Jesus Christ seated at a table. In one hand He is holding a piece of bread. With the other He is gesturing towards Himself. There is a plate of bread on the table in front of Him and a goblet.
Një ditë pas mrekullisë së ushqyerjes së pesë mijë njerëzve, shumë e kërkuan Jezusin, “jo pse [ata] panë shenja, por sepse [ata] k[ishin] ngrënë nga bukët” dhe i mori sërish uria (Gjoni 6:26). Shpëtimtari u mësoi atyre: “Unë jam buka e jetës; kush vjen tek unë nuk do të ketë më kurrë uri” (Gjoni 6:35). Ky mësim mund të të ndihmojë të përcaktosh mënyra se si ti mund të vish te Shpëtimtari që Ai të plotësojë nevojat e tua shpirtërore.
Ushtrime me shkrim. Kur i ftoni nxënësit t’u përgjigjen me shkrim pyetjeve që i nxitin të mendohen, mund t’i ndihmojë ata që t’i thellojnë dhe qartësojnë mendimet e tyre. Ndërsa nxënësit u përgjigjen pyetjeve me shkrim përpara se t’ia tregojnë mendimet e tyre klasës, ata kanë kohë për t’i organizuar idetë e tyre dhe për të marrë mbresa nga Fryma e Shenjtë.
Përgatitja e nxënësve. Ftojini nxënësit të mendojnë për mënyrën se si Jezu Krishti është në mënyrë simbolike si buka dhe të vijnë të përgatitur për të treguar idetë e tyre.
Veprimtari të Mundshme të të Mësuarit
“Unë jam buka e jetës”
Merreni parasysh të sillni bukë (dhe, nëse nevojitet, një alternativë të saj për nxënësit që nuk mund të konsumojnë gluten) që nxënësit ta konsumojnë. Shfaqni pyetjet vijuese që nxënësit t’i shohin ndërsa futen brenda. Ftojini ata të përdorin mendimet e tyre nga veprimtaria e përgatitjes së nxënësve që t’i ndihmojnë gjatë gjithë mësimit.
Pamja
Bread
Sa bukë mendon se mund të hash?
Pavarësisht se sa bukë mund të hash tani, çfarë do të ndodhë në fund të fundit?
Kur Shpëtimtari ushqeu më shumë se pesë mijë njerëz duke përdorur vetëm pesë bukë dhe dy peshq, disa reaguan ndaj kësaj mrekullie duke e kërkuar Atë për një vakt tjetër dhe jo për arsye shpirtërore (shih Gjoni 6:5–14). Jezusi i korrigjoi ata që e kërkonin Atë për më shumë bukë në vend që ta kërkonin Atë për jetën e përjetshme. Ata e vunë në dyshim identitetin dhe aftësinë e Tij për t’u dhënë atyre jetën e përjetshme (shih Gjoni 6:30, 41–42).
Lexo te Gjoni 6:32, 35 për të parë se si Shpëtimtari i korrigjoi njerëzit. Merr parasysh t’i shenjosh në shkrimet e tua të shenjta titujt e Shpëtimtarit “buk[a] e vërtetë nga qielli” dhe “buka e jetës”. Ti mund t’i shtosh këta tituj në shënimin e ditarit tënd të titulluar “Titujt dhe Rolet e Jezu Krishtit”. (Ti mund ta kesh nisur këtë pjesë gjatë mësimit për librin Gjoni 1:1–51.)
Si mendon, pse Shpëtimtari do t’i referohej Vetes si “buk[a] e vërtetë nga qielli” ose “buka e jetës”?
Gjoni 6:35 na mëson se nëse vijmë te Jezu Krishti dhe besojmë tek Ai, Ai mund ta shuajë urinë dhe etjen tonë shpirtërore.
Merreni parasysh të shkruani ose shfaqni pyetjet vijuese në tabelë.
Përgjigjju pyetjeve të mëposhtme në ditarin tënd të studimit:
Cilat janë disa nga arsyet përse të duhet Jezu Krishti çdo ditë? Në çfarë mënyrash je aktualisht “i uritur” shpirtërisht?
