Iosefa Samita—Mataio 1; Mataio 25; Mareko 12–13; Luka 21

Aotelega

I se ftalanoaga patino i luga o le Mauga o Olive, sa tali ai e Iesu Keriso ia fesili a ona soo e uiga i Lona Afio Mai Faalua. Sa Ia poloaiina i latou ia “aua le atuatuvale” (Iosefa Samita—Mataio 1:23). Sa Ia aoao atu ai foi le ala e saunia ai mo Lona toe afio mai, ma faasoa atu i le faataoto i taupou e toasefulu, o taleni, ma mamoe ma ‘oti. O lenei vaiaso e aofia ai se iloiloga o le atamai i aoaoga faavae e fesoasoani ia te oe e malamalama ai ma faamatalaina upumoni o loo maua i fuaitau o le atamai i aoaoga faavae.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e ao ona saunia mamao i ai mo lesona taitasi.

Iosefa Samita—Mataio

Faamoemoega o le lesona: O lenei lesona e mafai ona fesoasoani i tagata aoga ia malamalama i mea na aoao mai e le Faaola e uiga i faailoga o Lona afio mai ma tulimatai atu i le aso o le a Ia toe afio mai ai i le lalolagi.

Sauniuniga a le tagata aoga: Valaaulia tamaiti aoga e faitau le Iosefa Samita —Mataio 1:22–55 ma tomanatu i o latou manatu ma lagona e uiga i le Afio Mai Faalua o le Faaola.

Mea e faaaoga: O se ata laitiiti o le Afio Mai Faalua o Iesu Keriso e tufaina atu i tagata aoga taitasi, pe a mafai

Fautuaga faafaiaoga i fono vitio: Mafaufau e tuu atu i tagata aoga e faaaoga se minute se tasi e tusi ai i se fasipepa le tele o ni upu po o fuaitau e mafai ona latou mafaufau i ai o le a tali ai fesili muamua e lua o le lesona. Valaaulia nisi o i latou e faasoa ane se tasi o a latou upu po o fasifuaitau ma faamatala pe aisea na latou tusia ai.

Iosefa Samita—Mataio 1:21–37; Luka 21:25–36

Faamoemoega o le lesona: O lenei lesona e mafai ona fesoasoani i tagata aoga e alo ese ai mai le taufaasese ma faatoilalo ai le fefe e faatatau i mea e tutupu i aso nei e gata ai.

Sauniuniga a le tagata aoga: Valaaulia tagata aoga e iloilo pe na faapefea ona fesoasoani a latou sini o le suesueina o tusitusiga paia ia i latou. E mafai foi e tagata aoga ona iloilo pe na tau faafaigata le tausia o a latou sini ma pe faapefea ona latou mananao e faaleleia atili.

Vitio: “O le a Faatoilalo e Loto o Tagata i Latou” (3:24)

Fautuaga faafaiaoga i fono i vitio: Mafaufau e faaali atu ia mau faasino mai le Luka 21 ma faamatalaga e o faatasi ai i luga o se ata faasolosolo. Faitau leotele se mau faasino, fesili atu po o le fea o faamatalaga ua sili ona aoteleina ai, ma valaaulia tagata aoga e tali i le vaega o talanoaga i le a, e, po o le i.

Mataio 25:1–13

Faamoemoega o le lesona: O lenei lesona e mafai ona fesoasoani i tagata aoga ia malamalama ma lagonaina le taua o le saunia o i latou lava e feiloai ma le Alii pe a toe afio mai o Ia.

Sauniuniga a le tagata aoga: Valaaulia tagata aoga e fua faatatau i latou lava i se fua mai le 1 i le 10 (1 o lona uiga e te le ioe i ai; 10 o lona uiga ua e ioe i ai) i le faamatalaga lenei: “Ua ou lagona ua ou saunia mo le Afio Mai Faalua o Iesu Keriso.” Valaaulia i latou e mafaufau loloto pe aisea na latou fuaina ai i latou lava i le ala na latou faia ai.

