Juan 11:1–46, Bahin 2

Si Jesus Mibuhi ni Lazaro Gikan sa Pagkamatay

Jesus mourning Lazarus.

Sa miagi nga leksiyon, imong natino ang mga baroganan gikan sa asoy sa Manluluwas nga mibuhi ni Lazaro gikan sa pagkamatay. Kini nga leksiyon makahatag kanimo og kahigayonan sa pagtudlo og usa ka baroganan nga makatabang nimo ug sa uban sa pagdawat sa panabang sa Manunubos panahon sa mga hagit sa kinabuhi.

Pagtabang sa mga estudyante sa pagtudlo sa usag usa. Ang paghatag og kahigayonan sa mga estudyante sa pagtudlo sa usag usa makatabang nila nga masabtan pag-ayo ug magamit ang mga kamatuoran nga ilang nakat-onan. Samtang ang mga estudyante nagtudlo sa usag-usa, ipadayon ang aktibong pag-apil pinaagi sa pagbalhin-balhin og adto sa mga grupo ug sa pag-obserba sa kalihokan sa pagkat-on, mohatag og tabang kon gikinahanglan. Ang pagbuhat niini makatabang sa mga estudyante nga makatutok sa buluhaton ug makadawat sa gikinahanglan nga tabang aron mas makabenepisyo sila sa kalihokan.

Pagpangandam sa estudyante: Dapita ang mga estudyante sa paghunahuna unsay ilang nakat-onan gikan sa asoy ni Maria, Marta, Lazaro ug sa Manluluwas diha sa Juan 11:1–46 . Sultihi sila nga aduna silay higayon sa pagtudlo mahitungod sa usa ka baroganan nga ilang nakat-onan gikan niini nga asoy. Dapita sila sa pag-adto nga mag-andam og mga ideya mahitungod sa kon unsaon kaha nila sa pagtudlo ang baroganan sa epektibo nga paagi.

Posible nga mga Kalihokan sa Pagkat-on

Epekto sa pagtudlo

Kini nga leksiyon mao ang ikaduha sa duha ka leksiyon sa Juan 11:1–46 . Sa miagi nga leksiyon, ang mga estudyante mitino og mga baroganan. Ikonsiderar ang pagtudlo niana nga leksiyon agig pagpangandam alang niining usa ka butang.

Ang mga estudyante mahimong mopaambit sa ilang mga tubag sa mosunod nga mga pangutana pinaagi sa paresan o sa gagmayng grupo.

Pamalandongi ang panahon diin ikaw gitudloan og butang mahitungod ni Jesukristo o sa Iyang ebanghelyo nga adunay dako nga epekto diha kanimo.

• Giunsa man kini pagtudlo sa imoha?

• Nganong aduna man kini dako nga epekto?

Si Jesukristo mao ang Batid nga Magtutudlo. Samtang Siya nagtudlo uban sa gahom ug sa Espiritu, kadtong mga naminaw uban sa pagpaubos mibati og dako nga epekto sa Iyang mga pagtulon-an (tan-awa sa Juan 3:2 ; Juan 6:35, 68–69).

• Unsa ang pipila ka pananglitan sa mga tawo nga naimpluwensyahan kaayo og dako sa pagtulon-an sa Manluluwas?

Pamalandongi ang ehemplo sa Manluluwas ug ang imong kaugalingong kasinatian samtang ikaw nag-andam ug motudlo og hamubo nga leksiyon base sa asoy sa Pagbuhi sa Manluluwas kang Lazaro gikan sa pagkamatay diha sa Juan 11:1–46 . Usa ka elemento sa pagtulon-an sa Manluluwas mao nga Siya nagatudlo kanunay sa tinuod nga doktrina ug mga baroganan. Niini nga leksiyon, aduna kay kahigayonan nga mosunod sa ehemplo sa Manluluwas sa imong pagtudlo og usa ka tinuod nga baroganan. Samtang magpalambo ka sa imong abilidad sa pagtudlo sunod sa pamaagi sa Manluluwas, mas mamahimo kang sama Kaniya.