Çfarë po bën aktualisht për të kërkuar ndihmën e Shpëtimtarit për ta shuar atë uri? Çfarë po shkon mirë? Çfarë nuk po shkon?
Ndërsa e vazhdon studimin tënd, kërko ndikimin e Frymës së Shenjtë që të të ndihmojë të përcaktosh mënyrat se si ti mund të vish te Shpëtimtari që Ai të mund ta shuaj urinë tënde shpirtërore.Lexo te Gjoni 6:47–58 , duke kërkuar se çfarë na fton Shpëtimtari të bëjmë dhe çfarë na premton Ai në këmbim. Merr parasysh se si këto ftesa dhe premtime të ndihmojnë të kuptosh më mirë se si të marrësh dhuratën nga Shpëtimtari të shuarjes së urisë dhe etjes tënde shpirtërore. Merr parasysh të krijosh një tabelë si ajo më poshtë që të të ndihmojë.
Pamja
Bread
Merreni parasysh ta shfaqni këtë tabelë në dërrasë dhe ta plotësoni së bashku si klasë. Disa nga ftesat e Shpëtimtarit janë që të besojmë tek Ai ( Gjoni 6:47) dhe të hamë bukën e jetës ( vargu 51). Disa premtime përfshijnë të jetuarit përgjithmonë ( vargu 50) dhe të qëndruarit me Të ( vargu 56).
Ftesat e Shpëtimtarit
Premtimet e Shpëtimtarit
Çfarë të mësojnë ftesat dhe premtimet e Tij rreth Tij?
Rrëfimi i Enosit në Librin e Mormonit ilustron mënyrën se si Shpëtimtari mund ta shuaj urinë tonë shpirtërore. Merreni parasysh t’i ftoni nxënësit të lexojnë vargjet tek Enosi 1:1–8 dhe të tregojnë çfarë kanë zbuluar. Nxënësit mund të diskutojnë atë që Enosi bëri që ta shuante urinë e tij dhe mënyrën se si Zoti e bekoi Enosin. Nxënësit mund të reflektojnë gjithashtu për mënyrën se si shembulli i Enosit mund t’i ndihmojë të marrin ushqim shpirtëror nga Buka e Jetës.
Marrja e mishit dhe gjakut të Shpëtimtarit
Shumë njerëz që e dëgjuan predikimin e Shpëtimtarit kishin pyetje se çfarë do të thoshte të hash mishin e Shpëtimtarit dhe të pish gjakun e Tij (shih Gjoni 6:52, 60).
Lexo pohimin vijues nga Plaku D. Tod Kristoferson, i Kuorumit të Dymbëdhjetë Apostujve, për ta kuptuar më mirë domethënien e fjalëve të Shpëtimtarit dhe mënyrën se si ne mund ta pranojmë ftesën e Tij.
Pamja
Portrait of Elder D. Todd Christofferson. Photographed in March 2020.
“Të hamë mishin e Tij dhe të pimë gjakun e Tij është një mënyrë e pazakontë për të shprehur se sa plotësisht duhet ta sjellim Shpëtimtarin në jetën tonë – në vetë qenien tonë – që të mund të jemi një. …
… Ne marrim nga mishi i Tij dhe pimë nga gjaku i Tij, kur marrim prej Tij fuqinë dhe bekimet e Shlyerjes së Tij.
