Përsëritja 15 e Zotërimit Doktrinor

Vëri në Zbatim Fragmentet e Zotërimit Doktrinor

Një nga qëllimet e zotërimit doktrinor është të të ndihmojë të mësosh se si t’i zbatosh siç duhet fragmentet e zotërimit doktrinor ndërsa ua mëson ungjillin e Jezu Krishtit të tjerëve. Ky mësim do të të japë mundësi të ushtrosh zbatimin e disa prej fragmenteve të zotërimit doktrinor në një llojshmëri situatash mësimdhënieje.  

Veprimtari të Mundshme të të Mësuarit

Përgatitja e nxënësve: Ftojini nxënësit të mendojnë për përvojat që kanë pasur duke përdorur shkrimet e shenjta për t’u dhënë përgjigje ose për t’u mësuar të tjerëve ungjillin e Jezu Krishtit. Nxitini ata të vijnë në klasë të përgatitur për të treguar situatën dhe shkrimet e shenjta që përdorën për të dhënë mësim.

Në vend të këtij mësimi përsëritjeje mund të nevojitet të jepet një mësim për fragmentin e zotërimit doktrinor. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që të jepet çdo mësim për fragmentin e zotërimit doktrinor gjatë zhvillimit të seminarit.

Veprat standarde përmbajnë shumë histori të njerëzve që përdorin shkrimet e shenjta për t’u dhënë mësim të tjerëve. Disa shembuj përfshijnë Jezu Krishtin që u jep mësim dy prej dishepujve të Tij në rrugën për në Emaus ( Lluka 24:27), Nefin që i nxit vëllezërit e tij të marrin fletët prej tunxhi (shih 1 Nefi 4:2) dhe Moronin që udhëzon Jozef Smith të riun ( Joseph Smith – Historia 1:36–41).

Ftojini nxënësit që bënë veprimtarinë e përgatitjes së nxënësve të tregojnë përvojat e tyre ndërsa u përgjigjen pyetjeve vijuese.

• Kur i ke përdorur ti apo dikush që ti njeh shkrimet e shenjta për t’u dhënë mësim të tjerëve?

• Si mendon, përse është e rëndësishme t’i përdorim shkrimet e shenjta krahas shpjegimeve tona ndërsa u japim mësim të tjerëve?

Shqyrto listën vijuese të referencave të zotërimit doktrinor dhe frazat kyç të shkrimit të shenjtë. Përsiat për situata të ndryshme me të cilat mund të përballesh, ku mund t’i përdorësh këto fragmente për t’i dhënë mësim dikujt.

Zotërimi Doktrinor i Dhiatës së Re: 1 Korintasve – Zbulesa

Paraqiteni ose shpërndajeni tabelën vijuese që nxënësit ta përdorin gjatë gjithë kësaj përvoje mësimore. Nxënësit mund të kenë një kopje të saj nga mësimi i mëparshëm.

1 Korintasve 6:19–20	“Trupi juaj është tempulli i Frymës së Shenjtë.”
1 Korintasve 11:11	“Në Zotin as burri s’është pa gruan, as gruaja pa burrin.”
1 Korintasve 15:20–22	“Ashtu sikur të gjithë vdesin në Adamin, kështu të gjithë do të ngjallen në Krishtin.”
1 Korintasve 15:40–42	Në Ringjallje, ka tri shkallë lavdie.
Efesianëve 1:10	“Kur të plotësoheshin kohërat, t’i sillte në një krye të vetëm, në Krishtin, të gjitha gjërat.”
Efesianëve 2:19–20	Kisha është “ndërtuar mbi themelin e apostujve dhe të profetëve, duke qenë Jezu Krishti vetë guri i qoshes”.
2 Thesalonikasve 2:1–3	“Dita e Krishtit … nuk do të vijë, pa ardhur më parë rënia.”
2 Timoteut 3:15–17	“Shkrimet e shenjta … mund të të bëjnë të ditur për shpëtimin.”
Hebrenjve 12:9	Ati Qiellor është “Ati [i] shpirtrave”.
Jakob [Bibël] 1:5–6	“Por në qoftë se ndonjërit nga ju i mungon urtia, le të kërkojë nga Perëndia.”
Jakob [Bibël] 2:17–18	“Besimi; në qoftë se s’ka vepra, është i vdekur.”
1 Pjetër 4:6	“Ungjilli [iu] predikua edhe të vdekurve.”
Zbulesa 20:12	“Dhe të vdekurit u gjykuan … sipas veprave të tyre.”

