Lucas 22:28–34, 54–61

“Nag ampo Ako alang Kanimo, Aron Dili Mabuntog ang Imong Pagtuo”

Christ’s disciples are resting on a hill, Peter is sitting up and Jesus is walking and looking in his direction. Outtakes include Jesus walking, Peter sitting on the ground, and just Jesus and Peter walking and talking.

Si Jesukristo bag-o lang mipaila-ila sa sakramento sa Iyang mga tinun-an diha sa ilang pagsugod og hisgot mahitungod sa kon kinsa ang magbudhi sa Agalon ug sa unsang paagi ang pag-alagad sa uban mas labaw kay sa alagaran. Taliwala niini nga mga panaghisgotan sa lawak sa itaas diin si Jesus ug ang mga Apostoles nangaon sa Kataposang Panihapon, Si Jesus mitabang aron masabtan ni Pedro ang oposisyon nga iyang masinati sa tibuok niyang kinabuhi. Ang Manluluwas mitudlo ni Pedro nga siya makatabang sa uban human lamang niya malig-on ang iyang kaugalingong hugot nga pagtuo kang Jesukristo. Kini nga leksiyon gituyo nga matabangan kamo aron maila ang inyong panginahanglan sa pagsalig kang Jesukristo ug magpadayon sa paglig-on sa inyong hugot nga pagtuo ngadto Kaniya.

Pagtutok sa pagtabang sa mga estudyante. Samtang kamo mag-andam sa pagtudllo, tutoki ang inyong mga estudyante ug dili lang unsay inyong buhaton o itudlo. Samtang mangandam kamo sa sunod nga pipila ka leksiyon, pangutan-a ang inyong kaugalingon, “Unsay buhaton sa akong mga estudyante sa klase karon?” ug “Unsaon nako pagtabang ang akong mga estudyante nga makakaplag unsay ilang gikinahanglan nga mahibaloan?”

Pagpangandam sa estudyante: Dapita ang mga estudyante sa pag-adto nga andam mopaambit og usa ka kasinatian nga makatabang sa pagpalambo sa ilang hugot nga pagtuo kang Jesukristo.

Posible nga mga Kalihokan sa Pagkat-on

Lig-ona ang inyong abilidad

Sa pagsugod sa klase, pagpaambit og usa ka personal nga kasinatian mahitungod sa usa ka kahanas o abilidad nga mawala kon mapasagdan apan mas molig-on pinaagi sa pagbansay ug makanunayong paningkamot.

Dapita ang mga estudyante sa pagkat-on gikan kang Elder Cook kon unsa ang gikinahanglan aron mapataas ang atong kapasidad sa pisikal, sa mental, ug sa espirituwal.

Paglista og mga kahanas o mga abilidad nga mahimong mawala sa usa ka tawo kon dili nila kini padayon nga gamiton o lig-onon (pananglitan, atletiko nga mga kahanas o mga kahanas sa pagsulat).

• Sa unsang paagi kaha kini maggamit sa inyong abilidad sa pagkabaton og hugot ngapagtuo kang Jesukristo?

Sa leksiyon karon, inyong makat-onan ang mahitungod sa kon sa unsang paagi gusto ni Jesukrsito nga inyong mapalig-on ang inyong abilidad aron makabaton og hugot nga pagtuo Kaniya.

Kon ang mga estudyante gihangyo nga mag-andam alang sa klase pinaagi sa paghunahuna og usa ka kasinatian nga nakatabang nila pagpalambo sa ilang hugot nga pagtuo kang Jesukristo, ikonsiderar ang pagdapit og mga boluntaryo aron mopaambit sa ilang mga kasinatian diha sa tibuok klase.

Paggahin og mubo nga panahon aron makapamalandong sa inyong gibuhat sa kasamtangan o gustong buhaton aron mapalambo ang inyong hugot nga pagtuo kang Jesukristo. Mahimo ninyong isulat sa inyong journal sa pagtuon ang mahitungod sa unsay inyong gibuhat kada adlaw, kada semana, o bisan kada bulan. Kini nga mga buhat tingali makalangkob og bisan unsa nga mga tumong nga ingyong gibuhat sa kasamtangan.

Sa inyong pagtuon karon, pangita og mga kabag-ohan o mga pagpalambo nga inyong mahimo aron mapalig-on ang inyong hugot nga pagtuo kang Jesukristo aron kamo makasalig Kaniya bisan pa sa mga kahimtang nga inyong giatobang sa kinabuhi.

