Rebyo sa Doktrinal nga Kahanas 10

Gamita ang mga Tudling sa Doktrinal nga Kahanas

Illustration of young adults - teenagers of various ethnicity. There is a yellow band above them.

Ang usa sa mga katuyoan sa doktrinal nga kahanas mao ang pagtabang kaninyo nga makakat-on kon unsaon paggamit sa inyong tinuod nga mga sitwasyon sa kinabuhi sa doktrina nga gitudlo diha sa mga tudling sa doktrinal nga kahanas. Kini nga leksiyon makahatag kaninyo og mga kahigayonan sa pagbansay sa paggamit sa pipila ka mga tudling nga inyong nakat-onan karong tuiga.

Pagpangandam sa estudyante: Dapita ang mga estudyante sa pagrebyo sa upat ka tudling sa doktrinal nga kahanas nga gipakita diha sa mosunod nga tsart. Hangyoa sila nga mangandam sa pagpaambit og pipila ka pihong paagi nga ilang magamit ang mga kamatuoran dinhi niini nga mga tudling.

Posible nga mga Kalihokan sa Pagkat-on

Lagmit nga kinahanglang magtudlo og leksiyon sa tudling sa doktrinal nga kahanas isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron masiguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

Doktrina sa tinuod nga kinabuhi

Irebyo ang upat ka tudling sa doktrinal nga kahanas sa mosunod nga tsart. Samtang basahon ninyo ang mga senaryo sa ubos, itino unsa nga tudling sa doktrinal nga kahanas ang tingali makatabang sa matag senaryo.

Pakisayran sa Kasulatan	Mahinungdanong Hugpong sa mga Pulong sa Kasulatan
Mateo 22:36–39	“Higugmaa ang Ginoo nga imong Dios. … Higugmaa ang imong isigkatawo.”
Lucas 22:19–20	Si Jesukristo nagsugo, moambit sa sakramento “aron paghandom kanako.”
Lucas 24:36–39	“Kay ang espiritu walay unod ug mga bukog sama sa nakita ninyo nga ania kanako.”
Juan 17:3	“Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo nga imong gipadala.”

Isulat ang mosunod nga mga pangutana sa pisara aron makita sa mga estudyante samtang manulod sila. Kon gikinahanglan, ipahiangay ang mga senaryo aron mahimo kining mas makahuloganon sa mga estudyante. Depende sa oras, ang mga estudyante mahimong mobuhat og usa o sa duha ka kalihokan niini nga leksiyon.

Awhaga ang mga estudyante sa paggamit sa ilang mga hunahuna gikan sa kalihokan nga pagpangandam sa estudyante dinhi ug sa nahabilin nga leksiyon.

1. Si Carlos adunay higala sa lahi nga Kristiyanong tinuohan kinsa nagpahayag sa iyang gituohan nga si Jesukristo usa ka espiritu ug nga Siya walay pisikal nga lawas.

2. Si Liz nagtan-aw sa iyang kaugalingon nga inklusibo, apil na ang pagdawat sa bisan unsang kinaiya basta sinsero kini. Kini naghatod niya sa pagpangutana sa doktrina sa Langitnong Amahan bahin sa kaminyoon ug pamilya. Tungod sa iyang mga pangutana, si Liz kalit miundang sa pagtambong sa simbahan ug pagtuman sa uban pang mga sugo.

3. Si Maria naghunahuna unsaon niya paghimo sa sakramento nga mas makahuloganong kasinatian.

4. Si Frank miundang sa paghatag og atensiyon sa iyang klase sa seminary ug sa mga miting sa Sunday School tungod kay mibati siya nga aduna na siyay igong kahibalo mahitungod sa Langitnong Amahan ug ni Jesukristo.

Pagpila og usa sa mga senaryo, ug hunahunaa ang mahitungod sa tudling sa doktrinal nga kahanas nga inyong gitandi niini.

• Sa unsang paagi ang tudling sa doktrinal nga kahanas nga inyong gipili magamit niini nga senaryo?

• Unsa ang matabang niini nga tudling diha sa tawo sa maong senaryo sa pagsabot mahitungod sa Langitnong Amahan ug kang Jesukristo ug sa Ilang tinguha alang kanato?

• Unsa nga mga lihok ang tingali inyong isugyot nga buhaton niining tawhana aron magamit ang mga kamatuoran diha sa tudling nga inyong gipili? Ngano man?

Ang paggamit sa mga tudling sa doktrinal nga kahanas sa personal nga mga kahimtang

Sa inyong journal sa pagtuon, pagdrowing og badlis-badlis nga hulagway sa usa ka tin-edyer, ug isulat ang ilang edad, sekso, ug sitwasyon sa pamilya. Kining tawhana puwede nga tinuod o gikan ra sa hunahuna. Paglakip og pipila ka pihong pangutana, mga problema, o mga hagit nga giatubang niining tawhana.

