Pagsunod sa Ehemplo sa Manluluwas sa Pagbuntog sa Tentasyon
Imahe
Jesus is tempted by the devil to change rocks into bread - ch.11-2
Niini nga leksiyon, mahimo kang magpadayon sa pagtuon sa kon sa unsang paagi gibuntog sa Manluluwas ang mga pagtintal. Kini nga leksiyon makatabang kanimo sa pagsunod sa Iyang ehemplo ug paghinumdom sa mga kamatuoran gikan sa mga kasulatan aron matabangan ka sa pagbuntog sa pagtintal sa imong kinabuhi.
Paggamit sa Gospel Library nga app. I-pamilyar ang mga feature nga gilakip sa Gospel Library nga app aron mapausbaw ang pagtuon sa kasulatan, sama sa pag-highlight, pag-link, pag-tag, pagpaambit, pagpangita, ug paggamit sa mga notebook. Ang pagbuhat niini makatabang kanimo sa pag-andam para sa mga leksiyon ug paghibalo kon unsaon pagtabang ang mga estudyante sa paggamit sa app.
Pag-andam sa estudyante: Dapita ang mga estudyante sa pag-anha sa klase nga andam sa pagpaambit og usa hangtod sa duha ka tudling nga gibati nila nga magamit nila aron matabangan sila sa pagbuntog sa pagtintal. Kon wala silay makita nga bisan unsa, awhaga sila nga mangutana sa mga ginikanan, uban pang mga sakop sa pamilya, o mga lider sa Simbahan.
Posible nga mga Kalihokan sa Pagkat-on
Pagbuntog sa tentasyon
Kon wala gitudlo ang unang leksiyon para sa Mateo 4:1–11 sa wala pa kini nga leksiyon, ikonsiderar ang pagrebyo niini ug pagpahiangay niini nga leksiyon kon gikinahanglan.
Adunay alternatibong kalihokan para sa pagsugod sa klase sa seksiyon nga “Dugang nga mga Kalihokan sa Pagkat-on” niini nga leksiyon.
Sa paghisgot sa mosunod nga sitwasyon, awhaga ang mga estudyante nga dili ipaambit sa ilang mga klasmeyt ang mga detalye mahitungod sa partikular nga mga tentasyon nga ilang giatubang.
Hunahunaa nga ang imong higala nga si Jacob mitug-an kanimo nga naglisod siya sa pagbuntog sa tentasyon. Gipasabot niya nga gusto gayod niyang buntugon kini pero naglisod siya nga mahibalo kon unsa ang buhaton kon adunay tentasyon.
Unsa man ang imong ipaambit kaniya, ug ngano?
Hinumdomi ang kasinatian sa Manluluwas sigon sa girekord sa Mateo 4:1–11 , sa dihang giatubang ug gibuntog sa Manluluwas ang mga pagtintal ni Satanas. Ang usa sa mga paagi sa pagbuhat Niya niini mao ang pagpakita og ehemplo niini nga baroganan: ang paghinumdom ug paggamit sa mga kamatuoran gikan sa mga kasulatan makatabang kanato sa paggamit sa gahom sa Ginoo sa pagbuntog sa tentasyon.Tun-i ang Mateo 4:1–11 . Pagpokus sa mga bersikulo nga 4, 7, ug 10 , ug pangitaa kon giunsa paggamit sa Manluluwas kini nga baroganan. Hinumdomi nga sa dihang miingon si Jesus nga, “Nahisulat kini,” gipasabot Niya ang mga pulong nga nakasulat diha sa mga kasulatan.
Sa unsang paagi nga ang mga tudling sa kasulatan nga gikutlo sa Manluluwas may kalabotan sa mga pagtintal nga Iyang nabuntog?
Pagtagana og pipila ka minuto sa pagsulat sa imong mga hunahuna mahitungod sa kon nganong nanginahanglan ka og tabang sa pagbuntog sa pagtintal. Unya tubagi ang mosunod nga mga pangutana:
Lagmit nga makabenepisyo ang mga estudyante gikan sa pagtubag sa mosunod nga mga pangutana diha sa ilang mga journal sa pagtuon sa dili pa magpaambit sa klase.
Unsa kasagad ka nga moduol sa Ginoo pinaagi sa mga kasulatan aron tabangan ka sa pagbuntog sa pagtintal? Ngano man?
Unsa ang mga kasinatian nga imong nasinati sa pagduol nimo sa Ginoo pinaagi sa mga kasulatan aron tabangan ka sa pagbuntog sa pagtintal?
Ikonsiderar ang pagbuhat sa mosunod nga buluhaton isip usa ka klase, nga magkapares, o diha sa mga gagmay nga grupo ug paglista sa mga tubag sa mga estudyante sa pisara. Kon gitudlo na ang bahin 1 sa leksiyon sa Mateo 4:1–11, ikonsiderar ang pag-awhag sa mga estudyante nga gamiton ang ilang mga journal sa pagtuon aron hinumdoman ang mga pagtintal nga ilang giila atol niana nga leksiyon.Dapita ang mga estudyante sa pagpamalandong sa mga tudling sa kasulatan nga ilang nakit-an sa pag-andam para sa klase.