Doktrina e Krishtit shpreh atë që duhet të bëjmë për ta marrë hirin shlyes. Do të thotë të besoni dhe të keni besim në Krishtin, të pendoheni e të pagëzoheni dhe të merrni Frymën e Shenjtë, ‘dhe pastaj vjen një heqje e mëkateve tuaja me anë të zjarrit dhe me anë të Frymës së Shenjtë’ [ 2 Nefi 31:17 ]. …
Unë kam folur për marrjen e hirit shlyes të Shpëtimtarit, për t’i hequr mëkatet tona dhe njollën e atyre mëkateve te ne. Por figurativisht, ngrënia e mishit të Tij dhe pirja e gjakut të Tij ka një domethënie të mëtejshme, dhe kjo do të thotë që t’i përvetësojmë cilësitë dhe karakterin e Krishtit, duke e zhveshur njeriun e natyrshëm dhe duke u bërë shenjtorë ‘nëpërmjet shlyerjes së Krishtit Zot’ [ Mosia 3:19 ]. …
… Të hash mishin dhe të pish gjakun e Krishtit do të thotë të ndjekësh shenjtërinë.”
Si do ta shpjegoje se çfarë do të thotë të hash mishin dhe të pish gjakun e Birit të Perëndisë?
Kur e ke ndjekur ti dhe të tjerët këshillën e Plakut Kristoferson dhe e ke ndier Shpëtimtarin të të shuajë urinë shpirtërore? Çfarë bëre gjatë këtyre përvojave që ndjeve se e ftove Shpëtimtarin për ta shuar atë uri?
Përfytyro sikur të ishe i pranishëm gjatë predikimit të Shpëtimtarit te Gjoni 6:22–58 . Shkruaj një shënim në ditarit tënd sikur të kishe qenë atje. Përfshij sa më poshtë në shënimin tënd:
Çfarë mësove për Shpëtimtarin dhe çfarë mësove prej Tij
Çdo përvojë që ke pasur kur Jezu Krishti ka siguruar për nevojat e tua shpirtërore (ose çdo përvojë që kanë pasur të tjerët)
Veprimet që Fryma e Shenjtë të ka lënë mbresa për t’i ndërmarrë dhe përse
Nëse ka kohë, inkurajojini nxënësit t’ia tregojnë shënimet e tyre klasës ose në dyshe apo grupe të vogla. Merreni parasysh ta mbyllni me një dëshmi për Shpëtimtarin si Buka e Jetës dhe t’i ftoni edhe nxënësit për të dhënë dëshmi.
Komente dhe Informacion për Rrethanat
Përse mund t’i ketë përqendruar Jezusi njerëzit te nevojat e tyre shpirtërore dhe jo te nevojat e tyre fizike?
Ndërsa shërbente si anëtar i Të Shtatëdhjetëve, Plaku Karlos H. Amado dha mësim:
Pamja
Former official portrait of Elder Carlos H. Amado of the First Quorum of the Seventy, 2008. Retouched version done in March 2009.
“Si Kishë ne duhet të ushqejmë të varfrit, të lehtësojmë të sëmurin, të veshim të zhveshurin dhe të strehojmë nevojtarin. Me ofertat e agjërimit lehtësojmë nevojat bazë e të menjëhershme të anëtarëve dhe me planin e mirëqenies ndihmojmë për plotësimin e nevojave të tyre të zgjatura. Kur ka fatkeqësi natyrore, përmes shërbimeve humanitare ne japim ndihmë për vëllezër e motra që nuk janë të besimit tonë fetar.
Pa shpërfillur këto nevoja jetësore, Kisha e Jezu Krishtit e Shenjtorëve të Ditëve të Mëvonshme, me urdhërim nga Zoti, zhvillon punën më madhështore e më fisnike të shërbesës, që është bekimi i të gjithë njerëzve duke u mësuar doktrinën e Krishtit dhe duke i ftuar të marrin ordinancat shpëtuese në mënyrë që ata të arrijnë të fitojnë ‘[pavdekësi dhe jetë të] përjetshme’ ( Moisiu 1:39).”
(Karlos H. Amado, “Shërbimi, një Cilësi Hyjnore”, Ensign ose Liahona, maj 2008, f. 35–36.)
Gjoni 6:56 . Çfarë nënkuptoi Shpëtimtari kur dha mësim që Ai do të mbetej në ne?
Plaku Dejvid A. Bednar, i Kuorumit të Dymbëdhjetë Apostujve, na mësoi:
Pamja
Former official portrait of Elder Carlos H. Amado of the First Quorum of the Seventy, 2008. Retouched version done in March 2009.
