Mataio 26; Mareko 14; Ioane 13

Vaaiga Aoao

I le taimi o le Paseka, sa aoao atu ai e Iesu Ona soo e uiga i le auauna atu ma le alofa o le tasi i le isi. Sa Ia faailoaina e faapea o le a faalataina o Ia. Sa Ia faavaeina le sauniga o le faamanatuga o se auala fou mo Ona soo e manatua ai o Ia. O lenei vaiaso e aofia ai se lesona o le atamai i aoaoga faavae e fesoasoani ai i tagata aoga ia faateleina lo latou atamai i le aoaoga faavae o le faamanatuga, faapea foi ma se lesona e fesoasoani ai ia i latou e iloilo lo latou aoaoina ma le alualu i luma.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona saunia mamao i ai mo lesona taitasi.

Ioane 13

Faamoemoega o le lesona: O lenei lesona e mafai ona uunaia ai tamaiti aoga e saili le fiafia e ala i le auauna atu ma alolofa atu i isi e pei ona sa faia e Iesu.

Sauniuniga a le tamaitiiti aoga: Valaaulia tamaiti aoga e saili se avanoa e auauna atu ai pe faaalia ai le alofa faaKeriso mo se isi tagata.

Vitio: “Vitio o Le Musika: O Loo Ou Taumafai e Avea e Pei o Iesu—Emily Brown” (3:18)
Vitio: “When Ye Are in the Service—YM” (3:01)

Fautuaga faafaiaoga mai fono vitio: E faaopoopo atu i le valaauina o tamaiti aoga e faia se fuafuaga a le tagata lava ia e faaali atu ai le alofa sili atu mo isi, ia faia se fuafuaga o se vasega e fai faatasi ai se mea lelei mo se isi tagata.

Mataio 26:1–25

Faamoemoega o le lesona: O lenei lesona e mafai ona fesoasoani i tamaiti aoga e faaaoga upu a le Faaola i tusitusiga paia e suesue ai o latou olaga ma fuafua ai vaega e manaomia ona latou faaleleia.

Sauniuniga a le tamaitiiti aoga: Valaaulia tagata aoga e mafaufau i se taimi na latou faaaogaina ai fautuaga po o aoaoga mai tusitusiga paia, taitai o le Ekalesia, po o le Agaga Paia i o latou olaga. Mata o le a ese faapefea lo latou olaga pe ana latou le filifili e faaaoga lena fautuaga?

Vitio: “Le Alii e,O A’u E a?” (18:17; matamata mai le taimi 0:34 i le 2:30)

Mataio 26:26–30; Luka 22:19–20

Faamoemoega o le lesona: O lenei lesona e mafai ona fesoasoani i tamaiti aoga ia malamalama ma lagonaina le taua o le manatuaina o le Faaola a o latou aai ma feinu i le faamanatuga.

Sauniuniga a le tamaitiiti aoga: Faailoa atu i tamaiti aoga o le lesona lenei o le a valaaulia ai i latou e iloilo o latou aafiaga i le aai ma feinu i le faamanatuga. Valaalia tamaiti aoga e mafaufau e uiga i o latou aafiaga lata mai ao auai i le faamanatuga ma o mai sauniuni e faasoa mai mea na latou faia, mafaufauga, po o ni lagona na fesoasoani ia i latou e manatua ai le Faaola.

Vitio: “O le Faamanatuga—o se Toefaafouina o le Agaga” (10:38; matamata mai le taimi 9:25 i le 9:57)
Vitio: “Ia Manatua Pea o Ia” (5:27; matamata mai le taimi 0:00 seia oo i le 0:53)

Fautuaga faafaiaoga i le fono vitio: Mafaufau po o a faamatalaga o le a e faasino atu i ai taulaiga a tamaiti aoga a o latou sauni e suesue i le aoaoga faavae o le faamanatuga. Faamaopoopo se auala mo tamaiti aoga e faasoa mai ai otootoga o latou lesona e uiga i le faamanatuga i ni paga taitoalua po o ni vaega toalaiti.

Atamai i Aoaoga Faavae: Luka 22:19-20

Faamoemoega o le lesona: O le lesona lenei e maua ai le avanoa e tamaiti aoga e faateleina ai lo latou malamalama i atamai o aoaoga faavae a o latou tauloto mau faasino ma fasifuaitau o mau autu, faamatala aoaoga faavae, ma faaaoga mataupu faavae o le mauaina o le tomai faaleagaga i tulaga moni o le olaga.

Sauniuniga a le tamaitiiti aoga: Valaaulia tagata aoga e mafaufau i mea e fesoasoani ia i latou e manatua ai le Faaola a o latou aai ma feinu i le faamanatuga ma ia sauniuni e faaaoga pe faasoa atu lenei tulaga i lenei lesona.

Iloilo Lou Aoaoina 5

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai sini na latou faatulagaina ma le feagai ai ma lo latou tuputupu a’e i taimi o latou suesuega o le Feagaiga Fou.

Sauniuniga a le tamaitiiti aoga: Valaaulia tamaiti aoga e toe manatunatu i nai lesona mulimuli ma aafiaga na latou maua o se faaiuga o na lesona.

Ata: O ata e fesoasoani i tamaiti aoga e manatua ai nisi o mea taua na tutupu ma aoaoga sa latou suesueina i le tolu vaiaso ua tuanai

Fautuaga faafaiaoga o fono i vitio: A o faasoa mai e tamaiti aoga a latou malamalamaga e uiga i le Afio Mai Faalua o Iesu Keriso, mafaufau e valaaulia le tagata aoga e sili ona lata mai lana faasoa e filifili se isi tagata o le vasega e sosoo ai. Ona mafai lea ona valaaulia lena tamaitiiti aoga e faaopoopo ia le itiiti ifo ma le tasi se faamatalaga e lei aofia muamua ona filifili lea o se isi tamaitiiti aoga e faasoa mai. E mafai ona toe faia lenei faagasologa seia oo ina le mafai e le vasega atoa ona mafaufau i nisi faamatalaga o le a latou mananao e faamalamalama.