Iloiloga 19 o le Atamai i Aoaoga Faavae
Tauloto Mau Faasino ma Fasifuaitau o Mau Autu
O le manatuaina o fuaitau o tusitusiga paia atoa ma mea o loo aoaoina mai ai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto ai nisi o mau faasino o tusitusiga paia mo le atamai i aoaoga faavae ma fasifuaitau autu o mau o le Feagaiga Fou.
Sauniuniga a le tagata aoga: Tuu atu i tagata aoga se kopi o le mau faasino ma le siata o le fasifuaitau autu o le mau o loo i lalo, ma valaaulia i latou e tauloto i le tele latou te mafaia o mau faasino o le atamai i aoaoga faavae e lima ma fasifuaitau autu o mau. E mafai foi e tagata aoga ona faaaoga le polokalama o le Atamai i Aoaoga Faavae. I se isi itu, e mafai e tagata aoga ona taumafai e tauloto se fuaitau atoa o le atamai i aoaoga faavae.
Gaoioiga E Ono Mafai Ona Aoao Ai
Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona o fuaitau o aoaoga faavae taitasi o le a aoaoina a o faaauau taualumaga o le seminare.
Tauloto fasifuaitau autu o mau
-
O a nisi o auala na faaaoga ai e le Faaola tusitusiga paia i le taimi o Lona soifuaga faaletino?
Ina ua faaosoosoina le Faaola e Satani, sa Ia faaaogaina upumoni mai tusitusiga paia e fesoasoani ai ia te Ia e faatoilalo na faaosoosoga (tagai i le Mataio 4:1–11). Sa Ia faaaogaina soo foi tusitusiga paia i Ana aoaoga (tagai i le Luka 4:17–27 ; Mataio 19:4–5 ; Mataio 24:37–40 ; Mareko 12:26). A o e taulotoina mau faasino o le atamai i aoaoga faavae ma fasifuaitau autu o mau i lenei lesona, mafaufau pe mafai faapefea e nei fuaitau ona fesoasoani ia te oe ma isi. Afai e te lei faailogaina nei fuaitau o mau ma a latou fasifuaitau autu i au tusitusiga paia, mafaufau ia faia.
Afai e talafeagai, sui mau faasino nei ma fasifuaitau autu o mau i fuaitau o le atamai i aoaoga faavae na suesueina talu ai nei e tagata aoga.
|
Mau Faasino o Tusitusiga Paia |
Fasifuaitau Autu o Mau |
|
O le Atua “o le Tama o agaga.” | |
|
“A e afai ua leai se poto i so outou, ina ole atu ia i le Atua.” | |
|
“O le faatuatua, pe afai e le i ai galuega, e mate lava.” | |
|
“Na folafola atu foi le talalelei i e ua oti.” | |
|
“Ona faamasinoina ai lea o e na oti … e tusa ma a latou amio.” |
I lau api faamaumau mo suesuega, kopi le siata na muamua atu. O le ta‘u leotele atu o upu a o e tusia e mafai ona fesoasoani ia te oe e manatua ai. Toe faitau leotele mau faasino ma fasifuaitau autu pe a uma ona tusia.
Mafaufau po o fea o filifiliga nei atonu e sili ona lelei mo tagata aoga.
Faataunuu ia le itiiti ifo ma le lua o gaoioiga nei:
-
a. Faaalu ni nai minute e taumafai ai e tauloto mau faasino o le atamai i aoaoga faavae ma fasifuaitau autu o mau. Ona pupuni lea o mau faasino ma taumafai e ta‘u mai mau faasino a o tilotilo na o le fasifuaitau autu. Ona pupuni lea o fasifuaitau autu o mau ma taumafai e ta‘u mai a o tilotilo i mau faasino.
-
e. I le galulue faatasi ai ma se paga, fai atu i le isi e fai leotele mai se mau faasino ae fai mai e le isi le fasifuaitau autu talafeagai o le mau. Toe fai mo ni nai taimi le mau faasino o le atamai i aoaoga faavae ma fasifuaitau autu, taumafai e tauloto mau ma fasifuaitau. Ona taumafai lea e fai lenei mea e aunoa ma le tilotilo i le siata. Ona fesuiai lea o mea e fai.
O le muai gaoioiga e mafai ona fetuunai e ala i le taumafai o vaega eseese o tagata aoga e faamaea la latou toe faia o lea gaoioiga i totonu o se taimi utiuti (mo se faataitaiga, 20 sekone). Pe e mafai foi e le faiaoga ona faatino le matafaioi e tasi ae o le vasega atoa le isi.
-
i. A uma ona faaalu ni nai minute e tauloto ai mau faasino o le atamai i aoaoga faavae ma fasifuaitau autu o mau, taumafai e faatumu upu o loo misi i mau faasino ma fasifuaitau autu nei e lei maea. E mafai foi ona e faaaogaina le polokalama o le Atamai i Aoaoga Faavae e faataitai ai le faatumuina o avanoa.
Mafaufau e tusi mau faasino nei ma fasifuaitau autu o mau nei e lei maea i luga o le laupapa po o le saunia foi o ni fasipepa mo vaega o tagata aoga e faauma faatasi ai.
-
Eperu ___:9. O le Atua __ le _____ o ______.
-
__________ 1:5–6. Ae afai ua leai se ____ i so ____ , ___ ole atu __ Atua.
-
Iakopo 2: ___–____. O le faatuatua, __ e____ i ai ______, e ____.
-
1 Peteru ___:6. [Na] _______ __ foi _ i ____ ua ____.
-
________________ 20:12. Ona faamasinoina ___ lea ____ na oti … e _________ ma ______ amio.
-
o. Filifili se tasi o fuaitau o le atamai i aoaoga faavae ma taumafai e tauloto le fuaiupu atoa po o ni fuaiupu.
-
u. Tusi le tele e te mafaia o mau faasino e lima o le atamai i aoaoga faavae ma fasifuaitau autu o mau mai lou mafaufau.
Toe manatunatu
Filifili se tasi pe lua o fuaitau o le atamai i aoaoga faavae sa e galue ai i le asō ma faitau le fuaitau atoa. Mafaufau pe aisea e taua ai le manatuaina o lenei fuaitau.
-
Mai upumoni o loo aoao mai i nei fuaitau e lima o le atamai i aoaoga faavae, o le fea upumoni e sili ona anoa ia te oe? Aisea?
-
E mafai faapefea e le iloaina o nei upumoni ona mafai ai ona e fesoasoani atu i isi?
-
O le a se mea e mafai ona e faia e manatua atili ai ma faaaoga fuaitau o le atamai i aoaoga faavae?