Vitio: “O Taupou e Toasefulu“ (1:40); ”O I Latou O E Popoto” (8:43; matamata mai le faailotaimi 0:00 seia oo i le 5:41)
Pepa e tufa atu: O le tufaaga o lamepa

Fautuaga faafaiaoga i fono i vitio: A uma ona tusia e tagata aoga a latou lomiga faaonapo nei o le faataoto i taupou e toasefulu, mafaufau e fai i se tagata aoga se toatasi e filifili po o ai e ana le faataoto latou te fia faalogo i ai. A le o lena, afai latou te mananao i ai, e mafai ona latou fasino i luga, lalo, agavale, po o le taumatau, ma o le tagata o loo faaalia i lena tulaga i luga o le komepiuta a le faiaoga e mafai ona talosagaina e faasoa mai. (Manatua: e le faapea o faaalia tamaiti aoga i le faasologa lava lea e tasi i luga o komepiuta uma.) Afai e manaomia, e mafai ona toe fai lenei gaoioiga.

Mataio 25:14–46

Faamoemoega o le lesona: O lenei lesona e mafai ona fesoasoani i tagata aoga e faailoa mai upumoni mai le faataoto i taleni ma le faataoto i mamoe ma ‘oti. E mafai foi ona fesoasoani i tamaiti aoga e saunia ai mo le Afio Mai Faalua o le Faaola.

Sauniuniga a le tamaitiiti aoga: Valaaulia tamaiti aoga e faitau a le o le faataoto i taleni (tagai i le Mataio 25:14–30) po o le faataoto i mamoe ma ‘oti (tagai i le Mataio 25:31–46) ma saunia e faasoa atu lesona sa latou aoaoina mai a latou suesuega.

Pepa e tufa atu: O le tufaaga e uiga i le faataoto i taleni ma le faataoto i mamoe ma ‘oti
Vitio: “O Le Faataoto i Taleni“ (3:03); ”O A’u Lea Na Outou Faia i Ai“ (3:13)

Fautuaga faafaiaoga i fono vitio: Mafaufau e vaevae tamaiti aoga i ni vaega e faaaoga ai potu vaevae e suesue ai faataoto e lua. Ona toe o mai faatasi lea o se vasega e talanoaina ia mea. Afai e faatagaina e tekinolosi, taumafai e asiasi i vaega eseese e uunaia ma taiala i latou.

Toe Iloiloga o le Atamai i Aoaoga Faavae 9

Faamoemoega o le lesona: O lenei lesona e mafai ona fesoasoani i tamaiti aoga ia maua se malamalama sili atu i upumoni o loo maua i fuaitau o le atamai i aoaoga faavae. E mafai foi ona fesoasoani i tamaiti aoga e faataitai ai le faamalamalamaina o nei upumoni i isi.

Faamatalaga: O le lesona o se fuaitau o le atamai i aoaoga faavae atonu e manaomia ona aoao atu e suitulaga i lenei lesona toefaamanatu. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona o fuaitau o aoaoga faavae autu taitasi o le a aoaoina a o faaauau taualumaga o le seminare.

Sauniuniga a le tagata aoga: Valaaulia tagata aoga e filifili se fuaitau o le atamai i aoaoga faavae sa latou aoaoina talu ai nei ma faamalamalama atu i se tasi.

Anomea: O le gaoioiga faafetaui o le atamai i aoaoga faavae e faaali i luga o le laupapa

Fautuaga faafaiaoga i fono vitio: A o lei amataina le vasega, mafaufau e valaaulia ni tagata aoga se toafa e faatino matafaioi a uo i le gaoioiga faamalamalama. Fai atu ia i latou e feauauai e fesili po o le a le uiga o fuaitau o le atamai i aoaoga faavae ma faataga tamaiti aoga i le vasega e tali mai.