Еврей 12
“Учир нь, хайрладаг хүнээ Эзэн сахилгажуулдаг”
Таныг хэзээ хамгийн сүүлд хэн нэгэн сахилгажуулж эсвэл засаж залруулж байсан бэ? Та үүнд нь хэрхэн хариулсан бэ? Та хэзээ нэгэн цагт залруулга авсандаа талархаж байсан уу? Паул еврей гэгээнтнүүдэд захиа бичин Тэнгэрлэг Эцэг маань ихэвчлэн биднийг засаж залруулах замаар хайраа харуулдаг гэдгийг тайлбарласан. Энэ хичээл нь Тэнгэрлэг Эцэгийн залруулгыг даруухнаар хүлээн авах нь амар амгаланг олж, Түүнтэй адилхан болоход хэрхэн танд туслах талаар олж мэдэхэд тусална.
Суралцагчдын төлөө тогтмол залбирах. Тэнгэрлэг Эцэг суралцагч бүрийг нэг бүрчлэн мэддэг. Та Түүнд залбирснаар Тэр суралцагчдын хэрэгцээ шаардлагыг ойлгож мэдэхэд танд тусалж, тэдний хэрэгцээ шаардлагыг хангах арга замуудыг санал болгож болно. Хичээлийн туршид эсвэл хичээл заахаар бэлдэх үед танд төрөх өдөөлтийг сонс.
Суралцагчийн бэлтгэл: Суралцагчдыг Бурханаас эсвэл өөр хэн нэгнээс ирсэн эсэхээс нь үл хамааран залруулга авсандаа талархаж байсан үеэ бодоход урь.
Боломжит суралцах үйл ажиллагаа
Амьдралын уралдаан
Төгс эзэмших сургаалын судрын хэсэг болох Еврей 12:9 -ийг дараагийн хичээлээр илүү гүнзгийрүүлэн судална. Хэрэв хичээлийн цаг хүрэлцэхгүй, Еврей 12-ийг ганц л хичээлээр заах боломжтой бол хоёр хичээлийг хэрхэн үр дүнтэй нэгтгэж болох талаар бодож үз.
Дараах (эсвэл төстэй) зургуудыг үзүүл.
Суралцагчдыг судлах тэмдэглэлдээ дараах асуултуудад хариулахын өмнө амьдрал хэрхэн уралдаантай адилхан болох талаар хоёр хоёроороо эсвэл жижиг бүлгээр ярилцахад урих талаар бодож үз.
Судлах тэмдэглэлдээ таны мөнх бус амьдрал аль талаараа холын замын уралдаан шиг санагддаг болохыг жагсаан бич. Жишээлбэл: Та дараах асуултуудад хариулж болно.
-
Юу таныг ядрааж, цуцаадаг вэ?
-
Та уралдаанд ямар байдлаар сайн оролцож байна вэ, мөн юун дээрээ ажиллах хэрэгтэй байна вэ?
-
Таны гүйлтийн эцсийн зогсоол юу вэ? Яагаад тэнд хүрэхийг хүсэж байна вэ?
-
Яагаад амьдралын уралдааныг дуусгахад танд тусламж хэрэгтэй байна вэ?
“Тэвчээртэйгээр гүйх”
Төлөөлөгч Паул бидний амьдралыг уралдаантай зүйрлэсэн. Еврей 12:1–2 -ыг уншаад, бид амьдралын уралдаанд хэрхэн амжилттай гүйж болох талаар Паул юу гэж заасныг олж мэд. 1-р шүлэгт дурдсан “хүрээлэн буй үүл” гэдэг нь Еврей 11 -д цэдэглэсэн итгэлийн жишээг хэлж байгааг анхаарна уу.
-
Энэ шүлгээс юу нь танд онцгой санагдсан бэ?
-
Паулын зөвлөгөөг дагах нь хэрхэн бидэнд амьдралын уралдаанд амжилттай гүйхэд туслах вэ?
Паул 2-р шүлэгт Аврагч “өмнө нь тавигдсан баяр баясгалан” ( Еврей 12:2) дээр төвлөрөх замаар цовдлолын хүнд хэцүүг хэрхэн тэвчсэн болохыг онцолсон. Ерөнхийлөгч Рассэлл М. Нэлсон ийн тайлбарласан.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd5%2Fa0%2Fd5a0ec4375f63270222ac2b215cc0d8d2be8bb89%2Fd5a0ec4375f63270222ac2b215cc0d8d2be8bb89.jpeg/full/!250,/0/default)
ЗурагOfficial portrait of President Russell M. Nelson taken January 2018Тэгэхлээр Түүнд ямар баяр баясгалан байсан бэ? Үүнд цэвэршүүлэх, эдгээх, биднийг хүчирхэгжүүлэхийн баяр баясгалан мөн наманчилсан бүх хүний нүглийн төлөөсийг төлөхийн, танд болон надад Тэнгэрлэг Эцэг Эх, гэр бүлдээ цэвэр, зохистой эргэн очиж, хамт амьдрах боломжийг олгохын баяр баясгалан багтах нь гарцаагүй.
