Sa Unsang Paagi ang Pag-antos sa Manluluwas didto sa Getsemani Makaimpluwensiya sa Akong Kinabuhi?
Imahe
Painting portraying Jesus Christ lying on the ground in the garden of Gethsemane. A ray of light is coming through the trees.
Kini mao ang ikaduha sa duha ka bahin nga leksiyon mahitungod sa pag-antos sa Manluluwas didto sa Getsemani ug sa doktrinal niini nga kamahinungdanon. Isip kabahin sa Iyang Pag-ula, si Jesukristo midala diha sa Iyang kaugalingon sa atong mga sala, mga kasakit, mga balatian, ug mga kahuyang. Tungod sa Iyang makatubos nga sakripisyo, nakahimo Siya sa pagtabang kanato sa mga hagit nga atong giatobang sa kinabuhi. Kini nga leksiyon gituyo aron matabangan kamo nga mobati sa dakong panginahanglan alang sa kalig-on ug tabang nga ikahalad ni Jesukristo kaninyo pinaagi sa Iyang Pag-ula.
Sa paghisgot mahitungod sa Pag-ula ni Jesukristo. Si Presidente Russell M. Nelson mitudlo: “Dili kompletong doktrina kon maghisg[o]t sa maulaong sakripisyo sa Ginoo gamit ang minubong mga pulong, sama sa ‘ang Pag-ula’ o ‘ang makaabag nga gahom sa Pag-ula’ o ‘paggamit sa Pag-ula’ o ‘gipalig-on pinaagi sa Pag-ula.’ … Walay hanap nga binuhat nga gitawag og ‘ang Pag-ula’ diin mahimo kitang makapangayo og tabang, pagkaayo, kapasayloan, o gah[o]m. … Ang maulaong sakripisyo sa Manluluwas—ang labing importanting buhat sa tibuok tawhanong kasaysayan—labing masabtan ug mapasalamatan kon piho ug klaro natong ikonektar Kaniya.” (Russell M. Nelson, “Pagdawat sa Gah[o]m ni Jesukristo diha sa Atong Kinabuhi,” Liahona, Mayo 2017, 40).
Pagpangandam sa estudyante: Dapita ang mga estudyante sa paghunahuna mahitungod sa kon unsaon ni Jesukristo pagpanalangin kanila tungod sa Iyang Pag-ula.
Posible nga mga Kalihokan sa Pagkat-on
Kini nga leksiyon mao ang ikaduha sa duha ka leksiyon mahitungod sa pag-antos ni Jesukristo didto sa Tanaman sa Getsemani. Kon adunay igong panahon lamang sa pagtudlo sa content niining duha ka leksiyon sa usa ka oras nga klasehan, basaha ang miaging leksiyon sa (“Mateo 26:36–46; Lucas 22:39–46, Bahin1”) alang sa mga ideya nga kinahanglang ilakip niini nga leksiyon.
Nganong si Jesus kinahanglan man nga mag-antos sa hilabihan?
Hunahunaa ang mosunod nga sitwasyon.
Ang inyong higala nga si Chandler interesadong makat-on ug dugang mahitungod sa Simbahan sa pipila ka milabay nga bulan. Siya migahin na og daghang panahon sa inyong balay sa pagkat-on og daghan mahitungod sa ebanghelyo ug miapil pa gani sa pagtuon sa kasulatan kauban sa inyong pamilya sa pipila ka higayon. Usa ka gabii, human nagtuon sa mga hitabo nga may kalabotan sa pag-antos sa Manluluwas didto sa Getsemani, nangutana si Chandler, “Nganong gikinahanglan man ni Jesus nga mag-antos sa hilabihan?”
Ikonsiderar ang pagparespares sa mga estudyante aron maghisgot sa mosunod nga mga pangutana.
Unsaon ninyo sa pagtubag kini nga pangutana ni Chandler?
Hunahunaa ang inyong mga pagbati mahitungod kang Jesukristo ug sa Iyang Pag-ula. Kon maghunahuna mo mahitungod sa Iyang makatubos nga sakripisyo, unsay naa ninyong mga pangutana? Sa unsang paagi nga ang pagkahibalo sa Iyang pag-antos nakaapekto sa inyong mga pagbati mahitungod Kaniya?Ang milabay nga leksiyon (“Mateo 26:36–46; Lucas 22:39–46, Bahin1”) mipasabot og maayo sa daghang mga detalye sa pag-antos sa Manluluwas didto sa Getsemani. Paggahin og kadali sa pagtuon sa Mateo 26:36–39 ug Lucas 22:41–44 pag-usab. Pangita og pihong mga pulong o mga hugpong sa pulong, lakip kadtong inyo nang gibadlisan, nga makahuluganon kaninyo mahitungod sa Manluluwas ug nga naghulagway unsa ang Iyang nasinati didto sa Getsemani.
Hatagi ang mga estudyante og kahigayonan nga mopakigbahin kon unsa ang ilang nakit-an. Usa ka paagi sa pagbuhat niini mao ang pagdapit sa mga estudyante sa pag-adto sa pisara ug mosulat og usa ka pulong o hugpong sa pulong gikan sa mga bersikulo nga ilang natun-an nga importante kanila mahitungod sa mga pag-antos ni Jesukristo didto sa Getsemani.
