Doktrinal nga Kahanas: Juan 3:5

Matawo pinaagi sa Tubig ug sa Espiritu aron Makasulod sa Gingharian sa Dios

Sa miaging leksiyon, gitun-an nimo ang mga pulong sa Manluluwas ngadto kang Nicodemo mahitungod sa espirituhanong pagpakatawo pag-usab pinaagi sa mga ordinansa sa bunyag ug pagpakompirma. Niini nga leksiyon mapraktis nimo ang paggamit sa mga baroganan sa pag-angkon og espirituhanong kahibalo gamit ang doktrina nga kinahanglan kitang matawo pag-usab pinaagi sa tubig ug sa Espiritu aron makasulod sa gingharian sa Dios.

Pagmarka sa mga tudling sa doktrinal nga kahanas. Dapita ang mga estudyante nga markahan ang mga tudling sa kasulatan sa doktrinal nga kahanas sa paagi nga talagsaon kay sa ilang uban pang mga pagmarka aron mas sayon nilang mahinumdoman ug makita kini nga mga tudling. Ang mga estudyante nga migamit sa Gospel Library nga app makahimo usab og tag para niini nga mga tudling.

Pag-andam sa estudyante: Dapita ang mga estudyante sa pag-anha sa klase nga andam sa pagpaambit kon unsa ang ilang itudlo sa klase sa Primary mahitungod sa Juan 3:5 .

Posible nga mga Kalihokan sa Pagkat-on

Imemorya ug ipasabot

Gidisenyo kini nga leksiyon aron itudlo pagkahuman sa leksiyon sa Juan 3:1–8, ang pangkontekstong leksiyon para niini nga tudling sa doktrinal nga kahanas. Kon kinahanglang ibalhin kini nga leksiyon sa doktrinal nga kahanas ngadto sa laing semana aron motukma sa mga eskedyul sa eskuwelahan, siguroha nga itudlo usab ang tukma nga pangkontekstong leksiyon nianang semanaha.Tinguha sa mosunod nga kalihokan nga tabangan ang mga estudyante sa pagpasabot pinaagi sa ilang kaugalingong pulong ang doktrina nga gitudlo sa Juan 3:5 nga kinahanglan kitang matawo pag-usab pinaagi sa tubig ug sa Espiritu aron makasulod sa gingharian sa Dios. Siguroha nga ang kada estudyante adunay oportunidad nga ipasabot kini nga doktrina sa usa ka pares o diha sa gamay nga grupo. Paminaw og maayo sa ilang mga tubag, ug awhaga sila nga magsukna og mga pangutana kung aduna sila. Rebyoha ang materyal gikan sa leksiyon sa Juan 3:1–8 kon gikinahanglan.Dapita ang mga estudyante nga gamiton ang kalihokan sa pag-andam sa estudyante aron tabangan sila sa ilang mga tubag atol niini nga bahin sa leksiyon.

Hunahunaa nga gihangyo ka nga tudloan ang usa ka klase sa Primary mahitungod niini nga kamatuoran nga gitudlo sa Juan 3:5 nga kinahanglan kitang matawo pag-usab pinaagi sa tubig ug sa Espiritu aron makasulod sa gingharian sa Dios.

• Unsaon nimo pagpasabot ngadto sa klase sa Primary kon unsa ang buot ipasabot niini nga doktrina? Paglakip og mga hunahuna mahitungod sa tahas sa Manluluwas niini nga proseso, sigon sa gitudlo sa Alma 7:14 .

Makatabang kanimo ang mosunod nga pagpraktis sa paghinumdom sa tudling sa doktrinal nga kahanas ug pagmemorya sa mahinungdanong hugpong sa mga pulong sa kasulatan niini. Mahimo nimong kompletohon ang susamang kalihokan sa Doktrinal nga Kahanas nga app kon maka-access ka niini.Gamit ang lapis, isulat diha sa imong journal sa pagtuon, “ Juan 3:5 : Walay makasulod sa Gingharian sa Dios gawas kon matawo siya pinaagi sa tubig ug sa Espiritu.” Balika og kusog ang hugpong sa mga pulong o diha sa imong hunahuna sulod sa pipila ka higayon.Pagpili og tulo o upat ka pulong ug papasa ang tanan gawas sa unang letra sa kada usa niini nga mga pulong. Balika pag-usab ang hugpong sa pulong sa pipila ka higayon.Balika kini nga pagpraktis hangtod nga ang unang mga letra na lamang sa kada pulong ang mahibilin, sama sa gipakita dinhi: “J____ 3:_W_____ m__ sa G_ sa D___ gawas k_ m____ s__ p_ sa t__ ug sa E_____.”Balika ang hugpong sa pulong sa pipila ka higayon gamit ang unang mga letra, ug unya sulayi kini sa pagsulti nga dili motan-aw.

Ipraktis ang paggamit

Ipakita ang mosunod nga kalihokan sa pisara. Tugoti ang mga estudyante nga ipasabot sa mubo nga paagi ang mga baroganan sa pag-angkon og espirituhanong kahibalo. Siguroha nga pamilyar gayod ang mga estudyante niadto nga mga baroganan sa dili pa magpadayon.

