lit white lightbulbs

• Vizato ose bëji fotografi një objekti që e ndien se lidhet me frazën kyç në fragment. (Për shembull, për vargjet te Mateu 5:14–16 , ti mund të vizatosh ose t’i bësh fotografi një llambe.)

• Shkruaj një shpjegim të shkurtër të mënyrës se si objekti lidhet me të vërtetën e dhënë mësim në fragment.

Lidhja e të vërtetave me jetën tonë

Plaku Dejvid A. Bednar, i Kuorumit të Dymbëdhjetë Apostujve, dha mësim një të vërtetë që mund të na ndihmojë t’i zbatojmë fragmentet e zotërimit doktrinor. Ai dha mësim se parimet e ungjillit “sigur[ojnë] këndvështrimin e çmuar të së vërtetës së përjetshme ndërsa lundrojmë në rrethana, sfida, vendime dhe përvoja të ndryshme të vdekshmërisë” (“Parimet e Ungjillit Tim”, Liahona, maj 2021, f. 123–124). Parimet që gjenden në fragmentet e zotërimit doktrinor, mund të na ndihmojnë të dimë se si të përgjigjemi në shumë situata që mund të krijohen në jetën tonë.

Për veprimtarinë vijuese, nxënësit mund ta shkruajnë situatën në pjesën e përparme të fletës dhe fragmentin e shkrimit të shenjtë për zotërimin doktrinor dhe shpjegimin në pjesën e pasme.

Përshkruaj një situatë në të cilën dikush mund të zbatojë një të vërtetë nga fragmenti i zotërimit doktrinor që ti zgjedh. Shpjego se si zbatimi i asaj të vërtete mund ta ndihmojë personin të marrë ndihmën e Shpëtimtarit.

Merreni parasysh t’i mblidhni skenarët e nxënësve dhe t’ia lexoni ato klasës. Kjo do t’i lejojë nxënësit të dëgjojnë idetë e shokëve të klasës dhe të shohin se shumë të vërteta të ndryshme mund të zbatohen në një rrethanë të vetme.

Një mundësi për të rritur pjesëmarrjen e nxënësve mund të jetë të lexoni një skenar dhe t’i ftoni nxënësit (individualisht ose në grupe të vogla) të shkruajnë një referencë për zotërimin doktrinor dhe një frazë kyç që ata mendojnë se mund ta ndihmojë personin në skenar. Nëse një nxënës ose grup përcakton një të vërtetë të ndryshme nga ajo që u shkrua nga nxënësi i parë, ftojini ata të shpjegojnë mënyrën se si ajo e vërtetë mund t’i ndihmojë edhe ata.

Reflektim mbi të vërtetat e Shpëtimtarit

Reflekto mbi fragmentet e shkrimeve të shenjta për zotërimin doktrinor dhe frazat kyç të dhëna mësim gjatë gjysmës së parë të vitit (shih tabelën e dhënë më parë në mësim).

Shkruaji një letër të shkurtër dikujt që do të nisë seminarin së shpejti dhe nuk ka njohuri për fragmentet e zotërimit doktrinor. Shpjegoji atij/asaj se si fragmentet do ta ndihmojnë atë ta njohë Shpëtimtarin më mirë dhe do t’i japë përgjigje atij/asaj për pyetjet dhe sfidat që mund të shfaqen në jetën e tij/saj. Merre parasysh të tregosh një shembull të një rasti kur ti ose dikush që ti njeh, është bekuar nga njohja dhe të kujtuarit e të vërtetave të Shpëtimtarit të dhëna mësim në fragmentet e zotërimit doktrinor.

Veprimtari Plotësuese të të Mësuarit

Interpretoni me role

Presidentja Xhoi D. Xhons, që ka shërbyer si Presidente e Përgjithshme e Fillores, tha se interpretimi me role “mund t’i forcojë fëmijët që të jenë të përgatitur në një mjedis sfidues” (“Bashkëbisedimet Thelbësore”, Liahona, maj 2021, f. 13). Nxënësit mund të ftohen të përcaktojnë një situatë në të cilën mund t’i ndihmojë një e vërtetë nga një fragment i zotërimit doktrinor. Më pas ata mund të interpretojnë me role për t’iu përgjigjur situatës duke përdorur të vërtetën nga fragmenti i zotërimit doktrinor.