Mataio 27:24–66; Mareko 15:15–38

Jesus is on the cross between two malefactors, there is a crowd below that are watching. Outtakes include a sponge on a stick lifted up to Jesus by a Roman soldier, different views of the three me on the crosses, soldiers gambling and parting his clothes, Jesus walking wearing crown of thorns and covered in blood, and Caiaphas.

A o feagai le Faaola ma le tiga matautia o le tautau ai mai se satauro, sa faatauemu fili ia te Ia ma fai atu ia te Ia e laveai o Ia lava mai sauaga. Ae sa Ia onosaia ma le amiotonu, ma faaauau pea Ona puapuagatia mo i tatou. O lenei lesona e mafai ona fesoasoani ia te oe e malamalama lelei ai ma talisapaia puapuaga ma le maliu o le Faaola i luga o le satauro o se vaega taua o Lana Togiola.

Aoao Atu e ala i le Agaga O le aoao atu e ala i le Agaga e amata i sauniuniga magafagafa lelei o le lesona. Suesue ma le agaga tatalo ia tusitusiga paia ma le mataupu aoaoina, ma mulimuli i le taitaiga a le Agaga Paia e fetuunai ai le mataupu aoaoina i manaoga o tamaiti aoga. E le gata i lea, taumafai ina ia mafaufau matala ia maua ma mulimulitaia uunaiga mai le Agaga a o aoao atu, e tusa lava pe o le a avea ma mea e tatai ese ai mai le faagasologa o le lesona.

Sauniuniga a le tamaitiiti aoga: Valaaulia tamaiti aoga e faitau le Mataio 27:35–50 po o le saunoaga a Epikopo Gérald Caussé mai lenei lesona. Fai atu ia i latou e o mai saunia e faasoa mai le uiga ia i latou e faapea, na maliu le Faaola e patino mo i latou lava ia.

Gaoioiga e ono Mafai Ona Aoao Ai

Na foai mai e Iesu Keriso Lona soifua mo i tatou

I lenei lesona o le a e suesue ai e uiga i le maliu o Iesu Keriso. Faaalu sina taimi e mafaufau loloto ai i mea ua e iloa e uiga i le maliu o le Faaola ma ou lagona e uiga i ai. E te talitonu na maliu o Ia ina ia laveaiina ai oe?” Afai o lea, e mafai faapefea ona e faaalia lou talisapaia o Lana taulaga? A o e suesue ai, saili le taitaiga a le Agaga Paia e fesoasoani ia te oe e tali fesili nei.

O Le Faasatauroga o Iesu Keriso

Ina ua uma ona faamasinoina le Faaola e tagata Iutaia sosoo ai lea e Herota ma Pilato, sa sasaina faatigaina o Ia ma aumaia i Kolokota (e taua foi o Kalevaria) ina ia faasatauroina.

Fuafua e maka le fasifuaitau “Ua latou faasatauroina foi o ia” i le Mataio 27:35 . Faitau le Taiala mo Tusitusiga Paia po o le Bible Dictionary i lalo o le ulutala “Faasatauroga” e vaai ai po o le a le uiga o mea e faatatau i lenei faiga.

Jesus Christ and the two thieves depicted during the Crucifixion. The Apostle John is standing below the cross of Christ. Mary, the mother of Christ is standing beside John. Two other women are kneeling at the base of the cross. There are Roman soldiers and Jews standing in the background.

Mafaufau e faitau leotele mau nei ae mulimulitai ai tamaiti aoga. O tamaiti aoga e mafai [ona faitau], e mafai foi ona valaaulia e fesoasoani e faitau leotele.

Faitau fuaiupu nei e uiga i le Faasatauroga o le Faaola. Faailoga faamatalaga auiliili e te lagona e taua.

Mataio 27:27–31 . Sa faatauemu fitafita Roma i le Faaola.
Mataio 27:35–44 . Sa tauemuina le Faaola i luga o le satauro.
Mataio 27:45–46, 50 . Na tigaina ma maliu le Faaola i luga o le satauro. Manatua: Sa faasatauroina Iesu i le “itula lona tolu” (9:00 a.m.; tagai Mareko 15:25). “O le itula lona ono” e faasino i le 12:00 i le aoauli; “o le itula lona iva” e faasino i le 3:00 i le afiafi.

