Jesus Christ seated at a table. In one hand He is holding a piece of bread. With the other He is gesturing towards Himself. There is a plate of bread on the table in front of Him and a goblet.
Sa adlaw pagkahuman sa milagro sa pagpakaon sa lima ka libo, daghan ang nangita kang Jesus, “dili tungod kay nakasabot [sila] sa mga milagro, kondili tungod kay nakakaon [sila] sa pan,” ug gipanggutom na usab sila (Juan 6:26). Gitudloan sila sa Manluluwas, “Ako mao ang pan nga naghatag sa kinabuhi: ang moari kanako dili na gayod gutomon” (Juan 6:35). Makatabang kini nga leksiyon kanimo sa pagtuki og mga paagi nga makaduol ka sa Manluluwas aron mahatag Niya ang imong espirituhanong mga panginahanglan.
Mga praktis sa pagsulat. Ang pagdapit sa mga estudyante sa pagtubag sa makapahinuklog nga mga pangutana pinaagi sa pagsulat makatabang kanila nga makahunahuna og maayo ug mahatagan og katin-awan ang ilang mga hunahuna. Samtang motubag ang mga estudyante sa mga pangutana pinaagi sa pagsulat sa dili pa sila mopaambit sa ilang mga hunahuna ngadto sa klase, sila dunay panahon sa paghimo sa ilang mga ideya ug sa pagdawat og mga pag-aghat gikan sa Espiritu Santo.
Pag-andam sa estudyante. Dapita ang mga estudyante nga maghunahuna kon sa unsang paagi nga pareho sa pan si Jesukristo ug mag-andam sila sa pagpaambit sa ilang mga panabot.
Posible nga mga Kalihokan sa Pagkat-on
“Ako mao ang pan nga naghatag sa kinabuhi”
Ikonsiderar ang pagdala og pan (ug, kon gikinahanglan, usa ka alternatibo para sa mga estudyante nga dili mahimong mokaon og gluten) aron kan-on sa mga estudyante. Ipakita ang mosunod nga mga pangutana aron makita sa mga estudyante sa ilang pagsulod. Dapita sila nga gamiton ang ilang mga hunahuna gikan sa kalihokan sa pag-andam sa estudyante aron tabangan sila sa kinatibuk-an sa leksiyon.
Imahe
Bread
Pila ka buok pan kaha ang makaon nimo?
Bisan pa kon pila ka pan ang imong gikaon sa pagkakaron, unsa ang sunod nga mahitabo?
Sa dihang gipakaon ni Jesus ang sobra sa lima ka libo ka mga tawo gamit lamang ang lima ka pan ug duha ka isda, ang pipila misanong niini nga milagro pinaagi sa pagpangita Kaniya para sa laing pagkaon imbes nga para sa espirituhanong mga rason (tan-awa sa Juan 6:5–14). Gikorihian ni Jesus kadtong nangita Kaniya para sa dugang pa nga pan imbes nga mangita Kaniya para sa kinabuhing dayon. Gikuwestiyon nila ang Iyang kailhanan ug abilidad sa paghatag kanila og kinabuhing dayon (tan-awa sa Juan 6:30, 41–42).
Basaha ang Juan 6:32, 35 aron makita kon giunsa pagkorihir sa Manluluwas ang mga tawo. Ikonsiderar ang pagmarka diha sa imong mga kasulatan sa mga titulo sa Manluluwas nga “matuod nga pan gikan sa langit” ug “ang pan nga naghatag sa kinabuhi.” Mahimo nimong idugang kini nga mga titulo diha sa imong journal entry nga gitawag og “Mga Titulo ug mga Tahas ni Jesukristo.” (Lagmit nga gisugdan nimo kini nga entry sa panahon sa leksiyon sa Juan 1:1–51.)
Ngano kaha nga gitawag sa Manluluwas ang Iyang Kaugalingon isip “matuod nga pan gikan sa langit” o “ang pan nga naghatag sa kinabuhi”?
Unsay imong nakat-onan mahitungod ni Jesukristo diha sa bersikulo 35 ?
Gitudlo sa Juan 6:35 nga kon moduol kita kang Jesukristo ug motuo Kaniya, Siya makatagbaw sa atong espirituhanong kagutom ug kauhaw.
Ikonsiderar ang pagsulat o pagpakita sa mosunod nga pangutana diha sa pisara.