Pag-ila ug paglista og pipila ka pagtintal nga kasagarang giatubang sa kabatan-onan nga pareho sa imong edad.
Pag-ila ug paglista og mga tudling sa kasulatan nga makatabang sa kada usa niini nga mga pagtintal, kauban ang mubo nga pagpasabot kon sa unsang paagi nga mahimong makatabang ang kada tudling.
Pananglitan, tingali sa imong tan-aw ang mga pulong sa Manluluwas sa 3 Nephi 18:15 makatabang kanimo nga makita nga kinahanglan ka nga kanunayng mag-amping ug makugihon nga mag-ampo samtang naningkamot ka nga mabuntog ang pagtintal.Kon naglisod ka sa pagpangita og makatabang nga mga kasulatan, mahimo ka nga mangita og mga tudling sa doktrinal nga kahanas, o mahimo ka nga mangita og mga pakisayran diha sa Giya ngadto sa mga Kasulatan sa “ Tintal, Pagtintal ,” “ Lahutay ,” o laing hilisgotan nga may kalabotan sa pagtintal o partikular nga pagtintal.
Kon naggamit ang mga estudyante og elektronikong mga kasulatan, gamita ang mosunod aron tabangan sila nga makasabot kon unsaon paghimo og mga tag.
Ikonsiderar ang pagmarka og klaro niini nga mga tudling sa kasulatan ug paghimo og listahan niini diha sa imong mga kasulatan o journal sa pagtuon diin sayon nimo kining makita. Kon naggamit ka og elektronikong mga kasulatan, ikonsiderar ang paghimo og tag ug pagdugang sa mga tudling niini. Kon kinahanglan nimong mahibaloan kon unsaon kini pagbuhat, adto sa Gospel Library User Guide (Android) o Gospel Library User Guide (iOS) diha sa ChurchofJesusChrist.org. Pilia ang Marking content [Pagmarka sa content] sa ilawom sa ulohan nga “Learning More [Pagkat-on og Dugang]”.
Ipakita ang mosunod nga mga kalihokan ug mga instruksiyon aron matuki sa mga estudyante kon unsa nga opsiyon ang labing makatubag sa ilang mga panginahanglan.
Adunay lain-laing mga paagi nga imong masunod ang ehemplo sa Manluluwas ug madawat ang kalig-on gikan sa mga kasulatan.Pilia nga buhaton ang kalihokan A o B aron matabangan ka sa pagsunod sa ehemplo sa Manluluwas sa pagbuntog sa pagtintal. Pagtinguha og kadasig gikan sa Espiritu Santo samtang nagdesisyon ka kon unsang kalihokan ang makatabang kaayo kanimo.
Kalihokan A: Pagmemorya
Pagpili og pakisayran sa kasulatan gikan niadtong imong gipili, ug pagmemorya og importanteng hugpong sa pulong gikan niini o ang tibuok nga tudling. Ania ang pipila ka pamaagi nga lagmit nga makatabang:
Basaha kini sa pipila ka higayon sa imong kaugalingon, motan-aw sa kasulatan nga mas minos sa kada higayon.
Isulat ang tudling o hugpong sa pulong. Papasa o butangi og ekis ang mga pulong samtang gimemorya nimo kini, ug balika kini hangtod nga mapapas o mabutangan og ekis ang tanang mga pulong ug mahimo nimong balikon ang tibuok nga butang gikan sa memorya.
Pamalandongi kon sa unsang paagi makatabang kanimo ang kanunay nga pagtuon sa kasulatan sa pagbuntog sa pagtintal sa imong kinabuhi o kon unsa nga mga kabag-ohan ang mabuhat nimo aron madugangan ang mga panalangin nga anaa kanimo pinaagi sa pagdugang sa mga paningkamot nga kanunayng tun-an ang mga kasulatan.Pagsulat og post sa social media o blog nga makatabang sa ubang tawo nga madugangan ang ilang tinguha nga tun-an ang mga kasulatan. Pagsulat sa paagi nga makatabang kanila sa pagtinguha sa gahom sa Ginoo aron tabangan sila sa pagbuntog sa pagtintal. Paglakip og dili mominos sa usa ka pakisayran sa kasulatan nga imong giila karong adlawa. Mahimo usab ka nga magpaambit og kasinatian nga imong nasinati sa mga kasulatan nga nakadugang sa imong abilidad sa pagbuntog sa pagtintal, nga dili mopaambit og bisan unsang mga detalye mahitungod sa pagtintal.
Human sa igong panahon, ikonsiderar ang pagdapit sa mga estudyante sa pagpakigbahin sa mga resulta sa ilang kalihokan. Unya dapita ang mga estudyante sa pagtubag sa mosunod nga mga pangutana diha sa ilang mga journal sa pagtuon.
