Frontal head and shoulders portrait of Jesus Christ. Christ is depicted wearing a pale red robe with a white and blue shawl over one shoulder. Light emanates from His face.
Sinabi ng anghel na si Gabriel kay Maria na ang batang isisilang niya ay magiging “Anak ng Kataas-taasan” (Lucas 1:32). Ang lesson na ito ay makatutulong sa iyo na maunawaan kung paanong ang mga katangiang namana ni Jesus sa isang mortal na ina at isang imortal na Ama ang dahilan kung bakit Siya lang ang may kakayahang tulungan tayong madaig ang lahat ng hamon ng mortalidad.
Magbahagi ng dalisay na patotoo tungkol kay Jesucristo. Maghanap ng mga pagkakataon para madalas na makapagbahagi ng dalisay at makapangyarihang patotoo tungkol kay Jesucristo. Lumikha ng mga pagkakataon para makapagpatotoo sa klase ang mga estudyante tungkol kay Jesucristo. Ang mga estudyante ay maaaring magpatotoo bilang bahagi ng pagsagot nila sa mga assignment, mga aktibidad para sa maliit na grupo, o talakayan sa klase. Tandaan na bigyang-diin din ang mga patotoong ibinigay tungkol kay Jesucristo sa mga banal na kasulatan at sa mga salita ng mga propeta sa mga huling araw.
Paghahanda ng estudyante: Sabihin sa mga estudyante na isipin ang mga hamon na karaniwang kinakaharap ng mga taong kaedad nila.
Mga Posibleng Aktibidad sa Pag-aaral
Pagdaig sa mga hamon
Ipakita ang sumusunod na drowing. Maaari mong anyayahan ang mga estudyante na isulat sa pisara ang kanilang mga sagot sa una sa mga sumusunod na tanong.
Larawan
A stick figure being confused.
Ano ang ilan sa mga pinakakaraniwang hamon na masasabi mong kinakaharap ng mga taong kaedad mo?
Saan bumabaling ang mga kabataan kapag sinisikap nilang harapin ang mga hamong ito?
Ibinahagi ni Elder Ronald A. Rasband ng Korum ng Labindalawang Apostol ang sumusunod na patotoo tungkol kay Jesucristo:
Larawan
Official Portrait (as of June 2016) of Elder Ronald A. Rasband of the Quorum of the Twelve Apostles.
Si Jesucristo ang sagot palagi. Sa pag-unawa sa Kanyang misyon at sa Kanyang ebanghelyo, ang ating pagmamahal para sa Kanya at ang ating paniniwala at pag-asa sa Kanya ay nagbibigay sa atin ng lakas.
(Ronald A. Rasband, “Si Jesucristo ang Sagot,” [isang gabi kasama ang General Authority, Peb. 8, 2019], broadcasts.ChurchofJesusChrist.org)
Maaari mong isulat ang pahayag na “Si Jesucristo ang sagot palagi” malapit sa drowing sa pisara. Maaaring makatulong na ituon ang mga arrow sa drowing sa pahayag na ito.
Sa iyong palagay, bakit si Jesucristo ang sagot palagi kapag nahaharap tayo sa mga hamon o tanong sa buhay?
Pag-isipan sandali ang iyong pananampalataya at tiwala kay Jesucristo. Gaano ka kadalas umaasa ng lakas at suporta sa Kanya?Sa pag-aaral mo sa araw na ito, maghangad ng inspirasyon mula sa Espiritu Santo upang matulungan kang matutuhan ang mga katotohanan tungkol kay Jesucristo na magpapaibayo ng iyong pananampalataya sa Kanya at aakayin kang bumaling sa Kanya nang madalas para humingi ng kapanatagan at lakas.
Mga magulang ni Jesucristo
Si Jesucristo lang ang may kakayahang tulungan tayo sa anumang hamon o tanong na kinakaharap natin sa mortalidad dahil sa mga katangiang namana Niya sa Kanyang mga magulang.
Pag-aralan ang mga sumusunod na banal na kasulatan, at hanapin ang mga turo tungkol sa kung sino ang mga magulang ng Tagapagligtas:
Ano ang natutuhan mo tungkol sa Ama at ina ni Jesucristo?
Ang isang katotohanan na matututuhan natin mula sa mga talatang ito ay si Jesucristo ang banal na Anak ng Diyos Ama at ni Maria.
Kung kinakailangan pang mas malinaw na maunawaan ng mga estudyante ang tungkol sa mga magulang ng Tagapagligtas, maaari mong ibahagi ang ilan sa mga pahayag na matatagpuan sa bahaging “Komentaryo at Pinagmulang Impormasyon” sa huling bahagi ng lesson.
Iguhit sa pisara ang sumusunod na diagram, o ipakita ang larawan.
Larawan
Diagram with the words Mary and Heavenly Father and arrows pointing to the words Jesus Christ.
