Lucas 17:11–19

“Ang Imong Pagsalig Nakapaayo Kanimo”

Samtang nagbiyahe gikan sa Galilea paingon sa Jerusalem, giayo ni Jesus ang napulo ka sanglahon. Usa lamang sa mga naayo ang mibalik og nagpasalamat kang Jesus. Kini nga leksiyon makatabang nimo nga mobati ug mapahayag ang pagpasalamat ngadto sa Langitnong Amahan, kang Jesukristo, ug sa uban.

Pagdapit sa mga estudyante aron mobasa og maayo. Ang pagbasa og maayo makatabang sa mga estudyante sa pag-ila sa mga mahinungdanong detalye ug makahanduraw unsa ang nanghitabo. Makatabang kini sa mga estudyante nga malig-on ang ilang sukaranang pagsabot sa mga kasulatan, mas maayong pag-ila sa mga baroganan, ug ikapahisama ang kasulatan diha sa ilang kaugalingon nga mga kinabuhi.

Pagpangandam sa estudyante: Dapita ang mga estudyante sa pag-adto nga andam sa pagpaambit og usa ka bag-ong kasinatian diin sila mibati nga mapasalamaton ngadto sa Langitnong Amahan o kang Jesukristo. Sa laing paagi, ang mga estudyante puweding maghimo og lista nga naghulagway kon unsa ang gibuhat sa Langitnong Amahan og ni Jesukristo alang kanila.

Posible nga mga Kalihokan sa Pagkat-on

Ang imong gibati karon mahitungod sa pasalamat

Alang sa mosunod nga kalihokan, ikonsiderar ang pagdapit sa mga estudyante sa pagpaambit sa ilang mga kasinatian bahin sa mapasalamatong pagbati sa dili pa kompletohon ang pag-asses sa kaugalingon. Tingale makatabang kon ipakita ang pag-asses sa kaugalingon aron masusi ug mapamalandongan sa mga estudyante.

Ang paggamit sa mga pulong nga “kasagaran,” “usahay,” o “dili gayod” motimbang-timbang sa imong kaugalingon sa mosunod nga mga pahayag:

• Mobati ko nga mapasalamaton sa Langitnong Amahan, kang Jesukristo, ug sa uban.

• Ako mopahayag sa akong mga pagbati nga mapasalamaton.

• Ang pagpahayag sa pagkamapasalamaton adunay positibong epekto sa akong kinabuhi.

Samtang magpadayon ka sa imong pagtuon, tinguhaa ang giya sa Espiritu Santo aron matabangan ka sa pagkahibalo kon sa unsang paagi ang pagpakita og kamapasalamaton makapanalangin sa imong kinabuhi.

Sanla

• Unsa ang imong nahibaloan mahitungod sa sakit nga sanla?

Paminawa og maayo ang mga tubag sa mga estudyante, ug idugang ang bisan unsa nga mosunod nga impormasyon aron sa paghatag og katin-awan o pagdugang sa unsay gisulti sa mga estudyante.

Ang sanla, labing nailhan kaniadto kaysa sa karon, usa ka sakit sa pamanit nga mahimong makatingga paingon sa pisikal nga pagkadunot o pagkamatay. Sa biblikanhong kapanahonan, ang mga tawong sanglahon ibulag gikan sa kadaghanan diha sa katilingban ug gikinahanglan nga mosinggit og “Mahugaw!” aron mapasidan-an si bisan kinsa nga nagpadulong kanila (tan-awa sa Giya ngadto sa mga Kasulatan, “ Sangla ”).

• Unsa kaha ang inadlaw nga pagbati ug kasinatian sa usa ka sanglahon sa biblikanhong kapanahonan?

• Unsa ang pipila ka hinungdan nganong ang kabatan-onan tingale mobati og susamang mga pagbati sa atong panahon?