(Рассэлл М.Нэлсон, “Баяр баясгалантай байж, сүнслэг байдлын хувьд тэсэж үлдэх нь,” Ensign, Nov. 2016, 83 эсвэл 2016 оны 10-р сарын Ерөнхий чуулган, 72–73)
-
Цовдлолтын үеэр Аврагч юунд төвлөрч байсан нь Тэр таны талаар юу гэж боддог талаар юу зааж байна вэ?
-
Есүс Христийн талаар үүнийг мэдэх нь хүнд хэцүү цаг үед ч гэсэн баяр баясгаланг мэдрэхэд хэрхэн танд туслах вэ?
-
Амьдралынхаа хүнд хэцүү цаг үед та ямар ямар баяр баясгалан дээр төвлөрч болох вэ?
Их Эзэний сахилгажуулалтыг тэвчих
Хэн нэгэн таныг засаж залруулж байсныг мөн та үүнд нь хэрхэн хандаж байснаа бод.
-
Хүмүүс таныг ямар ямар шалтгаанаар засаж залруулж байсан бэ?
-
Бусдаар засуулж залруулагдах нь яагаад заримдаа хэцүү байдаг вэ?
-
Та авч байсан зарим залруулгадаа хэзээ талархаж байсан бэ? Яагаад?
Дараах судрын эшлэлийг үзүүлээд, суралцагчдыг жижиг бүлгүүдэд хувааж уг судрын хэсгийг судалж, холбогдох асуултуудыг ярилцах боломж олгох талаар бодож үз. Бүлэг тус бүрээс нэг хүнийг нэн тустай эсвэл гүн ойлголт өгнө гэж бодож байгаа хэдэн асуултаа хуваалцахад урь.
Еврей 12:5–7, 9–11 -ийг уншаад, сахилгажуулалт эсвэл залруулгын талаар Паулын юу гэж заасныг олж мэд.
Хэрэв суралцагчдад Еврей 12:8 дээрх бутач гэх үгийн талаар асуулт байвал энэ нь Паулын амьдарч байсан цаг үед гэрлэлтээс гадуур төрсөн, хууль ёсны өв залгамжлагч гэж тооцогддоггүй хүүхдийг хэлдэг байсныг тайлбарла.
-
Биднийг сахилгажуулах Тэнгэрлэг Эцэгийн зорилгын талаар эдгээр шүлэгт юу гэж зааж байна вэ?
Еврей 12:10–11 -ийг дахин уншаад, дараах үнэнийг хэрхэн гүйцээж бичиж болохыг олж мэд.
Хэрэв бид Тэнгэрлэг Эцэгийн сахилгажуулалтыг хүлээн авбал …
Суралцагчдыг ойлголтоо хуваалцахад урь. Шаардлагатай бол тэдэнд 10-р шүлэг дэх “Түүний ариун чанарыг хуваалцах” мөн 11-р шүлэг дэх “энэ нь түүгээр дасгалжсанд нь зөвт байдлын амар амгалан бүхий үр жимсийг гаргаж өгдөг” гэсэн хэллэгийг онцлох замаар дараахтай ижил төстэй үнэнийг тодорхойлоход тусал.
Энэ үнэнийг Хэрэв бид Тэнгэрлэг Эцэгийн сахилгажуулалтыг хүлээн авбал бид Түүнтэй илүү адилхан болж, зөв шударгаас ирэх амар амгаланг хүлээн авах боломжтой гэж гүйцээн бичиж болно.
Арван хоёр төлөөлөгчийн чуулгын ахлагч Д. Тодд Кристоффэрсон бидний Их Эзэнээс хүлээн авдаг сахилгажуулалтын талаар дараах ойлголтыг өгсөн.
