Ioane 11:1–46, Vaega 1

Ua Faatuina e Iesu o Lasalo mai le Oti

Christ at the tomb of Lazarus. He has His hand extended to the entry of the tomb as He commands Lazarus to rise from the dead. Lazarus (in burial robes) is visible standing inside the entry to the tomb. A man is moving the stone door of the tomb away from the tomb entry. Several people (men and women) are watching the miracle in amazement.

Na talosagaina e Maria ma Mareta ia Iesu ia afio atu e fesoasoani i le la tuagane maʻi o Lasalo. Sa faatuai e Iesu Lana malaga ma sa taunuu atu ua fa aso talu ona maliu Lasalo. Na faaalia e Iesu Lona agaalofa ma fetagisi faatasi ma le auuso tamaitai. Ona Ia faatuina lea o Lasalo mai le oti. E mafai ona fesoasoani lenei lesona ia te oe e iloatino ai upumoni e uiga ia Iesu Keriso ma mataupu faavae e mafai ona taialaina ai oe i le feagai ai ma luitau o le olaga.

Faatagaina o tamaiti aoga ia iloa ituaiga eseese o upumoni faaleaoaoga faavae ma mataupu faavae. O le aoao ia iloa aoaoga ma mataupu faavae o loo maua i tusitusiga paia e faaaoga ai faatinoga masani loloto faale-mafaufau. E tatau ona taumafai ma le maelega ia faiaoga e fesoasoani i tamaiti aoga ia maua le tomai e faailoa ai ma faaupu aoaoga ma mataupu faavae e i latou lava ia.

Sauniuniga a le tamaitiiti aoga: Valaaulia tamaiti aoga e suesue i le Ioane 11 ma saili mo mataupu faavae e mafai ona fesoasoani ia i latou ia maua ai le fesoasoani a le Faaola i taimi o o latou puapuaga. E mafai ona latou faia lenei mea e i latou taitoatasi pe faatasi ai foi ma o latou aiga. Valaaulia i latou e o mai saunia e faasoa mai mea na latou mauaina.

Gaoioiga e ono Mafai Ona Aoao Ai

Ia manatua o lenei lesona o le lesona muamua o lesona e lua e faatatau i le Ioane 11 . O lenei lesona e fesoasoani i tamaiti aoga e faailoa ai mataupu faavae o loo i totonu o lenei mataupu. O le lesona lona lua e faatagaina ai tamaiti aoga e aoao atu e uiga i se tasi o nei mataupu faavae. Ia e mafaufau totoa i tamaiti aoga atonu o feagai ma luitau faigata. A manaomia, fetuunai le ata faataitai lenei pe fatu se isi ata faataitai atonu e sili atu ona aoga i tamaiti aoga.

Mafaufau i se tasi o lou aiga. Vaai faalemafaufau e faapea sa matua tigaina lava sona mai ma sa lamatia ai lona ola.

O a ni lagona atonu e te faalogoina?
O le a se mea atonu e te faia?
O a ni au fesili atonu o i ai?

I le Ioane 11, na feagai ai Maria, Mareta, ma Lasalo ma lenei tulaga. E ui o lo latou aafiaga na faatatau i le mai ma le oti, e mafai ona tatou faaaogaina mataupu faavae tatou te aoaoina mai lo latou aafiaga i soo se luitau atonu tatou te feagai ai.

I le pito latalata i luga o lau pepa, tusi le “Mea e manaomia ona e iloa pe a feagai ai ma luitau.” A o faagasolo le lesona, mafaufau i luitau o loo lua feagai pe atonu foi o le a lua feagai. Saili ia iloa upumoni e uiga ia Iesu Keriso ma Lana talalelei ua e lagona atonu e mafai ona taitaiina oe ma avatu se faamoemoega a o e feagai ma na luitau. Faamaumau ou manatu i luga o lau pepa. Mafaufau ma le totoa i auala e mafai ai e upumoni taitasi ua e matauliaina ona fesoasoani ia te oe e lagona le alofa mo faapea foi mai le Faaola.

