Jesus sitting at the well with a Samaritan woman. John 4:13-14. A wellspring is a continually flowing well. We can only realize it’s saving benefits if we come and drink deeply of its waters. The living water that Jesus spoke of is available to all if we will but drink
Sa Iyang pagpadulong sa Galilea, gitudloan ni Jesus ang usa ka babayeng Samaryanhon diha sa atabay mahitungod sa “buhing tubig” nga Iyang gitanyag. Nailhan niya mismo nga si Jesus mao ang Kristo. Tinguha niini nga leksiyon nga tabangan ka sa pag-ila sa imong panginahanglan sa Manluluwas ug pagbati sa Iyang gugma para kanimo.
Pagsukna og follow-up nga mga pangutana. Ang pagsukna og follow-up nga mga pangutana makahatag og kahigayonan sa mga estudyante sa pagpahayag kon unsay ilang nakat-onan, pagpalawom sa ilang panabot sa mga kamatuoran sa ebanghelyo, ug paghunahuna kon sa unsang paagi nga kana nga mga kamatuoran may kalabotan sa ilang kinabuhi. Pag-amping nga dili magdali-dali sa pangutana og daghan kaayong follow-up nga mga pangutana. Kasagaran mas maayo nga mangutana og pipila ka pangutana ug hatagan ang mga estudyante og panahon nga motubag sa mahunahunaong paagi.
Pag-andam sa estudyante: Idirekta ang mga estudyante ngadto sa kalihokan sa Dali, Sunod Kanako—Alang sa mga Indibidwal ug mga Pamilya para sa Juan 2–4 nga nagdapit kanila nga mangita og mga pang-adlaw-adlaw nga aytem sa ilang mga balay nga mahimong gamiton aron magtudlo og espirituhanong mga kamatuoran. Dapita ang mga estudyante nga dalhon ang mga aytem nga ilang makita ngadto sa klase, kon posible, ug mag-andam nga ipasabot ang espirituhanong mga kamatuoran nga mahimong itudlo gamit niini.
Posible nga mga Kalihokan sa Pagkat-on
Pagkat-on mahitungod ni Jesukristo
Kon nagdala ang mga estudyante og mga aytem gikan sa kalihokan sa pag-andam sa estudyante, ikonsiderar ang pagdapit kanila nga magpakigbahin sa dili pa susihon ang mosunod nga mga hulagway.
Sa imong pagtuon sa mga kasulatan, lagmit nga imong natuki nga ang Manluluwas kanunayng nagtudlo sa espirituhanong mga kamatuoran gamit ang mga kasinatian ug mga butang nga pamilyar sa mga tawo. Susiha ang mosunod nga mga hulagway, ug ihulagway ang espirituhanong mga kamatuoran nga atong makat-onan mahitungod sa Manluluwas pinaagi sa pagkompara sa tubig ngadto Kaniya.
Imahe
Jesus kneels beside Martha who is grieving. Outtakes include Jesus standing with a crowd standing behind him, and just photos of Martha.
Imahe
8 of 9 Glass being filled with water
Sa imong hunahuna, sa unsang mga paagi nga may kalabotan ang tubig ug matudloan ka mahitungod kang Jesukristo?
Kon gikinahanglan, ikonsiderar ang pagsukna sa mga estudyante og mga pangutana nga makatabang kanila sa pagbuhat og mga pagkompara tali sa tubig ug ni Jesukristo, sama sa “Nganong pareho man kining importante?” “Unsa ka sagad nato kini kinahanglanon?” “Unsa ang labing uhaw nga imong nasinati sukad? Kanus-a ka nanginahanglan pag-ayo ni Jesukristo?”
Pamalandongi ang mosunod nga mga pangutana aron mahunahuna ang imong panginahanglan kang Jesukristo.
Mibati ba ka og pareho o dugang nga panginahanglan kang Jesukristo sama sa imong panginahanglan sa tubig sa imong kinabuhi? Ngano o nganong dili man?
Niini nga leksiyon, magtuon ka sa usa ka asoy diin gitabangan sa Manluluwas ang usa ka babaye nga masabtan nga ang iyang espirituhanong panginahanglan sa Manluluwas mas dako kay sa iyang pisikal nga panginahanglan og tubig nga iyang gikuha. Samtang nagtuon ka, paghatag og pagtagad sa mga pag-aghat sa Espiritu nga makatabang kanimo sa pag-ila sa imong panginahanglan sa Manluluwas ug sa Iyang tinguha nga madawat nimo ang mga panalangin nga Siya lamang ang makatanyag.