Tubagi ang mosunod nga mga pangutana diha sa imong journal sa pagtuon:
Unsa ang pipila sa mga rason nga ikaw nagkinahanglan ni Jesukristo kada adlaw? Sa unsang mga paagi nga ikaw kasamtangang espirituhanong “gigutom”?
Unsa ang kasamtangan nimong gibuhat aron makuha ang tabang sa Manluluwas sa pagtagbaw niana nga kagutom? Unsa ang maayong gidangatan? Unsa ang dili?
Samtang nagpadayon ka sa imong pagtuon, tinguhaa ang impluwensiya sa Espiritu Santo aron tabangan ka sa pagtuki sa mga paagi nga makaduol ka sa Manluluwas aron matagbaw Niya ang imong espirituhanong kagutom.Basaha ang Juan 6:47–58 , nga mangita kon unsay gidapit sa Manluluwas nga atong buhaton ug kon unsay gisaad Niya agi og bugti niini. Ikonsiderar kon sa unsang paagi nga kini nga mga pagdapit ug mga saad makatabang kanimo nga mas makasabot kon unsaon nga makadawat sa gasa sa Manluluwas sa pagtagbaw sa imong espirituhanong kagutom ug kauhaw. Ikonsiderar ang paghimo og tsart sama sa mosunod aron matabangan ka.
Imahe
Bread
Ikonsiderar ang pagpakita niini nga tsart diha sa pisara ug pagtubag niini isip usa ka klase. Ang pipila sa mga pagdapit sa Manluluwas mao ang pagtuo Kaniya ( Juan 6:47) ug pagkaon sa pan nga naghatag sa kinabuhi ( bersikulo 51). Lakip sa pipila ka saad mao ang kinabuhing walay kataposan ( bersikulo 50) ug Siya magpabilin dinhi kanato ( bersikulo 56).
Ang mga pagdapit sa Manluluwas
Ang mga saad sa Manluluwas
Unsa ang gitudlo kanimo sa Iyang mga pagdapit ug mga saad mahitungod Kaniya?
Gipakita sa asoy ni Enos sa Basahon ni Mormon kon sa unsang paagi matagbaw sa Manluluwas ang atong espirituhanong kagutom. Ikonsiderar ang pagdapit sa mga estudyante nga basahon ang Enos 1:1–8 ug ipaambit ang ilang nadiskobre. Mahimong hisgotan sa mga estudyante kon unsa ang gibuhat ni Enos aron matagbaw ang iyang kagutom ug kon giunsa pagpanalangin sa Ginoo si Enos. Mahimo usab nga pamalandongan sa mga estudyante kon sa unsang paagi nga ang ehemplo ni Enos makatabang kanila nga makadawat sa espirituhanong pagtagbaw gikan sa Pan nga Naghatag sa Kinabuhi.
Pagkaon ug pag-inom sa unod ug dugo sa Manluluwas
Daghang mga tawo nga nakadungog sa wali sa Manluluwas ang adunay mga pangutana mahitungod sa kon unsa ang buot ipasabot sa pagkaon sa unod sa Manluluwas ug pag-inom sa Iyang dugo (tan-awa sa Juan 6:52, 60).
Basaha ang mosunod nga pamahayag ni Elder D. Todd Christofferson sa Korum sa Napulog Duha ka Apostoles aron mas masabtan kon unsa ang buot ipasabot sa mga pulong sa Manluluwas ug kon unsaon nga kita makadawat sa Iyang pagdapit.
Imahe
Portrait of Elder D. Todd Christofferson. Photographed in March 2020.
Ang pagkaon sa Iyang unod ug pag-inom sa Iyang dugo usa ka dili kasarangan nga paagi sa pagpahayag kon unsa ka hingpit nato kinahanglang dad-on ang Manluluwas sa atong kinabuhi—sa ato mismong pagkatawo—aron mahiusa kita. …
… Moambit kita sa Iyang unod ug moinom sa Iyang dugo kon makadawat kita gikan Kaniya sa gahum ug mga panalangin sa Iyang Pag-ula.
