Матай 28; Лук 24; Иохан 20
Амилсан Аврагчийг харсан гэрчүүд
Есүс Христ амилсныхаа дараа олон хувь хүн болон хэсэг бүлэг хүнд үзэгджээ. Энэ хичээл нь эдгээр гэрчийн заримд тохиолдсон үйл явдлыг судлах явцдаа Аврагч амьд гэсэн гэрчлэлээ бэхжүүлэхэд тань тусална.
Есүс Христийн талаарх гэрчлэлээ хуваалцах. Төлөөлөгч, бошиглогчдын талаарх гэрчлэлийг оролцуулаад, Есүс Христийн талаарх гэрчлэлээ хуваалцах боломжийг эрэлхийл. Энэ нь үнэний талаарх гэрчлэлийг хуваалцахад Ариун Сүнсийг урьдаг.
Суралцагчийн бэлтгэл: Суралцагчдыг “Та нар Есүс Христийг харахгүйгээр, Түүний амьд гэдгийг хэрхэн мэдэж болох вэ?” гэх асуултыг санаандаа авч, Ифер 12:5–9 -ийг уншихад урь.
Боломжит суралцах үйл ажиллагаа
Үзэж харахгүйгээр итгэх
Хичээлийн төгсгөлд Есүс Христийн талаарх гэрчлэлээ хуваалцах хангалттай цагийг суралцагчдад олго.
Булшнаас босож буй амилсан Аврагчийг дүрсэлсэн дараах зургийг үзнэ үү. Энэ маш чухал үйл явдлыг болсон эсэхэд эргэлздэг хэн нэгэнтэй юу хуваалцаж болох талаараа судлах тэмдэглэлдээ бичиж тэмдэглэ. Та Аврагчийн Амилалтын талаарх судрын ямар түүхийг тэдэнтэй хуваалцаж болох вэ?
-
Бид Их Эзэн амьд гэсэн өөрсдийн гэсэн гэрчлэлтэй болох нь яагаад Түүнд чухал гэж та бодож байна вэ?
Есүс Христ амьд гэсэн гэрчлэлийнхээ талаар мөн энэ гэрчлэлээ бэхжүүлснээр та хэрхэн адислагдахаа эргэцүүлэн бод. Аврагч амьд гэдгийг мэддэг хүмүүсийн үгийг судлах нь эргэн тойрны маань хүмүүс эргэлзэж байсан ч Тэрээр амьд бөгөөд бодит гэдэгт итгэх бидний итгэлийг бэхжүүлэхэд тусална. Өнөөдөр судлахдаа эдгээр түүх үнэн болохыг таны зүрх сэтгэл, оюун ухаанд баталдаг Ариун Сүнсний өдөөлтийг сонс.
Шинэ Гэрээний гэрчүүд
Амилсан Аврагчийг харсан хүмүүсийн талаарх Шинэ Гэрээний дараах түүхүүдийн ядаж нэгийг нь судал. Дараа нь дараах хоёр асуултад өгөх хариултаа болон төрсөн аливаа бодол санаа, сэтгэгдлээ бичиж тэмдэглэ.
Дараах дөрвөн түүхийг төлөөлөх зургуудыг холбогдох судрын эшлэлтэй нь хамт өрөөний өөр өөр хэсэгт байрлуулах талаар бодож үз. Суралцагчдыг хэсэг бүрд ганцаараа эсвэл жижиг бүлгээрээ очиж, холбогдох түүхийг нь судлахад урь.
Эсвэл суралцагчид өөрсдийн хэрэгцээ шаардлагад тулгуурлан дөрвөн түүхийг өнгөцхөн судлахын оронд аль нэгийг нь илүү гүн гүнзгий судлахад илүү их цаг зарцуулж болох юм. Эдгээр түүхийг хэрхэн судлах зарим санааг энэ хичээлийн “Нэмэлт суралцах үйл ажиллагаа” хэсгээс авч болно.
-
Итгэл үнэмшилдээ үнэнч эмэгтэйчүүд: Матай 28:1–10
-
Еммау тосгон хүрэх замд тааралдсан хоёр шавь: Лук 24:13–35
-
Магдалын Мариа: Иохан 20:11–18
-
Томас: Иохан 20:24–29
-
Есүс Христ амьд гэдэгт итгэх итгэлийг тань хүчирхэгжүүлж болох юуг та сурч мэдсэн бэ?
-
Та тэр хүн эсвэл тэр хүмүүстэй Аврагч хэрхэн харилцсан байдлаас Түүний талаар юуг олж мэдсэн бэ?