Personal nga pagpamalandong
Sa pagtapos, pamalandongi kon unsa ang imong nakat-onan karong adlawa, ug pamalandongi ang imong mga tubag sa mosunod nga mga pangutana:
Sa unsa kaha nga paagi nga ang pagpalambo sa unsay imong gibuhat karong adlawa (pagtuon, pagmemorya, ug paghinumdom sa mga kasulatan) makatabang kanimo nga mahimong mas mahisama ni Jesukristo?
Sa imong pamati unsa ang imong kinahanglang sugdan sa pagbuhat, undangon sa pagbuhat, o ipadayon sa pagbuhat?
Komentaryo ug Background nga Impormasyon
Sa unsa nga paagi nga makatabang kanako ang pagtuon sa mga kasulatan?
Si Presidente Russell M. Nelson mipasabot kon sa unsang paagi nga ang kanunay nga pagtuon sa Basahon ni Mormon makahatag kanato og gahom sa pagbuntog sa tentasyon:
Imahe
Official portrait of President Russell M. Nelson taken January 2018
Minahal kong mga igsoon, mosaad ko kaninyo nga kon mainampoon kamo nga magtuon sa Basahon ni Mormon kada adlaw, makahimo kamo og mas maayong mga desisyon—kada adlaw. Mosaad ako kaninyo nga kon mamalandong kamo sa unsay inyong gitun-an, ang mga bintana sa langit mobukas, ug makadawat kamo sa mga tubag sa inyong mga pangutana ug direksyon sa inyong kinabuhi. Mosaad ako nga kon inyong isub-sob ang inyong kaugalingon sa Basahon ni Mormon, mapanalipdan kamo batok sa mga dautan niining panahona, bisan ang grabeng pagtakboy sa pornograpiya ug sa ubang matang sa adiksyon.
(Russell M. Nelson, “Ang Basahon ni Mormon: Unsa Kaha ang Imong Kinabuhi Kon wala Kini?,” Liahona, Nob. 2017, 62–63)
Sa unsa nga paagi nga makatabang kanako ang pagmemorya sa mga kasulatan?
Si Elder Richard G. Scott (1928–2015) sa Korum sa Napulog Duha ka Apostoles mitudlo:
Imahe
Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.
Pagmaalamon kon unsaon ninyo paggamit ang teknolohiya. Markahi ang importante nga mga kasulatan sa inyong device ug balik-balika kini sa pagbasa. Kon kamong mga batan-on moribyu og usa ka bersikulo sa kasulatan kanunay sama sa inyong pagpadala og text, makamemorya na unta kamo og gat[o]san ka mga tudling sa kasulatan. Kadto nga mga tudling mahimong gamhanan nga tinubdan sa inspirasyon ug giya sa Espiritu Santo sa panahon sa panginahanglan.
(Richard G. Scott, “Alang sa Kalinaw sa Panimalay,” Liahona, Mayo 2013, 30)
Dugang nga mga Kalihokan sa Pagkat-on
Ang mga kasulatan pareho sa mga maayong higala
Isip alternatibo nga paagi sa pagsugod sa leksiyon, ikonsiderar ang paggamit niini nga pamahayag aron tabangan ang mga estudyante sa pagsuta kon sa unsang paagi nga pareho sa pagbaton og maayong mga higala ang pagmemorya ug paghinumdom sa mga kasulatan.Si Elder Richard G. Scott (1928–2015) sa Korum sa Napulog Duha ka Apostoles miingon:
Imahe
Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.
“[Ang mga kasulatan] mahimong matuod nga mga higala nga magamit sa bisan unsa o bisan asa. Anaa kini kanunay kon gikinahanglan. … Ang pagkat-on, pagpamalandong, pagsiksik, ug pagmemorya sa mga kasulatan sama ra sa pagdugang og mga higala, mga hiyas, ug mga kamatuoran nga masaligan bisan kanus-a, bisan asa sa kalibutan.”
(Richard G. Scott, “Ang Gahum sa Kasulatan,”Liahona, Nob. 2011, 6)
Ang pagpuasa makatabang kanato sa pagbuntog sa tentasyon
Kon makatabang kini sa mga estudyante, ang usa ka alternatibong pokus sa leksiyon mao ang gahom sa pagpuasa aron matabangan kita sa pagbuntog sa pagtintal. Mahimong gamiton ang mga mosunod nga kapanguhaan:
Carl B. Pratt, “Ang Mga Panalangin sa Husto nga Pagpuasa,” Liahona, Nob. 2004, 47–49
“Ponderize”
Dapita ang mga estudyante nga tan-awon ang “My Heart Pondereth Them Continually” gikan sa code sa oras nga 1:18 hangtud sa 2:54. Ang pakigpulong anaa sa ChurchofJesusChrist.org. Gamita ang mga ideya nga gisugyot ni Brother Durrant aron matabangan ang mga estudyante sa paggamit sa kamatuoran nga ang paghinumdom ug paggamit sa mga kamatuoran gikan sa mga kasulatan makatabang kanato sa paggamit sa gahom sa Ginoo sa pagbuntog sa pagtintal.Kon makatabang kini sa mga estudyante, ipaambit ang pipila ka ehemplo nga ihatag ni Brother Durrant unya sa iyang pakigpulong.