Mataio 25:14-46

Sauniuni mo le Toe Foi Mai o le Faaola

Resurrected Christ with arms outstretched stands above a throng of people of all races and times, some prone, some standing. The people on the right side of Christ are in the attitude of worship. The people on the left side of Christ are in anguish. Scenes of ruin are in the foreground and background. The Washington D.C. temple is pictured in the upper left corner.

Sa aoao atu e le Faaola le faataoto i taleni ma le faataoto i mamoe ma oti e fesoasoani ai i Ona soo ia iloa le ala e saunia ai mo Lona Afio Mai Faalua. E mafai ona fesoasoani lenei lesona e te iloa ai upumoni mai nei faataoto ma fesoasoani ia te oe e saunia ai mo le Afio Mai Faalua o le Faaola.

Sauniuniga a le tagata o le vasega: Valaaulia tagata aoga e faitau a le o le faataoto i taleni (tagai i le Mataio 25:14–30) po o le faataoto i mamoe ma oti (tagai i le Mataio 25:31–46) ma saunia e faasoa ane lesona sa latou aoaoina mai a latou suesuega.

Gaoioiga e ono Mafai Ona Aoao Ai

Ina ia fesoasoani i tagata aoga e manatua o latou aafiaga ua tuanai i le suesueina o faataoto, faaali atu ata o se fatu, se tupe, ma se penina, pe, afai e mafai, aumai ni nai mea faitino i le vasega. Valaaulia tagata aoga e toe tomanatu i se faataoto ua uma ona latou aoaoina mai le Feagaiga Fou ma faamatala otooto lona uiga. Atonu e fesoasoani le faia o sina malologa e tuu atu ai i tagata aoga ia lava se taimi e toe manatua ai faataitaiga. Afai e manaomia, ia tuuina atu ni faamanatu o faataoto (o se faataoto e aofia ai fatu e mafai ona maua i le Mataio 13:3–8, 18–23; o se tupe siliva i le Luka 15:8–10 ; ma se penina i le Mataio 13:45–46).

Ia manatua nisi o faataoto a le Faaola. O ata nei e mafai ona fesoasoani ia te oe e manatua ai nisi ua uma ona e suesueina i lenei tausaga.

O a ni aoaoga e mafai ona e manatua mai nei faataoto?
Na faapefea ona fesoasoani ia te oe aoaoga na e aoaoina i lenei tausaga mai faataoto?

Afai e le mafai e tagata aoga ona mafaufau i ni auala patino na fesoasoani ai aoaoga ia i latou, mafaufau e faasoa atu sau faataitaiga patino.

O le a le mautinoa o e lagona i lou tomai e aoao ai e uiga i le Faaola e ala i Ana faataoto?

Faalogo i tali a tagata aoga i fesili na muamua atu, ma fetuutuunai mea nei e tusa ai ma o latou manaoga.

Toe iloilo pe faapefea ona malamalama i faataoto

Atonu e fesoasoani le toe iloiloina o fautuaga i le auala e malamalama ai i faataoto. I le amataga o lenei tausaga, na e aoaoina ai ni laasaga se fa mo le malamalama ai i faataoto. Afai e te le i suesueina i latou pe manaomia se fesoasoani e manatua ai na mea, mafaufau e faasino i le lesona “Mataio 13.”

Tusi ulutala o mulimuli mai i totonu o lau api faamaumau suesuega. Tuu avanoa i le va o ulutala taitasi e faamaumau ai sailiiliga ma malamalamaaga.

Saili mo auiliiliga taua.
Fai ni faatusatusaga faaleagaga.
Ia saili lesona taua.
Fuafua le faaaogaina ai mo oe lava ia.

A o e faaauauina lenei lesona, o le a e faaaogaina nei mataupu faavae e fa i faataoto o loo maua i le Mataio 25:14–46 .

Saili auiliiliga taua

A o aoao mai le Faaola e uiga i le Afio Mai Faalua ma le Faamasinoga, sa Ia faasoa atu faataoto e faapupula ai mea e mafai ona tatou faia e saunia ai mo Lona toe afio mai. Filifili ma suesue se tasi o faataoto nei na tuuina mai e le Faaola, ma vaavaai mo auiliiliga taua.

