Juan 2–4

Kinatibuk-ang Pagpasabot [Overview]

Milagrosong gihimong bino ni Jesukristo ang tubig sa usa ka kumbira sa kasal. Gitudloan Niya ang usa ka lider sa Judeo nga gihinganlan og Nicodemo mahitungod sa pagpakatawo pag-usab ug mahitungod sa gugma sa Langitnong Amahan nga gipakita pinaagi sa pagpadala sa Iyang Anak aron sa pag-ula para sa atong mga sala. Unya gitudloan ni Jesus ang usa ka babayeng Samaryanhon mahitungod sa buhi nga tubig nga Iyang gitanyag ngadto sa mga mituo Kaniya.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya sa unsa ang lagmit nga kinahanglanon aron sayo nga makaandam para sa kada leksiyon.

Juan 2

Katuyoan sa leksiyon:Tinguha niini nga leksiyon nga tabangan ang mga estudyante nga madugangan ang ilang hugot nga pagtuo kang Jesukristo ug mailhan ang mga kamatuoran mahitungod sa gahom ug kinaiya sa Manluluwas.

Pag-andam sa estudyante: Dapita ang mga estudyante nga hunahunaon nga gihangyo sila nga maghatag og pakigpulong diha sa panagtigom alang sa sakramento mahitungod sa gahom ni Jesukristo. Hangyoa sila sa pag-anha sa klase nga andam sa pagpaambit og usa o duha ka asoy sa kasulatan nga mahimo nilang gamiton sa pagpakita sa Iyang gahom.

Butang: Ikonsiderar ang pagdala og pagkaon ngadto sa klase aron gamiton sa sinugdanan sa leksiyon.

Sugyot sa paggamit sa online nga content: Pagkahuman sa pagtuon sa mga estudyante bahin sa gihimong bino ni Jesus ang tubig, ikonsiderar ang paglakip sa mga ideya nga makita sa “Dugang nga mga Kalihokan sa Pagkat-on” nga bahin sa leksiyon sa seksiyon nga adunay ulohan nga “Si Jesukristo makapausab kanako.” Makatabang kini nga mga ideya sa mga estudyante nga makita nga mausab ni Jesukristo ang atong kinabuhi ug mga kinaiya gani sama sa tubig nga gihimo Niyang bino.

Juan 3:14–17

Katuyoan sa leksiyon:Kini nga leksiyon maghatag sa mga estudyante og mga oportunidad aron mapalig-on ang ilang hugot nga pagtuo kang Jesukristo samtang nagkat-on sila og dugang mahitungod sa Iyang Pag-ula.

Pag-andam sa Estudyante: Dapita ang mga estudyante nga mangita og tudling sa kasulatan o pamahayag gikan sa kinatibuk-ang komperensiya nga nagtudlo kanila og butang nga makahuluganon mahitungod sa Pag-ula ni Jesukristo.

Hulagway: “Si Jesus Nag-ampo didto sa Gethsemane (Christ in Gethsemane)”
Hulagway: “The Crucifixion [Ang Paglansang sa Krus]”
Handout: “Ang Pag-ula sa Manluluwas”

Sugyot sa pagtudlo pinaagi sa videoconference: Mahimong ibutang ang mga estudyante sa mga breakout room aron ipaambit ug hisgotan ang kataposang pangutana sa handout diha sa gagmay nga mga grupo.

Doktrinal nga Kahanas: Juan 3:16

Katuyoan sa leksiyon: Kini nga leksiyon maghatag sa mga estudyante og oportunidad aron dugangan ang ilang kahanas sa doktrina bahin sa Pag-ula ni Jesukristo pinaagi sa pagmemorya sa pakisayran nga Juan 3:16 ug sa importante nga hugpong sa mga pulong sa kasulatan niini, pagpasabot sa doktrina sa kasulatan, ug paggamit sa mga baroganan sa pag-angkon og espirituhanong kahibalo diha sa sitwasyon sa tinuod nga kinabuhi.

Pag-andam sa estudyante: Dapita ang mga estudyante nga maghunahuna mahitungod sa kon unsaon nila pagtudlo ang usa ka tawo mahitungod kang Jesukristo ug sa Iyang Pag-ula kon sila full-time nga mga misyonaryo.

Kalihokan sa pagrebyo: Siguroha nga ipatuman ang kalihokan sa pagrebyo sa kataposan sa leksiyon diha sa umaabot nga leksiyon nga itudlo sa dili madugay pagkahuman niini.

Sugyot sa pagtudlo pinaagi sa videoconference: Dapita ang mga estudyante nga gamiton ang chat feature aron i-post ang mga pakisayran sa kasulatan o mga pamahayag gikan sa mga lider sa Simbahan nga ilang nakita nga makatabang para sa partikular nga sitwasyon. Hatagi ang mga estudyante og pipila ka minuto sa pagbasa sa pipila sa mga pakisayran o mga pamahayag nga gi-post sa chat, ug unya dapita sila nga mokomento mahitungod sa bisan unsa nga importante para kanila.

Juan 4, Bahin 1

Katuyoan sa leksiyon:Tinguha niini nga leksiyon nga tabangan ang mga estudyante sa pag-ila sa ilang panginahanglan sa Manluluwas ug pagbati sa Iyang gugma para kanila.

Pag-andam sa estudyante: Idirekta ang mga estudyante ngadto sa kalihokan sa Dali, Sunod Kanako—Alang sa mga Indibidwal ug mga Pamilya para sa Juan 2–4 nga nagdapit kanila nga mangita og mga pang-adlaw-adlaw nga aytem sa ilang mga balay nga mahimong gamiton aron magtudlo og espirituhanong mga kamatuoran. Dapita ang mga estudyante nga dalhon ang mga aytem nga ilang makita ngadto sa klase, kon posible, ug mag-andam nga ipasabot ang espirituhanong mga kamatuoran nga mahimong itudlo gamit niini.

Sugyot sa pagtudlo pinaagi sa videoconference: Ikonsiderar ang pagdapit sa mga estudyante nga mangita og mga aytem sa ilang mga balay nga mahimong gamiton aron magtudlo og espirituhanong kamatuoran.

Juan 4, Bahin 2

Katuyoan sa leksiyon:Tinguha niini nga leksiyon nga tabangan ang mga estudyante nga mas masabtan ang mahitungod sa buhi nga tubig nga gitanyag sa Manluluwas: unsa kini, nganong gikinahanglan nila kini, ug sa unsang paagi nga sila makadawat niini.

Pag-andam sa estudyante: Dapita ang mga estudyante nga ikompara ang mga panahon nga mibati sila og espirituhanong kahaw-ang ngadto sa mga panahon nga mibati sila og espirituhanong katagbawan. Unsay nakahimo og kalainan?
Handout: “Living Water”

Sugyot sa pagtudlo pinaagi sa videoconference: Ikonsiderar ang paghatag sa mga estudyante og mga instruksiyon para sa paghimo og pakigpulong sa dili pa magsugod ang klase ug pag-awhag og pipila ka boluntaryo nga ipaambit ang ilang mga pakigpulong sa sinugdanan sa leksiyon.