Mataio 3; Mareko 1; Luka 3

Vaaiga Aoao

A o lei amataina le galuega lautele a Iesu Keriso, sa amata tapenapena e Ioane le Papatiso isi tagata ina ia latou talia ma mulimuli atu ai i le Faaola. Sa valaaulia latou e Ioane ia salamo ma papatisoina. Sa papatisoina Iesu Keriso e Ioane, ma sa molimau uma le Tama ma le Agaga Paia ia te Ia. O anomea o lenei vaiaso o loo aofia ai foi ma le lesona o le atamai i aoaoga faavae e uiga i le sailia o le malamalama atili e ala i punaoa paia ua atofaina.

Sauni e Aoao Atu

O nei faamatalaga e maua ai e faiaoga ia manatu i mea latou te manaomia ona vave tapena i ai mo lesona taitasi.

Mataio 3:1–12; Mareko 1:1–8

Faamoemoega o le lesona: O lenei lesona e aoga mo tagata aoga ia latou mafaufau i auala ua latou talia ma mulimuli atu ai i le Faaola, o auala e mafai ona faamalolosia a latou tautinoga e talia ma mulimuli atu ia te Ia, ma auala e mafai ona latou fesoasoani ai i isi e sauni e talia ma mulimuli atu ia te Ia.

Tapenaga mo tagata aoga: Valaaulia tagata aoga e mafaufau loloto i mea latou te faia ma fai atu ai e fesoasoani ai i se tasi e sauniuni e talia ma mulimuli atu i le Faaola.

Anomea mo tagata aoga: Ia maua saunoaga mai konafesi aoao lata mai

Fautuaga mo aoaoga e faatino i vitio: A uma ona faatino se tasi o gaoioiga A, E, po o le I, valaaulia i latou e faaaoga o latou tamai lima e faailoa mai ai po o le galuega muamua, lona lua po o le lona tolu sa latou faia. Valaaulia tagata aoga e faasoa mai mea na latou aoaoina ai ma lagonaina.

Luka 3:7–14

Faamoemoega o le lesona: O lenei lesona e fesoasoani i tagata aoga e malamalama i le salamo ma le fiafia tele e maua mai i le salamo masani.

Tapenaga mo tagata aoga: Valaaulia tagata aoga e toe manatunatu i o latou lava uiga ma aafiaga i le salamo. E mafai ona latou fai ifo ia i latou lava fesili e pei o nei: “O a ni ou faalogona po o ni ou lagona pe a e mafaufau i le salamo? Aisea?” “O a ni ou aafiaga i le salamo?” “O a ni au fesili e uiga i le salamo?”

Vitio: “We Can Do Better and Be Better,” mai le 00:50 i le 3:26, o loo maua i le ChurchofJesusChrist.org
Anomea mo tagata aoga: Mo Le Malosiaga o Tagata Talavou (tamaitusi 2011) po o le Autu o le Talalelei, topics.ChurchofJesusChrist.org
Anotala e faaali: O le saunoaga a Peresitene Russell M. Nelson

Fautuaga mo aoaoga e faatino i vitio: I le amataga o le lesona, mafaufau e faaaoga le matapule talanoa po o se isi auala faatekinolosi e mafai ai ona fefaasoaai tagata aoga i mea latou te maua mai ai le fiafia.

Mataio 3:13–17, Vaega 1

Faamoemoega o le lesona: O le a fesoasoani le lesona lenei i tagata aoga e malamalama ma faamatala ai le taua o le papatisoga i le talalelei a Iesu Keriso.

Tapenaga mo tagata aoga: Valaaulia tagata aoga e sauni mo le vasega e ala lea i le mafaufau pe faapefea ona latou faamatala atu le taua o le papatisoga i se tagata e latou te alofa iai, ae e le auai i le Ekalesia a Iesu Keriso o le Au Paia o Aso e Gata Ai.

Vitio: “The Baptism of Jesus” (2:54), e maua i le ChurchofJesusChrist.org
Anotala e faaali atu: Faafanua o le Tusi Paia, numera. 11, “ O le Laueleele Paia i Ona Po o le Feagaiga Fou ”; o le lisi o fesili ma fuaitau e uiga i le papatisoga

Fautuaga mo aoaoga e faatino i vitio: Mafaufau e valaaulia tagata aoga e latou te faasoa i potu e vavae i ai, a latou faamatalaga i le taua o le papatisoga. O le a maua ai e tagata aoga taitasi se avanoa e faasoa ai a latou faamatalaga. A uma, valaaulia i latou e faasoa mai pe na faapefea ma pe o a ni o latou lagona.

Mataio 3:13–17, Vaega 2

Faamoemoega o le lesona: O le a fesoasoani lenei lesona i tagata aoga e faaloloto o latou malamalama i sui taitasi o le Aiga Atua, ia e mafai ona aafia ai a latou filifiliga i le olaga.

Tapenaga mo tagata aoga: Valaaulia tagata aoga e o mai tapenapena i le vasega e faasoa mai mea ua latou iloa e uiga i le Aiga Atua, na faapefea ona latou iloaina nei mea, ma po o a foi ni a latou fesili o loo iai.

Mauaina o le Malamalama Faaleagaga, Vaega 3

Faamoemoega o le lesona: O le a fesoasoani lenei lesona i tagata aoga ia malamalama ai i le taua o le sailiga o mea moni e ala i punaoa ua maua i le alofa o le Tama Faalelagi ma Iesu Keriso.

Tapenaga mo tagata aoga: Valaaulia tagata aoga e mafaufau i mea e masani ona latou liliu i ai e sue ai faamatalaga pe a i ai ni a latou fesili e uiga i le Atua po o le Ekalesia. Fautuaina i latou e manatunatu loloto i le uiga o le saunoaga lenei a Elder Neil L. Andersen o le Korama a Aposetolo e Toasefululua: “O fesili faaleagaga e talafeagai ma tali faaleagaga mai le Atua” (“Iosefa Samita,” Ensign po o le Liahona, Novema 2014, 28, 30).

Tufaaga: “O ni Fesili mo le Iloiloina o Faamatalaga Fou”