Young family in New Zealand playing and laughing with their children outside their home. They are playing basketball, holding the children and laughing and watching a small boy ride a trike.
Kanus-a man ang kataposang higayon diin ikaw gipanton o gitul-id sa usa ka tawo? Giunsa nimo sa pagsanong? Nagmapasalamaton ba ikaw sa pagtul-id nga imong nadawat? Si Pablo misulat sa mga Santos nga Hebreohanon ug mipasabot kanila nga ang atong Langitnong Amahan kasagaran nagpakita sa Iyang gugma pinaagi sa pagtul-id kanato. Kini nga leksiyon makatabang kanimo nga makat-on sa unsang paagiha nga ang mapaubsanong pagtugyan ngadto sa pagtul-id gikan sa Langitnong Amahan mahimong makatabang kanimo nga makabaton og kalinaw ug mahimong mas susama Kaniya.
Pag-ampo kanunay alang sa mga estudyante. Ang Langitnong Amahan nakaila sa tagsa-tagsa ka mga estudyante. Sa imong pag-ampo ngadto Kaniya, Siya mahimong makatabang kanimo nga maila ang mga panginahanglanon sa mga estudyante ug magdasig kanimo og mga paagi aron matubag ang ilang mga panginahanglanon. Paminaw sa mga pangaghat nga lagmit moabot panahon sa leksiyon o samtang nag-andam ka sa pagtudlo.
Pagpangandam sa estudyante: Dapita ang mga estudyante sa paghunahuna og mga panahon diin sila nagmapasalamaton sa pagtul-id, gikan man sa Dios o sa usa ka tawo.
Posible nga mga Kalihokan sa Pagkat-on
Ang lumba sa kinabuhi
Ang Mga Hebreohanon 12:9 , nga usa ka tudling sa doktrinal nga kahanas, pagatun-an nga mas lawom sa sunod nga leksiyon. Kon ang panahon sa klase limitado ug usa lamang ka leksiyon sa Mga Hebreohanon 12 ang mahimong matudlo, ikonsiderar kon sa unsang paagi ang duha ka leksyon lagmit epektibong mahiusa.
Ipakita ang mosunod nga mga hulagway (o mga kaparehas niini).
Imahe
Rio , Brazil - 9 September 2016; Jason Smyth of Ireland on his way to winning the Men's 100m
Imahe
Athlete Track or Running Track with nice scenic
Sa dili pa tubagon sa mga estudyante ang mosunod nga mga pangutana diha sa ilang journal sa pagtuon, mahimong dapiton sila sa paghisgot sa manag paresan o sa gagmayng mga grupo giunsa nga ang kinabuhi susama sa usa ka lumba.
Sa imong journal sa pagtuon, paglista og mga paagi nga ang imong mortal nga kinabuhi daw sama sa usa ka layo nga lumba. Pananglitan, mahimo nimong tubagon ang mosunod:
Unsa ang nakapakapoy nimo o nakapaluya?
Unsa ang pipila sa mga paagi nga ikaw nakahimo og maayo sa lumba ug mga paagi nga ikaw mas makahimo og maayo?
Unsa nga destinasyon ka nagdagan paingon? Nganong ganahan ka niiini??
Nganong nagkinahanglan ka man og tabang sa paghuman sa lumba sa kinabuhi?
“[Pagdagan] nga malahutayon”
Gitandi ni Apostol Pablo ang atong kinabuhi sa usa ka lumba.Basaha ang Mga Hebreohanon 12:1–2 , nga mangita unsa ang gitudlo ni Pablo mahitungod sa unsang paagi kita magmalamposon sa dagan sa lumba sa kinabuhi. Timan-i nga ang “panganod sa mga saksi” nga nasulti diha sa bersikulo 1 nagpasabot sa mga ehemplo sa hugot nga pagtuo nga narekord diha sa Mga Hebreohanon 11 .
Unsay mipatigbabaw alang nimo niining mga bersikulo?
Sa unsang paagi nga ang pagsunod sa tambag ni Pablo makatabang kanato aron magmalamposon sa dagan sa lumba sa kinabuhi?