Судар дээрх бусад гэрч
Судар дээрх өөр гэрчүүдийг судалснаар Аврагчийн талаарх таны гэрчлэл илүү бэхжих боломжтой. Судрын дараах хэсгүүдийн ядаж нэгийг нь судал. Дараа нь дараах хоёр асуултад өгөх хариултаа болон төрсөн аливаа бодол санаа, сэтгэгдлээ бичиж тэмдэглэ.
Эдгээр судрын хэсэг тус бүрд төгс эзэмших сургаалын судрын хэсэг орсон болохыг анхаар. Суралцагчдыг тэдгээр судрын хэсгийг ялгахын тулд тусгайлан тэмдэглэхэд урих талаар бодож үз.
-
Аврагчийн Амилалтын дараахан амьдарч байсан эртний Америк дахь хүмүүс: 3 Нифай 11:8–17
-
Иосеф Смит, Сидней Ригдон хоёр: Сургаал ба Гэрээ 76:19–24
-
Таны уншсан зүйл Есүс Христ амьд гэдэгт итгэх итгэлийг тань хэрхэн хүчирхэгжүүлэх вэ?
-
Та Есүс Христийн талаар ямар шинэ зүйл ойлгосон бэ?
Орчин үеийн гэрч нар
Есүс Христ амьд гэсэн гэрчлэлээ бэхжүүлэх өөр нэг амин чухал арга зам бол орчин үед “бүх дэлхийд Христийн нэрний тусгай гэрчүүдийн” ( Сургаал ба Гэрээ 107:23) гэрчлэлийг судлах явдал юм.
Дараах хоёр мэдэгдлийн аль нэгийг өөр амьд төлөөлөгчдийн гэрчлэлээр солихыг бодож үз.
Та ChurchofJesusChrist.org дээрх “Над руу ир” (цагийн код 16:18-аас 16:47 хүртэл) болон “The Only True God and Jesus Christ Whom He Hath Sent” (2:26) видеог үзэж болох юм. Есүс Христийн өнөө үеийн хоёр гэрч болох ерөнхийлөгч Айринг, ахлагч Холланд нарын мэдэгдлүүдийг унш.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F36%2Ffb%2F36fb6126c31d75ee4c07b5373d188ffba2f82d71%2F36fb6126c31d75ee4c07b5373d188ffba2f82d71.jpeg/full/!250,/0/default)
Тэргүүн Зөвлөлийн ерөнхийлөгч Хэнри Б.Айринг ийн гэрчилсэн.
ЗурагOfficial Portrait of President Henry B. Eyring taken March 2018.Би тэр нэгэн үдэш Еммау дахь гэрт нь хоёр шавийнх нь хамт байсан мэт Их Эзэний дахин Амилалтыг баттайгаар гэрчилж байна. Тэр нэгэн сайхан өглөө Иосеф Смит Палмира дахь ойн төгөлд Эцэг, Хүү хоёрыг гэрлэн багана дотор буйг харж, Түүнийг амьд гэж мэдэж авсан шиг Тэр амьд гэдгийг би баттай мэднэ.
Энэ бол Есүс Христийн үнэн Сүм.
(Хэнри Б.Айринг “ Над руу ир,” Ensign, May 2013, 25 эсвэл 2013 оны 4-р сарын Ерөнхий чуулган, 28)
Арван хоёр Төлөөлөгчийн Чуулгын ахлагч Жэффри Р. Холланд ийн гэрчилсэн.
ЗурагOfficial Portrait of Elder Jeffrey R. Holland. Photographed January 2018.Есүс Христ бол бидний амьд Бурханы амьд Хүү гэдгийг би гэрчилж байна. Тэрбээр булшнаас үнэхээр амилан боссон бөгөөд Амилалтын үйл явцыг дуусгахын тулд Эцэгтээ дээш аваачигдсаны дараа Хуучин дэлхий, Шинэ дэлхий хоёрын аль алинд нь олон зуун шавь дээрээ хүрч ирснийг би гэрчилж байна. Тэр бол Израилын Ариун Нэгэн, нэгэн цагт эздийн Эзэн, хаадын Хаан болж дэлхий дээр хаанчлахаар эцсийн алдар суугаараа дахин залран ирэх Мессиа гэдгийг би мэднэ.
(Jeffrey R.Holland, “The Only True God and Jesus Christ Whom He Hath Sent,” Ensign эсвэл Liahona, Nov. 2007, 42)
-
Есүс Христийн талаарх гэрчлэлээ хэрхэн хөгжүүлэх талаар энэ шүлэг танд юу зааж байна вэ?
Таны гэрч
Иохан 20:29 -ийг уншаад, гэрчлэлтэй болох талаар Есүс Христийн Томаст заасан үнэнүүдийг олж мэд.