Basaha og maayo ang Lucas 17:11–14 , nga maghanduraw kon unsa ang imong gibasa. Ang pagbasa og maayo, ang paghatag og pagtagad sa mga detalye, ug ang paghanduraw sa imong gibasa magdala og mas makahuluganon nga mga kasinatian sa pagtuon sa mga kasulatan.Human mabasa kini nga mga bersikulo, sulayi sa pagtubag og daghan kutob sa mahimo ang mosunod nga lima ka pangutana mahitungod sa mga detalye diha sa Lucas 17:11–14 nga walay pag-refer ngadto sa mga kasulatan.

Ikonsiderar ang pagpakita sa mosunod nga mga pangutana o paghatag sa mosunod nga handout. Dapita ang mga estudyante sa pagtrabaho nga magparespares o sa gagmay’ng grupo aron hisgotan ang mga detalye nga ilang nahinumdoman.

Basaha og maayo, nga maghatag og pagtagad sa matag detalye

1. Unsa ka suod ang mga sanglahon ngadto sa Manluluwas?

2. Unsay gihangyo sa mga sanglahon ngadto sa Manluluwas?

3. Unsay gisulti sa Manluluwas ngadto kanila?

4. Pila ka mga sanglahon ang adunay hugot nga pagtuo sa paghimo sa gihangyo sa Manluluwas?

5. Unsay gipanghimo sa mga sanglahon sa dihang nangaayo sila?

Ihanduraw kon unsa ang imong gibasa

Hunahunaa ang imong kaugalingon isip usa sa mga sanglahon nga nalimpyo.

• Unsa kaha ang pagbati nga mamaayo gikan sa sangla? Unsa man kaha ang imong bation?

• Ngano kaha nga ang pagpang-ayo nahitabo man dinhi niini nga asoy “dihang nangadto sila”? ( bersikulo 14).

• Unsa kaha unta ang imong mabuhat dihang imong naamgohan nga ang Manluluwas miayo kanimo?

Basaha og maayo ang Lucas 17:15–19 , nga magpadayon nga maghanduraw sa unsay imong gibasa ug mangita sa importanting mga detalye.

• Unsa nga mga detalye niining mga bersikulo ang pinakaimportante para sa imoha?

• Unsa ang imong nakat-onan mahitungod sa pagpakita og kamapasalamaton ug sa mga panalangin nga ikahatag niini?

• Unsa ang atong nakat-onan mahitungod kang Jesukristo gikan sa iyang tubag sa usa ka sanglahon nga mibalik?

Ang Langitnong Amahan ganahan nga mopanalangin kanato ug mobuhat niini sa daghang paagi. Iya usab nga gipadala ang Manluluwas nga si Jesukristo ug gipanalanginan ang Iyang mga anak pinaagi sa Manluluwas. Usa ka kamatuoran nga atong makat-onan gikan niini nga asoy mao nga kon kita mopahayag og kamapasalamaton sa mga panalangin nga atong nadawat gikan sa Langitnong Amahan ug kang Jesukristo, mamaayo kita.

Tingale makatabang ang pagkahibalo nga kon ang mga sanglahon nangaayo man sa ilang sangla, gikinahanglan nga sila, ubos sa balaod ni Moises, magpakita sa ilang kaugalingon ngadto sa mga pari aron mapahayag nga limpyo ug makabalik sa ilang mga panimalay ug katilingban (tan-awa sa Levitico 14). Wala nato mahibaloi ang mga hinungdan nganong ang matag usa sa siyam ka tawo wala mobalik aron magpasalamat. Sila nagpakita og hugot nga pagtuo sa Manluluwas, nagmasulundon, ug nangaayo, apan ang Manluluwas miingon sa usa kinsa mibalik ug nagpasalamat, kinsa usa ka Samarianhon, nga ang iyang pagtuo maoy “nakaayo” kaniya ( Lucas 17:19).

• Unsa kaha ang kalainan tali sa pagkaayo sa sangla ug sa pagkaayo?

• Unsa man ang imong nakat-onan gikan niini nga asoy nga makaapekto sa imong relasyon uban sa Manluluwas?

• Sa unsang paagi nga ang pagbasa og maayo, nagtagad sa mga detalye, ug paghanduraw niini nga mga bersikulo nakaapekto sa imong kasinatian sa pagkat-on?