Ang babaye diha sa atabay
Samtang nagbiyahe gikan sa Judea padulong sa Galilea, si Jesus miagi sa Samaria (tan-awa ang Juan 4:3–4). Mahimong makatabang ang pag-ila niini nga mga lokasyon gamit ang mapa 1 sa Biblia, “ Pisikal nga Mapa sa Balaan nga Yuta ,” sa Mga Tabang sa Pagtuon diha sa Gospel Library.
Sa panahon sa Manluluwas, ang mga Judeo nga mibiyahe taliwala sa Judea ug Galilea kasagarang moagi sa mas taas nga rota aron malikayan ang pag-agi sa Samaria tungod sa kasilag taliwala sa mga Judeo ug mga Samaryanhon. Lagmit nga gikapoy ug giuhaw si Jesus gikan sa Iyang panaw sa dihang milingkod Siya diha sa atabay sa kainit sa adlaw (tan-awa sa Juan 4:6). Samtang Siya anaa didto, adunay miabot nga babayeng Samaryanhon aron magkuha og tubig.
Ikonsiderar ang pagpakita sa hulagway sa usa ka babaye sa atabay gikan sa sinugdanan sa leksiyon. Lagmit nga gitun-an na sa mga estudyante kini nga asoy isip bahin sa ilang pagtuon sa ebanghelyo para sa Dali, Sunod Kanako—Alang sa mga Indibidwal ug mga Pamilya. Hatagi sila og mga oportunidad sa pagpaambit sa unsay ilang nakat-onan sa dili pa itudlo ang mosunod nga sulod [content].
Tun-i ang mga pagtulon-an ni Jesus ngadto sa babayeng Samaryanhon sa Juan 4:5–14 , ug pangitaa kon unsa ang imong nakat-onan mahitungod sa Manluluwas.
Imahe
8 of 9 Glass being filled with water
Unsaon nimo paghulagway ang reaksiyon sa babaye ngadto sa Manluluwas niini nga mga bersikulo? Sa imong hunahuna, nganong ingon niini man ang iyang reaksiyon?
Unsa kaha ang gitudlo ni Jesus sa dihang miingon Siya nga makahatag Siya og buhing tubig niini nga babaye?
Kon gikinahanglan, ipasabot nga ang buhing tubig nagrepresentar ni Jesukristo ug sa Iyang ebanghelyo. Ang hilisgotan bahin sa buhing tubig mas ipasabot pa og maayo sa sunod nga leksiyon.
Basaha ang Juan 4:15–26 , ug pangitaa ang gugma ug kalooy nga gipakita ni Jesus niini nga babaye samtang nagpadayon ang ilang interaksiyon. Hunahunaa kon sa unsang paagi nga may kalabotan kanimo ang mga pagtulon-an sa Manluluwas. Mahimo usab nimong tan-awon ang video nga “Jesus Teaches a Samaritan Woman” gikan sa code sa oras nga 2:02 hangtod sa 4:11 samtang nagsunod sa imong mga kasulatan.
Imahe
8 of 9 Glass being filled with water
Sa imong hunahuna, sa unsang paagi nga gitabangan sa Manluluwas ang babaye sa pag-ila sa iyang panginahanglan sa buhing tubig nga Iyang gitanyag?
Lagmit nga makatabang kon tukion nga nakahibalo ang Manluluwas sa mga sala sa babaye pero wala Niya siya gitamay tungod niini. Gitabangan usab Niya siya sa pagsabot sa tinuod nga kinaiyahan sa pagsimba ug nga kadtong tanang mosimba sa Dios diha sa espiritu ug kamatuoran dawaton Niya, bisan unsa pa ang ilang kaliwat o kultura.
Unsa ang imong makat-onan mahitungod sa tinguha sa Manluluwas nga tabangan kini nga babaye bisan pa sa iyang mga sala?
Sa unsang paagi nga makatabang kanato kini nga asoy sa pagsabot kon unsa ang gibati sa Manluluwas mahitungod sa kada usa kanato—bisan pa sa atong kaugalingong mga sala?
Basaha ang Juan 4:28–30 , ug pangitaa kon unsa ang reaksiyon sa babayeng samaryanhon pagkahuman sa pagsulti ni Jesus kaniya nga Siya ang Mesiyas.Ikompara ang imong bag-ohay lang nga nabasa ngadto sa unang reaksiyon sa babaye ngadto kang Jesus samtang nagsugod sila sa ilang pag-istoryahanay.
Sa imong hunahuna, unsa ang anaa sa iyang interaksiyon kang Jesus nga hinungdan sa iyang kausaban?