O le mauaina o upumoni

Filimaoti po o fea o nei gaoioiga e aupito silisili ona aoga mo tagata aoga. Afai o loo mafai ona iloagofie e tamaiti aoga mataupu faavae e i latou lava, mafaufau e faataga tamaiti aoga e suesue ma faailoa ia mataupu faavae e i latou lava e aunoa ma le tauina atu ia i latou. Faamanatu i ai le gaoioiga o le sauniuniga a le tamaitiiti aoga, ma valaaulia i latou e faaaoga o latou malamalamaaga mai lena gaoioiga i le toega o le lesona.

O se tasi o tomai suesue i tusitusiga paia e mafai ona fesoasoani i le faailoaina o mataupu faavae, o le faia o se toma pe a e maitauina ni auiliiliga taua ae fai atu ni fesili faigofie, e pei o nei:

O le a se mea atonu o finagalo le Tama Faalelagi ia ou aoaoina mai nei fuaiupu?
O le a se mea o aoao mai e lenei tala ia te au e uiga ia Iesu Keriso?

Faitau i le Ioane 11:1–7, ma fesili ifo ia te oe lava i fesili na muamua atu.

Valaaulia tamaiti aoga e faasoa mai mea na latou aoaoina. Tusi mataupu faavae latou te faasoa mai i luga o le laupapa. Afai e faafaigata i tamaiti aoga ona faailoa mai ni mataupu faavae pe atonu e faaopoopo atu ai ni malamalamaaga aoga, mafaufau e tusi mataupu faavae nei i luga o le laupapa ma fai atu fesili o mulimuli mai ai.

E i ai ni mataupu faavae eseese na mafai ona e faailoaina mai i nei fuaiupu. O ni nai faataitaiga nei. Mo mataupu faavae faataitai taitasi, mafaufau e faailoga fasifuaitau po o auiliiliga mai fuaiupu e te faitauina e lagolago ai le mataupu faavae.

E ui e alofa Iesu Keriso ia i tatou, o le a tatou feagai lava tofotofoga.

E tusa lava pe o tatou mulimuli ma le faamaoni ia Iesu Keriso, o le a tatou oo lava i tofotofoga.

A tatou feagai ma luitau, e mafai ona tatou sailia le fesoasoani a le Alii, ma o le a Ia tali mai i Lana lava taimi ma i Lana lava ala.

Mafaufau e tusi nei mataupu faavae i luga o lau laupepa.

E faapefea ona fesoasoani ia te oe le iloa o nei upumoni?

I le mavae ai o aso e lua talu ona faafofoga le Faaola e uiga i le mai o Lasalo, na maliu ane loa le Faaola i le fale o Lasalo. I le taimi na Ia taunuu ai, ua fa aso talu ona i ai Lasalo i le tuugamau (tagai i le Ioane 11:17, vaefaamatalaga a).

Na faamalamalama mai e Elder Bruce R. McConkie (1915–85) o le Korama a Aposetolo e Toasefululua le taua o aso e fa.

Ua amata ona pala; ua leva ona oti ma ua matua mautinoa lava. … I tagata Iutaia o le faaupuga ua fa aso e i ai lona tulaga taua faapitoa; sa o se talitonuga lauiloa ia i latou e faapea, o le aso lona fa ua iu ina tuua moni e le agaga le mea e i ai le tino maliu.

(Bruce R. McConkie, Doctrinal New Testament Commentary, 3 vols. [1965–73], 1:533)

Faaauau pea ona faataitai e faailoa mai mataupu faavae a o e faitau i le Ioane 11:18–46 . A le o lena, e mafai ona e matamata i le “Ua Faatuina Lasalo mai le Oti” mai le faailotaimi 2:04 seia oo i le 7:43 ma mulimuli ai i au tusitusiga paia. Fai ma toma, ma fai ni fesili ia te oe lava pe a e tau i ni auiliiliga taua, e pei o mea na fai e Maria ma Mareta e faaalia ai lo la faatuatua ia Iesu Keriso po o le ala na tali atu ai le Faaola i tulaga taitasi. Faaopoopo i lau pepa ia mataupu faavae e te maua, ma mafaufau e faailoga auiliiliga taua ma fai isi faamatalaga i totonu o au tusitusiga paia.