Basahin ang sumusunod na pahayag ni Pangulong Russell M. Nelson, at hanapin ang mga katangiang namana ni Jesucristo sa Ama sa Langit at kay Maria.
Larawan
Official portrait of President Russell M. Nelson taken January 2018
Mula sa Kanyang imortal na Ama, minana ni Jesus ang kapangyarihang mabuhay magpakailanman. Mula sa Kanyang mortal na ina, namana Niya ang kapalarang dumanas ng pisikal na kamatayan.Ang mga kakaibang katangiang iyon ay mahalaga sa Kanyang misyon na magbayad-sala para sa mga kasalanan ng buong sangkatauhan. Kaya’t isinilang si Jesus ang Cristo upang mamatay (tingnan sa 3 Nephi 27:13–15). Siya ay namatay upang mabuhay tayo. Siya ay isinilang upang ang buong sangkatauhan ay mabuhay pagkatapos mamatay.
(Russell M. Nelson, “Christ the Savior Is Born,” New Era, Dis. 2006, 5)
Ano ang natutuhan mo tungkol kay Jesucristo mula sa pahayag na ito?
Kung nakadrowing na sa pisara ang diagram, makatutulong na ilista ang mga sagot ng mga estudyante sa ilalim ng “Jesucristo.”
Mula sa Kanyang inang si Maria na isang mortal na babae, namana ni Jesus ang mortalidad, kasama na ang pisikal na pagkamatay. Mula sa Diyos, ang ating Ama sa Langit, namana ni Jesus ang imortalidad, ang kakayahang mabuhay magpakailanman sa pamamagitan ng pagkabuhay na mag-uli. Naranasan din Niya ang mga pasakit, tukso, at kalungkutang kaakibat ng mortalidad at tiniis ang sakit at pagdurusa ng Pagbabayad-sala na hindi matitiis ng sinumang tao (tingnan sa Mosias 3:7).
Basahin ang Mosias 7:33 , at maghanap ng mga kabatiran kung paano natin matatamo ang tulong ng Tagapagligtas sa ating mga hamon sa buhay.
Ano ang natutuhan mo mula sa talatang ito tungkol sa kung paano natin matatamo ang tulong ng Tagapagligtas?
Maaaring makatulong na anyayahan ang mga estudyante na maghanap sa mga banal na kasulatan ng halimbawa ng isang pagkakataon na humingi ang isang tao o grupo ng mga tao ng tulong sa Panginoon dahil sa isang tanong o problema. Maaaring hanapin ng mga estudyante ang ginawa ng tao o mga tao na nakatulong sa kanila na lumapit kay Cristo at kung paano Niya sila tinulungan. Maaari din nilang hanapin ang mga katangian ng Tagapagligtas na ipinapakita sa salaysay na pinag-aaralan nila. Anyayahan ang mga estudyante na ibahagi sa klase o sa isa pang estudyante ang mga halimbawang nahanap nila.
Maaari mong bigyan ang mga estudyante ng oras na itala ang kanilang mga sagot sa mga sumusunod na tanong sa kanilang study journal. Kapag natapos na sila, anyayahan silang ibahagi ang kanilang mga sagot sa kapartner o sa klase.
Dahil sa Kanya
Panoorin ang video na “Dahil sa Kanya” (2:36), at hanapin ang ilan sa mga bagay na nagawa ng Tagapagligtas dahil naparito Siya sa mundo, naranasan ang mortalidad, at nadaig ang lahat ng bagay. Ang video na ito ay mapapanood sa ChurchofJesusChrist.org.
Maaari mong bigyan ang mga estudyante ng mga materyal tulad ng mga colored pencil at papel para magawa ang sumusunod na aktibidad.
Gumawa ng sarili mong mensahe tungkol sa Tagapagligtas na nagsisimula sa mga salitang “Dahil sa Kanya.” Maaari mong kumpletuhin ang parirala gamit ang isa o higit pang pahayag tungkol sa bagay sa buhay mo na ang Tagapagligtas lang ang makatutulong sa iyo o nakatulong sa iyo. Maaari kang gumamit ng mga art material upang mapaganda ang iyong gawa kung mayroon kang sapat na oras at mga materyal.
Kapag tapos na ang mga estudyante, anyayahan silang itaas ang kanilang mga mensahe para makita ng lahat. Anyayahan ang ilang estudyante na ipaliwanag ang isinulat nila. Maaari mong anyayahan ang mga estudyante na ibahagi ang kanilang mga pahayag sa iba pa sa kanilang tahanan o sa simbahan.
Maaari kang magbahagi ng personal na patotoo tungkol sa kakayahan ni Cristo na tulungan tayong madaig ang mga hamon ng mortalidad.
