Mateo 19–20; Marcos 10; Lucas 18

Kinatibuk-ang Pagpasabot [Overview]

Si Jesukristo mitubag sa mga pangutana ug mitudlo sa kamatuoran mahitungod sa kaminyoon ug diborsyo. Iyang gidapit sa mahigugmaong paagi ang usa ka dato nga tawo sa pagbaligya sa tanan niyang katigayonan ug mosunod Kaniya. Iya usab nga gipaambit ang sambingay bahin sa mga mamumuo sa parasan, nga nagpakita sa gugma ug kalooy nga anaa Kaniya ug sa Langitnong Amahan alang kanato.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

Mateo 19:1–12

Katuyoan sa leksiyon: Kini nga leksiyon makatabang sa mga estudyante nga makasabot kon giunsa sa Langitnong Amahan ug ni Jesukristo paghatag og paagi aron sila makabaton og malipayon, mahangtoron nga kaminyoon sa ilang umaabot.

Pagpangandam sa estudyante: Awhaga ang mga estudyante sa paghunahuna mahitungod sa unsay ilang mabuhat karon aron makaandam alang sa usa ka malipayon nga kaminyoon. Dasiga sila sa pagpangita og tambag gikan sa mga tawo nga ilang nailhan kinsa adunay malipayon, matarong nga kaminyoon.

Butang: Usa ka ligid sa bisikleta o laing ligid nga adunay ehe sa tunga
Dinapit nga mamumulong: Ikonsiderar ang pagdapit og minyo nga magtiayon gikan sa lokal nga ward, branch, stake, o district nga motambong sa klase ug mopasabot sa kalipay nga dala sa kaminyoon ngadto kanila ug sa unsang paagi ang Manluluwas mitabang kanila sa ilang kaminyoon. Siguroha ang pagkuha og pagtugot gikan sa lokal nga lider sa pagkapari ug sa koordinitor sa S&I sa dili pa nimo sila dapiton.
Video: “Ang Mahangtorong mga Panalangin sa Kaminyoon” (15:02; tan-awa gikan sa time code 6:23 hangtod 8:40)

Sugyot alang sa videoconference nga pagtudlo: Ikonsiderar ang paggamit sa online nga tool sa pag-survey aron makapahayag ang mga estudyante sa ilang mga pagbati mahitungod sa kaminyoon diha sa sinugdanan sa leksiyon.

Mateo 19:16–30; Marcos 10:17–31

Katuyoan sa leksiyon: Kini nga leksiyon makaawhag sa mga estudyante sa pagkat-on gikan sa Manluluwas kon unsa ang Iyang ipabuhat kanila samtang maningkamot sila nga mas makasunod Kaniya.

Pagpangandam sa estudyante: Awhaga ang mga estudyante sa paghinumdom og balik sa panahon diin sila nagmapasalamaton nga sila gikorehian sa uban. Sa unsang paagi ang pagtabang kanato nga makakita kon asa kita pweding molambo mahimo nga usa ka timailhan sa gugma?

Sugyot alang sa videoconference nga pagtudlo: Ikonsiderar ang paggamit sa ideya nga anaa sa “Dugang nga Kalihokan sa Pagkat-on” nga seksiyon sa manwal sa magtutudlo nga giulohan og “Aron makadawat sa kinabuhing dayon, kinahanglan andam ta nga motugyan sa bisan unsang pangayoon sa Ginoo gikan kanato.” Kini naglakip sa mga ehemplo niadtong kinsa midawat sa pagdapit sa Manluluwas-sa paghimo og mga kausaban bisan sa dakong sakripisyo.

Mateo 20:1–16

Katuyoan sa leksiyon: Kini nga leksiyon makatabang sa mga estudyante nga mobati og paglaom nga makadawat sa mga panalangin nga gitanyag ni Jesukristo pinaagi sa Iyang Pag-ula.