Gisulat ni Pablo sa bersikulo 2 nga ang Manluluwas nilahutay sa hagit sa paglansang sa krus pinaagi sa pagpokus sa “kalipay nga [giandam] diha sa iyang atubangan” ( Mga Hebreohanon 12:2). Si Presidente Russell M. Nelson mipasabot:
Imahe
Official portrait of President Russell M. Nelson taken January 2018
Unsa man ang kalipay nga giandam diha sa Iyang atubangan? Siguradong naglakip kini sa kalipay sa paglimpyo, pag-ayo, ug paglig-on kanato; sa kalipay gumikan sa pagbayad sa mga sala sa tanan kinsa maghinulsol; sa kalipay sa paghimong posible alang kaninyo ug kanako nga makauli—limpyo ug takos—aron nga mopuyo uban sa atong Langitnong mga Ginikanan ug mga pamilya.
Unsa ang gitudlo sa gipokus sa Manluluwas panahon sa Iyang Paglansang sa Krus mahitungod sa unsa ang Iyang gibati kanimo?
Sa unsang paagiha nga ang pagkasayod niini mahitungod ni Jesukristo nakatabang kanimo aron makasinati og kalipay bisan panahon sa kalisod?
Unsa ang pipila sa mga kalipay nga imong mapokus panahon sa kalisod sa imong kinabuhi?
Paglahutay sa pagpanton gikan sa Ginoo
Paghunahuna mahitungod sa usa ka higayon diin ang usa ka tawo nagtul-id kanimo ug unsa ang imong reaksiyon niana nga pagtul-id.
Unsa ang pipila sa mga rason nga ang mga tawo mopatul-id kanimo?
Ngano man nga usahay lisod ang tul-iron sa uban?
Kanus-a ka nagmapasalamaton alang sa pipila ka mga pagtul-id nga imong nadawat? Ngano man?
Mahimong ipakita ang mosunod nga pakisayran sa kasulatan ug ibutang ang mga estudyante sa gagmayng mga grupo aron tun-an ang tudling ug hisgotan ang kauban nga mga pangutana. Pagdapit og usa ka tawo gikan sa matag grupo aron mopaambit og pipila ka mga tubag nga pamati niya labing makatabang o makapasabot.
Basaha ang Mga Hebreohanon 12:5–7, 9–11 , nga mangita kon unsay gitudlo ni Pablo mahitungod sa pagpanton o pagtul-id.
Kon ang mga estudyante adunay mga pangutana mahitungod sa pulong nga anak sa gawas diha sa Mga Hebreohanon 12:8 , ipasabot nga kini nagpasabot sa kadtong natawo gawas sa kaminyoon, kinsa wala gikonsiderar nga legal nga mga manununod panahon ni Pablo.
Unsa ang gitudlo niini nga mga bersikulo mahitungod sa mga katuyoan sa Langitnong Amahan sa pagpanton kanato?
Rebyoha ang Mga Hebreohanon 12:10–11 og balik, nga mangita kon unsaon nimo pagkompleto ang mosunod nga kamatuoran:
Kon kita motugyan ngadto sa pagpanton gikan sa Langitnong Amahan …
Dapita ang mga estudyante sa pagpaambit sa ilang mga panabot. Kon gikinahanglan, tabangi sila sa pag-ila sa usa ka kamatuoran nga sama sa mosunod pinaagi sa pagpunting sa hugpong sa pulong nga “makaambit sa Iyang pagkabalaan” sa bersikulo 10 ug “magahatag sa bunga sa pagkamatarong ngadto kanila nga namatuto pinaagi niini.” sa bersikulo 11 .
Ania ang usa ka paagi nga imong makompleto kini nga kamatuoran: Kon motugyan kita sa pagpanton gikan sa Langitnong Amahan, mahimo kitang mas mahisama Kaniya ug makabaton sa kalinaw nga naggikan sa pagkamatarung.
Si Elder D. Todd Christofferson sa Korum sa Napulog Duha ka Apostoles naghatag sa mosunod nga mga panabot mahitungod sa pagpanton nga atong nadawat gikan sa Ginoo:
Imahe
Portrait of Elder D. Todd Christofferson. Photographed in March 2020.