New Testament Seminary Teacher Manual - 2023

O le faataoto i taleni

Faitau le Mataio 25:14–30, pe matamata i le “The Parable of the Talents” (3:03), e maua i le ChurchofJesusChrist.org.

Atonu e fesoasoani faamatalaga nei a o e suesueina lenei faataoto:

O le “taleni” e faasino i se aofaiga tele o tupe i aso anamua. I lenei faataoto, e mafai ona faatusa i “se mea taua tele,” e pei o le talalelei po o faamanuiaga, meaalofa, tomai, ma avanoa ua tuuina mai e le Alii ia i tatou (tagai i le Guide to the Scriptures, “ Talent,” scriptures.ChurchofJesusChrist.org).
O le faaupuga “usury” e mafai ona faasino i le na o le totogiina o le tului i luga o se nonogatupe pe mafai foi ona faauigaina i se fua faatatau maualuga tele o se tupe tului (tagai Bible Dictionary, “ Usury ”).

O le Alii e faatusa ia Iesu Keriso.
O auauna e fai ma sui o i tatou taitoatasi.

Tusi se ata e faamatala ai lenei faataoto.

O le faataoto i mamoe ma oti

Faitau le Mataio 25:31–46 , pe matamata “Ye Have Done It unto Me” (3:14), e maua i le ChurchofJesusChrist.org.

O faamatalaga nei atonu e fesoasoani ona iloa a o e suesue i lenei faataoto:

O le “lima taumatau”: I aso anamua, o le nofo i le itu taumatau o le tupu, po o le nofo i tafatafa o le tupu i lona itu taumatau, o le tulaga sili lea ona mamalu i se tausamaaga.

Tusi se ata e faamatala ai lenei faataoto.

Fai ni faatusatusaga faaleagaga, ma iloa ni lesona taua

Faaaoga fesili nei e fesoasoani ia te oe e iloa ai lesona na aoao mai e le Faaola e ala i Ana faataoto. Ia auiliili patino i le mafai e mafaia ai.

Ia mautinoa ia lava se taimi i le va o fesili taitasi nei mo tagata aoga e atiina ae ai ni tali magafagafa.

O a upumoni po o lesona na e aoaoina a o e suesueina lenei faataoto?

O nisi nei o upumoni e ono faailoa mai e tagata aoga: Afai tatou te faaaogaina ma le faamaoni meaalofa ma tomai ua tuuina mai e le Alii ia i tatou, o le a fiafia o Ia i a tatou taumafaiga ma o le a faamanuiaina i tatou i le olioli ma le ola e faavavau. E mafai ona tatou faaalia lo tatou alolofa mo le Alii i le auala tatou te tausia ai isi.

E faapefea e le iloaina ma le ola ai i nei upumoni ona fesoasoani ia i tatou e saunia ai mo le Afio Mai Faalua o le Faaola? Aisea e te manatu na aoao atu ai e le Faaola nei upumoni?
O a ni auala e alofa tunoa ma tonu ai le Alii?
E mafai faapefea ona e lagonaina le alofa o le Faaola i upumoni sa Ia aoao mai e ala i lenei faataoto?
E faapefea e le iloaina o nei upumoni ona aafia ai lou manao e saunia e feiloai ma le Faaola i Lona Afio Mai Faalua?

Filimaoti le faaaogaaga patino

Fesoasoani i tagata aoga e faaaoga mea na latou aoaoina mai lenei lesona i ni auala anoa patino. O gaoioiga nei o ni fautuaga. Faaaoga pe fetuunai nei gaoioiga e tusa ai ma manaoga ma tomai o tagata aoga.

Afai na e suesueina le faataoto i taleni, fai se lisi o tomai ma faamanuiaga ua tuuina atu e le Alii ia te oe. Afai e mafai, faailoa nisi o na faamanuiaga e ala i le aapa atu i tagata e te iloa pe faitau lou faamanuiaga faapeteriaka, pe afai o i ai. Mafaufau pe faapefea ona finagalo le Alii e te faaaogaina nei tomai ma faamanuiaga.
Afai na e suesueina le faataoto i mamoe ma ʻoti, mafaufau pe o le a le uiga i lou tulaga o le ofoina atu o meaai, vaiinu, lavalava, ma se mafutaga i se tasi. Mafaufau i tagata e masani ona e vaai i ai, ma faailoa mai se tasi e te lagona e finagalo le Alii e te fesoasoani i ai. Tusi i lalo pe mafai faapefea ona e fesoasoani i lena tagata ia latalata atili atu ia te Ia.
Faasoa atu se upumoni na e aoaoina i lenei lesona mai faataoto a le Faaola, ma faamatala pe mafai faapefea ona e faatinoina lena mataupu faavae i au amioga i aso taitasi.

