Men and women working in a vineyard picking grapes. Outtakes include the Lord of the vineyard, hiring workers to work in the vineyard, people picking grapes, being paid for their labors and also some pictures of the surrounding countryside/landscape and people working on the film
Si Pedro nangutana, “Among gibiyaan ang tanan, ug misunod kanimo; unsa ma’y among mapaabot?” (Mateo 19:27). Ang Manluluwas mitubag pinaagi sa paghatag ug sambingay sa mga mamumuo sa parasan. Kini nga sambingay nagtudlo nga ang tanan nga mopili sa pagpahinungod sa ilang kinabuhi ngadto Kaniya makadawat sa gisaad nga ganti, bisan pa kon sila nagsugod pa lamang sa pagsubay sa dalan sa pakigsaad. Kini nga leksiyon makatabang nimo nga mobati og paglaom nga madawat nimo ang mga panalangin nga gitanyag ni Jesukristo pinaagi sa Iyang Pag-ula.
Paghanduraw sa malisod nga mga tudling. Ang mga estudyante mahimong makasabot sa pipila ka lisod nga tudling sa kasulatan kon ila kining lihokon o ihanduraw sa pipila ka lain nga paagi. Ang pagbuhat niini makatabang sa mga estudyante nga mas mahingpit ang pagproseso sa mga hitabo, mga tawo, ug mga detalye nga anaa sa mga kasulatan.
Pagpagandam sa estudyante: Dapita ang mga estudyante sa paghimo og lista sa mga panalangin nga ilang nadawat gikan sa Dios tungod kay natudloan sila sa ebanghelyo samtang bata pa. Sa lain nga paagi, mahimo silang maglista og mga oportunidad nga malagmit dili maangkon sa mga tawo kon dili sila matudloan sa ebanghelyo hangtod sa ulahing bahin sa kinabuhi. Dapita ang mga estudyante sa paghunahuna mahitungod sa unsa ang ilang makat-onan gikan sa lista nga ilang nabuhat.
Posible nga mga Kalihokan sa Pagkat-on
Kaysa gamiton ang senaryo nga naa sa ubos, ikonsiderar ang paggamit niini nga kalihokan, nga magpahiangay niini sa panginahanglan ug gidak-on sa matag klase:
Pagdapit og pipila ka andam nga estudyante sa pagbarog ug mogunit sa ilang mga kasulatan o lahi nga libro gamit ang duha ka kamot ug ituy-od ang ilang mga bukton diha sa atuban sulod sa 2 ka minuto. Saari sila og ganti (sama sa gagmay nga kendi) kon makaagwanta sila niana nga posisyon sulod sa tibuok nga panahon. Sa kada 30 segundos, pagdapit og lain pang mga estudyante sa paghimo sa maong posisyon, apan ayaw sila saari og bisan unsang ganti. Sulod sa 30 segundos lamang gikan sa orihinal 2 ka minuto nga nahabilin, dapita ang tanang nahabilin nga mga estudyante sa pagbarog sa mao nga posisyon. Kon mahuman na ang 2 ka minutos, sultihi ang mga estudyante sa pagpaubos sa ilang mga kamot. Hatagi ang tanang misalmot, lakip na ang mga naulahi, sa kinatibuk-ang ganti sama sa gisaad ngadto sa mga unang miboluntaryo.
Pangutan-a ang mga estudyante unsa ang ilang nabati sa maong kalihokan. Kon ang mga nag-unang estudyante mireklamo nga dili patas nga pagtratar, pangutan-a sila nganong mibati sila og ingon niana.
Handurawa ang mosunod nga senaryo:
Si Marisol bag-o lang mipasakop sa Simbahan, kauban ang iyang inahan ug mga apohan. Sa wala madugay, namatay ang iyang apohan nga lalaki. Naghunahuna si Marisol kon ang iyang apohan makadawat ba og susamang panalangin nga iya unyang madawat, bisan tuod og nidawat siya sa ebanghelyo sa ulahi na kaayong bahin sa kinabuhi.
Unsa man kaha ang imong isulti ngadto kang Marisol?
Ang Manluluwas mitudlo sa Iyang mga Apostoles sa sambingay nga naghulagway sa Iyang kabalaka alang sa tanang misunod Kaniya. Sa kinatibuk-an niini nga leksiyon, tinguhaa ang inspirasyon sa Espiritu Santo samtang nangita ka sa mga kamatuoran nga makatabang nimo nga mas masabtan ang tinguha sa Manluluwas alang kanato.
Mga mamumuo sa parasan
Ikonsiderar ang paghimo og tsart diha sa pisara nga adunay blangkong mga luna alang sa mosunod nga impormasyon mahitungod sa matag grupo sa mga mamumuo: oras sa pagsugod, gisaad nga sweldo, oras nga nagtrabaho, ug kantidad nga gibayad. Dapita ang mga estudyante nga kopletohon ang tsart.