Si Jesukristo nakasabot sa atong mga panginahanglan ug motabang kanato

Si Jesukristo misulti sa Iyang mga disipulo bahin sa umaabot nga gingharian nga nagahulat kanila tungod kay sila miunong Kaniya (tan-awa sa Lucas 22:28–30). Bisan pa niana, ang Ginoo mitabang usab ni Simon Pedro sa pagpangandam alang sa hagit sa espirituhanong pagpanaw nga iyang atubangon sa dili madugay.

Basaha ang Lucas 22:31–34 , nga mangita unsa ang gusto sa Ginoo aron matabangan si Pedro nga makasabot.

Ikonsiderar nga ilista sa pisara ang nakaplagan sa mga estudyante.

Aron mas masabtan unsay ipasabot sa gitinguha ni Satanasnga, “[p]aglain ni [Pedro] gikan sa uhot”” (bersikulo 31), basaha ang pagpasabot nga anaa sa “Komentaryo ug Background nga Impormasyon” nga seksiyon dapit sa kataposan sa leksiyon.

• Unsa ang inyong namatikdan mahitungod sa panabot sa Manluluwas bahin kang Pedro? Unsay kalainan niini gikan sa unsay pagtan-aw ni Pedro sa iyang kaugalingon?

• Sa unsang paagi kaha nga ang inyong nakat-onan mahitungod sa relasyon ni Pedro kang Jesukristo may kalabotan sa inyong relasyon sa Manluluwas?

• Human gipamahayag ni Pedro ang iyang hugot nga pagtuo ug pag-unong kang Jesukristo, unsa ang gipadayag sa Manluluwas nga buhaton ni Pedro?

Ikonsiderar ang pagpakita og litrato nga naghulagway kang Pedro human niya gibudhian si Jesukristo.

The Apostle Peter standing at the base of a stone stairway outside the palace of the high priest (where Christ was taken to be tried by the chief priests, elders and scribes). Peter is turning his head away from Christ as Christ turns to look at him. Three other people are standing/and or sitting near Peter. One of the people, a young woman, is pointing her finger at Peter. Three cocks are on the stone stairs. One of the cocks is crowing.

Pagkagabii niana, dihang si Jesukristo gidakop ug gidala ngadto sa balay sa pangulong pari aron husayon, si Pedro misunod gikan sa layo (tan-awa sa Lucas 22:54).

Basaha ang Lucas 22:55–62 aron makat-on giunsa sa pagkatuman ang propesiya ni Jesus mahitungod kang Pedro.

Ikonsiderar ang pagpasabot og maayo sa masulob-on nga reaksiyon ni Pedro diha sa bersikulo 62 aron matabangan ang mga estudyante nga malikay sa susamang mga kahimtang.

• Unsay inyong nakat-onan mahitungod sa Manluluwas gikan sa Iyang inter-aksiyon ni Pedro nga magtugot kaninyo nga makabaton og hugot nga pagtuo kang Jesukristo?

Pagpalig-on sa atong hugot nga pagtuo kang Jesukristo

Tugoti ang mga estudyante nga mopaambit og lainlaing mga kamatuoran nga ilang nakat-onan mahitungod kang Jesukristo. Usa ka kamatuoran nga tingali ilang makita mao nga si Jesukristo nagtinguha sa pag-lig-on sa atong hugot nga pagtuo Kaniya aron mabuntog nato ang mga pag-atake ni Satanas.

Ikonsiderar ang pagpakita sa mosunod nga mga pamahayag ug pagpangutana sa mga estudyante kon unsa ang mga pagkaparehas ang ilang namatikdan taliwala sa mga pulong ni Presidente Nelson ug sa pasidaan sa Manluluwas ngadto ni Pedro.

Sama sa pagtabang sa Manluluwas kang Pedro nga makasabot sa mga tinguha ni Satanas (tan-awa sa Lucas 22:31), si Presidente Russell M. Nelson nagpasidaan kanato nga “ang kaaway paspas kaayong mipalapad sa iyang pag-atake sa hugot nga pagtuo ug ngari kanato ug sa atong mga pamilya” (Russell M. Nelson, “Pangbukas nga Mga Pulong,” Liahona, Nob. 2018, 7). Siya mitudlo usab nga “ang kaaway mipakusog pag-ayo sa iyang mga paningkamot aron sa pagbalda sa mga pagpamatuod ug pagbabag sa buhat sa Ginoo” (Russell M. Nelson, “Kita Makabuhat og Mas Maayo pa ug Mahimong Mas Maayo,” Liahona, Mayo 2019, 68).

• Unsa ang pipila ka paagi diin si Satanas nagtinguha sa pagguba sa atong hugot nga pagtuo kang Jesukristo karon?

Kon ang mga estudyante naglisod sa paghunahuna og mga sanglitanan ikonsiderar ang paghatag og pipila sama sa mosunod:

• Usa ka minahal mibiya sa Simbahan ug gusto nga kamo mouban kanila.

