Лук 2:40–52

Есүс “өсөж, хүчирхэг болсон”

Jesus teaching in the temple as a young boy.

Аврагч хүүхэд байхдаа сайн мэдээг хүчирхгээр зааж байсан бөгөөд сүмд байсан багш нар хүртэл “ухаан болоод хариултыг нь гайхаж байлаа” (Лук 2:47). Энэ хичээл нь оюун ухаан, бие махбод, сүнслэг байдал хийгээд нийгмийн хүрээнд өсөж дэвжихийг эрэлхийлэх замаар Есүс Христтэй адил болох хүслийг тань хүчирхэгжүүлэх зорилготой. Танд мөн одоогийн зорилгоо Хувийн өсөлт хөгжил: Өсвөр үеийнхэнд зориулсан удирдамж (2019) дээр үнэлэх эсвэл шинэ зорилго тавих боломж олдоно.

Суралцагчдын туршлага дээр төвлөрөх. Суралцагчид хичээлд идэвхтэй оролцож, сайн мэдээний дагуу амьдарснаар суралцдаг. Зааж байхдаа хувийн илчлэлтийг урьж, хөрвөлтийг гүнзгийрүүлэхийн тулд суралцагчид ямар туршлага өгч, юуг хийлгэвэл зохиход төвлөр. Суралцагчид мэдлэгээ дээшлүүлж, тэдгээрийн дагуу амьдарснаар Аврагчид болон Түүний сайн мэдээнд илүү хөрвөгдөх болно.

Суралцагчийн бэлтгэл: Хүүхэд, өсвөр үеийнхний хөтөлбөрийн хүрээнд тавьсан зорилгуудаа эргэн харахад суралцагчдыг урь. Тэдгээр зорилго нь Есүс Христтэй илүү адил болоход хэрхэн тусалж байгаа талаар бодохыг тэднээс хүс. Боломжтой бол Хувийн өсөлт хөгжил: Өсвөр үеийнхэнд зориулсан удирдамжийн хувийг хичээлд авчруул.

Боломжит суралцах үйл ажиллагаа

Есүс хүүхэд насандаа өсөж, хүчирхэгжсэн

Дараах зургуудыг үзүүлээд, тэдгээрийг судлах нэгээс хоёр минутыг суралцагчдад гаргаж өгнө үү. Хэрэв эдгээр зураг байхгүй бол Есүсийн өсөж торниж байсан үеийг төсөөлөхийг суралцагчдаас хүс.

Аврагчийн хүүхэд насыг дүрсэлсэн эдгээр зургийг судал. Эдгээр зураг тус бүр Есүсийн тухай юу өгүүлсэн байгааг сайтар бодоорой.

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Суралцагчдыг дараах асуултад хариулахдаа Аврагчид үзүүлдэг хүндлэлээ хадгалахад уриал. Өөр нэг асуулт нь “Аврагчийн бага насны тухай та юу мэдэхийг хүсэж байна вэ?” гэсэн асуулт байж болох юм.

• Есүс хүүхэд байхдаа ямар байсныг мэдэх нь өсвөр үеийнхний хувьд та нарт хэрхэн тус болох вэ?

Бидэнд Есүсийн хүүхэд насны тухай мэдээлэл бага байдаг ч цэдэглэгдсэн мэдээлэл нь өсөж, хөгжихийг эрэлхийлэх үед тань агуу адислал болох болно. Та Аврагчийн хүүхэд насны тухай судлахдаа Тэнгэрлэг Эцэг, Есүс Христ хоёртой илүү адил болохыг хичээхийн тулд юун дээр илүү төвлөрөх ёстой гэдгийг мэдэхэд туслах үнэнийг хайж ол.

Лук 2:40–52 , Иосеф Смитийн Орчуулга, Матай 3:24–26 (Bible appendix)-г уншаад, Аврагч хүүхэд байхдаа ямар хүүхэд байсан тухай мэдээллийг хайж ол. Та олж мэдсэнээ тэмдэглэж болох юм.

Та мөн ChurchofJesusChrist.org дээрх “Young Jesus Teaches in the Temple” (2:30)-ийг үзэж болно.