Mafaufau e valaaulia tagata aoga e faasoa mai o latou manatu mai le gaoioiga na latou faamaeaina.

Atonu e fesoasoani le usuina o le viiga “Faitau Ou Manuia” (Viiga, nu. 241).

Valaaulia le vasega e molimau atu i mataupu faavae na latou faailoa mai. Uunaia i latou e faaaoga a latou meaalofa ma tomai e auauna atu ai i isi ma saunia ai e fetaiai ma le Faaola.

Tala Auiliili ma Faamatalaga o Talaaga

Ae faapefea pe a maua e se tasi le tele pe itiiti ifo nai lo le mea ou te maua?

Na saunoa mai Elder Quentin L. Cook o le Korama a Aposetolo e Toasefululua:

O le tuputupu ae o a tatou lava taleni o se fua sili lea mo le alualu i luma. … O le faatusatusa o faamanuiaga e iu lava ina tulia ese le olioli. E le mafai ona tatou lotofaafetai ma lotoleaga i le taimi e tasi. Afai tatou te mananao moni lava e maua le Agaga o le Alii ma maua le olioli ma le fiafia, e tatau ona tatou olioli i o tatou faamanuiaga ma lotofaafetai.

(Quentin L. Cook, “Rejoice!,” Ensign, Nov. 1996, 29–30)

O a ni faatinoga o le a faamasinoina ai i tatou e le Faaola?

Na saunoa mai Elder Joseph B. Wirthlin (1917–2008) o le Korama a Aposetolo e Toasefululua:

I le aso mulimuli o le a le fesili mai ai le Faaola e uiga i le natura o a tatou valaauga. O le a le fesili mai o Ia i a tatou oa faalelalolagi po o tulaga lauiloa. O le a fesili mai o Ia pe sa tatou auauna atu i e mamai, avatu meaai ma meainu i e fiaaai, asiasi atu ia te i latou i le falepuipui, pe fesoasoani atu i e vaivai [tagai i le Mataio 25:31–40 ]. A tatou aapa atu e fesoasoani i se aupito itiiti o fanau a le Tama Faalelagi, ua tatou faia lena ia te Ia [tagai i le Mataio 2 5 :40 ]. O le ute lena o le talalelei a Iesu Keriso.

(Joseph B. Wirthlin, “O Le Poloaiga Sili,” Ensign or Liahona, Nov. 2007, 30)

O le a le mea ua faamoemoe le Alii tatou te faia i mea ua Ia tuuina mai ia i tatou?

Na faasoa mai e Elder Stanley G. Ellis o le Korama a Fitugafulu ni malamalamaaga e uiga i le faataoto i taleni:

O le auauna na maua le lima ma toe faafoi atu le sefulu, atoa ma le na ave le lua ma toe faafoi mai le fa, sa taua o ni auauna lelei ma faamaoni. Ae o le mea na ou tosina atu i ai, o le auauna na ia mauaina le tasi, na ia tausia, ma toe faafoi atu ma le saogalemu i lona alii. Sa faateia au i le tali mai a le matai: “O oe na le auauna leaga ma le paie, … o lenei, ia aveese le taleni mai ia te ia, … ma e lafo le auauna le aoga i le pouliuli i fafo”! (Tagai i le Mataio 25:14-30 .)

E foliga mai o se uiga saua lea i se tasi e foliga mai o loo taumafai e tausia mea na tuuina atu ia te ia. Ae na aoao mai e le Agaga ia te au lenei upumoni—o loo faamoemoe le Alii mo se suiga!

(Stanley G. Ellis, “Na te Faatuatuaina i Tatou!,” Ensign po o le Liahona, Nov. 2006, 52)

Na fautua mai Elder Ellis e mafai ona tatou faia lenei “eseesega” i o tatou olaga e ala i le tumau i le Alii (tagai i le Ioane 15:5), faia o o tatou tiute faaleagaga, ma mulimuli i le Agaga ma o tatou taitai o le Ekalesia.