Christ surrounded by light as He is transfigured. Moses and Elias stand with Him. The three figures are standing behind a tree, and large colorful clouds are visible in the background. Peter, James and John sit on rocks in the foreground as they watch.
Ndërkohë që Shpëtimtari ishte me dishepujt e Tij në Cezare të Filipit, Ai premtoi se do t’i jepte Pjetrit “çelësat e mbretërisë së qiejve” (Mateu 16:19). Gjashtë ditë më vonë, Jezusi i çoi Pjetrin, Jakobin dhe Gjonin në një mal ku Ai “u shpërfytyrua përpara atyre” (Mateu 17:2) në prani të Moisiut dhe Elias (Elija). Profetët e ditëve të mëvonshme kanë dhënë mësim se Pjetri, Jakobi dhe Gjoni morën çelësat e premtuar të priftërisë gjatë Shpërfytyrimit të Jezusit. Ky mësim mund të të ndihmojë ta kuptosh domethënien e çelësave të priftërisë dhe rëndësinë e tyre në planin e Perëndisë për shpëtimin.
Përgatitja e nxënësve: Ftojini nxënësit të mendojnë për një çelës që përdorin, dhe të vijnë të përgatitur për të thënë se për çfarë shërben çelësi, pse është e rëndësishme dhe çfarë do të ndodhte po ta humbnin atë. Nëse duan, nxënësit mund tʼi sjellin çelësat e tyre në klasë.
Veprimtari të Mundshme të të Mësuarit
“Ku janë çelësat?”
Plaku Geri E. Stivenson, i Kuorumit të Dymbëdhjetë Apostujve, dha mësim rreth rëndësisë së çelësave: Lexo thënien vijuese.
Pamja
Official portrait of Elder Gary E. Stevenson of the Quorum of the Twelve Apostles, 2015.
“Teksa dielli dimëror i pasdites rrëshqiste prapa kodrës së gjerë, të mbuluar me dëborë për ushtrimin e skive, ajri i acartë i malit i preku ashpër faqet dhe hundët tona, duke vepruar pothuajse si një shtytës i fortë duke na udhëzuar që t’i gjenim makinat dhe kamionçinat tona në vendparkimin e pikës turistike për ski. Atje, në makinat tona të rehatshme, ngrohësit shpejt do t’i ngrohnin gishtat e ftohtë të këmbëve dhe të duarve. Tingulli i dëborës së ngrirë që kërciste me çdo hap që bënim, pohoi se ky ishte një i ftohtë i jashtëzakonshëm.
Familja jonë kishte kaluar një ditë të mbushur plot hare në shpatet rrëshqitëse për ski, e cila tashmë po arrinte në një mbyllje ngrirëse. Kur arritëm te makina, futa duart në xhepin e palltos për çelësat dhe më pas në një xhep tjetër dhe në një tjetër. ‘Ku janë çelësat?’ Të gjithë po pritnin me padurim për çelësat! Bateria ishte e ngarkuar dhe të gjitha sistemet – përfshirë ngrohësin – ishin gati të punonin, por, pa çelësat, dyert e mbyllura nuk do të na e lejonin hyrjen; pa çelësat, motori nuk do të siguronte energji për makinën.”
(Geri E. Stivenson, “Ku Janë Çelësat dhe Autoriteti i Priftërisë?”, Ensign ose Liahona, maj 2016, f. 29.)
Si e ilustron kjo përvojë rëndësinë e çelësave?
Ftojini nxënësit të përgjigjen për pyetjet nga veprimtaria e përgatitjes së nxënësve.
Mendo për cilatdo çelësa që përdor në jetën tënde. Përse janë të rëndësishëm ata? Çfarë do të ndodhte po t’i humbisje?
Çelësat e Priftërisë
Pamja
Peter in the Chapel in Copenhagen
Kjo është një statujë e Apostullit Pjetër e gdhendur nga Bertel Thorvaldseni (1770–1844). Vëreni se çfarë po mban në dorë Pjetri. Këta çelësa janë simbolikë e fuqisë dhe autoritetit që Shpëtimtari i premtoi Pjetrit.
Lexo te Mateu 16:18–19, duke kërkuar përgjigjet e pyetjeve vijuese:
Çfarë premtoi Shpëtimtari se do t’i jepte Pjetrit?