Ang doktrina ni Kristo nagpahayag sa unsay kinahanglan gayud natong buhaton aron makadawat sa maulaong grasya. Kini ang motuo ug magbaton og hugot nga pagtuo kang Kristo, maghinulsol ug magpabunyag, ug modawat sa Espiritu Santo, “ug unya mosunod ang kapasayloan sa inyong mga sala pinaagi sa kalayo ug sa Espiritu Santo” [ 2 Nephi 31:17 ]. …
Naghisgot ko bahin sa pagdawat sa maulaong grasya sa Manluluwas nga mokuha sa atong mga sala ug sa mansa niadtong mga sala diha kanato. Apan ang pasumbingay nga mokaon sa Iyang unod ug moinom sa Iyang dugo adunay dugang nga kahulugan, ug mao kana ang pagsabot og maayo sa mga hiyas ug kinaiya ni Kristo, nga mosalikway sa kinaiyanhon nga tawo ug mahimong mga Santos “pinaagi sa pag-ula ni Kristo ang Ginoo” [ Mosiah 3:19 ]. …
… Ang mokaon sa unod ug moinom sa dugo ni Kristo nagpasabut nga tinguhaon ang kabalaan.
Unsaon nimo pagpasabot kon unsa ang buot ipasabot sa pagkaon sa unod ug pag-inom sa dugo sa Anak sa Dios?
Kanus-a nimo o sa ubang tawo gisunod ang tambag ni Elder Christofferson ug gibati nga natagbaw sa Manluluwas ang espirituhanong kagutom? Unsa ang imong gibuhat niini nga mga kasinatian nga gibati nimo nga giawhag ang Manluluwas aron tagbawon kana nga kagutom?
Hunahunaa nga anaa ka sa panahon sa pagwali sa Manluluwas sa Juan 6:22–58 . Pagsulat og journal entry nga morag anaa ka didto. Ilakip ang mosunod sa imong entry:
Unsa ang imong nakat-onan mahitungod sa Manluluwas ug unsa ang imong nakat-onan gikan Kaniya
Aduna ka bay bisan unsang mga kasinatian nga nasinati nimo sa dihang gihatag ni Jesukristo ang imong espirituhanong mga panginahanglan (o bisan unsang mga kasinatian nga nasinati sa ubang tawo)
Mga aksiyon nga gidasig ka sa Espiritu Santo sa pagbuhat ug ngano
Kon adunay panahon, awhaga ang mga estudyante nga ipaambit ang ilang mga entry nganha sa klase o sa mga managpares o diha sa gagmay nga mga grupo. Ikonsiderar ang pagtapos pinaagi sa pagpamatuod mahitungod sa Manluluwas isip Pan nga Naghatag sa Kinabuhi ug pagdapit sa mga estudyante nga mopamatuod usab.
Komentaryo ug Background nga Impormasyon
Ngano kaha nga gipokus ni Jesus ang mga tawo diha sa ilang espirituhanong mga panginahanglan imbes nga sa ilang pisikal nga mga panginahanglan?
Samtang nangalagad isip sakop sa Seventy, si Elder Carlos H. Amado mitudlo:
Imahe
Former official portrait of Elder Carlos H. Amado of the First Quorum of the Seventy, 2008. Retouched version done in March 2009.
Isip usa ka Simbahan, kinahanglan natong pakan-on ang nagutom, hupayon ang masakiton, bistihan ang hubo, ug hatagan og kapasilongan ang mga kabos. Pinaagi sa mga halad sa puasa, atong mapagaan ang nag-una ug dinalian nga mga panginahanglan sa mga miyembro, ug pinaagi sa welfare plan, matabangan nato sila nga makab-ot ang taas nilang mga panginahanglan. Kon adunay kinaiyanhon nga mga kalamidad, pinaagi sa mga makatawhanon nga pangalagad, kita makatabang sa atong mga kaigsoonan nga dili nato kauban sa pagtuo.
Sa walay pagpasagad niining mga temporaryong mga panginahanglan, Ang Simbahan ni Jesukristo sa mga Santos sa Ulahing mga Adlaw, pinaagi sa kasugoan sa Ginoo, nagpabilin sa pinakamadugganon ug hataas nga buhat sa pag-alagad, nga mao ang pagpanalangin sa tanang tawo pinaagi sa pagtudlo kanila sa doktrina ni Kristo ug pagdapit kanila nga modawat sa makaluwas nga mga ordinansa aron sila makabaton og “pagka-imortal ug kinabuhing dayon” ( Moises 1:39).
(Carlos H. Amado, “Pag-alagad, usa ka Balaan nga Hiyas,” Liahona, Mayo 2008, 35–36)
Juan 6:56 . Unsa ang buot ipasabot sa Manluluwas niadtong gitudlo Niya nga magpabilin Siya dinhi kanato?
Si Elder David A. Bednar sa Korum sa Napulog Duha ka Apostoles mitudlo:
Imahe
Former official portrait of Elder Carlos H. Amado of the First Quorum of the Seventy, 2008. Retouched version done in March 2009.