Lazaro

Hinumdomi kutob sa daghan nga imong mahinumdoman ang asoy bahin sa Pagbuhi sa Manluluwas kang Lazaro gikan sa pagkamatay. Kon gikinahanglan, basaha ang mosunod nga summary.

Pagdapit og usa o duha ka estudyante sa pag-summarize sa asoy. Kon ganahan, paghimo og badlis-badlis nga drowing alang kang Maria, Marta, ug Lazaro ngadto sa pisara. Gamiti usab og imahe sa Manluluwas (ayaw paggamit og badlis-badlis nga drowing sa paghulagway sa Manluluwas). Pagdapit og usa ka estudyante sa pag-refer niini nga mga biswal nga tabang samtang i-summarize nila ang asoy. Kon gikinahanglan, gamita ang mosunod nga impormasyon nga ikadugang o sa pagklaro unsa ang gisulti sa mga estudyante.

Si Maria ug si Marta mipadala og mensahe kang Jesus nga ang ilang igsoong si Lazaro nasakit. Gituyo ni Jesus nga ilangay ang Iyang biyahe ug miabot upat ka adlaw na human namatay si Lazaro. Uban sa gugma ug kalooy, gibuhi ni Jesus si Lazaro gikan sa pagkamatay. Kini nga mahinuklugong pagpakita sa balaang gahom naghatag og gibug-aton nga si Jesus mao ang pinili mga Mesiyas ug dunay gahom batok sa kamatayon. Human mahibalo bahin niini nga milagro, ang punoang mga pari ug mga Pariseo nagplano nga patyon si Jesus ug si Lazaro.

Imong leksiyon

Pag-andam og leksiyon gamit ang usa ka baroganan nga atong makat-onan gikan sa Juan 11. Pagpili og usa ka baroganan gikan sa mosunod nga mga kapilian nga ganahan kaayo nimo o gibati nga haom gayod kaayo alang sa mga tin-edyer.

Ipakita ang mosunod nga mga kapilian sa leksiyon nga kapilian sa mga estudyante. Hibaloi nga ang mga estudyante tingale mobati og kahingawa ug tingale maglisod sa pagpresentar og usa ka leksiyon. Kini nga mga estudyante mahimong magsumiter og outline sa leksiyon kaysa patudluon.

Tingale makatabang usab ang pag-ila sa mga estudyante kinsa tingale nagkinahanglan og tabang sa pagbasa, pag-andam, o pagpanulti ug paghatag kanila og pares nga maandam ug matudloan.

Leksiyon nga kapilian 1: Ang Manluluwas makabuhat og mga milagro sa atong kinabuhi samtang mopakita kita sa atong hugot nga pagtuo Kaniya panahon sa atong mga pagsulay ( Juan 11:20–27,38–45).

Leksiyon nga kapilian 2: Ang mga milagro sa Dios sa atong kinabuhi moabot sumala sa Iyang kabubut-on ug panahon ( Juan 11:1–7,11–17, 39–45).

Leksiyon nga kapilian 3: Mahimo natong sundon ang buhat ni Jesukristo pinaagi sa pagpakita og kalooy ngadto sa uban ( Juan 11:32–3643–44).

Leksiyon nga kapilian 4: Makita nato ang gugma ug gahom sa Dios nga ipakita samtang Siya molig-on ug mohupay kanato panahon sa atong mga pakigbisog ( Juan 11:1-7,11–15,38–46).

Leksiyon nga kapilian 5: Si Jesukristo adunay gahom sa kinabuhi ug kamatayon ( Juan 11:20–27,39–46).

Leksiyon nga kapilian 6: Pagpili og imong kaugalingong baroganan gikan sa giasoy sa ( Juan 11:1–46).

Hunahunaa unsa ka dako ang panahon nga gikinahanglan sa mga estudyante alang sa pag-andam ug pagtudlo sa ilang mga leksiyon. Himoa ang mga pag-adjust sa oras base sa mga panginahanglan sa estudyante.

Hatagi ang mga estudyante sa mosunod nga handout aron matabangan sila sa pag-andam sa ilang mga leksiyon.