Komentaryo at Pinagmulang Impormasyon
Mateo 1:18 . Ano ang ibig sabihin ng si Maria “ay natuklasang nagdadalang-tao sa pamamagitan ng Espiritu Santo”?
Itinuro ni Pangulong Ezra Taft Benson (1899–1994):
Larawan
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Dahil sa mga patotoo ng mga itinalagang saksi, walang pagdududa sa ama ni Jesucristo. Ang Diyos ay ang Ama ng Kanyang pisikal na katawan, at si Maria, isang mortal na babae, ang Kanyang ina. …
… Hindi Siya anak ni Jose, at hindi rin Siya anak ng Espiritu Santo. Siya ang Anak ng Amang Walang Hanggan!
(Ezra Taft Benson, “Five Marks of the Divinity of Jesus Christ,” Ensign, Dis. 2001, 10, 11)
Si Pangulong Harold B. Lee (1899–1973) ay nagbabala tungkol sa pagtatangkang ipaliwanag ang lahat ng detalyeng naganap sa mahimalang pagsilang ng Tagapagligtas.
Larawan
Head and shoulders portrait of LDS Church President Harold B. Lee.
Kung matalino ang mga guro sa pagtuturo tungkol sa [paglilihi kay Jesucristo] na kakaunti lang ang binanggit tungkol dito ng Panginoon, tatapusin nila ang pagtalakay sa paksang ito sa mga salitang nakatala lamang tungkol sa paksang ito sa Lucas 1:34–35. … Sapat na para sa Panginoon ang kaalamang ibinigay Niya sa atin tungkol sa bagay na ito at maghintay tayo hanggang sa magpasiya Siyang dagdagan ang sinabi Niya sa atin tungkol dito.
(The Teachings of Harold B. Lee, ed. Clyde J. Williams [1996], 14)
Ano ang nagawa ni Jesus sa tulong ng mga katangiang namana Niya sa Kanyang mga magulang?
Itinuro ni Pangulong Ezra Taft Benson (1899–1994):
Larawan
Photograph of President Ezra Taft Benson. He is seated in a leather chair in front of a fireplace. His hands are clasped in front of him and he is wearing a large turquoise ring on one finger. Official portrait. 1986
Nang ang Dakilang Diyos ng Sansinukob ay nagpakababa upang isilang ng mortal na babae, ipinasakop Niya ang Kanyang sarili sa mga kahinaan ng mortalidad, upang “[magdanas] ng mga tukso, at sakit ng katawan, gutom, uhaw, at pagod, nang higit sa matitiis ng tao, maliban na yaon ay sa kamatayan” ( Mosias 3:7). Ang mga kahinaang ito ay namana Niya mula sa Kanyang mortal na ina. Ngunit dahil ang Kanyang ama ay Diyos, si Jesucristo ay may kapangyarihang hindi kailanman tinaglay ng isang tao. Siya ang Diyos na nagkatawang-tao—maging ang Anak ng Diyos. Ang mga kapangyarihang ito ay nagbigay sa Kanya ng kakayahang gawin ang mga himala, mga tanda, mga kababalaghan, ang dakilang Pagbabayad-sala, at ang Pagkabuhay na Mag-uli—na siyang mga karagdagang tanda ng Kanyang pagka-Diyos.
(Ezra Taft Benson, “Five Marks of the Divinity of Jesus Christ,” Ensign, Dis. 2001, 10)
Mateo 1:25 . Ano ang ibig sabihin ng “hindi [siya] nakilala” ni Jose?
Ang terminong nakilala sa Biblia ay maaaring tumukoy sa seksuwal na relasyon (tingnan sa Genesis 4:1). Si Jose ay walang seksuwal na relasyon kay Maria bago isinilang si Jesus. Pinagtitibay ng detalyeng ito ang katotohanan na hindi siya ang maaaring maging ama ni Jesus at mahimala ang paglilihi kay Jesus.
Mga Karagdagang Aktibidad sa Pag-aaral
Mga Titulo ng Tagapagligtas
Maaari mong pag-aralan ang mga pangalan at titulo ng Tagapagligtas na nakatala sa Mateo 1 at Lucas 1 . (Maaari kang maghanap ng impormasyon sa Gabay sa mga Banal na Kasulatan.) Ano ang matututuhan natin tungkol kay Jesucristo mula sa mga titulong ito?Jesus ( Mateo 1:21 ; Lucas 1:31)Emmanuel ( Mateo 1:23)Anak ng Kataas-taasan ( Lucas 1:32)Anak ng Diyos ( Lucas 1:35)
Ang pagsunod ni Jose
Maaari mong pag-aralan ang tungkol sa naisip o naramdaman ni Jose sa dapat niyang gawin nang malaman niyang nagdadalang-tao si Maria. Si Jose ay isang mabuting halimbawa ng pagsunod sa payo ng Panginoon nang may pananampalataya (tingnan sa Mateo 1:18–24).
