Եբրայեցիս 3-4

Մտնել Տիրոջ հանգիստը

Մեր երկնային Հայրը և Հիսուս Քրիստոսը ցանկանում են մեզ օրհնել Իրենց ամենահարուստ օրհնություններով: Անհավատությունը և անգթությունը շատերին են խանգարում ստանալ այդ օրհնությունները: Խրախուսելով Սրբերին ազատվել անհավատ մոտեցումներից, Պողոսը ձգտում էր օգնել նրանց վերականգնել իրենց ուխտերը: Այս դասի նպատակն է օգնել ձեզ հաղթահարել անհավատությունը և ստանալ Փրկչի կողմից խոստացված օրհնությունները:

Լսեք ուսանողներին՝ նրանք կարիքներն ավելի լավ հասկանալու համար Երբ ուսանողները պատասխանում են հարցերին կամ կիսվում են փորձառություններով, ուշադիր լսեք, թե նրանք ինչ են ասում: Երբ դուք լսում ենք նրանց և ուշադրություն եք դարձնում Սուրբ հոգու հուշումներին, դուք կարող եք ավելի լավ հասկանալ նրանց կարիքները:

Ուսանողի նախապատրաստում. Ուսանողներին առաջարկեք մտածել, թե նրանք ինչու են հավատում Հիսուս Քրիստոսին, և ինչպես են օրհնված՝ Նրան հավատալու համար:

Հնարավոր ուսումնական վարժություններ

Մեր հավատքն առ Հիսուս Քրիստոսը

Տասներկու Առաքյալների Քվորումից երեց Նիլ Լ. Անդերսենը նկարագրել է, թե որն է աշխարհի այսօրվա խնդիրը.

Մենք խոսում ենք Քրիստոսի մասին

Աշխարհի որոշ մասերում, որտեղ Հիսուս Քրիստոսի անունը դարերով է հռչակվել, Նրա հանդեպ հավատքը նվազում է: Եվրոպայի անվեհեր Սրբերը տասնամյակների ընթացքում տեսել են, թե ինչպես է իրենց երկրներում հավատքը անկում ապրում: Ցավոք, այստեղ՝ Միացյալ Նահանգներում, հավատը նույնպես նահանջում է: Վերջերս կատարված ուսումնասիրությունը պարզել է, որ վերջին տասը տարիների ընթացքում ԱՄՆ-ում 30 միլիոն մարդ հեռացել է Հիսուս Քրիստոսի աստվածությանը հավատալուց: Ամբողջ աշխարհում անցկացված մեկ այլ ուսումնասիրություն կանխատեսում է, որ առաջիկա տասնամյակների ընթացքում քրիստոնեությունից հեռանալու է երկու անգամ ավելի շատ մարդ, քան նրանք, ովքեր ընդունելու են այն:

(Նիլ Լ. Անդերսեն, «Ձեր հավատքի փորձությունը», Ensign կամ Լիահոնա, նոյեմբեր 2020, 88):

• Որոնք են այն հետևանքները, որոնց Հիսուս Քրիստոսին չհավատացող մարդիկ կարող են տեսնել այժմ և ապագայում:

Սա կարող է հնարավորություն լինել ուսանողներին իրենց պատրաստվածության մասին հիշեցնելու համար:

Մտածեք Հիսուս Քրիստոսի հանդեպ ձեր հավատքի մասին:

• Ձեր կարծիքով, որքա՞ն հզոր է ձեր հավատքը Հիսուս Քրիստոսի հանդեպ:

• Նրան հավատալու որոշումն ինչպե՞ս կարող է օրհնել ձեր կյանքը:

Պողոսի ուսմունքները Իսրայելի զավակների մասին

Եբրայեցիներին ուղղված իր նամակում Պողոսը ընդունել է, որ հալածանքի պատճառով դարձի եկած որոշ մարդիկ որոշել էին հրաժարվել Հիսուս Քրիստոսի հանդեպ իրենց հավատքից:

Կարդացեք Եբրայեցիս 3.7-19 հատվածները՝ փնտրելով, թե որ պատմական իրադարձությանն է Պողոսն անդրադարձել, որպեսզի եբրայեցիներին օգնի հասկանալ անհավատության վտանգը:

Խնդրեք ուսանողներին կիսվել իրենց գտած նյութով: Հնարավորության դեպքում ուսանողներից մեկին խնդրեք ամփոփել Մովսեսի և Իսրայելի զավակների մասին պատմությունը: Անհրաժեշտության դեպքում օգտագործեք հետևյալ պարբերության տեղեկությունը:

«Փորձութեան օրը անապատի մէջ» ( Եբրայեցիս 3.8) վերաբերում է այն ժամանակներին, երբ Եգիպտոսից ազատվելուց հետո իսրայելացիները բարկացրին Տիրոջը և զրկվեցին Նրա օրհնություններից (տես Թվոց 14 , Հակոբոս 1.7–8 , Ալմա 12.33–37):

• Ո՞ր օրհնություններից էին զրկվել Իսրայելի զավակները: Ինչո՞ւ:

Տիրոջ հանգիստը

Երկնային Հայրը և Հիսուս Քրիստոսը ցանկանում են, որ մենք զգաք Իրենց հանգիստը: Ուսումնասիրեք հետևյալ հատվածը և մարգարեական հայտարարությունը, որպեսզի իմանաք, թե ինչ է նշանակում Տիրոջ հանգիստը: Օգտակար կլինի փնտրել « հանգիստ » բառը Սուրբ գրքերի ուղեցույցում՝ առկայության դեպքում:

Կարդացեք Վարդապետություն և Ուխտեր 84.24 հատվածը՝ Տիրոջ հանգստի մասին ավելին իմանալու համար (տես նաև Ալմա 13.6, 12-13, 28-29):

Նախագահ Ջոզեֆ Ֆ. Սմիթը (1838–1918) ուսուցանել է, թե մենք ինչպես կարող ենք մահկանացու կյանքի ընթացքում մտնել Տիրոջ հանգիստը.

Հին մարգարեները խոսում են «Տիրոջ հանգիստը մտնելու» մասին [տես Ալմա 12.34 , Վարդապետություն և Ուխտեր 84.23-24]. Ի՞նչ է դա նշանակում: Իմ կարծիքով, դա նշանակում է՝ մուտք գործել Աստծո գիտելիքի ու սիրո մեջ, ունենալ հավատք նրա նպատակի և ծրագրի հանդեպ, այնպիսի խորությամբ, որ մենք գիտենք, որ ճիշտ ենք, և չենք փնտրում որևէ այլ բան, որ չենք շեղվում վարդապետության քամիներով և մարդկանց խորամանկությամբ ու նենգությամբ, որ ստում են և սպասում, որ խաբկանքի մեջ գցեն: … Աստծո հանդեպ հավատքի մեջ այդ աստիճանի հասած մարդը, երբ բոլոր կասկածները և վախերը փարատել է, մտել է «Աստծո հանգիստը»:

(Եկեղեցու Նախագահների ուսմունքները. Ջոզեֆ Ֆ. Սմիթ (1998), 56)

• Ինչպե՞ս կնկարագրեիք Տիրոջ հանգիստը:

Ալման կիսվել է Պողոսի ուղերձի նման մի ուղերձով իր ժամանակի մարդկանց հետ, որոնք նույնպես դժվարանում էին հավատալ: Կարդացեք Ալմա 12.-34-37 հատվածները՝ փնտրելով լրացուցիչ գաղափարներ:

• Ինչ սկզբունքներ կարող եք բացահայտել Եբրայեցիս 3 և Ալմա 12.34-37-ից :

Սկզբունքներից մեկը կարող լինել այն, որ եթե հավատարիմ մնանք Փրկչին և չկարծրացնենք մեր սրտերը, կմտնենք Տիրոջ հանգիստը:

• Ձեր կարծիքով, կարծրացած սիրտը և անհավատությունը ինչպե՞ս կարող են մեզ խանգարել ստանալ Տիրոջ օրհնությունները:

• Ձեր կարծիքով, Տիրոջ հանգիստն ինչո՞ւ է ձգտումի արժանի օրհնություն հանդիսանում:

Որոշեք հավատալ

Ցուցադրեք հետևյալ հատվածները. Կարող եք ուսանողներին զույգերի բաժանել և ուսանողներից յուրաքանչյուրին հանձնարարել կարդալ հատվածներ մեկ գլխից: Այնուհետև նրանք կարող են զեկուցել իրենց զույգերին իրենց սովորածի մասին:

Կարդացեք Եբրայեցիս 3.7-8. 12-15 , 4.2-3, 6-7, 11-ը : Կարդալիս փնտրեք, թե մենք ինչ կարող ենք անել՝ Տիրոջ հանգիստը մտնելու համար: Գուցե ցանկանաք կարդալ նաև Ջոզեֆ Սմիթի Թարգմանություն, Եբրայեցիս 4.3 -ը (Աստվածաշնչի հավելվածում):

Սա կարող է ուսանողների համար հնարավորություն դառնալ լրացուցիչ հատվածներ կարդալ Մորմոնի Գրքից, ինչպես առաջարկված է «Լրացուցիչ ուսումնական վարժություններ» բաժնում:

• Այդ հատվածի մեջ ի՞նչն է առավել կարևոր ձեզ համար:

Նախագահ Ռասսել Մ. Նելսոնն ուսուցանել է, թե մենք ինչպես կարող ենք հաղթահարել անհավատությունը.