Ang balaanon nga pagpanton adunay labing minos tulo ka mga katuyoan: (1) aron sa pag-awhag kanato sa paghinulsol, (2) aron sa paglimpyo ug sa pagbalaan kanato, ug (3) usahay aron sa pagpasubay kanato og balik sa dalan sa kinabuhi sa unsay nahibaloan sa Dios nga mas maayo nga dalan. …
… Kon kita andam nga modawat niini, ang gikinahanglan nga pagtul-id moabot diha sa daghang mga porma ug gikan sa daghang mga tinubdan. Kini mahimong moabot diha sa atong mga pag-ampo samtang ang Dios mosulti diha sa atong hunahuna ug kasingkasing pinaagi sa Espiritu Santo [tan-awa sa Doktrina ug mga Pakigsaad 8:2]. Kini moabot diha sa porma sa mga pag-ampo nga gitubag og dili o sa lahi nga paagi kay sa atong gilaoman. Ang pagpanton mahimong moabot samtang nagtuon kita sa mga kasulatan ug gipahinumduman sa mga kakulangan, pagkadili masulundon, o pagbalewala lang sa mga butang.
Base sa pahayag ni Elder Christofferson, unsa ang pipila sa mga paagi nga ang Langitnong Amahan lagmit magpanton o magtul-id kanato?
Sa unsang paagi nga ang pagtugyan ngadto sa pagpanton gikan sa Langitnong Amahan magdala og kalinaw ug magtabang kanimo aron mahimong mas susama Kaniya?
Unsa nga mga kasinatian ang imong nasinati diin ang pagpanton sa Langitnong Amahan nakatabang kanimo nga makapag og kalinaw ug mas mahisama Kaniya?
Sa unsang paagi nga kining maong kasinatian nakaimpluwensiya sa imong mga pagbati alang Kaniya?
Mahimong mopaambit og usa ka pananglit sa pagpanton sa Dios aron matabangan ang mga estudyante sa paghunahuna sa ilang kaugalingong mga kasinatian. Pagmabinantayon nga dili ipakigbahin ang bisan unsang personal ra kaayo o pribado.
Hatagi ang mga estudyante og igong panahon sa pagpamalandong ug pagkompleto sa mosunod nga kalihokan, ug dasiga sila sa pagbuhat sa bisan unsang mga pangaghat nga ilang madawat.
Pamalandongi kon unsa ang imong nakat-onan ug nabati karong adlawa nga makatabang kanimo sa imong kinabuhi. Irekord ang imong mga hunahuna ug mga impresyon, lakip na ang bisan unsang mga aksiyon nga imong giplanong buhaton base sa unsa ang imong nakat-onan ug nabati.
Komentaryo ug Background nga Impormasyon
Unsaon kaha kon gibati nako nga ako naulahi sa lumba sa kinabuhi?
Si Elder Jeffrey R. Holland sa Korum sa Napulog Duha ka Apostoles mipasabot:
Imahe
Official Portrait of Elder Jeffrey R. Holland. Photographed January 2018.
Wala kita sa kontest kon si kinsa ang pinakadatu o ang pinakadaghan og talento o pinaka maanyag o gani ang pinakadaghan og panalangin. Ang kontest nga anaa gayod kita mao ang kontest batok sa sala.
(Jeffrey R. Holland, “Mga Mamumuo sa Ubasan,” Liahona, Mayo 2012, 31)
Sa unsang paagi nga ang pagpanton sa Langitnong Amahan nagpakita sa Iyang gugma alang kanato?
Si Elder Taniela B. Wakolo sa Kapitoan naghulagway sa mga pananglit gikan sa iyang kaugalingong kinabuhi ug sa kinabuhi ni Joseph Smith nga mipakita sa gugma sa Dios diha sa pagpanton.