Ina ia fesoasoani ia te oe e vaai faalemafaufau i nei mea na tutupu, atonu e te manao e matamata i le “Jesus Is Scourged and Crucified,” o loo maua i le ChurchofJesusChrist.org, mai le faailotaimi 1:04 i le 4:48.

O Elder Jeffrey R. Holland o le Korama a Aposetolo e Toasefululua na ia faamatala le mafuaaga na faatoga ai le Faaola, “Lo‘u Atua e, lo’u Atua e, se a le mea ua e tuulafoai mai ai ia te au?” (Mataio 27:46).

Ma i le vitio lenei o le “Sa Leai Se Tasi na iai Faatasi ma Ia,” o lo o maua i le ChurchofJesusChrist.org, mai le faailotaimi 9:00 i le 12:46, pe faitau le faamatalaga o mulimuli mai.

2:3

Faatasi ai ma le talitonuga maumaututu uma o lo’u agaga ou te molimau atu ai … o se Tama atoatoa sa lei tuulafoaina Lona Atalii i lena ituaso. Ioe o lou lava talitonuga patino, i le galuega atoa a Keriso i le olaga nei atonu e lei sili atu ona latalata ai le Tama i Lona Alo nai lo nei toe taimi mafatia tele o puapuaga. Ae ui i lea, … sa aveese mo sina taimi e le Tama mai ia Iesu le mafanafana o Lona Agaga, le lagolago o Lana mafutaga patino. Sa manaomia, ioe sa totonugalemu i ai le taua o le Togiola, e faapea o lenei Alo atoatoa o le sa lei tautala i se upu leaga pe faia se mea sese pe pa’i atu foi i se mea le mama, sa ao ona ia silafia pe faapeī ni lagona o tagata---o i tatou, i tatou uma lava---pe a tatou faia ia ituaiga o agasala. Mo Lana Togiola ina ia le gata ma faavavau, na ao ona Ia lagona pe faapeī le oti e le nao le faaletino ae faaleagaga, ia iloa ai pe na faapeī pe a aveesea le Agaga paia, ma le tuua toatasi ai o se tasi e lagonaina le matua tuulafoaiina, matagā, ma le aunoa ai ma se faamoemoe.

(Jeffrey R. Holland, “Sa Leai se Tasi na i ai Faatasi ma Ia,” Ensign po o le Liahona, Me 2009, 87–88)

O le a se mea na fesoasoani ai Elder Holland ia te oe e te malamalama lelei ai e uiga i le Tama Faalelagi ma Iesu Keriso?
O a mea e sili ona faagaeetiaina ai oe e uiga ia Iesu Keriso mai nei mea na tutupu? Aisea?

Mau Fesootai

Sa i ai i le Faaola le mana e laveai ai o Ia lava mai le aafiaga tiga matuia ma le maasiasi i luga o le satauro (tagai i le Mataio 26:52–54), ae Na te lei faia.

Faitau ia le itiiti ifo ma le tolu nisi o mau nei e iloa ai pe aisea. Mafaufau e fatu se siata e pei o lea e faavasega ai ou manatu ma lagona. E mafai foi ona e faafesootaia pe fefaasinoa‘i nei fuaitau i le Mataio 27:26 pe fatu se faailo mai mau faasino nei ma se ulutala e te filifilia e oe lava.

Mafaufau e tusi i luga o le laupapa le siata faataitai lenei. Valaaulia tamaiti aoga e galulue i ni paga ma ni vaega toalaiti e faatumu ai.

Aisea na gauai atu ai le Faaola i le faasatauroga	O faamanuiaga ua avanoa mo i tatou ona sa Ia faia

Mataupu Faavae ma Feagaiga 35:2

Mataupu Faavae ma Feagaiga 76:40–42

O le fea fuaitau sa sili ona anoa ia te oe? Aisea?
O le a se mea na e aoaoina e uiga i le mafuaaga na naunau ai le Faaola ia faasatauroina [o Ia] mo i tatou?
O le fea o faamanuiaga o loo lisiina i nei mau e sili ona e faafetai ai? Aisea?

E taua ai le malamalama o se vaega o Lana Togiola, sa faasatauroina ai Iesu Keriso mo agasala a le lalolagi. O puapuaga sa amatalia e le Faaola i le Faatoaga o Ketesemane sa faamaeaina i le satauro i Kolokota. Ana faapea e le maliu le Faaola mo a tatou agasala, semanu e le mafai ona tatou toe foi atu i lo tatou Tama oi le Lagi.