Preparing a Lesson for John 11

Tubaga ang mosunod nga mga pag-aghat aron matabangan ka sa paghimo og outline sa imong leksiyon. Ikonsiderar ang paggahin og 15 hangtod sa 20 ka minuto ang pag-andam sa imong leksiyon ug 5 hangtod sa 10 ka minuto sa pagtudlo niini.

1. Unsaon nimo sa pagpaila ang baroganan nga imong gipili sa paagi nga makatabang sa imong mga gitudloan sa pagsabot nganong mahinungdanon kini?

2. Asa niini nga mga bersikulo ang imong basahon alang sa imong mga gitudloan nga labing maayong makahulagway niini nga baroganan? (Kon may nahibaloan ka nga usa ka dugang nga asoy sa kasulatan, tudling sa kasulatan, o mga pahayag gikan sa usa ka lider sa Simbahan nga makatabang sa imong mga gitudloan sa pagsabot sa baroganan, ikonsiderar nga isulat usab kana dinhi.)

3. Unsa ang gitudlo kanimo niini nga baroganan mahitungod sa Manluluwas? Ikonsiderar ang paghangyo sa imong mga gitudloan sa pagpaambit sa ilang nakat-onan mahitungod kang Jesukristo gikan niini nga baroganan.

4. Unsa ang imong ikapaambit mahitungod sa giunsa niini nga baroganan sa pagtabang kanimo? Unsa nga mga panalangin ang miabot gumikan sa pagsunod niini? Ikonsiderar ang pagdapit sa imong mga gitudloan sa pagpaambit usab og mga kasinatian.

5. Isulat ang imong mga hunahuna mahitungod sa baroganan nga imong gitudlo ug ang usa ka mubo nga pagpasabot kon sa unsang paagi kini mipalig-on sa imong pagpamatuod kang Jesukristo. Ipaambit ang imong pagpamatuod kon gibati nimo nga angay kining buhaton.

Ang dugang nga mga paagi sa pagtudlo niini nga leksiyon ug dugang nga mga kapanguhaan nga magamit sa mga estudyante sa pag-andam sa ilang mga leksiyon makita sa “Komentaryo ug Background nga Impormasyon” ug sa “Dugang nga mga Kalihokan sa Pagkat-on” nga mga seksiyon niini nga leksiyon.

Dapita ang mga estudyante nga itudlo ngadto sa usag usa ang ilang mga leksiyon o ipaambit sa daklit ang ilang mga outline pinaagi sa paresan o sa gagmay nga mga grupo. Mahimo usab nilang ipaambit ang ilang mga leksiyon ngadto sa ilang panimalay kauban sa ilang mga pamilya.

• Unsa man ang imong nakat-onan gikan niini nga kasinatian?

• Sa unsang paagi ang pag-andam sa mga leksiyon ug pagtudlo sa uban makatabang nimo ug sa uban nga mas maduol ug mas mahisama sa Manluluwas?

Komentaryo ug Background nga Impormasyon

Dugang nga mga kapanguhaan

Ang mosunod nga mga video ug mga pakigpulong makatabang nimo sa pag-andam ug pagtudlo sa imong leksiyon. Mahimo nimong gamiton kini nga mga kapanguhaan sa usa o sa daghan pang mosunod nga mga paagi:

• aron mas masabtan ang baroganan nga imong gitudlo

• aron maila ang mga kamatuoran, mga sugilanon, o mga panabot nga imong ikapaambit gamit ang imong kaugalingong mga pulong samtang magtudlo

• aron mapangita ang mga pahayag o mga minugbo nga video [video clip] nga mahimo nimong ipakita sa imong mga gitudloan

Ang tanang video nga nalista makita sa ChurchofJesusChrist.org.

Leksiyon nga kapilian1: Ang Manluluwas makahimo og mga milagro sa atong kinabuhi samtang molihok kita inubanan sa hugot nga pagtuo Kaniya panahon sa atong mga pagsulay

Neil L. Andersen, “Ang Pagtuo Dili pinaagi sa Sulagma apan pinaagi sa Pagpili” (kinatibuk-ang komperensiya, Okt. 2015) (tan-awa gikan sa time code nga 1:40 hangtod 4:32).