Ikonsiderar ang pagdapit og mga estudyante nga mohimo niini sa usa ka piraso nga papel kay sa diha sa ilang journal sa pagtuon. Mahimo nilang ihatag ang ilang mga papel nga butangan og timaan dapit sa kilid sa pahina aaron matabangan sila sa pag-ila sa ilang mga papel apan dili ibutyag kon kang kinsa ang maong mga papel. Iapod-apod ang mga papel sa ubang mga sakop sa klase aron ilang matubagan ang mosunod nga mga pangutana base sa senaryo nga gihatag. Sa laing paagi, ang mga estudyante mahimong mogamit sa senaryo gikan sa ilang kaugalingong papel.

Irebyo ang mga tudling sa doktrinal nga kahanas sa ubos (ug ang uban pa nga inyong gipili) ug tinoa unsang mga tudling ang tingali makatabang sa maong senaryo.

Ipakita ang mosunod nga tsart aron ang mga estudyante makatan-aw niini hangtod sa kinatibuk-an sa leksiyon. Kon makatabang, ikonsiderar ang paggamit og dugang o lain pang mga tudling sa doktrinal nga kahanas kaysa usa nga gihatagan og empasis dinhi sa leksiyon.

Doctrinal Master - Matthew - John

Pakisayran sa Kasulatan	Mahinungdanong Hugpong sa mga Pulong sa Kasulatan
Lucas 2:10–12	“Kay karong gabhiona, natawo sa lungsod ni David ang inyong Manluluwas, ang Kristo nga Ginoo.”
Juan 3:5	“Walay makasulod sa gingharian sa Dios gawas kon matawo siya pinaagi sa tubig ug sa Espiritu.”
Juan 3:16	“Kay gihigugma pag-ayo sa Dios ang kalibotan ug tungod niini gihatag niya ang iyang bugtong Anak.”
Mateo 5:14–16	“Ipadan-ag ang inyong kahayag atubangan sa mga tawo.”
Mateo 11:28–30	“Duol kamo kanako, kamong tanan nga gikapuyan ug gibug-atan sa inyong gipas-an ug papahulayon ko kamo.”
Mateo 16:15–19	Si Jesus miingon, “Ihatag ko kanimo ang mga yawi sa gingharian.”
Juan 7:17	“Ang buot magbuhat sa gisugo sa Dios mahibalo kon ang akong gitudlo gikan ba sa Dios.”
Mateo 22:36–39	“Higugmaa ang Ginoo nga imong Dios. … Higugmaa ang imong isigkatawo.”
Lucas 22:19–20	Si Jesukristo nagsugo, moambit sa sakramento “aron paghandom kanako.”
Juan 17:3	“Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesukristo nga imong gipadala.”
Lucas 24:36–39	“Kay ang espiritu walay unod ug mga bukog sama sa nakita ninyo nga ania kanako.”

Pagsulat og mubo nga sulat ngadto sa ka tin-edyer nga anaa sa maong senaryo. Ilakip ang mosunod:

• Ang tudling sa doktrinal nga kahanas nga inyong gibati nga makatabang niya sa pagsabot sa mga tinguha sa Langitnong Amahan ug ni Jesukristo alang kanila ug ngano.

• Usa ka personal nga kasinatian, sugilanon sa kasulatan, o sanglitanan gikan sa kinabuhi sa Manluluwas nga may kalabotan sa unsay gitudlo sa tudling ug tingali makadasig niining tawhana.

• Mga buhat nga tingali ilang buhaton aron magamit ang mga kamatuoran nga naa sa tudling sa doktrinal nga kahanas nga inyong gisugyot. (Pananglitan, alang sa Lucas 22:19–20 mahimo kamong maglakip og tambag mahitungod sa impluwensiya sa Espiritu Santo ug mga butang nga hinumdoman mahitungod sa Manluluwas panahon sa sakramento, o para sa Juan 7:17 mahimo kamong mosugyot og mga pakigpulong nga ilang mabasa aron mas makasabot sa Langitnong Amahan ug kang Jesukristo.)

• Inyong kaugalingong pagpamatuod kang Jesukristo ug sa mga kamatuoran sa maong tudling nga inyong gipili.

Kon ang mga estudyante mihimo niini nga kalihokan gamit ang senaryo sa uban, dapita sila sa nga ikatag ang mga papel aron ang matag estudyante makakuha sa ilang kaugalingong papel. Dapita ang mga estudyante sa pagpakigbahin sa unsay ilang nakat-onan gikan niini nga kasinatian. Ikonsiderar ang pagpaambit og usa ka susamang personal nga kasinatian o pagpamatuod.

Kon nagsulat kamo ngadto sa usa ka tinuod nga tawo, ikonsiderar ang paghatag niini ngadto nila o pagpakigsulti nila mahitungod sa inyong mubo nga sulat.