• Usa ka tawo sa eskwelahan miatake sa inyong tinuohan.

• Nakabasa mo ug usa ka butang sa online nga wala motukma sa unsay inyong mga gituohan.

Aron mapauswag ang panaghisgot sa klase bahin sa mosunod nga pangutana, ikonsiderar ang pagpaambit og kadiyot sa usa ka personal nga sugilanon o asoy sa kasulatan nga makatabang sa mga estudyante nga makita ang importansya sa padayon nga paglig-on sa ilang hugot nga pagtuo kang Jesukristo. Usa ka makatabang nga sanglitanan mao si Kapitan Moroni, kinsa “wala mohunong sa paghimo og mga pangandam alang sa gubat, o sa pagpanalipod sa iyang mga katawhan” ( Alma 50:1).

• Unsa may nakatabang ninyo sa paglig-on sa inyong hugot nga pagtuo kang Jesukristo?

Ikonsiderar ang pagpakita sa mosunod nga pamahayag gikan ni Elder Andersen samtang ang mga estudyante naghunahuna og mga paagi sa pagpalig-on sa ilang hugot nga pagtuo kang Jesukristo.

Si Elder Neil L. Andersen sa Korum sa Napulog Duha ka Apostoles mipaambit og pipila ka paagi diin kita makapalig-on sa atong hugot nga pagtuo diha kang Jesukrsito.

Aron matabangan ang mga estudyante nga makakita og mga paagi aron mapalig-on ang ilang hugot nga pagtuo kang Jesukristo, tingali makatabang ang paglakip og lain pang mga pamahayag nga makita diha sa “Komentaryo ug Background nga Impormasyon” nga seksiyon.

Official portrait of Elder Neil L. Andersen of the Quorum of the Twelve Apostles, 2010, August.

Ang inyong [hugot nga] pagtuo molambo dili pinaagi sa sulagma, apan pinaagi sa pagpili.

Ang paagi sa atong pagpakabuhi makapalig-on o makapahuyang sa atong pagtuo. Ang pag-ampo, kamasulundon, kamatinuoron, kaputli sa hunahuna ug binuhatan, ug pagkadili hakog mopalambo sa pagtuo. Kon wala kini, mohuyang ang pagtuo. Nganong ang Manunubos miingon man ngadto ni Pedro, “Nangamuyo ako alang kanimo, nga unta dili makabsan ang imong pagsalig pagtuo”? ( Lucas 22:32). Tungod kay dunay kaaway nga maoy kalipay ang paguba sa atong pagtuo! Buhata ang kutob sa inyong mahimo sa pagpanalipod sa inyong [hugot nga] pagtuo.

(Neil L. Andersen, “Ang [Hugot nga] Pagtuo Dili pinaagi sa Sulagma, apan pinaagi sa Pagpili,” Liahona, Nob. 2015, 66)

• Unsa ang inyong nakat-onan karon mahitungod sa unsa ang gusto ni Jesukristo gikan kaninyo?

• Unsay usa ka butang nga inyong sugdan o ipadayon sa pagbuhat aron malig-on ang inyong hugot nga pagtuo kang Jesukristo?

• Sa unsang paagi kaha ang mas lig-on nga hugot nga pagtuo kang Jesukristo makapanalanginkaninyo?

Komentaryo ug Background nga Impormasyon

Lucas 22:31 . Unsa ang gipasabot sa Manluluwas diha sa Iyang pagsulti kang Pedro nga si Satanas gustong “[mo]lain [kaniya] isip trigo”?

Aron sa paglain sa trigo, ang bililhong mga lugas gilain gikan sa wala magamit nga mga bahin sa tanom. Gigamit ni Jesus ang maong analohiya aron matabangan si Pedro (ug ang matag usa kanato) makamatikod sa mga paningkamot ni Satanas sa pagguba sa atong hugot nga pagtuo ug pagpugong kanato nga mahimong importanteng bahin sa gingharian sa Dios.

Unsa ang makapalig-on sa akong hugot nga pagtuo kang Jesukristo?

Si Elder Neil L. Andersen sa Korum sa Napulog Duha ka Apostoles nagtudlo:

Official portrait of Elder Neil L. Andersen of the Quorum of the Twelve Apostles, 2010, August.