Pagpangandam sa estudyante: Dapita ang mga estudyante sa paghimo og lista sa mga panalangin nga ilang nadawat gikan sa Ginoo tungod kay natudloan sila sa ebanghelyo sa bata pa sila. Sa lain nga paagi, mahimo silang maglista og mga oportunidad nga malagmit dili maangkon sa mga tawo kon dili sila matudloan sa ebanghelyo hangtod sa ulahing bahin sa kinabuhi. Dapita ang mga estudyante sa paghunahuna mahitungod sa unsa ang ilang makat-onan gikan sa lista nga ilang nabuhat.

Pakigpulong: Jeffrey R. Holland, “Mga Mamumuo sa Ubasan,” Liahona, Mayo 2012, 31–33 (Ikonsiderar ang pagtuon sa tanan niyang pakigpulong samtang nag-andam ka sa pagtudlo niini nga leksiyon.)
Video: “Mga Mamumuo sa Ubasan” (3:00)
Video: “Mga Mamumuo sa Ubasan” (15:22; tan-awa gikan sa time code 10:02 hangtod 11:42)

Sugyot alang sa videoconference nga pagtudlo: Imbes pabasahon ang mga estudyante sa pahayag ni Elder Jeffrey R. Holland, ikonsiderar ang pagpaambit sa klip sa video nga “Mga Mamumuo sa Ubasan” nga naglangkob sa maong pahayag.

Rebyo sa Doktrinal nga Kahanas 8

Katuyoan sa leksiyon: Kini nga leksiyon gituyo aron matabangan ang mga estudyante sa pagmemorya sa pakisayran sa kasulatan ug sa mahinungdanong mga hugpong sa kasulatan gikan sa unang 11 ka mga tudling sa doktrinal nga kahanas sa Bag-ong Tugon.Pahinumdom: Lagmit nga ang tudling sa doktrinal nga kahanas kinahanglang itudlo isip puli niining rebyo nga leksiyon. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

Pagpangandam sa estudyante: Dapita ang mga estudyante sa pagdala og mga kopya sa mga materyal sa Simbahan nga mahimo nilang magunting-gunting aron sa pagbuhat og biswal alang sa pagmemorya sa mga tudling sa doktrinal nga kahanas.

Handout: Ang listahan sa mga tudling sa doktrinal nga kahanas sa kasulatan ug ang kauban niini nga mahinungdanong mga hugpong sa pulong sa kasulatan
Mga materyal: Mga gamit sa pagsulat, papel, ug, kon mahimo, mga gunting, papilit, ug karaang magasin sa Simbahan o mga manwal nga adunay mga hulagway

Sugyot alang sa videoconference nga pagtudlo: Ang mga estudyante puwedeng mohimo og usa ka digital nga pagpangolekta og hulagway. Kon mahuman na sila, mahimo nilang i-share ang ilang screen aron makita ang ilang kinolektang hulagway ngadto sa klase.

I-assess ang Imong Nakat-onan 4

Katuyoan sa leksiyon: Kini nga leksiyon gituyo aron matabangan ang mga estudyante sa pagtimbang-timbang sa mga tumong nga ilang gitakda ug nakat-onan ug personal nga paglambo nga ilang nasinati panahon sa ilang pagtuon sa bag-ong Tugon.

Pagpangandam sa estudyante: Dapita ang mga estudyante sa pagpamalandong sa espirituhanong paglambo nga ilang nasinati panahon sa ilang pagtuon sa Bag-ong Tugon. Nakatabang ba ang ilang pagtuon sa Bag-ong Tugon sa ilang pag-ila, paghigugma, ug pag-alagad sa Langitnong Amahan ug kang Jesukristo? Unsa ang mga makahuluganong kasinatian nga anaa kanila?

Kanta: Usa ka pamilyar nga kanta ang ipatukar og hinay gikan sa mga headphones o sa lahi nga speaker

Mga hulagway: Mga hulagway sa pan ug karnero
Mga gamit sa art: Papel ug lapis nga de kolor [colored pencil], pangmarka, o mga krayola

Sugyot alang sa videoconference nga pagtudlo: Awhaga ang mga estudyante sa pagpaambit sa ilang sulat-pasalamat nga kard o pagpost sa social media gamit ang kamera.