Paggamit sa modernong pagpadayag aron mas masabtan ang pag-antos sa Manluluwas
Kon wala ang modernong pagpadayag nga nadawat ni Propeta Joseph Smith mahitungod sa Manluluwas ug sa Iyang Pag-ula, adunay mas daghan nga dili nato masabtan mahitungod sa unsay giantos ni Jesukristo, didto sa Getsemani ug sa krus, isip kabahin sa Iyang Pag-ula ug mahitungod sa kon nganong Siya nag-antos niining mga butanga.
Unsa ang natabang niini nga mga bersikulo kaninyo sa pagsabot nganong si Jesus nag-antos sa hilabihan?
Unsa ang natabang niini nga mga bersikulo kaninyo sa pagsabot mahitungod sa gugma sa Manluluwas alang kaninyo?
Basaha ang Alma 7:11–13 , ug kompletoha ang mosunod nga talaan diha sa inyong journal sa pagtuon. Tingali makatabang ang pagkahibalo nga ang pulong nga tabang diha sabersikulo 12 nagpasabot “sa paghatag og kahupayan o tabang” (Dallin H. Oaks, “Nalig-on Pinaagi sa Pag-ula ni Jesukristo,” Liahona, Nob. 2015, 61).
Unsa ang giantos sa Manluluwas o gidala diha sa Iyang kaugalingon?
Unsa ang nabuhat ni Jesukristo alang kanato tungod sa Iyang Pag-ula?
Tingali makatabang ang pagkopya sa miaging tsart ngadto sa pisara ug pagsulat sa mga tubag sa mga estudyante sa tukma nga mga kolum human sa paghangyo nila nga mopaambit sa unsay ilang nakaplagan.
Ang mga tubag sa unang kolum naglakip sa mosunod:
“mga sakit ug mga kasakit ug mga pagtintal sa matag matang” (Alma 7:11)
“ang mga kasakit ug mga balatian sa iyang mga katawhan” (Alma 7:11)
“pagtabang sa iyang mga katawhan sumala sa ilang mga kahuyang” (Alma 7:12)
“mopapas sa ilang mga kalapasan sumala sa gah[o]msa iyang pagluwas” (Alma 7:13)
Unsay inyong nakat-onan gikan niini nga mga bersikulo mahitungod sa unsay giantos ni Jesukristo ug nganong Siya nag-antos niini?
Sa unsang paagi ang pag-antos sa Ginoo didto sa Getsemani makapanalangin sa matag usa kanato?
Usa ka kamatuoran nga atong makat-onan gikan sa Alma 7:11–13 mao nga si Jesukristo nag-antos aron sa pagluwas kanato gikan sa sala ug kamatayon ug aron sa pagtabang kanato latas sa mga hagit sa mortalidad. Mahimo ninyong isulat kini nga kamatuoran diha sa inyong mga kasulatan. Mahimo usab ninyong isulat kini nga kamatuoran ug ang inyong mga tubag sa mosunod nga mga pangutana diha sa inyong journal sa pagtuon.
Asa nianang mga panalangin nga nalista sa ikaduhang kolum sa inyong talaan ang labing makahuluganon alang ninyo nga masinati karon? Ngano man?
Kanus-a kamo nakasinati nga ang paglaom, kalinaw, paghupay, o kalig-on posibling moabot kaninyo pinaagi sa maulaon nga mga pag-antos ni Jesukristo?
Tan-awa ang “Dugang nga mga Kalihokan sa Pagkat-on” nga seksiyon dapit sa kataposan niini nga leksiyon alang sa uban pang mga ideya o mga video nga magamit sa pagpakita og balaanong tabang nga atong madawat tungod sa makatubos nga sakripisyo sa Manluluwas.
Aron makat-on pa og dugang mahitungod sa unsang paagi ang Manluluwas makapanalangin sa atong kinabuhi tungod sa Iyang Pag-ula, tun-i ang pipila ka pagtulon-an sa mga lider sa Simbahan diha sa “Opsiyonal: Gustong Makat-on pa og Dugang?” nga seksiyon dapit sa kataposan niini nga leksiyon.
Unsa ang inyong nakat-onan o gibati mahitungod kang Jesukristo nga gusto ninyong mahinumdoman?
Unsa ang lahi ninyong buhaton tungod sa unsay inyong nakat-onan o gibati mahitungod kang Jesukristo?
Komentaryo ug Background nga Impormasyon
Sa unsang mga paagi ang Pag-ula sa Manluluwas makaapekto sa atong kinabuhi?
Si Presidente Dallin H. Oaks sa Unang Kapangulohan:
Imahe
Official Portrait of President Dallin H. Oaks taken March 2018.
