Sione 7–10

Vakai Fakalūkufuá

Lolotonga ʻEne ʻi Selusalema ʻi he taimi ʻo e Kātoanga ʻo e Ngaahi Fale Fehikitakí, naʻe akoʻi ʻe Sīsū ki he kakaí kapau naʻa nau fie ʻilo pe ko e tokāteline naʻá Ne akoʻí naʻe mei he ʻOtuá, naʻe fie maʻu ke nau moʻui ʻaki ia. Naʻá ne tokoniʻi ha fefine naʻe moʻua ʻi he tono tangatá. Naʻe fakamoʻoni ʻa Sīsū ko Ia ʻa e Maama ʻo Māmaní pea naʻá Ne fakamoʻui ha tangata naʻe fanauʻi kui. Naʻe akoʻi ʻe Sīsū ko Ia ʻa e Tauhisipi Leleí.

Teuteu ke Akoʻi

ʻOku ʻoatu ʻe he fakamatala ko ʻení ha ngaahi fakakaukau ki he kau faiakó ki he meʻa ʻe ala fie maʻu ke teuteuʻi kimuʻa ki he lēsoni takitaha.

Sione 7

Taumuʻa ʻo e lēsoní: ʻE tokoni ʻa e lēsoni ko ʻení ke ʻiloʻi ʻe he kau akó ʻa e meʻa te nau lava ʻo fai ke ʻiloʻi ai ʻa e moʻoni ʻo e Tamai Hēvaní mo e ngaahi akonaki ʻa Sīsū Kalaisí.

• Teuteu ʻa e tokotaha akó: Fakaafeʻi e kau akó ke nau fakakaukau ko hai pe ko e hā kuó ne tākiekina lahi taha ʻa e mahino mo e tui lolotonga ʻoku nau maʻú fekauʻaki mo Sīsū Kalaisi mo ʻEne ngaahi akonakí. Fakaafeʻi kinautolu ke hiki ʻenau ngaahi fakakaukaú ʻi ha laʻipepa pea ʻomi ʻa e laʻipepá ki he kalasí.

• Meʻa ke fakaʻaliʻalí: Lea ʻa Palesiteni Poni L. ʻOsikāsoni

• Ngaahi naunau maʻá e kau akó:Maʻu ʻa e Ki Hono Fakamālohia ʻo e Toʻu Tupú (tohitufa, 2011), ʻi he tatau fakaʻilekitulōniká pe pākí

• Fokotuʻu ki hono akoʻi ʻi he konifelenisi vitioó: ʻE lava ke vahevahe ʻa e ngaahi potufolofola ʻi he sātí ki he kau akó ʻi ha fanga kiʻi kulupu konifelenisi vitiō iiki ange. ʻE lava ke teuteu ʻe he tokotaha ako takitaha ke vahevahe e meʻa ne nau laú ʻa ia ne fakakaukau ki ai ʻa Sīsū Kalaisí.

Fakataukei Fakatokāteliné: Sione 7:17

Taumuʻa ʻo e lēsoní: ʻE tokoni ʻa e lēsoni ko ʻení ke ako maʻuloto ʻe he kau akó ʻa e potufolofola fakataukei fakatokāteline mo e kupuʻi lea mahuʻinga ko ʻení, fakamatalaʻi ʻa e tokāteliné, pea fakaʻaongaʻi ʻa e ngaahi tefitoʻi moʻoni ʻo hono maʻu ʻo e ʻilo fakalaumālié ʻi ha tūkunga moʻoni ʻo e moʻuí.

• Teuteu ʻa e tokotaha akó: Fakaafeʻi e kau akó ke nau fakakaukau ki ha ngaahi fekau, akonaki, pe tokāteline kehekehe ʻa e Fakamoʻuí ʻoku totonu ke feinga e toʻu tupú ke maʻu ha fakamoʻoni ki aí.

• Fokotuʻu ki hono akoʻi ʻi he konifelenisi vitioó: Fakakaukau ke fakaʻaliʻali ʻa e fakamatala ʻo e Sione 7:17 ʻi he polokalama telefoni toʻotoʻo ko e Doctrinal Mastery (Fakataukei Fakatokāteliné). (Ke maʻu ʻa e fakamatala ko ʻení, lomiʻi ʻi he meʻalomi ʻo e Memorize (Ako Maʻuloto), pea toki kumi ʻa e Sione 7:17.) ʻE lava ke fakaʻaongaʻi ʻe he kau akó ʻa e polokalamá ke ako maʻuloto fakataha ʻa e kupuʻi lea mahuʻinga ʻo e folofolá.

Sione 8

Taumuʻa ʻo e lēsoní: ʻE tokoni ʻa e lēsoni ko ʻení ke maʻu ʻe he kau akó ha fakakaukau ki he ʻulungaanga ʻo Sīsū Kalaisí pea tokoniʻi kinautolu ke nau ongoʻi ʻa e mālohi ʻo ʻEne ʻaloʻofá.

• Teuteu ʻa e tokotaha akó: Fakaafeʻi e kau akó ke nau fakakaukau ki ha taimi ne nau fakahaaʻi ai ha ʻaloʻofa ki ha taha pe taimi ne nau fie maʻu pe ʻamanaki ai ki ha ʻaloʻofá.

•  

•      

Sione 9

Taumuʻa ʻo e lēsoní: ʻE tokoni ʻa e lēsoni ko ʻení ke mahino ki he kau akó ʻa e founga ʻe lava ke fakamālohia ai ʻenau fakamoʻoni ki he Fakamoʻuí ʻi heʻenau tuʻu maʻu ʻi he meʻa ʻoku nau ʻilo fekauʻaki mo Iá naʻa mo e taimi ʻo e faingataʻá.

• Teuteu ʻa e tokotaha akó: Fakaafeʻi e kau akó ke nau fakakaukau ki ha ngaahi taimi kuo nau tuʻu maʻu ai ʻi he meʻa ʻoku nau ʻilo mo tui ki ai fekauʻaki mo Sīsū Kalaisí ʻi he fehangahangai mo e fakafepakí.

•  

•    

Sione 10

Taumuʻa ʻo e lēsoní: ʻE tokoni ʻa e lēsoni ko ʻení ke ongoʻi ʻe he kau akó ha loto-falala lahi ange kia Sīsū Kalaisi ko honau Tauhi-sipí pea fakatupulaki ʻenau holi ke fanongo ki Hono leʻó pea muimui kiate Iá.

• Teuteu ʻa e tokotaha akó: Fakaafeʻi e kau akó ke nau lau ʻa e fakamatala ki he “ Tauhi-sipi Leleí ” ʻi he Fakahinohino ki he Ngaahi Folofolá. Kole ange ke nau mateuteu ke tali ʻa e fehuʻi “Ko e hā ʻoku hoko ai ʻa e huafa ko e ʻTauhi-sipi Leleíʼ ko ha fakamatala lelei kia Sīsū Kalaisí?”

• Meʻa ke fakaʻaliʻalí: Fakatātā ʻo e Tauhi-sipi Leleí

•  

• Vitiō: “Founga ‘Eku Fanongo Kiate Iá: ʻEletā David A. Bednar” (1:15)

•  

• Fokotuʻu ki hono akoʻi ʻi he konifelenisi vitioó: Fakaʻaongaʻi ʻa e tafaʻaki ʻo e palakipoe hinehiná ke faʻu ha lisi hokohoko ʻo e ngaahi meʻa ʻoku ako ʻe he kau akó fekauʻaki mo Kalaisi ko e Tauhi-sipi Leleí te nau lava ʻo tānaki atu ki ai ʻi he lolotonga ʻo e lēsoní.