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

“Хүчирхэг болсон” ( Лук 2:40 -ийг мөн Иосеф Смитийн Орчуулга, Матай 3:24 [Bible appendix]-ийг үзнэ үү) гэсэн үг нь Есүс сүнслэг хүчийг олж авсан буюу хөгжүүлсэн гэсэн утгатай. Лук 2:46 -ийн Иосеф Смитийн Орчуулгад цэдэглэснээр, ( Лук 2:46 , зүүлт тайлбар c-д) бяцхан Есүс эмч, бичээчдийг сонсож, тэднээс асуугаагүй, харин эсрэгээрээ “тэд түүнийг сонсож, түүнээс асуулт асууж байлаа” гэсэн байдгийг мэдэх нь тустай байж болох юм.

• Энэ цэдэг Есүс хүүхэд байхдаа ямар хүүхэд байсан тухай юу зааж байна вэ?

• 52-р шүлэгт Есүсийн хүүхэд насандаа өсөж, хөгжсөн арга замын талаар танд юу зааж байна вэ?

Бид Лук 2:52 -оос бид оюун ухаан, бие махбод, сүнслэг байдлын хувьд болон нийгмийн тал дээр өсөж хөгжсөнөөр Есүс Христийн жишээг дагадаг болохыг сурч мэдсэн.

Оюун ухаан, бие махбод, сүнслэг байдал, нийгэм зэрэг үгсийг самбарт бичих юм уу үзүүл. Тэгээд дараах асуултуудыг тавь.

• Есүс Христ энэ дөрвөн тал дээр Өөрийн чадавхыг харуулсан тухай судрын ямар ямар жишээ байдаг вэ?

• Та ямар шалтгаанаар энэ дөрвөн тал дээр Аврагчийн жишээг амьдралдаа дагахыг хүсэж байна вэ?

Хичээлийн энэ хэсэг нь зорилго тавихдаа Хувийн өсөлт хөгжил: Өсвөр үеийнхэнд зориулсан удирдамжийг ашиглахад суралцагчдад туслах зорилготой. Энэ гарын авлагыг сонирхохгүй эсвэл сайн мэдэхгүй байгаа суралцагчдын хэрэгцээ шаардлагад болгоомжтой хандана уу. Өсөлт хөгжлийн зорилго дээрээ аль хэдийн ажиллаж эхэлсэн суралцагчдад энэхүү хэлэлцүүлгийг явуулахад туслах сайхан эх сурвалж болж болох юм.

Суралцагчид эдгээр зорилгыг семинараар авч хэлэлцсэн болохыг эцэг эх, Сүмийн удирдагчдад нь мэдээлэх талаар бодож үзээрэй. Энэ нь эцэг эх, удирдагчдад хэрхэн хэрэгжиж байгааг нь хүүхдүүдээсээ асууж лавлахад тусална.

Бошиглогчид Сүмийн өсвөр үеийнхнийг Лук 2:52 дээрх Аврагчийн үлгэр жишээг дагахад уриалсан бөгөөд Сүмийн удирдагчид танд туслах зорилгоор Хувийн өсөлт хөгжил: Өсвөр үеийнхэнд зориулсан удирдамжийг танилцуулсан.

“You Are Here to Discover Who You Are” (2:59) видео бичлэгийг үзээд, Хүүхэд, өсвөр үеийнхний хөтөлбөрөөр зорилго тавихдаа Аврагчийн үлгэр жишээг дагах арга замуудыг хайж олоорой. Энэ видео бичлэг ChurchofJesusChrist.org дээр байгаа.

Jesus Christ at age twelve in the temple at Jerusalem during the Feast of the Passover. A group of learned Jewish doctors are gathered around Christ. The doctors are expressing astonishment at the wisdom and understanding of the young Christ. (Luke 2:41-50)

Ангийн хэмжээнээс шалтгаалан суралцагчдыг дөрвөн бүлэгт хуваагаад, өсөж хөгжих дөрвөн талыг нэг нэгээр нь хэлэлцүүлж болно. Эдгээр тал дээр өсөж, хөгжиж болох арга замыг мөн тавьж болох янз бүрийн зорилгыг авч хэлэлцэхэд суралцагчдыг уриалаарай. Хэлэлцүүлгийн төгсгөлд бүлэг тус бүрээс нэг гишүүнийг санаа бодлоо хуваалцахад урь.