Samtang ikaw magtuon niini nga sambingay, makatabang ang pagkahibalo nga ang normal nga adlaw sa tingtrabaho sa Bag-ong Tugon nga kapanahonan lagmit mga 12 ka oras, magsugod sa sayo sa buntag ug mahuman sa gabii. Ang pulong nga sentimo dinhi niini nga mga bersikulo nagpasabot og usa ka denaryo, nga mao ang Romanhon nga sinsilyo nga kasagarang gigamit sa pagbayad sa usa ka mamumuo alang sa tibuok adlaw nga trabaho.
Basaha ang Mateo 20:1–7 , nga mangita kon sa unsang paagi nga ang ginoo sa parasan misuhol og mga mamumuo.
Si Elder Jeffrey R. Holland sa Korum sa Napulog Duha ka Apostoles mipasabot:
Imahe
Official Portrait of Elder Jeffrey R. Holland. Photographed January 2018.
Sa panahon sa Manluluwas, ang kasagarang mga tawo ug iyang pamilya dili mokita og sobra kondili magpakabuhi lang sila sumala sa kinitaan nianang adlawa. Kon dili ka motrabaho o manguma o mangisda o mamaligya, malagmit nga dili ka makakaon.
Tabangi ang mga estudyante sa pagtuki sa sambingay gamit ang lainlain nga panglantaw sa matag grupo sa mga mamumuo.
Kinsa kaha ang girepresentaran sa ginoo sa ubasan ug sa mga mamumuo?
Unsa kaha ang bation kon usa ka sa unang nadawat sa pakamamumuo niadtong adlawa?
Unsa kaha nga mga hunahuna ug mga pagbati sa mga mamumuo nga naghulat nga madawat samtang nagdagan ang adlaw?
Basaha ang Mateo 20:8–16 , nga mangita kon sa unsang paagi natapos sa tanang mamumuo ang maong adlaw.
Tingale makatabang ang pagkahibalo nga ang pagkahimong sinuholan sa ginoo sa ubasan dinhi niini nga sambingay nagsimbolo sa pagsulod sa usa ka pakigsaad sa Langitnong Amahan ug kang Jesukristo. Ang suhol nagsimbolo sa mga panalangin sa kinabuhing dayon.
Ipangutana ang pipila o tanang mosunod nga mga pangutana (o uban pang pangutana) aron matabangan ang mga estudyante nga maila ang mga balaanong hiyas nga gihulagway sa ginoo sa parasan.
Unsa kaha ang imong bation ngadto sa amo sa parasan kon usa ka sa mga unang nadawat sa pagkamamumuo? usa sa ulahing nadawat sa pagkamamumuo?
Sa unsang mga paagi gihulagway sa ginoo sa parasan ang gugma ug kabalaka alang sa tanang mga mamumuo?
Kon imong masabtan nga ang ginoo sa parasan mahimong magrepresentar sa Langitnong Amahan o kang Jesukristo, unsang mga balaanong hiyas ang imong makita kaniya?
Unsa nga mga leksiyon ang atong makat-onan gikan niini nga sambingay?
Ang kalooy sa Ginoo
Si Elder Jeffrey R. Holland mipaambit og mahinungdanong mga kamatuoran nga atong makat-onan mahitungod sa Ginoo gikan niining sambingay.
Imahe
Official Portrait of Elder Jeffrey R. Holland. Photographed January 2018.
Kini nga sambingay—sama sa tanang sambingay—sa tinuoray dili kabahin sa mga mamumuo o sweldo labaw na sa mga karnero ug kanding. Kini kabahin sa kamaayo sa Dios, sa Iyang pagpailub ug pagpasaylo, ug sa Pag-ula ni Ginoong Jesukristo. Kini istorya sa pagkamanggihatagon ug kalooy. Kini istorya sa grasya. Kini nagpakita sa ideya nga akong nadungog kaniadto nga usa ka butang nga ganahan kaayo ang Dios isip usa ka Dios mao ang kahinam sa pagkamaloloy-on, ilabi na niadtong wala magdah[o]m niini ug kanunay mibati nga dili angay niini.
Wala ko masay[o]d kon si kinsa kaninyo karon, ang kinahanglang makadungog sa mensahe sa pagpasaylo niini nga sambingay, apan bisan nagtuo ka nga ulahi ka na, bisan pila pa ka mga oportunidad wala ninyo mapahimusli, mga sayop nga inyong nahimo o mga talento nga wala ninyo, o unsa ka kalayo sa panimalay ug pamilya ug sa Dios, mopamatuod ko nga wala pa kamo malayo sa balaanong gugma. Imposible nga ang mahangt[o]rong kahayag sa Pag-ula ni Kristo dili moab[o]t kaninyo.
Hunahunaa ang mahitungod sa unsa ang gitudlo ni Elder Holland nga imo nang nahibaloan nga tinuod mahitungod sa Langitong Amahan ug kang Jesukristo. Giunsa nimo pagkahibalo nga tinuod kini?