Ang oportunidad nga mapasaylo sa atong mga sala mao ang dakong kahulogan sa Pag-ula ni Jesukristo. …
Ang atong Manluluwas ug Manunubos milah[o]tay sa dili matukib nga pag-antos nga mahimong usa ka sakripisyo alang sa mga sala sa tanang mga tawo kinsa maghinulsol. Kining maulaon nga sakripisyo nagtanyag sa hilabihan ka maayo, ang putli nga kordero nga walay lama, alang sa hilabihan ka da[o]tan, ang mga sala sa tibuok kalib[o]tan. Kini miabli sa pultahan alang sa matag usa kanato nga malimpyohan sa atong personal nga mga sala aron kita madawat og balik ngadto sa presens[i]ya sa Dios, atong Amahan sa Kahangt[o]ran. Kining abli nga pultahan anaa alang sa tanang mga anak sa Dios.
Elder Dale G. Renlund sa Korum sa Napulog Duha ka Apostoles:
Imahe
Official portrait of Elder Dale G. Renlund of the Quorum of the Twelve Apostles, January 2016.
Diha sa dili makiangayong mga sitwasyon, usa sa atong mga tahas mao ang pagsalig nga “ang tanan nga dili makiangayon kabahin sa kinabuhi mahimong mapahusto pinaagi sa Pag-ula ni Jesukristo” [Isangyaw Ang Akong Ebanghelyo: Usa ka Giya sa Serbisyong Misyonaryo (2018), 61]. Si Jesukristo mibuntog sa kalibotan ug “makapahiuli” sa tanan nga pagkadili makiangayon. Tungod Kaniya, makabaton kita og kalinaw dinhi sa kalibotan ug magmaya. Kon kita motugot Kaniya, ipahinungod ni Jesukristo ang pagkadili makiangayon alang sa atong kaayohan. Siya dili lamang mohupay kanato ug mopahiuli sa unsay nawala; Siya mogamit sa pagkadili makiangayon alang sa atong kaayohan.
Si Elder Ulisses Soares sa Korum sa Napulog Duha ka Apostoles mipamatuod:
Imahe
Elder Ulisses Soares, Quorum of the Twelve Apostles official portrait.
Ako mopamatuod kaninyo nga kon kita tinud-anay nga maghinulsol sa atong mga sala, gitugotan nato ang maulaong sakripisyo ni Kristo nga mahimong hingpit nga epektibo sa atong kinabuhi. Kita mahimong gawasnon gikan sa pagkaulipon sa sala, makakaplag og kalipay sa atong yutan-ong panaw, ug mahimong angayan nga modawat sa mahangturong kaluwasan, nga giandam gikan sa pundasyon sa kalibotan alang sa tanan kinsa motuo ni Jesukristo ug moduol ngadto Kaniya.
Official Portrait of Elder Michael John U. Teh. Photographed in 2015. Background replaced in March 2017.
Ang nagtubo nga pagsabot nga ang Pag-ula ni Jesukristo magamit nato sa personal ug indibidwal nga paagi makatabang nato nga makaila Kaniya. Kasagaran mas sayon nato ang paghunahuna ug pagsulti bahin sa Pag-ula ni Kristo sa kinatibuk-ang mga termino kay sa pag-ila sa personal nga kamahinungdanon niini sa atong kinabuhi. Ang Pag-ula ni Jesukristo walay kinutoban ug walay kataposan ug bisan sa kahalapad ug kalawom sa gilangkoban niini apan personal ug indibidwal gayod ang mga epekto niini. Tungod sa Iyang maulaong sakripisyo, ang Manluluwas adunay gahom sa paglimpyo, pag-ayo, ug paglig-on nato sa tagsa-tagsa.
Sister Reyna I. Aburto, kanhi Ikaduhang Magtatambag sa Kinatibuk-ang Kapangulohan sa Relief Society:
Imahe
Official Portrait of Sister Reyna Aburto. Photographed in 2017.
Pinaagi sa matubsanong Pag-ula ug mahimayaong Pagkabanhaw ni Jesukristo, ang nagsubo nga mga kasingkasing mamaayo, ang kaguol mahimong kalinaw, ug ang kasagmuyo mahimong paglaom. Siya makagakos kanato diha sa Iyang mga bukton sa kaluoy, mohupay, molig-on, ug moayo sa matag usa kanato.
Ang mosunod nga ideya mahimong gamiton aron matabangan ang mga estudyante nga mabansay sa pagtudlo sa uban mahitungod sa Manluluwas ug sa Iyang Pag-ula.
Ikonsiderar ang pagbahin sa mga estudyante ngadto sa tag-tinagutlo nga mga grupo. Sa matag grupo, duha ka estudyante mahimong moarte isip full-time nga mga misyonaro ug ang ikatulong estudyante maoy tawo nga ilang gitudloan. Patudloa ang mga misyonaryo og lima ka minuto nga leksiyon mahitungod sa Pag-ula ni Jesukristo. Mahimo nilang basahon ang Alma 7:11–13 kauban sa tawo nga gitudloan ug mopasabot sa mga bersikulo. Ang tawo nga gitudloan mahimong mangutana, ug ang mga misyonaryo mahimong motapos uban sa ilang mga pagpamatuod kon sa unsang paagi ang pag-antos sa Manluluwas nakaapekto sa ilang kinabuhi.