Lazarus Is Raised from the Dead
Jesus testifies that He is the Resurrection and the Life. He raises Lazarus from the dead that His disciples may believe. John 11:1–44

O le a se mea atonu o finagalo le Tama Faalelagi ia e aoaoina mai lenei tala?

O le a se mea o aoao atu e lenei faamaumauga ia te oe e uiga ia Iesu Keriso?

Valaaulia tamaiti aoga e o mai i le laupapa ma tusi se mataupu faavae ua latou mauaina. Atonu latou te faailoaina ni upumoni e pei o nei:

E mafai ona tatou filifili e faaali le faatuatua ia Iesu Keriso i taimi o o tatou tofotofoga (tagai i le Ioane 11:20–27).
E mafai ona fai vavega e le Faaola i totonu o o tatou olaga a o tatou galulue ma le faatuatua ia te Ia (tagai i le Ioane 11:20–27, 38–44).
O Iesu Keriso o le Toetu ma le Ola (tagai i le Ioane 11:25).
E oo mai vavega a le Atua i totonu o o tatou olaga e tusa ai ma Lona finagalo ma Lana taimi (tagai i le Ioane 11:1–7, 11–17, 39–45).
E mafai ona tatou mulimuli i le faataitaiga a Iesu Keriso i le faaalia o le agaalofa i isi (tagai i le Ioane 11:32–36).
E i ai le mana o Iesu Keriso i le ola ma le oti (tagai i le Ioane 11:20–27, 39–45).
E mafai ona tatou vaaia le alofa ma le mana faaalia o le Atua i o tatou tauiviga (tagai i le Ioane 11:11–15, 40–42).

Mafaufau e fai atu nisi o fesili nei i tamaiti aoga pe afai o latou manaomia se fesoasoani e faailoa ni upumoni faaopoopo.

O le a se mea na fai e Maria ma Mareta e faatino ai le faatuatua ia Iesu Keriso i le taimi o le la tofotofoga?
O le a se mea o aoao atu e le tali atu a le Faaola ia te i laua e uiga ia te Ia?
O a elemene o lenei faamaumauga o aoao atu ia te oe ia e faatuatua atili i le Faaola?
Na faapefea e le fai ma toma ina ua e mauaina auiliiliga taua ma faia fesili ona fesoasoani atu ia te oe i lau suesuega?

Mafaufau e fai paga tamaiti aoga e fai tala faatino mai le ata faataitai lenei.

Vaai faalemafaufau ua e mauaina le avanoa e talanoa ai ma se isi o loo feagai ma se taimi faigata o tofotofoga. Filifili se tasi o mataupu faavae ua e matauliaina mai le Ioane 11:1–46, ma faasoa pe faapefea ona fesoasoani lena mataupu faavae ia te i latou. Ia faaaofia ma ou manatu i mea e mafai ona fesoasoani ai lenei mataupu faavae e faamalamalama ai lenei tagata e uiga i le Tama Faalelagi ma Iesu Keriso ma o Laua naunautaiga mo i tatou.

Faitau i mataupu faavae na e tusia i lau pepa mo “Mea e manaomia ona e iloa pe a feagai ai ma luitau”. I le pito i lalo o le pepa, faaopoopo i ai au tali i fesili nei.

O fea o mataupu faavae nei e manaomia ona e taulai silisili i ai i lou olaga i le taimi nei? Aisea?
O le a se mea na e aoaoina e uiga i le Tama Faalelagi ma le Faaola e fesoasoani ia te oe e lagonaina ai le alofa mo i Laua faapea le alofa mai o i Laua?

Mafaufau e valaaulia ni tamaiti aoga se toatele e tali fesili talu ai. A o faasoa mai tamaiti aoga, saili mo auala e fesoasoani ai i tamaiti aoga e lagonaina le alofa o le Faaola mo i latou. Mafaufau e faasoa atu o oe lava manatu ma molimau e uiga i le Faaola.