Çfarë do të kishte fuqi të bënte Pjetri?
Çfarë të mësojnë këto vargje rreth Shpëtimtarit dhe mënyrës se si Ai e qeveris Kishën e Tij?
Një e vërtetë që mund të përcaktojmë nga Mateu 16:18–19 është se Jezu Krishti ua beson çelësat e mbretërisë së Tij profetëve dhe apostujve për të drejtuar punën e Tij në tokë. Megjithëse Shpëtimtari ua kishte dhënë më parë Apostujve autoritetin e priftërisë së Tij (shih Mateu 10:1–8), “çelësat e mbretërisë së qiejve” ( Mateu 16:19) janë çelësat e priftërisë së Tij.
Ftojini nxënësit të thonë atë që dinë tashmë rreth priftërisë dhe çelësave të priftërisë. Pyetjet vijuese mund të jenë të dobishme.
Si do ta shpjegonit ndryshimin midis priftërisë dhe çelësave të priftërisë? Si mendoni se ju ka bekuar ose po ju bekon Shpëtimtari nëpërmjet çelësave të priftërisë?
Dëgjojini me kujdes përgjigjet e nxënësve. Nëse është e nevojshme, merrni parasysh t’i përdorni disa ose të gjitha informacionet vijuese për t’i ndihmuar nxënësit që ta kuptojnë qartë priftërinë dhe çelësat e priftërisë dhe mënyrën se si Shpëtimtari na bekon nëpërmjet këtyre çelësave.
Informacioni i mëposhtëm mund të të ndihmojë ta kuptosh më mirë priftërinë dhe çelësat e priftërisë:
Priftëria është “autoriteti dhe fuqia që Perëndia i jep njeriut për të vepruar në të gjitha gjërat për shpëtimin e njeriut”.
Udhëzuesi për Shkrimet e Shenjta, “ Priftëri ”, scriptures.ChurchofJesusChrist.org.
Mes të tjerash, priftëria na lejon të marrim bekimet e Shlyerjes së Jezu Krishtit nëpërmjet ordinancave shpëtuese të tilla si pagëzimi, konfirmimi dhe marrja e dhuratës së Frymës së Shenjtë, sakramenti dhe marrja e dhurimit dhe vulosja në tempull.
Çelësat e priftërisë janë autoriteti për të drejtuar përdorimin e priftërisë në emër të fëmijëve të Perëndisë. Përdorimi i të gjithë autoritetit të priftërisë në Kishë drejtohet nga njerëzit që mbajnë çelësa të priftërisë. …
Jezu Krishti i mban të gjithë çelësat e priftërisë. Nën drejtimin e Tij, çelësat e priftërisë u jepen burrave për t’i përdorur në thirrje të veçanta për përmbushjen e veprës së Perëndisë.
(Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 3.4.1, 3.4.1.1).
Mali i Shpërfytyrimit dhe Tempulli i Kirtlandit
Gjashtë ditë pasi i premtoi Pjetrit çelësat e priftërisë, Jezusi i ftoi Pjetrin, Jakobin dhe Gjonin që të bashkoheshin me Atë për një përvojë të mrekullueshme në atë që më vonë do të njihej si Mali i Shpërfytyrimit. Është interesante që, në vitin 1836, Jozef Smithi dhe Oliver Kaudëri patën një përvojë të ngjashme në Tempullin e Kirtlandit.
Merrni parasysh ta përdorni veprimtarinë vijuese për t’i ndihmuar nxënësit që të mësojnë më shumë rreth këtyre ngjarjeve të shenjta. Kjo veprimtari mund të bëhet individualisht, në dyshe ose në grupe të vogla.
Në një copë letër ose në ditarin tënd të studimit, hiq një vijë për ta ndarë faqen në gjysmë. Vizato një mal në anën e majtë të faqes dhe një tempull në anën e djathtë. Shkruaj “ Mateu 17:1–7 ” në majë të malit tënd dhe “ Doktrina e Besëlidhje 110:1–2, 11–16 ” mbi tempullin tënd. Lexoji tregimet nga shkrimet e shenjta dhe renditi emrat e njerëzve që qenë të pranishëm, ose zëri i të cilëve u dëgjua gjatë secilës ngjarje. Poshtë këtyre emrave, shkruaj një përmbledhje me një ose dy fjali për atë që ndodhi në secilin tregim.