Giunsa pag-usab o pag-impluwensya ni Jesukristo ang imong panghunahuna?
Unsa nga mga desisyon ang imong mabuhat karon aron matabangan ka nga mas maduol kang Jesukristo?
Si Elder Robert C. Gay sa Kapangulohan sa Seventy nagpakigbahin sa pipila sa mga kamatuoran nga atong makat-onan gikan niini nga asoy. Mahimo nimong tan-awon ang video nga “Taking upon Ourselves the Name of Jesus Christ” gikan sa code sa oras nga 7:41 hangtod sa 9:23. Kini nga video anaa sa ChurchofJesusChrist.org.
Imahe
Former Official Portrait of Elder Robert C. Gay. Photographed in March 2017. Replaced February 2021.
Usa sa akong paborito nga kasulatan ang Juan 4:4 , diin mabasa, “Ug siya kinahanglan gayud nga mahiagi latas sa Samaria.”
Nganong ganahan ko niana nga kasulatan? Tungod kay si Jesus wala magkinahanglan nga moadto sa Samaria. Ang mga Judeo sa Iyang panahon mibiay-biay sa mga Samarianhon ug moagi sa dalan nga libot sa Samaria. Apan gipili ni Jesus nga moadto aron ipahayag sa tanang tawo sa unang higayon nga Siya mao ang gisaad nga Mesiyas. Tungod niini nga mensahe, wala lang Siya mipili sa sinalikway nga grupo, apan usab usa ka babaye—ug dili lang bisan kinsa nga babaye apan usa ka babaye nga nagpuyo diha sa sala—usa ka tawo nga gikonsiderar nianang higayona nga ang kinaubsan sa mga labing ubos. Nagtuo ko nga gibuhat ni Jesus ang ingon aron ang matag usa kanato kanunay nga makasabot nga ang Iyang gugma mas labaw pa kay sa atong mga kahadlok, atong pagkaadik, atong mga pagduha-duha, atong mga pagtintal, atong mga sala, atong masulub-on nga mga pamilya, atong depresyon ug mga kabalaka, atong grabe nga sakit, atong kawad-on, atong pag-abuso, atong pagka-walay paglaum, ug atong pag-inusara. Gusto niya nga masayod ang tanan nga wala ug walay usa nga dili Niya mahimong ayohon ug matubos ngadto sa malungtarong kalipay.
Ang Iyang grasya paigo. Siya lang ang mipaubos sa tanang butang aron pagluwas kanato. Ang gahum sa Iyang Pag-ula mao ang gahum sa pagbuntog sa bisan unsa nga palas-anon sa atong kinabuhi. Ang mensahe sa babaye diha sa tabay mao nga Siya nasayod sa mga sitwasyon sa atong kinabuhi ug sa kanunay mahimo kitang makig-uban Kaniya bisan kinsa man kita. Ngadto kaniya ug sa matag usa kanato, Siya miingon, “Si bisan kinsa nga magainom sa tubig nga akong ihatag kaniya dili na gayud pagauhawon; apan [makaangkon] og usa ka tabay sa tubig nga magatubod ngadto sa kinabuhing dayon” [ Juan 4:14 ].
Ikonsiderar ang pagdapit sa mga estudyante sa pagtubag sa mosunod nga mga pangutana diha sa ilang journal sa pagtuon. Lagmit nga makatabang kon hisgotan ang mga tubag sa estudyante isip usa ka klase kon mahuman na sila.
Unsa ang imong nakat-onan o gibati mahitungod kang Jesukristo niini nga leksiyon?
Unsa nga mga aksiyon ang imong gibati nga naaghat ka nga buhaton samtang nagtuon ka karon?
Komentaryo ug Background nga Impormasyon
Juan 4:4 . Nganong makahuluganon man nga si Jesus mibiyahe latas sa Samaria?
Imahe
Map 11 - The Holy Land in New Testament Times
Ang mga Judeo kasagarang mobiyahe libot sa Samaria kay sa moagi sulod niini tungod sa pagdumot taliwala sa mga Judeo ug mga Samaryanhon. Adunay nahitabong dakong pagdumot taliwala sa mga Judeo ug mga Samaryanhon “tungod kay ang mga Samaryanhon mibiya sa hingpit gikan sa relihiyon nga Israelita” (Giya ngadto sa mga Kasulatan “ Samarianhon, Mga ,” scriptures.ChurchofJesusChrist.org). Apan, gihatagan og gibug-aton ni Juan nga si Jesukristo “kinahanglang moagi sa Samaria” ( Juan 4:4), nga klarong gituki ang intensyon sa Manluluwas para sa buluhaton nga Iyang buhaton didto.