O le a faapefea ona e faamatalaina i se tasi le ala ua avea ai le Faasatauroga o le Faaola o se vaega o Lana Togiola? O le a faapefea ona e faamatalaina pe aisea e taua ai ia te oe?

Sa faamalamalama e Epikopo Gérald Caussé le ala e patino ai le Togiola a le Faaola mo i tatou taitoatasi.

E ui e le iu ma e lautele lona aafiaga, ae o le Togiola a le Alii o se meaalofa ofoofogia patino ma vavalalata, e talafeagai mo i tatou taitoatasi. E pei lava ona valaaulia e Iesu soo taitoatasi o sa Nifae ia tagotago i Ona manu’a, sa faapea foi ona Ia maliu mo i tatou taitoatasi, patino, e peiseai na o oe po o a’u le tagata na i ai i le lalolagi. Ua Ia tuuina mai ia i tatou se valaaulia patino ia o atu ia te Ia ma utuvai mai faamanuiaga ofoofogia o Lana Togiola.

(Gérald Caussé, “O se Molimau Ola o le Keriso Soifua,” Ensign po o le Liahona, Me 2020, 40)

Aisea e te manatu ai e taua le iloa o le natura patino o le Togiola a le Faaola?

Mafaufau e tata ni viiga e uiga i puapuaga ma le Faasatauroga o le Faaola e pei o le “Ua Sili Oe” (Viiga, nu. 46) po o le “Upon the Cross of Calvary” (Hymns, no. 184) a o faamaeaina e tamaiti aoga le gaoioiga lenei. I le avea ai o se isi auala e ese nai le tusia ai o se tusiga i totonu o le api talaaga, e mafai e tamaiti aoga ona tusi se tusi i lo latou lava tagata i le lumanai ae talanoaina ai manatu o loo i lenei gaoioiga.

Ina ia fesoasoani ia te oe ia lagona ma manatua le natura patino o le Togiola a le Faaola mo oe, tusi se tusiga i le api talaaga. Fuafua e faaaofia ai mea nei:

O faamanuiaga e mafai ona e maua ona o puapuaga ma le maliu o le Faaola i luga o le satauro mo oe
O le a le uiga ia te oe o Lona maliu patino mo oe
Mafaufauga ma uunaiga e te maua mai le Agaga Paia

I le uma ai ua lava se taimi na atofaina, tuu atu loa i tamaiti aoga se avanoa e faasoa mai ai a latou tusiga i a latou api talaaga. Mafaufau e tuuina atu le molimau i le Faasatauroga o Iesu Keriso ma lona taua o se vaega o Lana Togiola.

Tala ma Faamatalaga o Talaaga

O le a le mea e taua e uiga i le nofoaga ma le taimi o le Faasatauroga o le Faaola?

Na faamalamalama mai e Peresitene Russell M. Nelson:

O le vaega lona lua o Lana togiola sa faatinoina i luga o le satauro. …

Na tuuina atu e Pilato le Tamai Mamoe a le Atua ina ia faasatauroina i le taimi lava e tasi na saunia ai lata ane ia tamai mamoe o le Paseka mo osigataulaga. (Tagai i le Ioane 19:13–14 .)

O le Faasatauroga sa faia i se mauga na ta’ua o Kolotoka (Eperu) po o Kalevaria (Latina) o lona uiga “o le ulupoo.” O le ulupoo na faatusa i le oti. I se nofoaga faapenei, sa faamaeaina ai le taulaga togiola. I luga o le satauro, sa siiae ai le Faaola o le lalolagi i luga a’e o le oti i le tulaga taua e aupito maoae i tulaga taua uma e mafai ona maua—o le iloaina ma le moni aiai o le mana o le Alii e malosi atu i le oti.

(Russell M. Nelson, “Why This Holy Land?,” Ensign,Dec. 1989, 18–19)

Aisea na le faasaoina ai e Iesu Keriso o Ia lava?