Ftojini nxënësit e gatshëm që t’i tregojnë figurat dhe përmbledhjet e tyre.
Çfarë mësove nga studimi i këtyre ndodhive?
Mund jetë e dobishme të dish se Udhëzuesi për Shkrimet e Shenjta pohon se ndërkohë që ishin në mal, “Shpëtimtari, Moisiu dhe Eliasi (Elija) ia dhanë çelësat e premtuar të priftërisë Pjetrit, Jakobit dhe Gjonit. Me këta çelësa të priftërisë, apostujt kishin fuqinë për të vazhduar punën e mbretërisë pas ngritjes së Jezusit në qiell”. Këta çelësa më pas iu dhanë të gjithë Të Dymbëdhjetëve (Udhëzuesi për Shkrimet e Shenjta, “ Shpërfytyrimi i Krishtit ”).
Plaku Stivenson shpjegoi rëndësinë e çelësave të priftërisë. Lexo thënien vijuese:
Pamja
Peter in the Chapel in Copenhagen
Pamja
Official portrait of Elder Gary E. Stevenson of the Quorum of the Twelve Apostles, 2015.
“Sa më shumë që mendoj për këtë përvojë, aq më domethënëse është bërë kjo analogji për mua. Mahnitem nga dashuria e Atit Qiellor për fëmijët e Tij. Qëndroj i mrekulluar nga vizita qiellore dhe vegimet e madhërishme të përjetësisë që Perëndia ia dha Jozef Smithit. Dhe veçanërisht, zemra ime mbushet me mirënjohje gjithëpushtuese për rivendosjen e autoritetit të priftërisë dhe të çelësave të priftërisë. Pa këtë rivendosje, ne nuk do të mund të futeshim brenda në makinë[n] e nevojshme për të na transportuar në udhëtimin tonë drejt shtëpisë te prindërit e dashur qiellorë. Kryerja e çdo ordinance të shpëtimit, duke përfshirë shtegun tonë të besëlidhjeve për t’u kthyer te prania e Atit tonë në Qiell, kërkon qeverisjen e duhur nëpërmjet çelësave të priftërisë.”
(Geri E. Stivenson, “Ku Janë Çelësat dhe Autoriteti i Priftërisë?”, Ensign ose Liahona, maj 2016, f. 29.)
Vlerëso se si ndihesh për rivendosjen e çelësave të priftërisë nga Shpëtimtari dhe mënyrën se si këta çelësa ndikojnë në jetën tënde. Kërko udhëheqjen e Frymës së Shenjtë për ta kuptuar rëndësinë e tyre. Pyetjet në vijim mund të ndihmojnë.
Pse je mirënjohës për çelësat e priftërisë së Zotit në tokë?
Nëse dikush që nuk i njeh çelësat e priftërisë, do të të pyeste se pse janë të rëndësishëm ata, si do t’i përgjigjeshe?
Cilat burime hyjnore mund ta ndihmojnë këtë person që të mësojë më tepër rreth rëndësisë së çelësave të priftërisë?
Komente dhe Informacion për Rrethanat
Çfarë do të thotë fjala shpërfytyrim?
Udhëzuesi për Shkrimet e Shenjta e përkufizon shpërfytyrimin si “gjendja e njerëzve që përkohësisht ndryshohen në pamjen e jashtme dhe natyrën fizike – domethënë ngrihen në një nivel më të lartë shpirtëror – kështu që ata të mund të durojnë praninë dhe lavdinë e qenieve qiellore” (“ Shpërfytyrimi ”, scriptures.ChurchofJesusChrist.org).
Ku mund të mësoj më shumë rreth Shpërfytyrimit të Jezu Krishtit?
Mateu 16:19. Çfarë fuqie i premtoi Jezu Krishti Pjetrit?
Presidenti Bojd K. Paker (1924–2015), i Kuorumit të Dymbëdhjetë Apostujve, dha mësim:
Pamja
Final official portrait of Elder Boyd K. Packer, President of the Quorum of the Twelve Apostles, 2000. Passed away 3 July 2015.