Ang atong hugot nga pagtuo nakasentro sa Dios, nga atong Amahan ug sa Iyang Anak, si Jesukristo, nga atong Manluluwas ug Manunubos. Gilig-on kini sa atong kahibalo nga ang kahingpitan sa ebanghelyo gipahiuli na sa yuta, nga ang Basahon ni Mormon pulong sa Dios, ug nga ang mga propeta ug mga apostoles karon naghupot sa mga yawe sa pagkapari. Atong gimanggad ang atong hugot nga pagtuo, naningkamot nga malig-on kini, nag-ampo og dugang pang hugot nga pagtuo, ug mobuhat kutob sa mahimo sa pagpanalipod niini. …

… Isubsob ninyo ang inyong kaugalingon sa mga butang nga nakatabang sa paglig-on sa pagtuo: ipakita ninyo ang inyong hugot nga pagtuo kang Kristo, mag-ampo kamo, mamalandong sa kasulatan, maghinulsol, magsunod sa mga sugo, ug magserbisyo sa uban.

(Neil L. Neil L. Andersen, “Pagsulay sa Inyong Hugot nga Pagtuo,” Liahona, Nob. 2012, 39–40)

Unsa ang makaguba sa akong hugot nga pagtuo kang Jesukristo?

Ahmad S. Corbitt, Unang Magtatambag sa Kinatibuk-ang Kapangulohan sa Young Men nagtudlo:

The official portrait of Ahmad S. Corbitt.

Akong mga higala, ang tinuyo nga paghunahuna o pagtan-aw sa mga butang nga sukwahi kon si kinsa gayod kamo, ilabi na sa pornograpiya, makapahuyang sa inyong pagtuo kang Kristo ug kon walay paghinulsol makagun-ob niini.

(Ahmad S. Corbitt, “Makahimo Kamo sa Pagpundok sa Israel!,” Liahona, Mayo 2021, 62)

Lucas 22:32 . Unsa man ang atong makat-onan mahitungod sa pagkakabig gikan sa pagsabot sa pamahayag sa Manluluwas nga nagsugyot nga si Pedro wala mabug-os sa pagkakabig?

Si Elder David A. Bednar sa Korum sa Napulog Duha ka Apostoles mitudlo:

Elder David A. Bednar, Quorum of the Twelve Apostles official portrait. 2020.

Kining bant[o]gan nga Apostol nakig-istorya ug nakauban og lakaw sa Manluluwas, nakasaksi og daghang milagro, ug may lig-ong pagpamatuod sa kabalaan sa Manluluwas. Bisan si Pedro kinahanglan og dugang panudlo ni Jesus bahin sa makakabig ug makabalaan nga gah[o]m sa Espiritu Santo ug sa iyang obligasyon sa matinud-anong pagserbisyo.

Ang kahul[o]gan sa ebanghelyo ni Jesukristo naglangkob og importante ug permanenting kausaban sa atong kinaiya nga nahimong posible pinaagi sa Pag-ula sa Manluluwas. [Ang] tinuod nga pagkakabig nagdala og kausaban sa gituohan, kasingkasing, ug kinabuhi sa tawo, sa pagdawat ug pagsunod sa kabubut-on sa Dios (tan-awa sa Mga Buhat 3:19; 3 Nephi 9:20) ug naglakip sa pasalig nga mahimong disipulo ni Kristo.

(David A. Bednar, “Nakabig ngadto sa Ginoo,” Liahona, Nob. 2012, 106–7)

Dugang nga mga Kalihokan sa Pagkat-on

Hangupon ang umaabot uban sa hugot nga pagtuo

Ang Nobyembre 2020 nga isyu sa Bag-o nga Panahon naglangkob og mga kinutlo gikan kang Presidente Russell M. Nelson nag-ingon “Hangupon ang Umaabut uban sa Hugot nga Pagtuo.” Ikonsiderar nga ipakita ang panguna nga imahe niana nga artikulo, nga naghatag og gibug-aton sa hugpong sa pulong nga “kon kamo andam dili kamo mahadlok” ( Doktrina ug mga Pakigsaad 38:30). Dapita ang mga estudyante sa pagpangita sa tambag ni Presidente Nelson alang sa mga paagi sa pagpalig-on sa ilang hugot nga pagtuo kang Jesukristo aron dili sila mahadlok sa bisan unsa nga tingali ilang atobangon sa umaabot.

“Mga Hagit nga Buntugon”

Ikonsiderar ang pagpasalida sa video nga “Mga Hagit nga Bunt[o]gon” (5:05) ug awhaga ang mga estudyante nga maminaw sa unsay itudlo ni Presidente Henry B. Eyring sa Unang Kapangulohan mahitungod sa pagpalig-on sa atong hugot nga pagtuo kang Jesukristo. Tugoti ang mga estudyante sa pagpaambit sa unsay ilang nakat-onan mahitungod sa hugot nga pagtuo kang Jesukristo ug unsa nga gahom ang mahatag niini kanato nga mahimo sa kinabuhi.