Ang kasulatan mipamatuod sa daghang katuyoan sa pagpanton sa Ginoo. Sa Mga Hebreohanon 12:10 , mitudlo si Pablo nga ang Ginoo mokorehir kanato “alang sa atong kaayohan, aron kita makaambit sa iyang pagkabalaan.” Ang Iyang pagkorehir “magahatag sa bunga sa pagkamatarung ngadto kanila nga namatuto pinaagi niini” ( Mga Hebreohanon 12:11). Ang pagkorehir sa Ginoo mahitabo pinaagi sa daghang matang, ug kanunay kining nagtabang sa pagtudlo sa mga indibidwal ingon man usab sa paghatag sa gikinahanglan nga pagkorehir. Ang pagpanton makatabang sa mga tawo nga mahinumdom sa Ginoo, maghinulsol, makadawat og kapasayloan ug kaluwasan, makat-on sa pagkamasulundon, ug mahimong lunsay sama sa bulawan (tan-awa sa Helaman 12:3 ; Doktrina ug mga Pakigsaad 1:27 ; 95:1 ; 105:6 ; Job 23:10).
Si Elder D. Todd Christofferson sa Korum sa Napulog Duha ka Apostoles miingon kabahin sa pagpanton sa Ginoo:
Imahe
Portrait of Elder D. Todd Christofferson. Photographed in March 2020.
Ang pagkorehir mahinungdanon kaayo kon gusto kita nga mapahiangay ang atong mga kinabuhi “makakab-ot sa kahamtong sa pagkatawo, [nagpasabot nga,] sa sukod sa gidak-on sa kahupnganan ni Kristo” ( Mga Taga-Efeso 4:13). Si Pablo naghisgot kabahin sa balaanong pagtul-id o pagpanton, “Kay ang Ginoo nagapanton kaniya nga iyang ginahigugma” ( Mga Hebreohanon 12:6). Bisan tuod nga sa kanunay lisod kining antoson, sa pagkatinuod angay kita nga malipay nga ang Dios mikonsiderar kanato nga angayan sa Iyang panahon ug kahasol aron sa pagkorehir kanato.
(D. Todd Christofferson, “Ako Nagabadlong ug Nagapanton sa Akong Gihigugma,” Liahona, Mayo 2011, 98)
Aron matabangan ang mga estudyante nga mas makasabot sa unsa ang gipasabot ni Pablo sa hugpong sa pulong nga “panganod sa mga saksi,” lagmit makatabang ang paghisgot nga ang usa ka panganod mahimong mapasabot nga “usa ka dasok nga panon, dakong pundok sa mga tawo” (James Strong, The New Strong’s Expanded Exhaustive Concordance of the Bible [2010], Greek dictionary nga bahin, entry 3509).
Dapita ang mga estudyante sa paglista sa kadtong ilang gikonsiderar nga usa ka saksi kanila nga ang ebanghelyo ni Jesukristo tinuod. Mahimo silang magsugod sa mga buhing tawo ug dayon ngadto sa kadtong mga nangamatay na. Mahimong modapit og pipila ka mga estudyante sa pagpaambit sa unsang paagi nga kining “panganod sa mga saksi” mahimong makadasig o nakadasig kanila samtang sila nagpadayon sa kinabuhi.
Kon makaayo sa mga estudyante ang panaghisgot kon unsaon pagdawat og pagtul-id, mahimo nilang basahon ang Mga Hebreohanon 12:5–7, 9–11 , nga mangita kon sa unsang paagi si Pablo misugyot kanato sa pagdawat sa pagpanul-id gikan sa Ginoo. Mahimong dapiton ang mga estudyante sa paghunahuna mahitungod sa unsa ang gikadugang sa mosunod nga mga pulong o mga hugpong sa pulong sa ilang pagsabot mahitungod sa unsaon nato pagdawat sa pagpanton sa Ginoo: “ayaw pagtamaya … o [p]agkaluya” ( bersikulo 5), “lahutay sa … giantos” ( bersikulo 7), “[tahora]” ug itugyan ang kaugalingon ( bersikulo 9), ug bansaya o sunda ang pagpanton (tan-awa ang bersikulo 11).
Dapita ang mga estudyante sa pag-ila sa Kristohanong mga hiyas nga gikinahanglan kon kita modawat sa pagtul-id sa Dios sa niini nga mga paagi. Mahimo silang mopili og usa ka Kristohanong hiyas nga gusto nilang mapalambo ug magmugna og usa ka plano sa pagbuhat sa ingon.