“Kjo është një gjë që të dini se Jezu Krishti erdhi në tokë për të vdekur për ne – kjo është një pjesë e rëndësishme e doktrinës së Krishtit. Por gjithashtu ne duhet të vlerësojmë se Zoti dëshiron, me anë të Shlyerjes së Tij dhe nëpërmjet fuqisë së Frymës së Shenjtë, të jetojë te ne – jo vetëm për të na drejtuar, por edhe për të na dhënë forcë.”
(Dejvid A. Bednar, “Shlyerja dhe Udhëtimi i Vdekshmërisë”, Liahona, prill 2012, f. 14.)
Veprimtari Plotësuese të të Mësuarit
Ati dëshiron që të gjithë të vijnë te Biri i Tij për t’u shpëtuar
Merreni parasysh të ftoni nxënës për të studiuar vargjet te Gjoni 6:39–40 dhe për të vendosur referencat kryq për këto vargje me vargjet te Moisiu 1:39 dhe Gjoni 3:16–17 . Ftojini ata të përsiatin se si këto vargje i ndihmojnë ta kuptojnë më mirë dëshirën e Atit Qiellor për të shpëtuar të gjithë fëmijët e Tij. Ata mund të përqendrohen tek ato që këto vargje dhe premtimet në to na mësojnë për Atin Qiellor dhe misionin e Jezu Krishtit si Buka e Jetës.
Gjoni 6:24–27, 48–50 . Zgjedhja e gjërave shpirtërore ose të përjetshme mbi gjërat e botës ose të përkohshme
Merreni parasysh t’i ftoni nxënësit të kërkojnë këto vargje dhe të konsiderojnë arsyet përse ne zgjedhim gjërat e botës dhe të përkohshme ndaj gjërave shpirtërore. Ata mund t’i vendosin referencat kryq të këtyre vargjeve me shkrime të shenjta si 2 Korintasve 4:18 , Mosia 2:41 , Doktrina e Besëlidhje 25:10 e të tjera. Merreni parasysh t’u kërkoni atyre të analizojnë vendimet e tyre ditore. Ftojini ata të përsiatin për atë që dinë për Shpëtimtarin dhe planin e shpëtimit që mund t’i ndihmojë të përqendrohen më shumë në gjërat shpirtërore. Ata mund të përcaktojnë mënyra se si mund t’i japin përparësi më të madhe gjërave shpirtërore nga sa i japin aktualisht.
Nëse nxënësit mund të përfitojnë nga studimi i shërimit të një njeriu pranë pellgut të Betesdës nga Jezu Krishti, merreni parasysh të përdorni këtë përvojë të të mësuarit në vend të një prej mësimeve të tjera.
Ftojini nxënësit të lexojnë vargjet te Gjoni 5:2–9 , duke kërkuar çdo përdorim të frazës “u shërua”. Pyetini se çfarë mendojnë se nënkupton kjo frazë. Diskutoni me nxënësit se çfarë mund të mësojnë për Shpëtimtarin dhe prej Tij nëpërmjet bashkëveprimeve të Tij me këtë njeri.
Lexoni vargun 14 dhe pyesni se çfarë i shton kjo kuptueshmërisë së tyre për të qenit “[të] shërua[r]”. Në çfarë mënyre janë pasojat e mëkatit për të cilat nuk ka pendim “një gjë më e keqe” sesa gjendja fizike ligështuese e 38 viteve? Ndihmojini nxënësit të kuptojnë se Jezu Krishti, me urtësinë e Tij, nuk i shëron gjithmonë e menjëherë të gjitha dobësitë fizike, ashtu siç nuk i shëroi të gjithë atë ditë (shih vargun 3). Madje, Shpëtimtari ynë i dashur mundet dhe do t’i shërojë të gjithë nga pasojat e mëkatit nëse ata pendohen dhe ushtrojnë besimin në Të.