Usa kini ka butang ang pagkasayod nga si Jesukristo mianhi sa yuta aron mamatay alang kanato—kana usa ka mahinungdanon ug pasiunang mga baroganan sa doktrina ni Kristo. Apan kita nagkinahanglan usab nga mopasalamat nga ang Ginoo nagtinguha, pinaagi sa Iyang Pag-ula ug pinaagi sa gahum sa Espiritu Santo, sa pagpakig-uban kanato—dili lamang sa pagtudlo kanato apan sa paghatag usab kanato og gahum.
(David A. Bednar, “Ang Pag-ula ug ang Panaw sa Pagka-mortal,” LiahonaAbril 2012, 12)
Dugang nga mga Kalihokan sa Pagkat-on
Tinguha sa Amahan nga moduol ang tanan sa Iyang Anak aron maluwas
Ikonsiderar ang pagdapit sa mga estudyante nga tun-an ang Juan 6:39–40 ug i-cross reference kini nga mga bersikulo sa Moises 1:39 ug Juan 3:16–17 . Dapita sila nga pamalandongan kon sa unsang paagi nga kining mga bersikulo makatabang kanila nga mas masabtan ang tinguha sa Langitnong Amahan nga maluwas ang tanan Niyang mga anak. Mahimo silang magpokus sa kon unsa ang gitudlo niini nga mga bersikulo ug mga saad nganha kanila mahitungod sa Langitnong Amahan ug sa misyon ni Jesukristo isip ang Pan nga Naghatag sa Kinabuhi.
Juan 6:24–27, 48–50 . Pagpili sa espirituhanon o mahangturon kay sa kalibutanon o temporal
Ikonsiderar ang pagdapit sa mga estudyante nga pangitaon kini nga mga bersikulo ug ikonsiderar ang mga rason kon nganong pilion nato ang kalibutanon o temporal nga mga butang kay sa espirituhanong mga butang. Mahimo nilang i-cross reference kini nga mga bersikulo sa mga kasulatan sama sa 2 Mga Taga-Corinto 4:18 , Mosiah 2:41 , Doktrina ug mga Pakigsaad 25:10 , ug uban pa. Ikonsiderar ang paghangyo kanila nga sutaon ang ilang kaugalingong mga desisyon kada adlaw. Dapita sila nga pamalandongan kon unsa ang ilang nahibaloan mahitungod sa Manluluwas ug sa plano sa kaluwasan nga makatabang kanila nga mas magpokus sa espirituhanong mga butang. Mahimo silang magtuki og mga paagi nga mahatagan nila og mas taas nga prayoridad ang espirituhanong mga butang kay sa kasamtangan nilang gibuhat.
Kon makabenepisyo ang mga estudyante sa pagtuon mahitungod sa pag-ayo ni Jesukristo sa usa ka tawo sa linaw sa Betsata, ikonsiderar ang paggamit niini nga kasinatian sa pagtudlo isip puli sa usa sa uban pang mga leksiyon.
Dapita ang mga estudyante nga basahon ang Juan 5:2–9 , nga mangita sa kada paggamit sa hugpong sa mga pulong nga “mamaayo.” Pangutana kon unsa ang ilang gihunahuna nga kahulogan niini nga hugpong sa mga pulong. Hisgoti sa mga estudyante kon unsa ang ilang makat-onan mahitungod ug gikan sa Manluluwas pinaagi sa Iyang mga pakighinabi niini nga tawo.
Basaha ang bersikulo 14 , ug pangutana kon unsa ang madugang niini sa ilang pagsabot sa “mamaayo.” Sa unsang mga paagi nga ang mga epekto sa wala gihinulsolan nga sala “labi pang mangil-ad” kay sa grabeng pisikal nga kahimtang sa tawo sulod sa 38 ka tuig? Tabangi ang mga estudyante nga masabtan nga si Jesukristo, sa Iyang kaalam, dili kanunay nga moayo dayon sa tanang pisikal nga mga sakit, sama sa Iyang gihimo nga wala moayo sa tanang tawo niadtong adlawa (tan-awa sa bersikulo 3). Bisan pa niini, ang atong mahigugmaong Manluluwas makahimo ug mohimo sa tanan nga mamaayo gikan sa mga epekto sa sala kon maghinulsol sila ug magbaton og hugot nga pagtuo diha Kaniya.
