Матай 26:36–46; Лук 22:39–46, 2-р хэсэг
Гетсемани дахь Аврагчийн зовлон шаналал миний амьдралд хэрхэн нөлөөлдөг вэ?
Энэ бол Гетсеманийн цэцэрлэг дэх Аврагчийн зовлон шаналал мөн үүний сургаалын ач холбогдлын талаарх хоёр хичээлийн хоёр дахь нь юм. Есүс Христ Өөрийн Цагаатгалын хүрээнд бидний гэм нүгэл, зовлон шаналал, өвчин эмгэг, сул дорой байдлыг Өөр дээрээ авсан. Цагаатгагч золиосынхоо ачаар Тэрээр мөнх бус амьдралд сорилт бэрхшээлтэй тулгарах үед бидэнд туслах боломжтой болсон. Энэ хичээл нь Есүс Христийн Цагаатгалаараа дамжуулан танд өгч болох хүч чадал, тусламжийг хүлээн авах хэрэгцээ шаардлагыг илүү ихээр мэдрэхэд туслах болно.
Есүс Христийн Цагаатгалын талаар ярих. Ерөнхийлөгч Рассэлл М. Нэлсон “Их Эзэний цагаатгагч золиосыг ‘Цагаатгал,’ ‘Цагаатгалын боломж олгогч хүч,’ ‘Цагаатгалыг амьдралдаа хэрэгжүүлэх,’ ‘Цагаатгалаар дамжуулан хүчирхэгжих’ гэх мэт товч утгатай үгсээр төлөөлүүлэх нь сургаалын хувьд дутуу дулимаг юм. … Тусламж, эдгэрэл, өршөөл, хүч чадал гуйж болох ‘Цагаатгал’ хэмээх хэлбэр дүрсгүй биет гэж байдаггүй. … Бид бүх хүн төрөлхтний түүхэн дэх хамгийн гол үйл явдал болох Аврагчийн цагаатгагч золиосыг Өөртэй нь онцгойлон холбож ойлгох юм бол үүнийг хамгийн сайн ойлгож, талархан ханддаг болно” гэж заасан (Рассэлл М. Нэлсон, “Есүс Христийн хүчийг амьдралдаа татан авах нь,” Ensign, May 2017, 40 эсвэл 2017 оны 4-р сарын Ерөнхий чуулган, 26).
Суралцагчийн бэлтгэл: Есүс Христ Цагаатгалаараа тэднийг хэрхэн адисалж болох талаар эргэцүүлэн бодоход суралцагчдыг урь.
Боломжит суралцах үйл ажиллагаа
Энэ хичээл нь Гетсеманийн цэцэрлэг дэх Есүс Христийн зовлон шаналлын талаарх хоёр хичээлийн хоёр дахь нь юм. Хэрэв хоёр хичээлийн агуулгыг зөвхөн нэг хичээлд багтаан заах цаг байвал өмнөх хичээлтэй танилцан (“Матай 26:36–46; Лук 22:39–46, 1-р хэсэг”), энэ хичээлд оруулах хэрэгтэй байж болох санаануудыг ол.
Есүс Христ яагаад ингэж их зовж шаналах ёстой байсан бэ?
Дараах жишээг төсөөл.
Таны найз Чандлэр сүүлийн хэдэн сарын турш Сүмийн талаар илүү ихийг сурч мэдэхээр сонирхож байв. Тэр танай гэрт сайн мэдээний талаар суралцахад нэлээдгүй цагийг зарцуулсан бөгөөд тэр ч байтугай танай гэр бүлийнхэнтэй хамт судраас суралцахад хэд хэдэн удаа оролцжээ. Нэг орой Гетсемани дахь Аврагчийн зовлон шаналалтай холбоотой үйл явдлын талаар судалсныхаа дараа Чандлэр “Есүс Христ яагаад ингэж их зовж шаналах ёстой байсан юм бэ?” гэж асуув.
Дараах асуултын талаар ярилцахын тулд суралцагчдыг хамтрагчид болгон хуваахыг бодож үз.
-
Та Чандлэрын асуултад хэрхэн хариулах вэ?
Есүс Христ, Түүний Цагаатгалын тухай санаж бодож явдаг зүйлээ бод. Түүний цагаатгагч золиосын тухай бодоход танд ямар асуултууд төрж байна вэ? Түүний таны төлөө зовж шаналсныг мэдэх нь Түүний талаарх таны бодол санаанд хэрхэн нөлөөлж байна вэ?Өмнөх хичээлээр (“Матай 26:36–46; Лук 22:39–46, 1-рхэсэг”) Гетсемани дахь Аврагчийн зовлон шаналлын талаарх олон зүйлийг онцлон авч үзсэн. Матай 26:36–39 , Лук 22:41–44 -ийг цаг гарган судал. Аврагчийн талаарх болон Түүний Гетсеманид амссан зовлон шаналлыг дүрсэлсэн, үүнд таны аль хэдийн доогуур нь зурсан байж болох утга учир бүхий тодорхой үг эсвэл хэллэгийг хайж ол.