Хувийн өсөлт хөгжил: Өсвөр үеийнхэнд зориулсан удирдамжийн алсын хараа бол “Есүс Христэд итгэх итгэлийг тань хүчирхэгжүүлж, амьдралын сорилт бэрхшээлтэй тулгарахад гэрээний зам дээр өсөж хөгжихөд танд болон таны гэр бүлд туслах” явдал юм (“What is Children and Youth?” ChurchofJesusChrist.org). Энэ удирдамжийн хэвлэн гаргасан хувилбараас гадна цахим хувилбар мөн байгаа. Та уг цахим хувилбарыг Gospel Library, Gospel Living аппликэйшнаас авах боломжтой.

Аврагчийн үлгэр жишээг дагаснаар та ч гэсэн оюун ухаан, бие махбод, сүнслэг байдал, нийгэм гэсэн амьдралынхаа эдгээр дөрвөн тал дээр эн тэнцүү өсөж хөгжих боломжтой. Зорилго тавихдаа Ариун Сүнсний өдөөлтийг эрэлхийл. Өөртэй нь адил болон өсөж хөгжихдөө юун дээр төвлөрөхийг хүсэж байгаагаа олж харахад туслах Их Эзэний өдөөлтүүдийг сонс. Та дараах вэбсайтуудаас зарим санааг олж болно. Үүнд:

Хүүхэд, өсвөр үеийнхэнд зориулсан вэбсайтын “For Youth” хуудас

The Gospel Living аппликэйшны урам зориг өгөх мэдээллүүд

Хувийн өсөлт хөгжил: Өсвөр үеийнхэнд зориулсан удирдамжийн хувь дээрээ амьдралынхаа энэ дөрвөн тал дээр зорилго тавих талаар бодож үзээрэй. Хэрэв та тавьсан зорилго дээрээ ажиллаж эхэлсэн бол хэр сайн ажиллаж байгаагаа үнэлж, шаардлагатай бол залруулаарай. Зорилгуудаа эцэг эх, Сүмийн удирдагчтайгаа тогтмол авч хэлэлц. Та мөн зорилго, аливаа туршлагаа #StrivetoBe-ийг ашиглан хуваалцах боломжтой.

Зорилго тавьж, Өөртэй нь адил болохыг хичээх үед Есүс Христ танд туслах болно. Таныг Түүн рүү ирж, итгэлээ даруухнаар үйлдэл болгоход Тэрээр “сул доройг хүчирхэг болгоно” ( Ифер 12:27) хэмээн амласан.

Зорилго дээрээ ажиллах явцад хуримтлуулсан эерэг туршлагаа хуваалцахад суралцагчдыг урь. Суралцагчдыг #StrivetoBe-г ашиглан туршлагаа хуваалцахад уриал.Хэрэв энэ хөтөлбөрт оролцож байгаа суралцагчид одоогоор байхгүй бол удирдамж, чиглэл өгөх үүднээс өсвөр үеийнхнийг хариуцсан удирдагчийг ангид урих талаар бодож үзээрэй.Суралцагчдын хувьд судлах тэмдэглэл дээрээ хариулах дараах зарим эсвэл бүх асуултыг сонгоод, цаг гарвал ангиараа авч хэлэлц.

• Та амьдралынхаа энэ тал дээр юуг сайжруулахыг хүсэж байна вэ? Яагаад?

• Энэ тал дээр өсөж хөгжих нь ямар арга замаар Есүс Христтэй илүү адил болоход танд туслах вэ?

• Ямар саад бэрхшээл танд тулгарч болох вэ?

• Та Тэнгэрлэг Эцэгийн тусламж, удирдамжийг хэрхэн эрэлхийлэх вэ?

Тайлбар, нөхцөл байдлын талаарх мэдээлэл