Përsëritje 2 e Zotërimit Doktrinor

Mësoji Përmendsh Referencat dhe Frazat Kyç të Shkrimeve të Shenjta

Teen girl talking to two other teens.

Kujtimi i fragmenteve të shkrimeve të shenjta dhe ato që japin mësim, mund të të ndihmojë në shumë mënyra. Ky mësim ka për qëllim të të ndihmojë të mësosh përmendsh referencat e shkrimeve të shenjta dhe frazat kyç të shkrimeve të shenjta për disa nga fragmentet e zotërimit doktrinor të Dhiatës së Re.

Përgatitja e nxënësve: Ftojini nxënësit të përsiatin se si njohja e referencave të shkrimeve të shenjta dhe e asaj që ato japin mësim mund t’i ndihmojnë në jetën e tyre.

Veprimtari të Mundshme të të Mësuarit

Mund të jetë e nevojshme të jepet një mësim për fragmentin e zotërimit doktrinor në vend të këtij mësimi përsëritjeje. Referojuni programit të ecurisë të siguruar nga drejtori ose bashkërenduesi i zonës për t’u siguruar që çdo mësim për fragmentin e zotërimit doktrinor do të jepet gjatë zhvillimit të seminarit.

Përdorimi i shkrimeve të shenjta për të përhapur ungjillin

Ftojini nxënësit të japin këndvështrimet që morën nga veprimtaria e përgatitjes së nxënësve në këtë pjesë të mësimit.

Përfytyro sikur po diskuton për bindjet fetare me shoqen tënde Silvanën. Ajo merr pjesë në një kishë të krishterë vendore dhe është e zellshme në studimin dhe të mësuarit nga Bibla. Silvana të pyet për bindjet e tua për Jezu Krishtin, pagëzimin dhe priftërinë.

• Sa i/e sigurt do të ishe për t’iu përgjigjur pyetjeve të Silvanës? Përse?

• Si mund të të ndihmojë njohja e fragmenteve të zotërimit doktrinor dhe e frazave të tyre kyç në këtë situatë?

• Cilat janë disa situata që ke përjetuar kur do të kishte qenë e dobishme t’i dije shkrimet e shenjta mjaftueshëm mirë për t’i përdorur?

Ky mësim mund të të ndihmojë të përgatitesh për situata si këto dhe të reflektosh mbi të vërtetat që jepen mësim në fragmentet e mëposhtme të shkrimeve të shenjta për zotërimin doktrinor. Merr parasysh t’i shënosh këto fragmente dhe frazat e tyre kyç nëse nuk e ke bërë ende.

Merrni parasysh nevojat e nxënësve në përcaktimin se sa fragmente të zotërimit doktrinor duhen theksuar në këtë mësim. Paraqiteni tabelën e mëposhtme që nxënësit të mund t’i referohen derisa të kenë përfunduar kartat e tyre.

Referenca e Shkrimit të Shenjtë	Fraza Kyç e Shkrimit të Shenjtë
Lluka 2:10–12	“Sepse sot në qytetin e Davidit lindi për ju një Shpëtimtar, që është Krishti, Zoti.”
Gjoni 3:5	“Kush nuk ka lindur nga uji dhe nga Fryma, nuk mund të hyjë në mbretërinë e Perëndisë.”
Gjoni 3:16	“Sepse Perëndia e deshi aq botën, sa dha Birin e tij të vetëmlindurin.”
Mateu 5:14–16	“Le të shndritë drita juaj para njerëzve.”
Mateu 11:28–30	“Ejani tek unë, o ju të gjithë të munduar dhe të rënduar, dhe unë do t’ju jap çlodhje.”
Mateu 16:15–19	Jezusi tha: “Unë do të të jap çelësat e mbretërisë”.
Gjoni 7:17	“Në qoftë se dikush don të bëjë vullnetin e tij, do ta njohë … doktrinë[n].”
Mateu 22:36–39	“Duaje Zotin, Perëndinë tënde. … Duaje të afërmin tënd.”
Lluka 22:19–20	Jezu Krishti urdhëroi që të merrej sakramenti “në përkujtimin [e Tij]”.
Gjoni 17:3	“Dhe kjo është jeta e përjetshme, të të njohin ty, të vetmin Perëndi të vërtetë, dhe Jezu Krishtin.”
Lluka 24:36–39	“Sepse një frymë nuk ka mish e eshtra, si po shihni se unë kam!”

