Mga Hebreohanon 7–13

Kinatibuk-ang Pagpasabot

Sa ikaduhang ikatungang bahin sa iyang sulat ngadto sa Mga Hebreohanon, gitudlo pag-ayo ni Pablo ang importansiya sa hugot nga pagtuo diha kang Jesukristo. Siya nagsaysay og daghang mga ehemplo sa kasulatan sa mga indibidwal kinsa milihok uban sa hugot nga pagtuo kang Kristo ug napanalanginan. Siya mitudlo usab mahitungod sa kinaiya sa Dios, nagpasabot sa Dios isip “[tigganti...kanila nga] nangita Kaniya” (Mga Hebreohanon 11:6) ug isip “Amahan sa mga espiritu” (Mga Hebreohanon 12:9). Iya kitang gidasig nga “[ayaw pagtamaya] … ang pagpanton gikan sa Ginoo, … kay ang Ginoo nagapanton kaniya nga Iyang gihigugma” (Mga Hebreohanon 12:5–6).

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang mahimong kinahanglan nga andamon nang daan para sa kada leksiyon:

Mga Hebreohanon 11, Bahin 1

Katuyoan sa leksiyon: Kini nga leksiyon mahimong makatabang sa mga estudyante nga makasabot unsa ang hugot nga pagtuo kang Jesukristo ug nganong importante kini sa ilang personal nga kinabuhi.

Pagpangandam sa estudyante: Dapita ang mga estudyante sa pagkompleto sa pamahayag “Ang hugot nga pagtuo mao ang ________” ug aron maandam sa pagpakigbahin sa ilang mga tubag sa klase.

Content nga ipakita: Pag-andam aron ipakita ang mga kapanguhaan ug mga pangutana alang sa kalihokan sa pagtuon sa estudyante sa kataposan sa leksiyon.

Sugyot sa pagtudlo pinaagi sa videoconference: Gamita ang whiteboard nga function sa imong videoconferencing software aron tugotan ang mga estudyante sa pagsulat sa ilang mga kahulugan sa hugot nga pagtuo aron makita sa klase o sa pagsulat og usa ka kahulugan isip usa ka klase. Ang mga estudyante mahimong dasigon sa tibuok leksiyon nga ipahiangay ang ilang mga kahulugan o ang kahulugan nga ilang gisulat nga magkauban.

Mga Hebreohanon 11, Bahin 2

Katuyoan sa leksiyon: Kini nga leksiyon mahimong makatabang sa mga estudyante nga madugangan ang ilang tinguha sa pagkinabuhi nga may hugot nga pagtuo diha ni Jesukristo ug sa pag-ila sa mga panalangin nga gihatag sa Dios kanila tungod sa ilang hugot nga pagtuo.

Pagpangandam sa estudyante: Dapita ang mga estudyante sa paghunahuna mahitungod kon giunsa sila o ang tawo nga ilang kaila napanalanginan sa Dios tungod kay sila milihok diha sa ilang hugot nga pagtuo. Dasiga sila nga mangandam sa pagpaambit og usa ka kasinatian ngadto sa klase.

Mga Hulagway: Pag-andam aron sa pagpakita sa mga hulagway sa mga indibidwal diha sa mga kasulatan o gikan sa kasaysayan sa Simbahan kinsa nagpakita og hugot nga pagtuo diha kang Jesukristo.
Bidyo: “Putli ug Yanong Hugot nga Pagtuo” (5:21)

Sugyot sa pagtudlo pinaagi sa videoconference: Ikonsiderar ang pag-assign sa mga estudyante sa pagtuon og lainlain nga mga bersikulo gikan sa Mga Hebreohanon 11 mahitungod sa mga ehemplo sa hugot nga pagtuo. Ang mga estudyante mahimo dayon nga ibutang sa mga breakout room kauban ang ubang mga estudyante kinsa nagtuon og lainlaing mga bersikulo, ug silang tanan mahimong mopaambit unsa ang ilang nakat-onan gikan sa mga bersikulo nga ilang natun-an.

Mga Hebreohanon 12

Katuyoan sa leksiyon: Kini nga leksiyon mahimong makatabang sa mga estudyante nga makat-on sa unsang paagi nga ang mapaubsanong pagpaubos sa pagpanul-id gikan sa Langitnong Amahan mahimong makatabang kanila nga makabaton og kalinaw ug mahimong mas susama Kaniya.

Pagpangandam sa estudyante: Dapita ang mga estudyante sa paghunahuna og mga panahon diin sila nagmapasalamaton sa pagpanul-id, gikan man sa Dios o sa usa ka tawo.

Mga Hulagway: Pag-andam sa pagpakita og mga hulagway sa usa ka dumadagan [runner] nga daw gikapoy ug usa ka dalan alang sa lumbaanay.

Sugyot sa pagtudlo pinaagi sa videoconference: Aron sugdan ang klase, mahimong magmugna og usa ka online nga pagpangayo og opinyon ug dapiton ang mga estudyante sa pagpaambit nga dili magpaila sa mga paagi nga ang ilang kinabuhi sa kasamtangan mibati sama sa usa ka layong distansiya nga lumba.

Mga Hebreohanon 12:9

Katuyoan sa leksiyon: Kini nga leksiyon gituyo aron matabangan ang mga estudyante nga mas makaila sa Langitnong Amahan ug makasabot sa unsang paagi nga ang ilang kahibalo ug relasyon diha Kaniya mahimong positibong makaapekto sa ilang kinabuhi.

Pagpangandam sa estudyante: Dapita ang mga estudyante sa pagbasa sa liriko sa “Ako Anak sa Dios” (Mga Himno, nu. 189) ug sa paghunahuna sa unsang paagi nga kini nga kahibalo sa ilang pagkatawo makaimpluwensya sa ilang mga kinabuhi.

Pagpamatuod kon sa unsang paagi nga ang pagkaila sa Dios ug sa atong balaang relasyon Kaniya makaapekto sa atong mga kinaiya ug batasan.

Doktrinal nga Kahanas: Mga Hebreohanon 12:9

Katuyoan sa leksiyon: Kini nga leksiyon makatabang sa mga estudyante nga makamemorya sa pakisayran sa doktrinal nga kahanas ug sa mahinungdanong hugpong sa mga pulong sa kasulatan alang sa Mga Hebreohanon 12:9 , makapasabot sa doktrina, ug makagamit sa mga baroganan sa pag-angkon og espirituhanong kahibalo sa tinuod nga kahimtang sa kinabuhi.

Pagpangandam sa estudyante: Dapita ang mga estudyante sa paghunahuna og mga sitwasyon nga giatubang sa mga tinedyer diin kini mahimong makatabang kanila nga makasabot o makahinumdom nga sila mga anak sa Langitnong Amahan.

Sugyot sa pagtudlo pinaagi sa videoconference: Ikonsiderar ang pagbutang sa mga estudyante ngadto sa mga breakout room diin sila makahimo sa pagbuhat nga managpares o sa gagmayng mga grupo nga magtinabangay paghunahuna og pipila ka mga paagi nga ilang matubagan ang mga blangko sa pagbansay nga kalihokan sa paggamit nga senaryo. Tugoti ang mga estudyante sa pagpaambit ngadto sa klase og mga senaryo nga ilang nahimo.