-
Есүс Христийн талаарх гэрчлэлээ хэрхэн хөгжүүлэх талаар энэ шүлэг танд юу зааж байна вэ?
Энэ шүлэг дээрх Аврагчийн сургаалаас бид Есүс Христийг хараагүй ч гэсэн Түүнийг амьд гэдэгт итгэхийг сонгосноор адислагддаг гэсэн үнэнийг мэдэж авч болно.
Үлдсэн цагийг ашиглан амьд Аврагчийн талаарх гэрчлэлээ хуваалцах боломжийг суралцагчдад олго. Суралцагчдад гэрчлэлээ тунгаан бодож, хуваалцахад нь туслах үүднээс дараах санал болгосон асуултуудаас сонго эсвэл өөр арга замыг ашигла.
Судлах тэмдэглэлдээ гэрчлэлээ бичих эсвэл гэрчлэлээ чангаар хуваалцахын өмнө ангиараа дуулал дуулахад суралцагчдыг урих талаар бодож үз.
Өнөөдөр Аврагчийн талаар сурч мэдсэн зүйл дээрээ нэмээд хувийн гэрчлэлээ хуваалц. Үүнийг хийх нэг арга зам болгож, дараахтай адил асуултуудад өгөх хариултаа судлах тэмдэглэлдээ бичиж тэмдэглэх талаар бодож үз.
-
Та Есүс Христ амьд гэсэн ямар нотолгоог өөрийн болон бусдын амьдралаас олж харсан бэ?
-
Ариун Сүнс танд Есүс Христ бодит болохыг гэрчилснийг та хэзээ мэдэрсэн бэ?
-
Аврагч амьд гэдэгт итгэдэг эсэхдээ эргэлзэж буй хэн нэгэнд та ямар зөвлөгөө өгөх вэ?
Тайлбар ба нөхцөл байдлын талаарх мэдээлэл
Есүсийн амилсан биед яагаад Цовдлолтын шарх байсан бэ?
Арван хоёр Төлөөлөгчийн Чуулгын ахлагч Жэффри Р. Холланд ийн бичсэн.
ЗурагOfficial Portrait of Elder Jeffrey R. Holland. Photographed January 2018.Хэдийгээр Амилалтын хүч Цовдлолтын шархыг эдгээж чадах байсан ч мөн хэзээ нэгэн цагт эргэж буцалтгүй бүрэн эдгээж, ор мөргүй алга болгох боловч Христ сүүлчийн өдрүүдэд хүрч ирэн, шархаа харуулж, “намайг хайрлагсдын гэрт” [ Зехариа 13:6 ; Сургаал ба Гэрээ 45:52 ] олсон гэдгээ илчлэх зорилгоор тэдгээрийг хэвээр нь үлдээсэн.
Түүний гар, хөл, биен дээрх шархнууд нь мөнх бус амьдралд нь цэвэр ариун, төгс төгөлдөр нэгэнд ч гэсэн зовлон тохиолддог, гай зовлон бол Бурхан биднийг хайрладаггүйн нотолгоо биш гэдгийн тэмдэг билээ. Шархадсан Христ биднийг аврахаар ирдэг гэдэг нь маш чухал бөгөөд найдвар төрүүлэм баримт юм.
(Jeffrey R. Holland, Christ and the New Covenant [1997], 258–259)
Иохан 20:17 . Аврагч Магдалын Мариагаас “Надад гар бүү хүр” хэмээн хүсэхдээ үүнийгээ ямар утгаар хэлсэн бэ?
Арван хоёр Төлөөлөгчийн Чуулгын ахлагч Брүс Р. Макконки (1915–1985) ийн тайлбарлажээ.
ЗурагHead and shoulders portrait of Elder Bruce R. McConkie.“Библийн Хаан Жэймсийн хувилбар Есүсийг ‘Надад гар бүү хүр’ хэмээн хэлж байгааг эш татсан байдаг. Иосеф Смитийн Орчуулгад ‘Намайг бүү тэвэр’ гэж орчуулсан. Грек хэлнээс орчуулсан хэд хэдэн хувилбар нь уг хэсгийг ‘Надаас бүү зуур’ эсвэл ‘Намайг бүү тэвэр’ гэж орчуулсан байдаг. Зарим нь ‘Надаас цаашид бүү зуур’ эсвэл ‘Намайг цаашид бүү тэвэр’ гэсэн утгыг илэрхийлдэг. Зарим нь Мариаг аль хэдийн түүнийг тэвэрсэн байсан гэдэг утгыг илэрхийлэн, намайг тэврэхээ боль эсвэл надаас зуурахаа боль гэж хэлдэг. Амилсан Их Эзэний Мариад ‘Би Эцэг рүүгээ дээшлэх учраас Намайг тэвэрч болохгүй’ хэмээн хэлсэн гэдэгт итгэх хангалттай шалтгаан бий.”