ЗурагPortrait of Elder D. Todd Christofferson. Photographed in March 2020.Бурханлаг зэмлэл нь (1) биднийг наманчлахад чиглүүлэх, (2) төгөлдөржүүлж, ариусгах (3) бидний амьдралын замыг Бурханы мэдэх илүү сайн зам уруу өөрчлөн чиглүүлэх гэсэн гурван зорилготой юм …
… Хэрэв бид хүлээн авахад бэлэн байвал бидэнд хэрэгтэй залруулга олон хэлбэр, эх сурвалжаас ирнэ. Энэ нь биднийг залбирах үеэр Бурхан Ариун Сүнсээр дамжуулан бидний оюун ухаан, зүрх сэтгэлд ярихад ирж болно [ Сургаал ба Гэрээ 8:2 -ыг үзнэ үү]. Энэ нь “үгүй” хэмээх хариулт бүхий залбирал маягаар эсвэл бидний төсөөлснөөс өөрөөр ирж болно. Биднийг судраас суралцах үед, сул тал, дуулгаваргүй байдал эсвэл анхаарлаа хандуулалгүй орхисон энгийн асуудлуудыг эргэн сануулах үед сахилгажуулалт ирж болно.
(Д.Тодд Кристоффэрсон, “Би хайрладаг хүмүүсээ зэмлэдэг, сахилгажуулдаг юм,” Ensign, May 2011, 98, 100 эсвэл 2011 оны 4-р сарын Ерөнхий чуулган, 104–107)
-
Ахлагч Кристоффэрсоны мэдэгдэл дээр тулгуурлавал Тэнгэрлэг Эцэг биднийг ямар арга замаар сахилгажуулж эсвэл засан залруулдаг вэ?
-
-
Тэнгэрлэг Эцэгийн сахилгажуулалтыг хүлээн авах нь Түүнтэй илүү адилхан болж, амар амгаланг авчрахад тань хэрхэн туслах вэ?
-
Танд Тэнгэрлэг Эцэгийн сахилгажуулалт амар амгаланг олж авахад эсвэл Түүнтэй илүү адилхан болоход тусалж байсан ямар туршлага байдаг вэ?
-
Энэ туршлага Түүний талаарх таны бодол санаанд хэрхэн нөлөөлсөн бэ?
Өөрсдийн туршлагын талаар бодоход нь суралцагчдад туслахын тулд Бурханаас сахилгажуулалт хүртэж байгаа жишээг хуваалцах талаар бодож үз. Хэт хувийн шинж чанартай аливаа зүйлийг хуваалцахгүй байхад анхаар.
Суралцагчдад дараах үйл ажиллагааг хийж гүйцэтгэн, тунгаан бодох хангалттай цаг өгөөд, төрсөн аливаа сэтгэгдлийнхээ дагуу үйлдэхэд уриал.
Амьдралд тань тус болох өнөөдөр олж мэдэж, мэдэрсэн зүйлээ эргэцүүлэн бод. Олж мэдэж, мэдэрсэн зүйл дээрээ үндэслэн өөрийн бодол санаа, сэтгэгдлийг, үүнд хийхээр төлөвлөж буй аливаа үйлдлээ бичиж тэмдэглэ.
Тайлбар ба нөхцөл байдлын талаарх мэдээлэл
Амьдралын уралдаанд бусдаас хоцорч байгаа мэт санагдвал яах вэ?
Арван хоёр төлөөлөгчийн чуулгын ахлагч Жэффри Р. Холланд ийн тайлбарласан.
ЗурагOfficial Portrait of Elder Jeffrey R. Holland. Photographed January 2018.Бид хоорондоо хэн нь хамгийн баян мөн хамгийн авьяастай, хэн нь хамгийн царайлаг эсвэл бүр хамгийн их адислагдсаныг үзэхээр уралдан тэмцэлдэж байгаа биш. Харин бидний үнэхээр тэмцэлдэж байдаг зүйл бол нүгэл хилэнц юм.
(Жэффри Р.Холланд, “Талбайд хөдөлмөрлөгсөд,” Ensign, May 2012, 31 эсвэл 2012 оны 4-р сарын Ерөнхий чуулган, 33)
Тэнгэрлэг Эцэгийн сахилгажуулалт Түүний биднийг гэх хайрыг хэрхэн харуулдаг вэ?
Далын ахлагч Таниэла Б. Ваколо сахилгажуулалтаас Бурханы хайрыг харж болох өөрийн болон Иосеф Смитийн амьдралын жишээнүүдийг дүрслэн ярьсан.