O le a se mea ua musuia oe e fai ona o mea ua e aoaoina ma lagonaina i lenei aso? O le a faapefea ona e faia?

Uunai tamaiti aoga e faaaoga le tomai suesue i tusitusiga paia e faailoa ai mataupu faavae i a latou lava suesuega patino i tusitusiga paia ma tulitatao mo aafiaga latou te mauaina. Mafaufau e molimau atu i le taua o lenei tomai suesue. O se tasi o auala e fai ai lenei mea o le faasoaina atu o se aafiaga patino i le mauaina lea o le taiala mo se luitau a o fai suesuega patino i tusitusiga paia.

Tala ma Faamatalaga o Talaaga

Aisea ou te puapuagatia ai pe a ou taumafai e amiotonu?

Na aoao mai Elder Matthew S. Holland o le Fitugafulu:

O loo i ai le Toatasi e malamalama atoatoa i mea o loo e aafia ai, e “silisili atu lona malosi i le lalolagi” [1 Nifae 4:1], ma o lē e “mafaia ona faia o mea uma e faasilisili lava i mea [e te] ole atu ai pe mafaufau i ai” [Efeso 3:20]. O le a faaalia mai le faagasologa i Lana ala ma i Lana taimi faatulagaina, ae ua sauni i taimi uma Keriso e faamaloloina soo se vaega o lou tiga.

A o e faatagaina o Ia e faia lena mea, o le a e iloaina o ou mafatiaga sa aogā lava. … Tou te silafia, o le natura moni lava o le Atua ma le faamoemoega o lo tatou olaga faalelalolagi o le fiafia lea, ae e le mafai ona avea i tatou ma tagata atoatoa o le olioli faalelagi e aunoa ma aafiaga e tofotofoina ai i tatou, o nisi o taimi i lo tatou lava gafatia. Fai mai Paulo e oo lava i le Faaola lava Ia ua “atoatoa [pe ua faaatoatoaina] ona o tiga” [Eperu 2:10]. O lea ia puipui mai musumusuga faasatani e faapea, afai o oe o se tagata e sili ona lelei, ia e aloese mai ia tofotofoga.

E tatau foi ona e teenaina le pepelo e faatatau i ai faapea, o ou mafatiaga ua fautuaina oe e tu i fafo o le li’o o tagata filifilia e le Atua, o ē foliga mai e na o le fiafia ma faamanuiaga latou te maua ae leai ni faigata. …

Uso e ma tuafafine, o le mafatia i le amiotonu e fesoasoani e faaagavaa ai oe mo, nai lo le iloagofie ai o oe, mai le au filifilia a le Atua.

(Matthew S. Holland, “O Le Meaalofa Silisili o le Alo,” Ensign po o le Liahona, Nov. 2020, 46–47)

Gaoioiga Faaopoopo e Aoao Ai

Trust in the Lord
Are you wishing your life felt more balanced? Try placing more trust in Heavenly Father and His Son, Jesus Christ. They love you. Turn to Them in prayer, read about Them, and keep Them in your thoughts.

O se isi filifiliga mo le amataga o le lesona

Mafaufau e valaaulia tamaiti aoga e mataulia vavega na faia e Iesu ma mea na faaalia mai e na vavega e i ai Lona mana e pulea ai. O nisi faataitaiga atonu e aofia ai le mana i le oti (tagai i le Luka 7:11–18), mana i faafitauli faalemafaufau (tagai i le Luka 8:27–35), ma le mana e fesoasoani i le olaga mai lea aso i lea aso (tagai i le Mataio 17:24–27 ; Luka 5:1–6).

Valaaulia tamaiti aoga e mafaufau i se mea o latou manaomia ai le fesoasoani a le Faaola ma saili mo mataupu faavae e mafai ona fesoasoani ia i latou e iloa ai pe faapefea ona maua Lana fesoasoani.