(Bruce R. McConkie, The Mortal Messiah: From Bethlehem to Calvary [1981], 4:264)
Амилсан Аврагч үзэгдсэн түүхийг төсөөлөхөд туслах ямар ямар видео байгаа вэ?
Та дараах видеонуудыг үзэж болох юм (ChurchofJesusChrist.org дээрх):“Jesus Is Resurrected” (4:05)
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F46%2F0f%2F460f96697be2217c206f4202dc0edc4148b5fba5%2F460f96697be2217c206f4202dc0edc4148b5fba5.jpeg/full/!250,/0/default)
“Christ Appears on the Road to Emmaus” (3:32)
“Blessed Are They That Have Not Seen, and Yet Have Believed” (2:29)
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F46%2F0f%2F460f96697be2217c206f4202dc0edc4148b5fba5%2F460f96697be2217c206f4202dc0edc4148b5fba5.jpeg/full/!250,/0/default)
Нэмэлт суралцах үйл ажиллагаа
Хичээлийг эхлүүлэх өөр хувилбар
Хичээлийг эхлүүлэхдээ нэг суралцагчаас өөрөө сайн мэддэг ч ангийнхан нь болон багш нь уулзаж байгаагүй нэгэн хүний нэрийг хуваалцахыг хүсэх талаар бодож үз. Дараа нь тухайн хүн үнэхээр байдаг эсэхэд эргэлзэж буй дүр үзүүл. Суралцагчдад дараахтай адил асуултуудыг тавь. Энэ хүн үнэхээр байдаг гэдгийг баталж чадах өөр хүн ангид байна уу? Хэрэв бидний ихэнх нь таны хэлсэн зүйлтэй санал нийлэхгүй бол та тэр хүн үнэхээр байдаг гэдэгт эргэлзэж эхлэх байсан уу?
Дараа нь Есүс Христ оршдог гэдэгт эргэлздэг хэн нэгэнд юу гэж хариулах байснаа бодоход суралцагчдыг урь.
Еммау орох зам
Хэрэв Лук 24:13–35 дээрх түүхэд илүү их цаг зарцуулах нь суралцагчдад тустай гэж үзвэл дараах асуултуудыг тавих талаар бодож үз.
-
Аврагч Өөрийнх нь үйл хэргийг илүү сайн ойлгоход нь шавь нартаа туслахын тулд яагаад судруудыг ашигласан бэ?
-
Та Аврагчийн үйл хэргийг илүү сайн ойлгоход нь найздаа туслахын тулд ямар ямар судрыг ашиглаж болох вэ?
-
32-р шүлэгт цэдэглэснээр, шавь нар нь өөрсдийн мэдрэмжийг хэрхэн тайлбарласан бэ? Юу шавь нарыг нь ийн мэдрэхэд хүргэсэн бэ? Та Ариун Сүнснээс хүлээн авсан өдөөлтөө хэрхэн тайлбарлах вэ?
-
Шавь нар нь Аврагчийг “талх хуваахад нь” ( 35-р шүлэг) таньсан нь яагаад чухал вэ? Энэ нь бидний амьдралд ямар хамаатай вэ?
Итгэхээр сонгох
Суралцагчдыг Иохан 20:1–8 -ыг уншаад, Магдалын Мариад тохиолдсон үйл явдлын талаар сонссоныхоо дараа Иохан юу хийсэн болохыг олж мэд. (Судрын энэ хэсэгт Иохан өөрийгөө “нөгөө шавь” гэж хэлж байсныг анхаар.)
Хоёр суралцагчийг Иохан 20:8 -д цэдэглэсэн Иоханы хариу үйлдлийг Иохан 20:24–25 -д цэдэглэсэн Томасын хариу үйлдэлтэй харьцуулахад урь. Тэгээд дараах асуултуудыг тавь.
-
Бодит нотолгоо шаардахгүйгээр таны итгэдэг зарим зүйл юу вэ?
-
Та бодит нотолгоогүйгээр итгэхийг сонгосноор ямар арга замаар адислагдаж байсан бэ? ( Иохан 20:29 -ийг үзнэ үү.)
-
Та нүдээрээ хараагүй ч үнэн зүйлд итгэх итгэлээ хэрхэн гүнзгийрүүлж болох вэ? ( Алма 32:16–21 ; Ифер 12:6 -г үзнэ үү.)