Merreni parasysh të krijoni një etiketë në një copë letre për secilën nga situatat vijuese dhe t’i vendosni ato rreth klasës. (Nxënësit mund të ftohen gjithashtu të krijojnë situatat e tyre nga jeta reale me të cilat të punojnë në vend të këtyre situatave të sugjeruara.)

Ceremoni varrimiMisionTakim Shpirtëror për RininëMik

Ndajeni klasën në katër grupe dhe caktojini secilit grup një nga situatat e renditura më lart. Jepini çdo grupi pyetjet e duhura të renditura më poshtë dhe ftojini ata të diskutojnë.

Lejoni që çdo grup të diskutojë me radhë secilën nga situatat. Thuajuni nxënësve se ata mund të përdorin të njëjtën referencë nga shkrimi i shenjtë në situata të ndryshme.

Ceremoni varrimi

Përfytyro sikur të kanë kërkuar të flasësh në ceremoninë e varrimit të një njeriu të dashur.

• Cilat janë tre fragmentet e zotërimit doktrinor që mund të japësh?

• Si mendon se mund të ndihmojnë këto fragmente?

Përzgjidh njërin nga shkrimet e shenjta që zgjodhe për këtë situatë dhe lexoje të gjithë fragmentin.

• Çfarë tjetër mësove krahas frazës kyç të shkrimit të shenjtë?

Mision

Përfytyro sikur ti dhe shoku yt i misionit po i jepni mësim dikujt i cili pyet veten se përse na nevojitet një kishë e rivendosur.

• Cilat janë tre fragmentet e zotërimit doktrinor që mund të japësh?

• Si mendon se mund të ndihmojnë këto fragmente?

Përzgjidh njërin nga shkrimet e shenjta që zgjodhe për këtë situatë dhe lexoje të gjithë fragmentin.

• Çfarë tjetër mësove krahas frazës kyç të shkrimit të shenjtë?

Takim Shpirtëror për Rininë

Përfytyro sikur je pjesë e një komiteti rinor që është caktuar të zgjedhë temat për takimin e ardhshëm shpirtëror për rininë në kunjin apo distriktin tuaj.

• Cilat janë tre fragmentet e zotërimit doktrinor që mund të japësh?

• Si mendon se mund të ndihmojnë këto fragmente?

Përzgjidh njërin nga shkrimet e shenjta që zgjodhe për këtë situatë dhe lexoje të gjithë fragmentin.

• Çfarë tjetër mësove krahas frazës kyç të shkrimit të shenjtë?

Mik

Përfytyro sikur ke një mik i cili ka vështirësi të ndihet pranë Atit Qiellor dhe Jezu Krishtit. Ai kërkon këshillën tënde.

• Cilat janë tre fragmentet e zotërimit doktrinor që mund të japësh?

• Si mendon se mund të ndihmojnë këto fragmente?

Përzgjidh njërin nga shkrimet e shenjta që zgjodhe për këtë situatë dhe lexoje të gjithë fragmentin.

• Çfarë tjetër mësove krahas frazës kyç të shkrimit të shenjtë?

Ndërsa grupet e përfundojnë këtë veprimtari, merreni parasysh t’i bëni klasës pyetje si këto:

• Si ju ndihmoi kjo veprimtari që ta kuptoni më mirë nevojën për të përdorur shkrimet e shenjta ndërsa u jepni mësim të tjerëve?

• Cili është një fragment i zotërimit doktrinor që ju e vlerësoni më mirë për shkak të kësaj veprimtarie?

• Çfarë mësuat rreth Jezu Krishtit nga kjo veprimtari?

Nxitini nxënësit që të vazhdojnë të kërkojnë mundësi për t’i përdorur fragmentet e zotërimit doktrinor ndërsa ua japin mësim të tjerëve ungjillin e Jezu Krishtit.