Քրիստոսը հարություն է առել․ Նրա հանդեպ հավատքը սարեր կտեղաշարժի

Ընտրեք հավատքը Հիսուս Քրիստոսի հանդեպ Եթե կասկածներ ունեք Հայր Աստծո և Նրա Սիրելի Որդու Վերականգնման ճշմարտացիության կամ Ջոզեֆ Սմիթի աստվածային կոչման արժանահավատության մասին, ընտրեք հավատքը և հավատարիմ մնացեք։ Ձեր հարցերը հղեք Տիրոջը և այլ արժանահավատ աղբյուրների: Ուսումնասիրեք ավելի շատ հավատալու ցանկությամբ, քան հույսով, որ դուք կարող եք թերություն գտնել մարգարեի կյանքում կամ անհամապատասխանություն գտնել սուրբ գրություններում: Մի զարգացրեք ձեր կասկածները՝ քննարկելով դրանք այլ կասկածողների հետ։ Թույլ տվեք, որ Տերն առաջնորդի ձեզ՝ հոգևորի բացահայտման ձեր ճամփորդության մեջ:

(Ռասսել Մ․ Նելսոն, «Քրիստոսը հարություն է առել․ Նրա հանդեպ հավատքը սարեր կտեղաշարժի», Լիահոնա, մայիս 2021 թ․, 103)

Պատկերացրեք, որ ձեր ընկերներից մեկը դժվարանում է հավատալ Հիսուս Քրիստոսին: Բարի ուղերձ գրեք՝ նրան քաջալերելու համար: Անպայման ներառեք սուրբ գրությունների մեկ հատված, որպեսզի նա ուսումնասիրի այն: Եթե հարմար է, ներառեք նաև Հիսուս Քրիստոսի մասին ձեր վկայությունը: Նախագահ Նելսոնի և հետևյալ հարցերի շուրջ մտածելով՝ կարող եք օգնել ձեզ գրել այդ ուղերձը:

• Նրանք ի՞նչ կարող են զգալ, եթե որոշեն հավատալ Հիսուս Քրիստոսին:

• Նրանք ի՞նչ կկորցնեն, եթե որոշեն չհավատալ:

• Դուք նրանց ի՞նչ կխրախուսեք անել՝ Հիսուս Քրիստոսին հավատալու համար:

Վկայեք, որ երբ ուսանողները փորձում են հետևել Փրկչին և վերացնել անհավատությունն իրենց կյանքից, նրանք կզգան Նրա հանգիստը:

Բացատրական և պատմական տեղեկություններ

Ես ինչպե՞ս կարող եմ ավելի հավատացող սիրտ ունենալ

Նախագահ Դիտեր Ֆ. Ուխդորֆը՝ այն ժամանակ Առաջին Նախագահությունից, հայտարարել է.

Մի վախեցիր, միայն հավատա

Հավատքի մեջ չկա կախարդանքի աղբյուր: Բայց ցանկանալ հավատալ՝ դա առաջին անհրաժեշտ քայլն է: Աստված անաչառ է: Նա ձեր Հայրն է: Նա ցանկանում է խոսել ձեզ հետ: Սակայն, այն պահանջում է փոքր-ինչ գիտական մոտեցում, այն պահանջում է Աստծո խոսքի փորձարկում և «հավատի ցուցաբերում» [ Ալմա 32.27 ]: Այն նաև պահանջում է փոքր-ինչ խոնարհություն: Եվ այն պահանջում է բաց սիրտ ու բաց միտք և նոր գաղափարներ ընդունելու ցանկություն: Այն պահանջում է ձգտում՝ այդ բառի լիարժեք իմաստով: Եվ, թերևս, ամենադժվարը, այն պահանջում է համբերատար լինել և սպասել Տիրոջը:

Եթե մենք չջանանք հավատալ, մենք կնմանվենք այն մարդուն, որն անջատում է լուսարձակը, ապա մեղադրում է լուսարձակին լույս չտալու համար:

(Դիտեր Ֆ. Ուխդորֆ, «Մի վախեցիր, միայն հավատա», Ensign կամ Լիահոնա, նոյեմբեր 2015, 78)

Ով կարող է մեզ օգնել գտնել Տիրոջ հանգիստը

Յոթանասունից երեց Վ. Քրեյգ Ցվիկը հայտարարել է.

Երկնային Հայրը սիրում է Իր բոլոր զավակներին և ուզում է, որ մենք վերադառնանք Իր մոտ: Նա մարգարեներին և քահանայության ղեկավարներին տրամադրել է իրական քահանայության իշխանություն, որպեսզի նրանք մնան անձուկ արահետում: Մենք ունենք այդ ղեկավարների ուղղորդումը՝ Նրա հանգիստը մտնելու համար:

(Վ. Քրեյգ Ցվիկ, «Մտեք Տիրոջ հանգիստը», Ensign, փետրվար 2012, 24)

Օժանդակ ուսումնական վարժություն

Տիրոջ հանգիստը Մորմոնի Գրքում

Մորմոնի Գրքում բազմաթիվ մարգարեներ ուսուցանել են Տիրոջ հանգիստը մտնելու մասին: Ուսանողներին օգտակար կլինի կարդալ հետևյալ հատվածներից մի քանիսը կամ բոլորը և խաչաձև հղումներ գտնել դրանց և Երբրայեցիս 4.3 հատվածի միջև: Ալմա 13.12, 16Ալմա 16.16-17Ալմա 60․13Մորոնի 7.3