Basaha ang mosunod nga mapanagnaong mga pahayag, nga magkonsiderar kon sa unsang paagi kini nga mga pagtulon-an mahitungod sa pagpasalamat magamit ngadto sa usa ka sanglahon ug sa imong kaugalingon nga kinabuhi.Si Presidente Thomas S. Monson mitudlo:

Ang kinasingkasing nga pagpasalamat dili lamang makatabang kanato sa pag-ila sa atong mga panalangin, apan kini makaabli usab sa mga pultahan sa langit ug motabang kanato nga mobati sa gugma sa Dios.

(Thomas S. Monson, “Ang Balaanong Gasa sa Pagpasalamat,” Liahona, Nob. 2010, 87)

Gihatagan og gibug-aton ni Presidente Russell M. Nelson ang bili sa pagbati nga mapasalamaton sa Ginoo. Tan-awa ang video nga “Presidente Russell M. Nelson: Usa ka Propetikanhong Pag-ampo sa Pasalamat, Paglaum, ug Pagkaayo sa Kalib[o]tan” sugod sa time code nga 3:42 hangtod 4:28 o basaha ang teksto sa ubos.

Presidente Russell M. Nelson: Usa ka Propetikanhong Pag-ampo sa Pasalamat, Paglaum, ug Pagkaayo sa Kalibutan

Sa edad nga 96 si Presidente Russell M. Nelson sa Ang Simbahan ni Jesukristo sa mga Santos sa Ulahing mga Adlaw nakakita sa daghang pagsulay. Siya miingon nga dunay yanong solusyo nga makatabang sa pagkaplag og kalipay sa lisud nga panahon—pasalamat.

Sulod sa akong siyam ug tunga ka dekada nga kinabuhi, ako nakahukom nga ang pag-ihap sa atong mga panalangin mas maayo kay sa pagsubay sa atong mga problema. Bisan unsa ang atong sitwasyon, ang pagpakita og kamapasalamaton sa atong mga pribilehiyo usa ka paspas ug epektibong espiritwal nga resita.

Ang kamapasalamaton makapalingkawas ba kanato gikan sa kasubo, kaguol, kayug[o]t, ug kasakit? Dili, apan makahupay kini sa atong mga pagbati. Kini maghatag kanato og mas dakong panglantaw bahin sa katuyoan mismo ug kalipay sa kinabuhi.

(“Presidente Russell M. Nelson on the Healing Power of Gratitude,” ChurchofJesusChrist.org)

Aron matabangan ka nga makaila ug makapalambo sa imong mga pagpahayag sa pasalamat sa Langitnong Amahan ug kang Jesukristo, kopyaha ang mosunod nga tsart diha sa imong journal sa pagtuon.

Mga panalangin nga akong nadawat gikan sa Langitnong Amahan ug kang Jesukristo:	Mga paagi sa akong pagpadayag sa pasalamat niining mga panalangin:

Ang Langitnong Amahan ug si Jesukristo mipanalangin kanimo sa makahuluganon ug personal nga mga paagi. Pamalandongi pag-ayo ang maong mga panalangin, og isulat kini sa unang kolum. Tingale makatabang ang pag-ampo sa hilom ug pagpangayo sa Langitnong Amahan nga matabangan ka nga makakita sa daghan nga paagi nga Siya mipanalangin kanimo. Unya pagsulat og pipila ka paagi diha sa ikaduhang kolum kon unsaon nimo sa pagpakita og kamapasalamaton alang niini nga mga panalangin. Ang mosunod nga mga bersikulo tingale makatabang nimo sa pagmugna og mga ideya: Mosiah 2:20–22 ; Mateo 25:40 ; Mga Taga-Filipos 1:1–3 ; 1 Mga Taga-Corinto 16:29 .

• Sa unsang paagi ang pagpamalandong niini nga mga panalangin sa personal nga paagi nakaapekto kanimo?

