Төгс эзэмших сургаалын давтлага 19
Судрын эшлэл, түлхүүр үг хэллэгийг цээжлэх
Судрын хэсгүүдийг болон тэдгээрт заасан үнэнүүдийг санах нь танд олон талаар тусална. Энэ хичээл танд Шинэ Гэрээний төгс эзэмших сургаалын судрын эшлэл, түлхүүр үг хэллэгийн заримыг цээжлэхэд туслах зорилготой.
Суралцагчийн бэлтгэл: Суралцагчдад доорх судрын эшлэлийг болон судрын түлхүүр үг хэллэгийн хүснэгтийн хуулбарыг өгөөд, боломжийнхоо хэрээр таваас доошгүй төгс эзэмших сургаалын эшлэл, судрын түлхүүр үг хэллэгийг цээжлэхэд урь. Суралцагчид мөн Doctrinal Mastery аппликэйшныг ашиглаж болно. Эсвэл суралцагчид төгс эзэмших сургаалын судрын хэсгийг бүхэлд нь цээжлэхийг хичээж болно.
Боломжит суралцах үйл ажиллагаа
Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийн талаарх хичээл бүрийг семинарын үеэр заахын тулд орон нутгийн эсвэл бүсийн захирал, зохицуулагчийн өгсөн цагийн хуваарийг үзнэ үү.
Судрын түлхүүр үг хэллэгийг цээжлэх
-
Аврагч мөнх бус амьдралынхаа туршид судруудыг ямар ямар арга замаар ашигласан бэ?
Сатаныг Аврагчийг уруу татах гэж оролдох үед Аврагч тэдгээр уруу таталтыг даван гарахад туслах судрын үнэнүүдийг ашигласан ( Матай 4:1–11 -ийг үзнэ үү). Тэр сургаалдаа ихэвчлэн судруудыг ашигласан байдаг ( Лук 4:17–27 ; Матай 19:4–5 ; Матай 24:37–40 ; Марк 12:26 -г үзнэ үү). Та энэ хичээлээр төгс эзэмших сургаалын эшлэл, түлхүүр үг хэллэгийг цээжлэхдээ уг хэсэг танд болон бусдад хэрхэн тусалж болох талаар бодож үз. Хэрэв та эдгээр судрын хэсэг, түлхүүр үг хэллэгийг судар дээрээ хараахан тэмдэглээгүй байвал тэмдэглэхийг бод.
Боломжтой бол дараах судрын эшлэл, түлхүүр үг хэллэгүүдийг суралцагчдын саяхан судалсан төгс эзэмших сургаалын судрын хэсгүүдээр соль.
Судрын эшлэл |
Судрын түлхүүр үг хэллэг |
Бурхан бол “бидний сүнсний Эцэг.” | |
“Харин та нарын хэн нэг нь мэргэн ухаанаар дутвал, Бурханаас гуйг.” | |
“Итгэл нь хэрэв үйлсгүй бол өөрөө үхмэл юм.” | |
“Сайн мэдээ нь үхэгсдэд ч хүртэл тунхаглагдсан.” | |
“Үхэгсэд үйлсийнхээ дагуу … шүүгдэв.” |
Өмнөх хүснэгтийг судлах тэмдэглэлдээ хуул. Үгнүүдийг чанга хэлж бичих нь танд санаж явахад тусална. Тэдгээрийг бичсэнийхээ дараа судрын эшлэл, түлхүүр үг хэллэгийг чанга давтан хэл.
Дараах сонголтуудаас аль нь суралцагчдад хамгийн сайн нийцэхийг бодож үз.
Дараах үйл ажиллагаануудаас дор хаяж хоёрыг нь хийж гүйцэтгэ.
a. Төгс эзэмших сургаалын эшлэл, түлхүүр үг хэллэгийг цээжлэхэд хэдэн минут зарцуул. Дараа нь судрын эшлэлийг хаагаад, зөвхөн түлхүүр үг хэллэгийг харан эшлэлийг хэлэх гэж оролд. Дараа нь судрын түлхүүр үг хэллэгийг хаагаад, тэдгээрийг судрын эшлэлийг харангаа хэлэх гээд үз.
б. Хамтрагчтайгаа ажиллахдаа, нэг нь судрын эшлэлийг чанга хэлж, нөгөөх нь зохих судрын түлхүүр үг хэллэгийг хэлнэ. Төгс эзэмших сургаалын судрын эшлэл, түлхүүр үг хэллэг тус бүрээр энэ үйл ажиллагааг давтан гүйцэтгэж, судрын эшлэл, түлхүүр үг хэллэгүүдийг цээжлэхийг хичээ. Дараа нь хүснэгт рүү харахгүйгээр цээжээр хэлэх гээд үз. Дараа нь үүргээ соль.
Дээрх үйл ажиллагааг өөр бүлэг суралцагчаар тогтсон хугацаанд (жишээлбэл: 20 секунд) давтан гүйцэтгүүлэх маягаар өөрчилж болно. Эсвэл багш нэг үүргийг нь хариуцан авч, ангийнхан хамтдаа нөгөө үүргийг нь авч болно.
в. Төгс эзэмших сургаалын судрын эшлэл, түлхүүр үг хэллэгүүдийг цээжлэхэд хэдэн минут зарцуулсныхаа дараа, дараах бүрэн бус судрын эшлэл, түлхүүр үг хэллэгүүд дээрх хоосон орхисон үгсийг нөхөхийг оролд. Та мөн хоосон зайг бөглөх дадлага хийхдээ Doctrinal Mastery аппликэйшныг ашиглаж болно.
Дараах бүрэн бус судрын эшлэл, түлхүүр үг хэллэгүүдийг самбарт бич эсвэл тэдгээрийг хэсэг суралцагчид хамтдаа гүйцэтгэхэд нь зориулж цаасан дээр бэлтгэж өгөх талаар бодож үз.
-
Еврей ___:9. Бурхан __ “бидний _______ _______.”
-
__________ 1:5–6. “Харин ___ нарын хэн нэг ____ мэргэн _______ ___, Бурханаас __.”
-
Иаков 2:___–____. “Итгэл нь __ ____ бол _____ үхмэл ____.”
-
1 Петр ___:6. ______ мэдээ нь ________ ч __ ____.”
-
________________ 20:12. ___ үйлсийнхээ дагуу … ____.
г. Төгс эзэмших сургаалын судрын хэсгүүдээс нэгийг сонгоод, уг шүлгийг эсвэл шүлгүүдийг бүхэлд нь цээжлэхийг оролд.
д. Хамгийн багадаа судрын таван эшлэл, түлхүүр үг хэллэгийг цээжээрээ бич.
Эргэцүүлэн бодох
Өнөөдөр ажилласан төгс эзэмших сургаалын хэсгүүдээсээ нэг юм уу хоёрыг сонгоод, уг хэсгийг бүхэлд нь унш. Энэ судрын хэсгийг цээжлэх нь яагаад үнэ цэнтэй болох талаар тунгаан бод.
-
Эдгээр таван төгс эзэмших сургаалын хэсэгт заасан үнэнүүдээс аль нь таны хувьд хамгийн утга учиртай вэ? Яагаад?
-
Эдгээр үнэнийг мэдэх нь хэрхэн танд бусдад туслах боломжийг олгох вэ?
-
Та төгс эзэмших сургаалын судрын хэсгүүдийг илүү сайн санаж, амьдралдаа хэрэгжүүлэхийн тулд юу хийж болох вэ?