Hunahunaa nga ikaw adunay higala nga gihinganlan og Meghan nga usa ka miyembro sa Simbahan, pero ang iyang inahan dili. Mituo ang iyang inahan kang Jesukristo ug sa Biblia pero dili siya sakop sa bisan unsang partikular nga simbahan. Gipangutana ka ni Meghan, “Dili ba mahilangit ang akong inahan nga wala mabunyagi kon nagkinabuhi siya og maayong kinabuhi?”

• Unsa man ang pipila ka rason nga nangutana si Meghan niini?

• Nganong importante man nga masabtan ang iyang mga rason sa pagsukna niini nga pangutana sa dili pa motabang kaniya sa pagpangita og mga tubag?

Aron tabangan si Meghan sa pagpangita og tubag sa iyang pangutana mahitungod sa importansya sa bunyag, mahimo nimong gamiton ang mga baroganan sa pag-angkon og espirituhanong kahibalo.

Ikonsiderar kon ang mosunod nga kalihokan makatabang ba gayod sa mga estudyante nga buhaton sa ilang kaugalingon, kauban ang usa ka pares, o diha sa gagmay nga mga grupo. Pamatia ang ilang mga lebel sa enerhiya ug pokus, ug pilia ang paagi nga labing makatubag sa ilang mga panginahanglan.

Molihok inubanan hugot sa pagtuo

Basaha ang mga parapo [paragraph] 5–7 sa seksiyon nga “Pag-angkon og Espirituhanong Kahibalo” sa Mahinungdanon nga Dokumento sa Doktrinal nga Kahanas (2022). Ikonsiderar ang paglinya sa mga pulong o hugpong sa mga pulong nga makatabang nga magamit niini nga sitwasyon.

• Unsa nga mga pulong o hugpong sa mga pulong ang imong gilinyahan? Sa unsang paagi nga magamit nimo kini niini nga sitwasyon?

Lagmit nga makatabang kon magsukna og dugang pang follow-up nga mga pangutana, sama sa “Unsa ang partikular nga mga butang nga mahimo nimong dapiton si Meghan nga molihok inubanan sa hugot nga pagtuo?”

Susiha ang mga konsepto ug mga pangutana inubanan sa mahangturong panglantaw

Basaha ang mga parapo [paragraph] 8–10 sa parehong seksiyon sa Mahinungdanon nga Dokumento sa Doktrinal nga Kahanas. Ikonsiderar ang paglinya sa mga pulong o hugpong sa mga pulong nga makatabang nga magamit niini nga sitwasyon.

• Unsa nga mga pulong o hugpong sa mga pulong ang imong gilinyahan? Sa unsang paagi nga magamit nimo kini niini nga sitwasyon?

Kon gikinahanglan, ikonsiderar ang pagsukna og dugang pang follow-up nga mga pangutana, sama sa “Unsa ang tahas sa bunyag ug pagpakompirma diha sa plano sa kaluwasan?”

Pagtinguha og dugang nga panabot pinaagi sa balaanong gitakda nga mga tinubdan

Basaha ang mga parapo [paragraph] 11–12 sa parehong seksiyon sa Mahinungdanon nga Dokumento sa Doktrinal nga Kahanas. Ikonsiderar ang paglinya sa mga pulong o hugpong sa mga pulong nga makatabang nga magamit niini nga sitwasyon.

• Unsa nga mga pulong o hugpong sa mga pulong ang imong gilinyahan? Sa unsang paagi nga magamit nimo kini niini nga sitwasyon?

Kon makatabang sa mga estudyante, ikonsiderar ang pagsukna og follow-up nga mga pangutana, sama sa “Unsaon kaha nimo paggamit ang doktrina nga gitudlo sa Juan 3:5 aron matabangan si Meghan?” o “Unsa ang dugang pang balaanong gitakda nga mga kapanguhaan ang matudlo nimo kang Meghan? Sa unsang paagi makatabang kaniya kadto nga mga gigikanan?”Dapita ang mga estudyante nga ipasabot kon unsaon nila paggamit ang mga baroganan sa pag-angkon og espirituhanong kahibalo aron tabangan si Meghan nga mas masabtan ang importansya sa bunyag. Ikonsiderar ang paghangyo sa mga estudyante nga i-role play kini nga sitwasyon nga magkapares, nga magpuli-puli ang mga estudyante isip si Meghan. Kon gikinahanglan, tabangi ang mga estudyante nga ipasabot ang doktrina ug gamiton ang mga baroganan sa pag-angkon og espirituhanong kahibalo.

Pagrebyo sa Doktrinal nga Kahanas

Sa sunod nga klase, rebyoha ang pakisayran sa doktrinal nga kahanas ug mahinungdanong tudling sa kasulatan pinaagi sa pagdapit sa mga estudyante nga balikon ang kalihokan sa unang letra nga gihulagway niini nga leksiyon.