Олж мэдсэн зүйлээ хуваалцах боломжийг суралцагчдад олго. Үүнийг хийх нэг арга зам бол суралцагчдыг самбарт гарч ирээд, судалсан шүлгээс нь Гетсемани дахь Есүс Христийн зовлон шаналлын талаар өгүүлсэн, өөрт онцгой санагдсан үг эсвэл хэллэгийг бичихэд урих явдал байж болно.
Аврагчийн зовлон шаналлыг илүү сайн ойлгохын тулд орчин үеийн илчлэлтийг ашиглах
Аврагч болон Түүний Цагаатгалын талаарх бошиглогч Иосеф Смитийн хүлээн авсан орчин үеийн илчлэлтийн адислалгүйгээр Есүс Христийн Цагаатгалынхаа хүрээнд Гетсеманид болон загалмай дээр амссан зовлон шаналлын тухай мөн Тэр яагаад ийм их зовлон шаналлыг амссан талаар ойлгох боломжгүй олон зүйл байх байсан.
Сургаал ба Гэрээ 19:16–19 -ийг уншаад, Есүс Христ Өөрийнхөө зовлон шаналлын талаар юу заасныг олж мэд.
-
Эдгээр шүлэг нь яагаад Есүс Христ ингэж их зовж шаналсан болохыг ойлгоход танд хэрхэн тусалсан бэ?
-
Эдгээр шүлэг нь Аврагчийн таныг гэх хайрын талаар ойлгоход танд хэрхэн тусалж байна вэ?
Алма 7:11–13 -ыг уншаад, судлах тэмдэглэл дээрээ дараах хүснэгтийг гүйцээж бөглө. 12-р шүлэгт гарч буй халамжлах гэдэг үг нь “тусламж эсвэл дэмжлэг үзүүлэх” гэсэн утгатай болохыг мэдэх нь тус болж болох юм (Даллин Х. Өүкс, “Есүс Христийн Цагаатгалаар хүчирхэгжсэн,” Ensign, Nov. 2015, 61 эсвэл 2015 оны 10-р сарын Ерөнхий чуулган, 50).
Аврагч юунд зовж шаналж эсвэл юуг Өөр дээрээ авсан бэ? |
Есүс Христ Цагаатгалынхаа ачаар бидний төлөө юу хийх боломжтой болсон бэ? |
Өмнөх хүснэгтийг самбарт хуулаад, олж мэдсэн зүйлсээ хуваалцахыг суралцагчдаас хүссэнийхээ дараа тэдний хариултыг зохих баганад бичих нь тустай байж болно.
Дараах хариултууд эхний баганад орж болно. Тухайлбал:
-
бүх төрлийн өвчин мөн зүдгүүрүүд мөн уруу таталтууд” (Алма 7:11)
Дараах хариултууд хоёр дахь баганад орж болно. Үүнд:
-
Та эдгээр шүлгээс Есүс Христ ямар зовлон шаналлыг мэдэрсэн мөн яагаад ийн зовж шаналсан талаар юу олж мэдсэн бэ?
-
Гетсемани дахь Их Эзэний зовлон шаналал биднийг хэрхэн адисалдаг вэ?
Бид Алма 7:11–13 -аас Есүс Христ биднийг гэм нүгэл болон үхлээс аварч, мөнх бус байдлын сорилт бэрхшээлийг даван туулахад туслахын тулд зовж шаналсан гэх үнэнийг сурч мэдэж болно. Та энэ үнэнийг судар дээрээ бичиж болох юм. Та мөн энэ үнэнийг болон дараах асуултуудад өгсөн хариултаа судлах тэмдэглэл дээрээ бичиж болно.
-
Хүснэгтийн хоёр дахь баганад жагсаан бичсэн адислалуудын алиныг нь яг одоо хүлээн авах нь таны хувьд юу юунаас илүү чухал вэ? Яагаад?
-
Хэзээ та Есүс Христийн Цагаатгалын зовлон шаналлын ачаар танд ирж болох найдвар, амар амгалан, тайтгарал, хүч чадлыг мэдэрч байсан бэ?
