Seminary
Mateo 14; Marcos 6; Juan 5–6

Mateo 14; Marcos 6; Juan 5–6

Kinatibuk-ang Pagpasabot

Gipakaon sa Manluluwas ang lima ka libong tawo pinaagi sa lima ka pan ug duha ka isda. Daghan ang nangita Kaniya nga naglaom nga makapangayo o makadawat og dugang pang pagkaon. Milakaw si Jesus sa tubig padulong sa sakayan sa mga disipulo sa panahon sa usa ka unos. Giawhag Niya si Pedro nga molakaw usab sa tubig ug giluwas si Pedro sa pagkalunod pagkahuman nga nagduda siya. Gitudlo sa Manluluwas ang wali sa Pan sa Kinabuhi. Gipangutana Niya ang Iyang mga disipulo kon biyaan ba nila Siya, tungod kay gibuhat na kini sa pipila ka sumusunod. Si Pedro mipamatuod nga anaa kang Jesus ang mga pulong sa kinabuhing dayon.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglanon aron makaandam daan para sa kada leksiyon.

Mateo 14:13–23; Juan 6:5–14

Katuyoan sa leksiyon: Makatabang kini nga leksiyon sa mga estudyante nga mahimong mas maloloy-on ug dili hakog sama ni Jesukristo. Makatabang usab kini kanila nga makabaton og mas dakong pagsalig nga tungod ni Jesukristo mahimong paigo ang ilang mapaubsanong mga halad. 

  • Pag-andam sa estudyante: Dapita ang mga estudyante nga mag-ampo ug mangita og oportunidad nga mangalagad sa usa ka tawo sa dili pa ang sunod nga klase. Awhaga sila nga maghatag og pagtagad kon unsa ang ilang bation samtang nangalagad sila.

  • Handout: Andama ang handout sa dili pa ang klase sa duha ka lain-laing sitwasyon.

  • Sugyot sa pagtudlo pinaagi sa videoconference: Ikonsiderar ang paghimo og duha ka breakout room para sa duha ka lahi nga sitwasyon. Tugoti ang mga estudyante nga mopili kon unsang breakout room ang gusto nilang salmotan. Adto sa kada usa sa mga kuwarto, ug tabangi ang mga estudyante sa ilang mga panaghisgotan.

Mateo 14:22–33

Katuyoan sa pagtuon: Makatabang kini nga leksiyon sa mga estudyante sa pagsunod sa ehemplo ni Pedro sa pagdangop ngadto sa Manluluwas sa panahon sa kahadlok o lisod nga mga sitwasyon.

  • Pag-andam sa estudyante: Dapita ang mga estudyante sa pagpamalandong sa mosunod nga mga pangutana gikan sa Dali, Sunod Kanako: “Unsa kaha ang nakadasig ni Pedro sa pagbiya sa iyang sakayan sa tunga-tunga sa Dagat sa Galilea atol sa makusog nga unos? Unsay nakapatuo kaniya nga kon si Jesus makalakaw sa tubig, makalakaw usab siya?” (“Marso 27–Abril 2. Mateo 14; Marcos 6; Juan 5–6: ‘Ayaw Kamo Kalisang,’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2023).

  • Hulagway: Usa ka hulagway ni Pedro nga naglakaw sa tubig

  • Sugyot sa pagtudlo pinaagi sa videoconference: Ikonsiderar ang pagdapit sa mga estudyante nga pangitaon ang ilang paboritong hulagway ni Pedro ug sa Manluluwas nga naglakaw sa tubig. Unya tugoti ang mga estudyante nga ipaambit ang ilang screen aron itudlo ang mga detalye sa hulagway nga ilang gipili ug ipaambit kon unsa ang ilang nakat-onan gikan sa asoy sa kasulatan.

Juan 6:22–58

Katuyoan sa leksiyon: Makatabang kini nga leksiyon sa mga estudyante sa pagtuki og mga paagi nga makaduol sila sa Manluluwas aron mahatag Niya ang ilang espirituhanong mga panginahanglan.

  • Pag-andam sa estudyante: Dapita ang mga estudyante nga maghunahuna kon sa unsang paagi nga pareho sa pan si Jesukristo ug mag-andam sila sa pagpaambit sa ilang mga panglantaw.

  • Leksiyon sa butang: Ikonsiderar ang pagdala og pan nga kan-on sa mga estudyante sa sinugdanan sa leksiyon.

  • Sugyot sa pagtudlo pinaagi sa videoconference: Ikonsiderar ang paghangyo sa mga estudyante nga mangita og pan sa ilang balay nga gamiton para sa unang kalihokan sa leksiyon.

Juan 6:60–71

Katuyoan sa leksiyon: Makatabang kini nga leksiyon sa mga estudyante nga magpabiling tinuod sa ilang pasalig nga mosunod kang Jesukristo, bisan pa kon ang uban mahimong dili mopili nga mosunod Kaniya.

  • Pag-andam sa estudyante: Dapita ang mga estudyante nga pamalandongan ang mga panalangin nga ilang nadawat tungod sa ilang pagsalmot sa Ang Simbahan ni Jesukristo sa mga Santos sa Ulahing mga Adlaw.

  • Sugyot sa pagtudlo pinaagi sa videoconference: Ikonsiderar ang pagdapit sa mga estudyante nga magdala og sakop sa pamilya o higala nga mipili nga magpabiling aktibo sa Simbahan bisan pa ang ubang tawo sa ilang palibot wala mopaambit sa ilang kasinatian ug pagpamatuod.

Pagrebyo sa Doktrinal nga Kahanas 5

Katuyoan sa leksiyon: Tinguha niini nga leksiyon nga tabangan ang mga estudyante sa pagmemorya sa mga pakisayran sa kasulatan ug importanteng mga hugpong sa mga pulong sa doktrina para sa mga tudling sa doktrinal nga kahanas.

  • Pag-andam sa estudyante: Dapita ang mga estudyante nga maghunahuna kon unsa nga mga tudling sa doktrinal nga kahanas ang naghatag kanila og paglaom kang Kristo.

  • Mga Materyales para sa mga Estudyante: papel, mga galamiton sa pagsulat, ug gunting

  • Sugyot sa pagtudlo pinaagi sa videoconference: Ikonsiderar ang pag-andam og presentasyon gamit ang lain-laing mga pulong ug mga hugpong sa mga pulong gikan sa mga tudling sa doktrinal nga kahanas ug himoon kining live, online nga dula.

Iprinta