Doctrinal Master - Matthew - John

Kartat e mësimit përmendsh

Rregullojini udhëzimet e mëposhtme në bazë të fragmenteve të zotërimit doktrinor që do të studiohen në mësim. Nxënësit që kanë qasje në pajisje elektronike mund të përdorin një program për të krijuar kartat në pajisjet e veta. Në të kundërt, jepini një fletë secilit nxënës për këtë veprimtari.

Udhëzimet e mëposhtme bazohen në zgjedhjen tënde për të mësuar gjashtë referenca dhe frazat e tyre kyç. Nëse vendos të mësosh më shumë, atëherë mund ta përshtatësh veprimtarinë në një mënyrë që do të të lejojë të krijosh një numër të mjaftueshëm kartash.

Duke përdorur një anë të tërë të një flete, vizato dy kolona me tri kuti me madhësi të barabartë në çdo kolonë. Ktheje letrën nga ana tjetër dhe bëj të njëjtën gjë në atë anë. Zgjidh një nga mënyrat e mëposhtme për të krijuar kartat e mësimit përmendsh që mund të të ndihmojë t’i mësosh përmendsh këto referenca të shkrimit të shenjtë dhe fraza kyç.

Alternativa A: Kartat e mësimit përmendsh me figurë

1. Në njërën anë të letrës shkruaj një referencë të shkrimit të shenjtë që ke përzgjedhur në një kuti.

2. Ktheje letrën nga ana tjetër. Në të njëjtën kuti në anën e kundërt, vizato një figurë të thjeshtë që të të ndihmojë ta mbash mend frazën kyç të shkrimit të shenjtë për referencën. Për shembull, për vargjet te Mateu 5:14–16 mund të vizatosh diçka si më poshtë për të të ndihmuar të mbash mend frazën kyç: “Ashtu le të shndritë drita juaj para njerëzve”.

   Illustration of people with a lightbulb. One person is alone representing letting your light shine.

   Përsëriti këta hapa për secilin nga fragmentet e zotërimit doktrinor që keni zgjedhur për këtë mësim.

Alternativa B: Karta kujtese për referencat dhe frazat kyç

Në ditarin tënd të studimit, rishkruaj çdo fragment të zotërimit doktrinor që ke zgjedhur në një mënyrë që të ndihmon ta kuptosh më mirë mesazhin e fragmentit. Për shembull, mund ta rishkruash vargun te Gjoni 3:5 si më poshtë: “Jezusi shpjegoi se nuk mund të hysh në mbretërinë e qiellit pa u pagëzuar dhe pa marrë dhuratën e Frymës së Shenjtë”.

1. Në njërën anë të letrës, shkruaj një referencë të shkrimit të shenjtë në çdo kuti.

2. Ktheje letrën nga ana tjetër dhe shkruaj frazën kyç të shkrimit të shenjtë (shfaqet në tabelë) në kutinë që ka referencën e saktë në anën e kundërt. Bëje këtë për çdo kuti.

Prite secilën nga pjesët në karta dhe përdori për t’i mësuar përmendsh këto referenca dhe fraza kyç të shkrimit të shenjtë. Merr parasysh të kërkosh ndihmë nga pjesëtarët e familjes dhe miqtë për mësimin përmendsh.

Ndajini nxënësit në dyshe për të filluar mësimin përmendsh të fragmenteve dhe të frazave duke përdorur kartat. Jepuni nxënësve kohë të mjaftueshme për këtë veprimtari. Merrni parasysh t’u kërkoni nxënësve të ndërrojnë shokët ose shoqet çdo pak minuta. Kujtojuani skenarin me Silvanën dhe jepuni kohë për t’u përgjigjur për pyetjet e mëposhtme.

• Cilat fragmente dhe fraza kyç mendon se do të ishin më të dobishme për Silvanën dhe pse?

• Cilat të vërteta për Shpëtimtarin mund t’i tregosh asaj duke përdorur këto fragmente?

• Cilat janë disa nga mënyrat që mund të të ndihmojë mësimi përmendsh i referencave dhe të vërtetave nga shkrimet e shenjta?