Iloiloga o le Atamai i Aoaoga Faavae 9
Faataitai le Malamalama ai ma le Faamalamalamaina o Upumoni
O fuaitau o mau o le atamai i aoaoga faavae o loo i ai upumoni taua e uiga ia Iesu Keriso ma Lana talalelei. O lenei lesona e mafai ona fesoasoani ia te oe ina ia maua se malamalama atili i nei upumoni ma fesoasoani ia te oe e faataitai ona faamatalaina atu i isi.
Faataitaiina o le faamalamalamaina. O le tuuina atu i tagata aoga o avanoa e faataitai ai le faamalamalamaina o upumoni na a’oa’o mai e le Faaola e mafai ona fesoasoani ina ia latou iloa mea ua latou iloa e uiga i se upumoni ma faatupulaia ai lo latou lotomautinoa i le faasoaina atu o lo latou malamalama i isi.
Sauniuniga a le tamaitiiti aoga: Valaaulia tagata aoga e filifili se fuaitau o le atamai i aoaoga faavae sa latou aoaoina talu ai nei ma faamalamalama atu i se tasi.
Gaoioiga e ono Mafai ona Aoao Mai Ai
O se lesona o le fuaitau o le atamai i aoaoga faavae atonu e manaomia ona aoao atu e suitulaga i lenei lesona toeiloilo. Tagai i le faasologa faatulagaina o lesona ua saunia e le faatonu o le eria po o le risone po o le taitai faamaopoopo ina ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.
Mafaufau e valaaulia se tagata aoga e faatino se tomai na tele ona faataitai e atinaeina ai, e pei o le taina o se mea fai musika po o le pese.
Atinaeina o se tomai
-
O le a se mea e te matua lelei tele ai?
-
Na faapefea ona faasolo ina e lelei ai?
Sa saunoa Elder Gary E. Stevenson o le Korama a Aposetolo e Toasefululua e uiga i auala e atinae ai se tomai.
Mo se tasi ina ia matuā lelei lava i soo se mea, e mana’omia, faaopoopo atu i le taleni, le lotopulea tele, faataulaga, ma aoaoga ma faataitaiga faatino mo ni itulā se tele.
(Gary E. Stevenson, “O Lau Tusi Metotia o le Perisitua,” Ensign po o le Liahona, Me 2019, 47)
-
E faapefea ona faaaogā lenei taiala i au suesuega o tusitusiga paia?
-
O le a lou mautinoa i lou gafatia ona faamatala atu aoaoga a le Faaola i isi?
Ia saoloto e te filifili isi fuaitau o mau o le atamai i aoaoga faavae mo gaoioiga nei.
O le asō o le a e faaaogaina ai fuaitau o mau o le atamai i aoaoga faavae e faalolotoina ai lou malamalama i upumoni na aoao mai e le Faaola, ma o le a e faataitai ai ona faamalamalama atu nei upumoni i isi. Muamua, atonu e ono fesoasoani le toe iloiloina o fuaitau o le atamai i aoaoga faavae na e suesueina talu ai nei. Taumafai e faafetaui le mau faasino o le atamai i aoaoga faavae ma lona fasifuaitau sa‘o o le mau autu.
Ia saoloto e te filifili isi fuaitau o le atamai i aoaoga faavae mo gaoioiga nei. O tali mo le gaoioiga faafetaui o le 1-I, 2-E, 3-A, 4-O.
|
A. “Ai se tasi e fia fai lona finagalo, e iloa ai e ia le mataupu.” | |
|
E. Na fetalai Iesu, “Ou te avatu foi ia te oe ki o le malo o le lagi.” | |
|
3. Ioane 7:17 |
I. “Ia outou o mai ia te au, outou uma o e tigaina ma mafatia i avega, o au foi e malolo ai outou. |
|
O. “E te alofa atu i le Alii lou Atua. … E te alofa atu i lē lua te tuaoi.” |
Malamalama i le fuaitau
Mafaufau pe fai faatasi le gaoioiga lenei ma le vasega atoa. Tusi se fuaitau o le atamai i aoaoga faavae i luga o le laupapa (a o lei amataina le vasega, pe a mafai). Faasoa atu faatonuga nei ma valaaulia tamaiti aoga e tusi a latou fesili i luga o le laupapa.