“Pjetri duhet ta mbante fuqinë vulosëse, atë autoritet që mban fuqinë për të lidhur a vulosur në tokë ose për të zgjidhur në tokë dhe do të ishte kështu në qiej. Këta çelësa i përkasin Presidentit të Kishës – profetit, shikuesit dhe zbuluesit. Ajo fuqi e shenjtë vulosëse është me Kishën tani. Asgjë nuk konsiderohet me meditim më të shenjtë nga ata që e dinë domethënien e këtij autoriteti. Asgjë nuk mbahet më pranë. Ka relativisht pak burra të cilëve iu është deleguar kjo fuqi vulosëse në tokë në çfarëdo kohe të dhënë – në çdo tempull ka vëllezër të cilëve iu është dhënë fuqia vulosëse. Asnjë nuk mund ta marrë atë përveçse nga profeti, shikuesi e zbuluesi dhe Presidenti i Kishës së Jezu Krishtit të Shenjtorëve të Ditëve të Mëvonshme.”
(Bojd K. Paker, “Tempulli i Shenjtë”, Ensign ose Liahona, tetor 2010, f. 34.)
Kush ishte “Eliasi” që iu shfaq Jozef Smithit dhe Oliver Kaudërit në Tempullin e Kirtlandit?
Pak dihet rreth profetit të quajtur Elias, i cili i “dorëzoi periudhën e kujdestarisë së ungjillit të Abrahamit”, Jozef Smithit dhe Oliver Kaudërit në Tempullin e Kirtlandit ( Doktrina e Besëlidhje 110:12). Emri Elias është përdorur në shkrimet e shenjta si një titull i rëndësishëm që u jepet individëve me misione specifike.
Veprimtari Plotësuese të të Mësuarit
“Ku janë çelësat?”
Për t’i ndihmuar nxënësit të kuptojnë më shumë rreth atyre që i mbajnë çelësat e priftërisë dhe mënyrës se si ata çelësa mund ta bekojnë jetën e tyre, merrni parasysh të bëni veprimtarinë vijuese.
Përpara orës së mësimit, renditni në tabelë mbajtësit e çelësave të priftërisë. Shkruajeni secilin nga bekimet e ungjillit për të cilat kërkohen çelësat e priftërisë (të renditura më poshtë) në një fletë letre në trajtë çelësi dhe fshihini çelësat prej letre nëpër klasë. Nxënësit mund të kërkojnë çelësat e fshehur. Kur të gjenden çelësat, ngjitini ata në tabelë pranë mbajtësit të duhur të çelësave. Diskutoni se si mbajtësit e ndryshëm të çelësave dhe ordinancat mund ta bekojnë jetën e nxënësve.
Disa mbajtës të çelësave të priftërisë:
Presidentët e kunjeve dhe të distrikteve
Peshkopët dhe presidentët e degëve
Presidentët e tempujve
Presidentët e misioneve
Presidenti i Kishës
Bekimet e ungjillit për të cilat kërkohen çelësat e priftërisë:
Pagëzimi
Konfirmimi dhe dhënia e dhuratës së Frymës së Shenjtë
Administrimi i sakramentit
Dhënia e thirrjeve dhe caktimeve në Kishë
Bekimet patriarkale
Dhurimi në tempull
Vulosja në tempull
Mateu 16:18–19
Materiali filmik vijues mund të përdoret për të paraqitur doktrinën e çelësave të priftërisë.
Të autorizuar të ushtrojnë të gjithë çelësat e priftërisë
Ftojini nxënësit të kujtojnë pyetjen e katërt të rekomandimit të tempullit ku thuhet: “A e mbështetni Presidentin e Kishës së Jezu Krishtit të Shenjtorëve të Ditëve të Mëvonshme si profet, shikues dhe zbulues dhe si të vetmin njeri në tokë të autorizuar që t’i ushtrojë të gjithë çelësat e priftërisë?” (Rasëll M. Nelson, “Fjala e Mbylljes”, Ensign ose Liahona, nëntor 2019, f. 121). Ndihmojini nxënësit të vlerësojnë të kuptuarit e tyre duke u kërkuar të shkruajnë pse mendojnë se ky është njëri nga standardet e Zotit për të hyrë në shtëpinë e Tij të shenjtë.