Leksiyon nga kapilian 2: Ang mga milagro sa Dios sa atong kinabuhi moabot sumala sa Iyang kabubut-on ug panahon

Jeffrey R. Holland, “Naghulat sa Ginoo,” Liahona, Nob. 2020, 115–17.

Jeffrey R.

Leksiyon nga kapilian 3: Mahimo kitang mosunod sa ehemplo ni Jesukristo pinaagi sa pagpakita og kalooy sa uban

Dieter F. Uchtdorf, “Kamo ang Akong mga Kamot,” Liahona, Mayo 2010, 68–75.

Leksiyon nga kapilian 4: Atong makita ang gugma ug gahom nga gipakita sa Dios

samtang Iya kitang gipalig-on ug gihupay panahon sa atong mga kalisdanan

John C. Pingree Jr., “Ako Adunay Buhat alang Kanimo” (kinatibuk-ang komperensiya, Okt. 2017) (tan-awa gikan sa time code 5:49 hangtod 6:48).

Leksiyon nga kapilian 5: Si Jesukristo adunay gahom sa kinabuhi ug kamatayon

D. Todd Christofferson, “Ang Pagkabanhaw ni Jesukristo,” Liahona, Mayo 2014, 111–14.

Paul V. Johnson, “Ug Wala Nay Kamatayon” (kinatibuk-ang komperensiya, Abr. 2016) (tan-awa gikan sa time code 0:17 hangtod 4:56).

Dugang nga mga Kalihokan sa Pagkat-on

Pagbuntog sa mga hagit nga booklet

Ang mga estudyante mahimong mogamit sa mga baroganan nga anaa sa Juan 11:1–46 ug sa mga materyal niini nga leksiyon (ug sa uban pa nga ilang nahibaloan) alang niini nga kalihokan. Ang matag estudyante mahimong mokompleto sa usa o mas daghan pa sa mosunod nga mga kalihokan.

• Pagdrowing og usa ka litraro nga naghulagway sa usa ka baroganan nga gitudlo niini nga leksiyon.

• Balika sa pagsaysay ang usa ka personal nga sugilanon diin ikaw o ang usa ka tawo nga imong nailhan nagsunod sa usa sa maong baroganan nga gitudlo niini nga leksiyon ug nakakita sa gisaad nga mga panalangin.

• Paghimo og listahan sa mga tudling sa kasulatan o mga asoy sa kasulatan, mga pahayag sa mga lider sa Simbahan, ug mga pakisayran sa mga pakigpulong o mga video nga mahimong makatabang sa usa ka tawo nga nag-atubang og hagit.

Human sa igo nga panahon, kolektaha ang mga kontribusyon sa mga estudyante itingob kini ngadto sa usa ka espesyal nga booklet nga gidesinyo aron matabangan ang mga tawo nga makabuntog sa mga hagit. Kini nga booklet mahimong kopyahon aron mahuptan ug magamit sa mga estudyante ugma damlag kon sila o usa sa ilang minahal magkinahanglan og tabang sa hagit nga ilang giatubang. Hatagi ang mga estudyante og mga kapanguhaan nga gikinahangan sa pagkompleto niini nga kalihokan, sama sa suplay nga papel ug art.

Laing kapilian nga kalihokan

Ang mga estudyante mahimong mopili og usa ka tawo nga gihulagway diha sa asoy nga narekord sa Juan 11:1–46 (Maria, Marta, Lazaro, o usa sa mga tumatan-aw) ug mahimong mosulat mahitungod sa asoy gikan sa panglantaw sa maong tawo. Dapita ang mga estudyante sa paglakip sa mosunod diha sa ilang mga asoy:

• sa mga gibati ug mga gihunahuna sa maong tawo panahon niini nga kasinatian

• sa unsa kahay nakat-onan sa maong tawo diha sa asoy gikan sa ug mahitungod sa Manluluwas pinaagi niini nga kasinatian

Ang mga estudyante mahimong mopaambit niini nga mga asoy ngadto sa usag usa ug dayon mopahisama sa sugilanon ngadto sa ilang kaugalingon nga kinabuhi ug mohimo og plano sa paglihok inubanan sa hugot nga pagtuo kang Jesukristo.