• Sa pagsusi sa imong lista bahin sa mga paagi sa pagpasalamat, asa niini ang ganahan nimo sa piho nga paagi nga palamboon o sugdan sa paghimo? Ngano man? Unsaon kaha nimo sa pagsugod?

Tabangi ang mga estudyante sa pagpaambit mahitungod sa ilang mga kasinatian gikan sa pagkat-on ug pagtuon karon. Ikonsiderar ang pagtugot nga sila motudlo sa usag usa pinaagi sa pagpaambit sa ilang mga lista sa mga panalangin, mga paagi sa pagpahayag og pasalamat, ug sa ilang mga tumong alang sa pagpalambo ug paggamit niini. Mopamatuod, o modapit og usa ka estudyante sa pagpamatuod, sa gahom bahin sa pagpahayag og pasalamat.

Komentaryo ug Background nga Impormasyon

Lucas 17:14 . Importante ba gyod nga ang mibalik nga sanglahon usa ka Samarianhon?

Ang mga Samarianhon mao kadtong nagpuyo sa Samaria kinsang relihiyon mao ang usa ka sinagulan sa tinuohan nga Judeo ug mga tinuohan ug mga batasan nga pagano” ( tan-awa sa Giya ngadto sa mga Kasulatan, “ Samarianhon, Mga ”). Kanunay nga ubos ang pagtan-aw kanila sa kadaghanan sa mga Judeo. Hunahunaa nganong gihisgotan ni Lucas nga ang mapasalamaton nga sanglahon usa ka Samarianhon. Unsa ang ikadugang niini nga detalye sa imong pagsabot niini nga asoy? Unsa ang gitudlo niini kanimo mahitungod sa Manluluwas?

Unsay kalainan sa pagkamapasalamaton kay sa yanong paglitok og salamat?

Si Presidente David O. McKay nagtudlo bahin sa pagkamapasalamaton ug pagpasalamat:

Ang pagkamapasalamaton mas lawon kay sa salamat. Ang pagpasalamat mao ang sinugdanan sa pagkamapasalamaton. Ang pagkamapasalamaton mao ang kahingpitan sa pagpasalamat. Ang pagpasalamat mahimong maglakip og mga pulong lamang. Ang pagkamapasalamaton makita pinaagi sa buhat.

(David O. McKay, “The Meaning of Thanksgiving,” Improvement Era, Nob. 1964, 914)

Sa unsang paagi ang pagkamapasalamaton makaapekto sa akong kinabuhi?

Ang mosunod nga mga video nagpakita sa epekto sa pagkamapasalamaton.

Principles of Peace: Gratitude #PrinceofPeace

We can show gratitude by being thankful for all that Jesus Christ has made possible in our lives. Jon’s upbringing could have made him focus on what his life lacked. However, he chose instead to dwell on all the wonderful things he had.

Think to Thank

Thinking to thank God brings us all these things, draws us closer to those we love, and makes us more like the Savior.

Dugang nga mga Kalihokan sa Pagkat-on

Ikumpara ug itandi

Aron matabangan ang mga estudyante nga makat-on pa og dugang mahitungod ni Jesukristo, dapita sila sa pagsusi sa mga pagkaparehas ug mga kalainan sa mga pagkaayo nga anaa sa Lucas 5:12–15 ug sa Lucas 17:11–19 . Unsa ang gihatagan og gibug-aton niining managlahi nga asoy mahitungod kang Jesukristo?

Mga pagpahayag sa pasalamat

Ikonsiderar ang pagdapit sa mga estudyante sa paghimo og sulat ngadto sa Langitnong Amahan nga magpahayag sa ilang pagkamapasalamaton sa mga panalangin nga Iyang gihatag kanila, ilabi na pinaagi sa Iyang Anak, nga si Jesukristo. Unsa kaha ang labing makatabang nga ilakip niini nga sulat? Unsa kaha ang mahimong kalainan sa paghimo niini nga sulat? Kinsa pa kaha ang laing tawo nga gusto sa Ginoo nga imong duolon ug ipahayag ang pagkamapasalamaton?