Ang uban tingali naglibog sa pamahayag ni Jesus sa Juan 4:24 nga ang Dios usa ka espiritu. Ang Hubad ni Joseph Smith niini nga bersikulo naghatag og importante nga pagpatin-aw: “Kay ngadto sa mao [mga tinuod nga magtutuo] ang Dios misaad sa iyang Espiritu” (Hubad ni Joseph Smith, Juan 4:26 [sa Apendiks sa Hubad ni Joseph Smith ]). Ang moderno nga pagpadayag nagtudlo usab kanato nga ang Dios adunay unod ug mga bukog (tan-awa sa Doktrina ug mga Pakigsaad 130:22–23 ; tan-awa usab sa Genesis 5:1–3 ; Mga Hebreohanon 1:1–3).
Sa unsang paagi nga ang iyang interaksiyon kang Jesukristo adunay epekto sa babaye diha sa atabay?
Si Presidente Bonnie H. Cordon, Kinatibuk-ang Presidente sa Young Women, mitudlo:
Imahe
Former Official Portrait of Sister Bonnie H. Cordon, Photographed October 2016. Replaced October 2018.
Si Kristo sa manggiloy-ong paagi nahibalo mahitungod [sa babaye sa atabay] ug sa iyang mga panginahanglan. Iyang nahimamat ang maong babaye ug misugod sa pag-istorya mahitungod sa usa ka butang nga pamilyar ug komon kaniya. Kon Siya mihunong sa diskusyon niana nga punto, tingali usa kaha unta kadto ka positibo nga paghimamat. Apan dili kadto moresulta sa iyang pag-adto sa siyudad sa pagpahayag, “Umari kamo, tan-awa, … : mao ba kaha kini ang Kristo?” [Juan 4:29]. Sa hinayhinay, pinaagi sa pag-istoryahanay, siya nakaila ni Jesukristo, ug bisan pa sa iyang kaagi, siya nahimong usa ka instrumento sa kahayag, midan-ag sa dalan alang sa uban aron sila makakita.
Dapita ang mga estudyante nga pamatikdan ang mga pulong nga gigamit sa babayeng Samaryanhon nga nagpasabot sa Manluluwas sa Juan 4:9, 11, 19, 29 . Base niini nga mga termino, hisgoti kon sa unsang paagi nga nausab ang pagsabot sa babaye diha Kaniya.
Juan 4:34 . “Ang akong pagkaon mao ang pagtuman sa kabubut-on sa nagpadala kanako”
Anaa sa siyudad ang mga Apostoles aron mopalit og pagkaon atol sa interaksiyon sa Manluluwas sa babaye diha sa atabay. Sa ilang pagbalik, naghatag sila og pagkaon kang Jesus (tan-awa sa Juan 4:31).Dapita ang mga estudyante nga basahon ang Juan 4:32–34 , ug pangitaon kon asa nagpokus ang Manluluwas imbes nga mokaon. Ikonsiderar ang paghisgot kon unsa ang gitudlo niini nga mga bersikulo mahitungod ni Jesukristo, sa Iyang gugma para sa tanang anak sa Langitnong Amahan, ug ang Iyang pagpokus sa pagtabang nga mousbaw ang kada usa kanato.
Juan 4:35 . Ang umahan “hinog na ang mga bunga ug husto nang anihon”
Ang ehemplo sa babayeng Samaryanhon sa Juan 4:28–29, 39–42 ug ang mga pulong ni Jesukristo sa Juan 4:35 mahimong gamiton aron magsugod og panaghisgotan mahitungod sa pagpaambit sa ebanghelyo.Ikonsiderar ang pagpakita og hulagway sa trigo nga husto nang anihon ug ipasabot nga kon husto nang anihon ang trigo, kasagaran kining gihulagway isip “puti.” Ang mosunod nga mga pangutana mahimong gamiton isip bahin sa panaghisgotan:
Sa imong hunahuna unsa kaha ang nakapadasig niini nga babaye sa pagpaambit sa iyang pagpamatuod ngadto sa ubang tawo? Sa unsang paagi nimo masunod ang iyang ehemplo?
Sa imong hunahuna, unsa kaha ang gitudlo sa Manluluwas sa Iyang mga Apostoles sa dihang miingon Siya nga ang mga umahan “hinog na ang mga bunga ug husto nang anihon”? ( Juan 4:35).
Sa unsang mga paagi nga ang mga umahan sa imong palibot husto nang anihon?