Эдгээр жишээг харахын тулд “Бурхан хүүхдүүдээ хайрладаг” видеог цагийн код 5:23-аас 8:04 хүртэл үзнэ үү.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Faa%2Fab%2Faaabba66357ba667730f92f51c55e5420e91a449%2Ftaniela_b_wakolo_god_loves_his_children.jpeg/full/!250,/0/default)
Судрууд нь Их Эзэний сахилгажуулалт олон зорилготой болохыг баталдаг. Еврей 12:10 -т Паул Их Эзэн “бидний сайн сайхны төлөө … Түүний ариун чанарыг хуваалцах” боломж олгохын тулд биднийг засаж залруулдаг болохыг заасан. Түүний залруулга нь “түүгээр дасгалжсанд нь зөвт байдлын амар амгалан бүхий үр жимсийг гаргаж өгдөг” ( Еврей 12:11). Их Эзэний залруулга олон янз байж болох бөгөөд энэ нь үргэлж хувь хүнд заахад тусалж, шаардлагатай залруулгыг өгдөг. Сахилгажуулалт нь хүмүүст Их Эзэнийг санаж, наманчилж, уучлал ба ангижралыг хүлээн авч, дуулгавартай байхад суралцаж, алт шиг цэвэршүүлэгдэхэд нь тусалдаг ( Хиламан 12:3 ; Сургаал ба Гэрээ 1:27 ; 95:1 ; 105:6 ; Иов 23:10 -ыг үзнэ үү).
Арван хоёр төлөөлөгчийн чуулгын ахлагч Д. Тодд Кристоффэрсон Их Эзэний сахилгажуулалтын талаар ийн хэлсэн.
ЗурагPortrait of Elder D. Todd Christofferson. Photographed in March 2020.Хэрэв бид өөрсдийн амьдралыг “төлөвшсөн хүн болтлоо, Христийн дүүрэл чанарын хэмжээнд хүртлээ” нийцүүлнэ гэвэл залруулга зайлшгүй чухал юм ( Ефес 4:13). Бурханлаг залруулга буюу сахилгажуулалтын тухай Паул “Учир нь, хайрладаг хүнээ Эзэн сахилгажуулдаг” ( Еврей 12:6) гэжээ. Энэ нь ихэвчлэн хэцүү байдаг ч Бурхан бидний алдаа дутагдлыг залруулахад цаг заваа зориулж, анхаарал тавихуйц үнэ цэнтэй гэдэгтээ бид баярлах хэрэгтэй.
(Д.Тодд Кристоффэрсон, “Би хайрладаг хүмүүсээ зэмлэдэг, сахилгажуулдаг юм,” Ensign, May 2011, 97–98 эсвэл 2011 оны 4-р сарын Ерөнхий чуулган, 104–107)
Нэмэлт суралцах үйл ажиллагаа
Еврей 12:1. “Үүл мэт гэрч нар”
Паул “үүл мэт гэрч нар” гэсэн үг хэллэгээр ямар утгыг илэрхийлсэн болохыг илүү сайн ойлгоход нь суралцагчдад туслахын тулд үүл гэдэг нь “бөөгнөрсөн шигүү, багширсан” гэсэн утгыг илэрхийлж байгааг хэлэх нь тустай байж болох юм (James Strong, The New Strong’s Expanded Exhaustive Concordance of the Bible [2010], Greek dictionary section, entry 3509).
Суралцагчдыг тэдний хувьд Есүс Христийн сайн мэдээ үнэн гэдгийн гэрч гэж үздэг хүмүүсийнхээ жагсаалтыг гаргахад урь. Тэд амьд байгаа хүмүүсээс эхлэн нас барсан хүмүүс рүү орж болно. Хэдэн суралцагчийг амьдралын туршид өсөж хөгжихөд нь энэхүү “үүл мэт гэрч нар” тэднийг хэрхэн урамшуулдаг буюу урамшуулж байсан талаар хуваалцахад урь.
Еврей 12:5–7, 9–11. Залруулгыг хэрхэн хүлээн авах вэ?
Хэрэв залруулга хэрхэн хүлээн авах талаар ярилцах нь суралцагчдад тустай гэж үзвэл тэд Еврей 12:5–7, 9–11 -ийг уншаад, Их Эзэнээс залруулга хэрхэн авах талаар Паулын юу гэж зөвлөснийг олж мэдэж болно. Суралцагчдыг дараах үг эсвэл хэллэг Их Эзэний сахилгажуулалтыг хэрхэн хүлээн авах талаарх ойлголтод нь юу нэмэрлэж байгааг бодож үзэхэд урь: “бүү хөнгөн үз … сэтгэлээр бүү уна” ( 5-р шүлэг), “сахилгажуулалтыг тэвч” ( 7-р шүлэг), “хүндэл” мөн захирагдан амьдар ( 9-р шүлэг), сахилгажуулалтаар дасгалжих буюу дагах ( 11-р шүлгийг үзнэ үү).
Хэрэв бид эдгээр арга замаар Бурханы залруулгыг хүлээн авахыг хүсвэл шаардагдах Христийнхтэй адил зан чанаруудыг тодорхойлоход суралцагчдыг урь. Тэд хөгжүүлэхийг хүсэж байгаа Христийнхтэй адил зан чанараа сонгоод, үүнийгээ хөгжүүлэх төлөвлөгөө гаргаж болно.