Төгс эзэмших сургаалын давтлага 13

Судрын эшлэл, түлхүүр үг хэллэгийг цээжлэх

Судрын хэсгүүдийг хаанаас олохоо мөн тэдгээр нь танд юу зааж байгааг санаж байх нь таныг бусадтай сайн мэдээний үнэнийг хуваалцахад тусална. Таны өнөөдөр сурч мэдсэн зүйл Шинэ Гэрээний төгс эзэмших сургаалын судрын зарим хэсгийн эшлэл, түлхүүр үг хэллэгийг цээжлэхэд туслах ёстой.

Суралцагчийн бэлтгэл: Суралцагчдыг төгс эзэмших сургаалын судрын түлхүүр үг хэллэг, эшлэлийг өөрт тохирсон арга замаар цээжлэх дадлага хийхэд урь. Энэ хичээлд орсон хүснэгтийг өг эсвэл боломжтой бол Doctrinal Mastery аппликэйшныг ашиглахад суралцагчдыг урь.

Боломжит суралцах үйл ажиллагаа

Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын хэсгүүдийн талаарх хичээл тус бүрийг семинар явагдаж байх үед заасан байхын тулд орон нутгийн эсвэл бүсийн захирал, зохицуулагчийн өгсөн цагийн хуваарийг үзнэ үү.

Зураг ашиглан судрын түлхүүр үг хэллэгийг цээжлэх

Энэ хичээл нь танд төгс эзэмших сургаалын дараах судрын хэсгүүдийг эргэн харж, тэдгээрт заасан үнэнүүд өөр өөр нөхцөл байдалд хэрхэн танд туслах талаар эргэцүүлэн бодоход тусална. Хэрэв та эдгээр судрын хэсэг, тэдгээрийн түлхүүр үг хэллэгийг судар дээрээ хараахан тэмдэглээгүй байвал тэмдэглэх талаар бодож үз.

Судрын эшлэл	Судрын түлхүүр үг хэллэг
1 Коринт 6:19–20	“Та нарын бие бол Ариун Сүнсний сүм.”
1 Коринт 11:11	“Гэвч Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.”
1 Коринт 15:20–22	“Адам дотор бүгд үхдэгчлэн Христ дотор бүгд амьд болгогдоно.”
1 Коринт 15:40–42	Амилалтад алдар суугийн гурван зэрэг бий.

Янз бүрийн мэдрэмж, ур чадварыг ашиглах нь суралцагчдад цээжлэхэд тусална. Дараах үйл ажиллагаагаар төгс эзэмших сургаалын эдгээр хэсгийн сургаалыг санахад туслах энгийн бэлгэдлүүдийг зурахыг суралцагчдаас хүснэ. Энэ үйл ажиллагаагаар ашиглах тэмдэглэл үйлдэх дөрвөн карт эсвэл жижиг цаасыг суралцагч бүрд тарааж өг. Зураг зурж чадахгүй юм уу урлан бүтээх чадваргүй мэт санагдах суралцагчдад мэдрэмжтэй ханд. Суралцагчдыг хос хосоороо эсвэл жижиг бүлгээр ажиллахад урих талаар бодож үз.

Түлхүүр үг хэллэгийг дүрслэн харуулах

Зураг болон бусад төрлийн үзүүлэн таниулах материал нь бидэнд чухал мэдээллийг санахад тусалдаг. Үзүүлэн таниулах материалыг ашиглах нь судрын эшлэл, түлхүүр үг хэллэгийг санахад тань хэрхэн тус болох талаар бод.

Дараах үйл ажиллагаагаар суралцагчдад танил тэмдэг эсвэл бэлгэдлүүдийг сонгоно уу.

• Дараах бэлгэдлүүд юуг төлөөлж байна вэ?

Бэлгэдэл, дүрс зураг ашиглан харуулсан төгс эзэмших сургаалын хэсгүүдийн жишээг харуулав. Дүрс зургуудыг хараад, төгс эзэмших сургаалын судрын хэсэг, түлхүүр үг хэллэгийг тодорхойлж чадаж байгаа эсэхээ хар.