Tusi i lalo ni fesili se tele e te mafaia e uiga i le fuaitau o le atamai i aoaoga faavae. (O faataitaiga o fesili e mafai ona e fesili ai e aofia ai mea nei: O le a le uiga o lenei fasifuaitau? O ai na fetalai i ai le Faaola, ma pe aisea foi? O le a le upumoni na aoao mai e le Faaola, ma aisea? O afea e mafai ai ona fesoasoani lenei aoaoga ia te au?)Saili tali i au fesili e faaaoga ai punaoa e pei o isi fuaitau o mau, tatalo, fesoasoani mo suesuega o le talalelei, ma tagata e te faatuatuaina. Faamaumau soo se tali e te maua.
E taua le manatua e le o tali uma e mafai ona vave maua. O nisi e manaomia taimi faaopoopo, suesuega faaopoopo, ma faaaliga patino. Peitai, o le faaaogaina o le faia o fesili ma le sailia o tali e mafai ona faamalosia ai lou faiā ma lou Tama oi le Lagi ma fesoasoani ai ia te oe e faatupulaia lou tomai ina ia e ola tutoatasi faaleagaga.
Valaaulia le tamaiti aoga e faasoa mai mea na latou maua. Ona valaaulia lea o i latou e faia le gaoioiga lava lea e tasi e i latou lava e faaaoga ai fuaitau e ese mai. Pe atonu e aoga le atofa atu i tamaiti aoga taitasi o se tasi o fuaitau o mau o le atamai i aoaoga faavae o loo iloiloina ona vaevae lea o tamaiti aoga i ni vaega, faatasi ai ma tamaiti aoga taitasi i le vaega ua atofa atu i ai se fuaitau ese o mau.
Faamatalaina o le upumoni
Mafaufau e fetuunai le gaoioiga lenei e ala i le tuuina o teutusi faataamilo i le potu faatasi ma se fuaitau se tasi o le atamai i aoaoga faavae i totonu o teutusi taitasi. Tofi tamaiti aoga taitasi e iloilo se tasi o fuaitau o le atamai i aoaoga faavae. Vaevae tamaiti aoga i ni vaega, ia mautinoa ua atofa atu i tamaiti aoga taitasi fuaitau eseese. Valaau ia vaega e o i teutusi taitasi. A uma ona latou tatalaina, vaai le tamaitiiti aoga o le vaega lea na suesueina le fuaitau o le atamai i aoaoga faavae lea o loo i totonu o le teutusi e faamalamalama atu i le vaega le uiga o le fuaitau ma mea na latou aoao mai ai.
Vaai faalemafaufau i se uo o faitau le fuaitau o le mau o le atamai i aoaoga faavae sa faatoa e suesueina ae sa faigata ona malamalama i ai ma pe faapefea ona talafeagai i o latou olaga. Latou te fesili atu ia te oe e uiga i ai.
Tusi se faamalamalamaga o le fuaitau o le mau o le atamai i aoaoga faavae i lau uo. Ia mautinoa e faailoa atu upumoni taua ma faamatala pe aisea e taua ai ia te oe.
Tulitatao atu i faataitaiga
Toe manatunatu i lenei aafiaga o le saili ia malamalama atili ma faamalamalama i upumoni o loo maua i fuaitau o mau o le atamai i aoaoga faavae.
-
Na faapefea e le faalolotoina o lou malamalama ona aafia ai lou tomai e faamalamalama upumoni o le talalelei?
-
O le a se mea e mafai ona e faia i le lumanai e te sauni ai e faamalamalama atu i isi ia upumoni o loo maua i fuaitau o le atamai i aoaoga faavae ma i isi fuaitau o mau?