Na faamalamalama mai e Elder Ronald A. Rasband o le Korama a Aposetolo e Toasefululua:

“Ina alu ifo ia mai le satauro,” sa faatauemu atu ai le motu o e le talitonu ia te Ia i luga o Kalevaria [Mataio 27:40]. Sa ono mafai lava ona Ia faia se vavega. Ae sa Ia silafia le gataaga mai le amataga, ma sa Ia faamoemoe ia faamaoni i le fuafuaga a Lona Tama. O lena faataitaiga e le tatau ona pogisa ai i tatou.

(Ronald A. Rasband, “Faauta! O Au o se Atua o Vavega,” Ensign po o le Liahona, Me 2021, 111)

E toafia tagata o loo aafia i puapuaga ma le Faasatauroga o le Faaola?

Na faamalamalama mai e Elder Quentin L. Cook o le Korama a Aposetolo e Toasefululua:

O le Faaola … [ua/na]puapuagatia i le tiga e le mafaamatalaina i Ketesemane ma luga o le satauro ina ia mafai ai ona faaatoatoaina Lana Togiola. … Na Ia faia lenei mea mo alii ma tamaitai uma ua foafoaina ma o le a foafoaina e le Atua.

(Quentin L. Cook, “O le Faavavau o Aso Uma,” Ensign po o le Liahona, Nov. 2017, 52)

Mata o le a se mea atonu na tupu i le Faaola i luga o le satauro?

Na faamalamalama mai e Elder James E. Talamage (1862–1933) o le Korama o Aposetolo e Toasefululua:

E foliga mai, e faaopoopo atu i le puapuagatia matautia na tupu i le faasatauroga, o le tiga o Ketesemane na toe tupu, na faateteleina e sili atu nai le malosi o le tagata e onosaia ai. I lena itula sili ona oona, sa tuuatoatasi ai le Keriso o le a oti, na o ia lava i se tulaga moni sili ona leaga. Ina ia mafai ona faataunuuina le taulaga sili a le Alo i lona atoaga atoa, e foliga mai ua aveesea e le Tama le lagolago o Lona Mafuta atu i le taimi lava lea, ma tuu atu ai i le Faaola o tagata le mamalu o le manumalo atoatoa i aave o le agasala ma le oti.

(Jesus the Christ [1916], 661)

O Elder Bruce R. McConkie (1915–85) o le Korama a Aposetolo e Toasefululua sa faapea foi ona aoao mai:

Ona pogisa ai lea o le lagi. Sa ufitia e le pogisa le laueleele mo le umi e tolu itula, e pei ona sa i ai i totonu o sa Nifaē. Sa i ai se afā malosi, na peiseai na tigale Atua lava o le Natura.

Ma e moni lava sa tiga o Ia, aua a o tautau o ia i luga o le satauro mo le isi tolu itula, mai le aoauli e oo atu i le 3:00 i le afiafi.,o tiga uma e le iu ma tiga faalealofa o Ketesemane na toe oo ane.

(Bruce R. McConkie, “The Purifying Power of Gethsemane,” Ensign, Me 1985, 10)

Gaoioiga Faaopoopo e Aoao Ai

Lesona le leoa

E ono fesoasoani le fetuunai pe faapefea ona tuuina atu lenei lesona. O se tasi o faataitaiga o le faia o se “lesona le leoa,” lea e faaali atu ai faamatalaga, mau, vitio, ma fesili ae e mafai e tamaiti aoga ona tusi le leoa a latou tali, mafaufauga, ma lagona i a latou api faamaumau suesuega. Tuu se taimi i le faaiuga o le vasega mo tamaiti aoga e talanoaina ai mea sa latou aoaoina ma lagonaina.

O le maliu o Iesu ua faataunuuina ai valoaga

E mafai e tagata aoga ona faatusatusa mea na tutupu i le maliu o le Faaola ma valoaga na tuuina mai e perofeta na muamua atu. O fuaiupu e aofia ai le Salamo 22:1, 7 –8, 16, 18 ; Salamo 34:20 ; Salamo 69:21 ; Isaia 50:6 ; 53:3–7 ; 53:12 ; Sakaria 12:10 ; 13:6 ; 1 Nifae 11:33 ; 19:9–14 ; ma le 2 Nifae 6:9 . Ona mafai lea ona latou faasoa ane pe na faapefea ona faataunuuina ia valoaga. O lenei mea e mafai ona faamalosia ai le malamalama o tamaiti aoga i le afioga a le Atua faapea foi ma lo latou faatuatua e faapea e silafia e le Atua le gataaga mai le amataga.