Дараах дүрс зургуудыг үзүүл. Эхний дүрс зургийн зөв хариулт бол “ 1 Коринт 6:19–20 : ‘Та нарын бие бол Ариун Сүнсний сүм.’” Хоёр дахь дүрс зургийн зөв хариулт бол “ 1 Коринт 15:40–42 : Амилалтад алдар суугийн гурван зэрэг бий.”

Суралцагчдыг дараах үйл ажиллагааг гүйцэтгэх үедээ зурсан зургаа тусад нь тэмдэглэл үйлдэх картан дээр байрлуулахад урь. Суралцагчдын зураг зурахдаа гаргасан бүтээлч байдлыг онцлон харуул. Үүнийг хэдэн суралцагчаас аль нэгэн картаа ангийнхандаа харуулахад урих замаар гүйцэтгэх болно. Энэ нь хичээлд бараг оролцдоггүй суралцагчдыг татан оролцуулах сайхан боломж байж болох юм. Эсвэл суралцагчдыг жишээгээ самбарт зурах эсвэл хичээлийн дараа ангид өлгөхөд урих талаар бодож үз.

Тэмдэглэл үйлдэх дөрвөн өөр картан дээр эсвэл жижиг цаасан дээр өмнө нь жагсаасан төгс эзэмших сургаалын судрын хэсгүүдээ нэг бүрчлэн хуулан бич. Карт бүрийн ар талд түлхүүр үг хэллэгийг санахад туслах зураг зур. Та өөрийн зургийг зурж эсвэл дүрс зургийн сан, эможи эсвэл гэрэл зураг гэх мэт үзүүлэн таниулах материалыг ашиглаж болно. Энэ үйл ажиллагаа нь чадалтай уран бүтээлч байхыг шаардахгүй. Таны зураг мартагдашгүй байхын зэрэгцээ зохисгүй буюу ариун нандин сэдэвт хөнгөн хуумгай хандсан байх ёсгүй.

Хийж дуусгаад, зургаа судрын түлхүүр үг хэллэгүүдийг давтахдаа ашигла. Боломжтой бол зургаа найздаа эсвэл гэр бүлийнхээ гишүүнд тайлбарла. Аль болох олон түлхүүр үг хэллэг санахыг хичээ.

.

Судрын түлхүүр үг хэллэгийг амьдралд хэрэгжүүлэх

Дараах жишээнүүдээр тараах материал хийж бэлд эсвэл тэдгээрийг жишээ болгон ангийнханд үзүүлэх талаар бодож үз. Зөв хариултууд нь (1) 1 Коринт 15:20–22 ; (2) 1 Коринт 6:19–20 ; (3) 1 Коринт 11:11 ; (4) 1 Коринт 15:40–42 .

Эсвэл суралцагчдын амьдрал, нөхцөл байдалд илүү ойр өөр бусад жишээг бэлд.

Дөнгөж сая цээжлэх дадлага хийсэн судрын хэсгүүдээ давтахын тулд дараах шалгалтыг өгөөд, дараах нөхцөл байдалд хамгийн сайн тус болох төгс эзэмших сургаалын судрын хэсгийг тодорхойл.

1. Нэгэн залуу эмэгтэй “Есүс Христийн ачаар хүн бүр амилна гэхийг би хэн нэгнээс сонсож байсан. Энэ үнэн үү?” гэж асуужээ.

2. Бид амилуулагдах л юм бол өөрсдийн биед яагаад анхаарал тавих ёстой юм бэ гэж найз тань асуув.

3. Найз тань гэрлэлт ямар ч ашиггүй гэж боддог.

4. Нэгэн залуу эрийн өвөө саяхан нас барсан бөгөөд түүнд үхлийн дараах амьдралын талаар асуух зүйл байгаа.