Unsa ang mga dugang nga hunahuna o pagbati ang anaa kanimo mahitungod sa Langitnong Amahan ug kang Jesukristo bahin sa unsay imong nakat-onan karon?
Sa unsang paagi ang imong mga nakat-onan makaimpluwensya sa imong inadlaw nga pagpakabuhi?
Ipamatuod ang bahin sa kalooy ni Jesukristo ug Iyang tinguha sa pagpanalangin sa tanang modangop Kaniya. Ikonsiderar ang pagpaambit og personal nga kasinatian o paghangyo og mga estudyante nga mopaambit sa tukmang paagi kon sa unsang paagi sila mibati sa Iyang kalooy ug grasya.
Komentaryo ug Background nga Impormasyon
Unsa ang tumong sa pagtrabaho diha sa parasan sa Ginoo?
Si Presidente Dallin H. Oaks sa Unang Kapangulohan mitudlo:
Imahe
Official Portrait of President Dallin H. Oaks taken March 2018.
Ang ganti sa Agalon sa Kataposang Paghukom dili ibase kon unsa kita kadugay nga nagtrabaho sa ubasan. Dili nato maangkon ang atong langitnong ganti pinaagi sa pag-ihap sa oras sa atong pagsugod ug pagtapos sa trabaho. Ang mahinungdanon mao nga ang atong mga trabaho diha sa buhatan sa Ginoo miresulta nga kita nahimo sa unsay angay nato nga mamahimo. Alang sa uban kanato, nagkinahanglan kini og mas taas nga panahon kay sa uban. Ang mahinungdanon sa kataposan mao ang unsay atong naabot tungod sa atong mga paghago.
(Dallin H. Oaks, “The Challenge to Become,” Ensign, Nob. 2000, 34)
Si Elder Jeffrey R. Holland sa Korum sa Napulog Duha ka mga Apostoles mitudlo:
Imahe
Official Portrait of Elder Jeffrey R. Holland. Photographed January 2018.
Ako mopamatuod sa makapabag-ong gah[o]m sa gugma sa Dios ug sa milagro sa Iyang grasya. Siya naghunahuna sa pagtuo nga inyong naangkon, dili ang panahon sa pag-angkon nianang pagtuo.
Busa kon kamo may pakigsaad, tumana kini. Kon wala pa, buhata kini. Kon may pakigsaad na kamo ug dayon wala matuman, hinuls[o]li kini. Dili pa gay[o]d kini ulahi samtang ang Agalon sa ubasan miingon aduna pay panahon. … Ayaw paglangan. Nagkamubo na ang panahon.
Si Elder Holland namulong “Ang Mga Mamumuo sa Ubasan”
Depende sa panginahanglan sa mga estudyante, ang pakigpulong ni Elder Holland nga “Ang Mga Mamumuo sa Ubasan” (Liahona, Mayo 2012, 31–33) mahimong gamiton sa pagtudlo mahitungod sa mosunod:
pagbuntog sa kasina ug pangabugho (tan-awa sa mga parapo 2–8 sa iyang pakigpulong o sa time code 0:23–7:08 sa maong video)
pagpaluyo sa atong mga nangaging kasagmuyo ug pagpadayon sa unahan nga may pagtuo (tan-awa sa mga parapo 9–11 o sa time code 7:08–9:57)
Lucas 18:1–8, 35–43 . Ang sambingay sa dili matarong nga maghuhukom ug ang pag-ayo sa buta nga makililimos
Kining duha ka asoy mahimong itudlo og dungan o sa magkalahing higayon. Kining duha naghulagway sa baroganan nga kon kita sinsero ug makanunayon sa atong inadlaw nga pag-ampo sa Langitnong Amahan ug samtang atong gibansay ang atong pagtuo kang Jesukristo, maangkon nato ang Ilang kalooy.
Sa sambingay sa dili matarong nga maghuhukom (tan-awa sa Lucas 18:1–8), ang usa ka maghuhukom, kinsa lahi og pagtagad sa usa ka biyuda nakahukom nga tabangan siya tungod kay naluya na siya sa iyang paghangyo. Ang Manluluwas mitudlo niini nga sambingay aron sa paghatag og empasis nga ang Dios sa piho maminaw ug motubag “sa iyang kaugalingong katawhan, nga nagpakitabang kaniya sa adlaw ug gabii” ( Lucas 18:7).
Sa unsang paagi kini nga susamang kamatuoran naghulagway sa kinabuhi sa buta nga makililimos kinsa mihangyo sa Ginoo alang sa panabang? (tan-awa sa Lucas 18:35–43).
Sa unsang mga paagi ang pagsunod niini nga baroganan makatabang kanimo sa imong inadlaw nga pagpakabuhi?
Sa unsang paagi gipakita sa Langitnong Amahan ang Iyang kahinam sa pagtubag kanimo, bisan kon ang maong mga tubag dili moabot sa oras o sa paagi nga atong gilaoman?