Аврагчийн цагаатгагч золиосын ачаар хүлээн авах боломжтой тэнгэрлэг тусламжийг харуулдаг жишээг олж харах бол “Atonement—Not a One-Time Thing” (3:00) эсвэл “Alek’s Story” (6:26) гэсэн хоёр видеоны аль нэгийг үзэж болох юм. Энэ хоёр видео ChurchofJesusChrist.org дээр байгаа.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fff%2F22%2Fff228b20014ffada8b0acf757aae540f7ebc3676%2Fff228b20014ffada8b0acf757aae540f7ebc3676.jpg/full/!250,/0/default)
Аврагчийн цагаатгагч золиосын ачаар хүлээн авах боломжтой тэнгэрлэг тусламжийг харуулахын тулд ашиглаж болох өөр санаа эсвэл видеог авах бол энэ хичээлийн төгсгөлд байгаа “Нэмэлт суралцах үйл ажиллагаа” хэсгийг үзнэ үү.
Аврагч Өөрийн Цагаатгалаар бидний амьдралыг хэрхэн адисалж чадах талаар илүү ихийг мэдэхийн тулд энэ хичээлийн төгсгөлд байх “Нэмэлт: Илүү ихийг судлахыг хүсэж байна уу?” хэсэг дээрх манай Сүмийн удирдагчдын зарим сургаалыг судал.
-
Та Есүс Христийн талаар судалж, мэдэрсэн ямар зүйлийг санаж байхыг хүсэж байна вэ?
-
Та Есүс Христийн талаар судалж, мэдэрсэн зүйлийнхээ ачаар юуг арай өөрөөр хийх вэ?
Тайлбар ба нөхцөл байдлын талаарх мэдээлэл
Аврагчийн Цагаатгал бидний амьдралд ямар ямар арга замаар нөлөөлж болох вэ?
Ерөнхийлөгч Даллин Х. Өүкс:
ЗурагOfficial Portrait of President Dallin H. Oaks taken March 2018.Гэм нүглээсээ өршөөгдөх боломж нь Есүс Христийн Цагаатгалын гол утга учир юм. …
Бидний Аврагч, Гэтэлгэгч нүглээ наманчилдаг мөнх бус хүмүүсийн үйлдсэн нүглийн төлөө Өөрийгөө золиослохдоо төсөөлшгүй зовлонг туулжээ. Энэхүү цагаатгагч золиосоор сайн сайхны оргил болох өө сэвгүй цэвэр хургыг хилэнцийн дээд хэмжүүр болох бүх дэлхийн нүглийн төлөө өргөл болгосон юм. Энэ нь бид бүгдэд хувийн нүглүүдээсээ цэвэрших үүд хаалгыг нээж өгч, улмаар бид Бурхан Мөнхийн Эцэгийнхээ оршихуйд эргэн очиж чадах юм. Энэ хаалга Бурханы бүх хүүхдэд нээлттэй байдаг.
(Даллин Х.Өүкс, “Аврагч маань бидний төлөө юу хийсэн бэ?,” 2021 оны 4-р сарын Ерөнхий чуулган, 74)
Арван хоёр Төлөөлөгчийн Чуулгын ахлагч Дэйл Г. Рэнланд:
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F14%2Fc8%2F14c8a87d93043e289df2fcc1c977b5f7e563c214%2Fdale_g_renlund_infuriating_unfairness.jpeg/full/!250,/0/default)
ЗурагOfficial portrait of Elder Dale G. Renlund of the Quorum of the Twelve Apostles, January 2016.Шударга бус нөхцөл байдалд орохдоо бидний биелүүлбэл зохих үүргүүдийн нэг бол “Амьдралын талаарх шударга бус юм бүхэн Есүс Христийн Цагаатгалаар дамжин зөв болгогдох болно” гэдэгт итгэх явдал юм [Миний сайн мэдээг номло: Номлогчийн үйлчлэлд зориулсан удирдамж (2018), 57]. Есүс Христ энэ дэлхийг ялан дийлж, бүх шударга бус зүйлийг “Өөр дээрээ авсан.” Түүний ачаар бид энэ дэлхийд амар амгаланг мэдэрч, зоригтой байж чадна. Түүнд боломж олгох юм бол Есүс Христ шударга бус байдлыг бидэнд ашигтайгаар эргүүлж чадна. Тэр биднийг тайтгаруулж, алдагдсаныг сэргээхээс гадна шударга бус байдлыг бидний тусын тулд ашиглах болно.
(Дэйл Г.Рэнланд, “Уур хүрмээр шударга бус байдал,” 2021 оны 4-р сарын Ерөнхий чуулган, 40)
Арван хоёр Төлөөлөгчийн Чуулгын ахлагч Үлиссэс Соарэс:
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F00%2Fb0%2F00b05b062c3802548e7f510d81425de5bc281fc5%2Fulisses_soares_jesus_christ_the_caregiver_of_our_soul.jpeg/full/!250,/0/default)
ЗурагElder Ulisses Soares, Quorum of the Twelve Apostles official portrait.Бид нүглээ чин сэтгэлээсээ наманчилснаар, Христийн цагаатгах золиосыг өөрсдийн амьдралд бүрэн дүүрэн хэрэгжих боломжийг олгодог гэдгийг би та нарт гэрчилж байна. Бид нүглийн боолчлолоос чөлөөлөгдөж, дэлхийн аялалдаа баяр баясгаланг олж, Есүс Христэд итгэн, Түүнд ирэх бүх хүнд дэлхийн үүслээс бэлтгэгдсэн мөнхийн авралыг хүлээн авах боломжтой болно.
(Үлиссэс Соарэс, “Есүс Христ: Бодгалиудын маань Халамжлагч,” 2021 оны 4-р сарын Ерөнхий чуулган, 81)
Далын ахлагч Майкл Жон Ү.Тэ:
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fe1%2F83%2Fe1838f924ca0c0d00bffdb9e334058bc05c52875%2Fmichael_john_u_teh_our_personal_savior.jpeg/full/!250,/0/default)
ЗурагOfficial Portrait of Elder Michael John U. Teh. Photographed in 2015. Background replaced in March 2017.Есүс Христийн Цагаатгал бидэнд, хувь хүн нэг бүрд маань үйлчилдэг гэдгийг улам бүр ойлгодог болж байгаа нь Түүнийг танихад бидэнд тусална. Христийн Цагаатгалын бидний хувийн амьдрал дахь ач холбогдлыг таньж мэдэхээсээ илүү бид үүнийг ерөнхий утгаар нь бодож, ярих нь ихэнх тохиолдолд илүү хялбар байдаг. Есүс Христийн Цагаатгал бол хэмжээлшгүй, мөнхийн бөгөөд энэ нь бүх зүйлийг гүн гүнзгий, өргөн хамруулдаг хэдий ч нөлөө нь хувь хүний түвшинд байдаг. Аврагч цагаатгах золиосыг үйлдсэн учраас биднийг нэг нэгээр маань ариусгаж, эдгээн, хүчирхэгжүүлэх чадвартай.
(Майкл Жон Ү.Тэ, “Бидний хувийн Аврагч,” 2021 оны 4-р сарын Ерөнхий чуулган, 102)
Халамжийн нийгэмлэгийн ерөнхий ерөнхийлөгчийн зөвлөлийн зөвлөх асан Рэйна И.Абурто эгч:
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fb2%2F71%2Fb2710671f34289c2117d5bb508d9d109cc0c0614%2Freyna_i_aburto_the_grave_has_no_victory.jpeg/full/!250,/0/default)
ЗурагOfficial Portrait of Sister Reyna Aburto. Photographed in 2017.Есүс Христийн гэтэлгэгч Цагаатгал, алдар суут Амилалтаар дамжуулан эмтэрсэн зүрх эдгэрч, тарчлал амар амгалан болж, шаналал найдвараар солигдож чадна гэдгийг би гэрчилж байна. Тэр биднийг нигүүлслийн мутартаа тэвэрч, хүн нэг бүрийг тайвшруулан, хүчирхэгжүүлж, эдгээж чадна.
(Рэйна И.Абурто, “Булшинд ялалт гэж үгүй,” 2021 оны 4-р сарын Ерөнхий чуулган, 86)
Нэмэлт суралцах үйл ажиллагаа
Номлогч болж жүжиглэн тоглох
Дараах санааг Аврагчийн тухай мөн Түүний Цагаатгалын талаар бусдад зааж дадлага хийхэд суралцагчдад туслахын тулд ашиглаж болно.
Суралцагчдыг гурав гурваар нь бүлэг болгон хуваах талаар бодож үз. Бүлэг бүрд хоёр суралцагч нь бүрэн цагийн номлогч болж, гурав дахь нь тэднээр хичээл заалгаж байгаа хүний дүрд тоглож болно. Номлогчдоор Есүс Христийн Цагаатгалын талаар таван минутын хичээл заалга. Тэд хичээл заалгаж буй хүнтэй хамт Алма 7:11–13 -ыг уншиж, шүлгийг тайлбарлаж болно. Хичээл заалгаж буй хүн нь асуулт тавьж болох бөгөөд номлогчид нь Аврагчийн золиос тэдний амьдралд хэрхэн нөлөөлсөн талаар гэрчилж, хичээлийг дуусгах боломжтой.
“Зүрх сэтгэлд гарсан өөрчлөлт”
Есүс Христээр дамжуулан бидний амьдралд гарч болох өөрчлөлтийн жишээг олж харахад нь суралцагчдад туслахын тулд ChurchofJesusChrist.org дээр байгаа “A Change of Heart” (4:39) видеог үзүүлж болно.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F92%2Fe2%2F92e2115e85ae60eef1d534ad3a95b0206757e303%2Fa_change_of_heart.jpg/full/!250,/0/default)