Մատթեոս 5․1-12

Երանիների պատվիրաններ

Լեռան Քարոզը սկսելուց առաջ Փրկիչն ուսուցանեց, թե մարդիկ ինչպես կարող են երջանիկ և օրհնված լինել: Նախագահ Հարոլդ Բ. Լին (1899–1973) ասել է, որ այս ուսմունքները «մարմնավորում են կատարյալ կյանքի սահմանադրությունը» (Եկեղեցու Նախագահների Ուսմունքները. Հարոլդ Բ. Լի [2000], 200): Այս դասը ձեզ կօգնի բացահայտել Քրիստոսանման հատկանիշները և ծրագրել, թե դուք ինչպես եք դրանք զարգացնելու՝ երջանկության և կատարելության ձգտելիս:

Սեմինարիայի նպատակը Սեմինարիայի նպատակն է՝ օգնել երիտասարդներին հասկանալ Հիսուս Քրիստոսի ուսմունքները և Քավությունը և ապավինել դրանց, արժանի լինել տաճարի օրհնություններին և պատրաստել իրենց, իրենց ընտանիքներին և մյուսներին իրենց Երկնային Հոր հետ հավերժական կյանքին։ Յուրաքանչյուր օր դասը նախապատրաստելիս աղոթքով որոշեք, թե ինչպես կարող եք հասնել այդ նպատակին։

Ուսանողի պատրաստում. Առաջարկեք ուսանողներին ընտրել Մատթեոս 5.1-12 հատվածներում նկարագրված հատկանիշներից մեկը, որի մասին նրանք կցանկանային ավելին իմանալ: Խնդրեք նրանց պարզել, թե ինչ է այն նշանակում և մտածել, թե այդ հատկանիշն ինչպես կարող է առաջնորդել նրանց դեպի երջանկություն:

Հնարավոր ուսումնական վարժություններ

Ավելի երջանիկ դառնալ

Կարող եք դասից առաջ գրատախտակին գրեք հետևյալ հարցերը.

• Ո՞րն էր ձեր կյանքի ամենաերջանիկ պահը:

• Արդյո՞ք այդ երջանկությունը շարունակվեց: Ձեր կարծիքով, ինչո՞ւ այն շարունակվեց կամ չշարունակվեց:

Փրկիչն իր ծառայությունը սկսեց Գալիլեա ծովի մոտ գտնվող մի քարոզով։ Այդ քարոզը հաճախ կոչում են «Լեռան Քարոզ» և այն գրված է Մատթեոսի 5–7 գլուխներում։ Երբ Տերն այցելեց Նեփիացիներին, Նա նմանատիպ մի քարոզ ասաց (տես 3 Նեփի 12–14):

Մատթեոսը 5.1-12 հատվածները հայտնի են որպես Երանության պատվիրաններ՝ լատիներեն «օրհնված» կամ «երջանիկ» բառից ( Մատթեոս 5.3 , ծանոթագրություն ա): Այս հատվածներում Հիսուսը բացահայտեց Իր և Իր Հոր այն հատկանիշները, որոնք կարող են իրական երջանկություն պարգևել այս և գալիք կյանքում: Այս հատկանիշները զարգացնելով՝ դուք կարող եք ավելի շատ նմանվել Երկնային Հորը ու Հիսուս Քրիստոսին:

Կարդացեք Մատթեոս 5.1-12 հատվածները` փնտրելով և նշելով Փրկիչի կողմից ուսուցանված հատկանիշները և յուրաքանչյուր հատկանիշի համար խոստացած օրհնությունը:

Կամ կարող եք դիտել «Լեռան քարոզը. Երանիների պատվիրանները» տեսանյութը 0:00-1:15-ը՝ ուշադրություն դարձնելով, թե ինչ հատկանիշների մասին էր Փրկիչն ուսուցանում: Այս տեսաֆիլմը մատչելի է ChurchofJesusChrist.org կայքում:

Այս հատվածներում մենք կարող ենք բացահայտել հետևյալ սկզբունքը. եթե զարգացնենք Քրիստոսանման հատկանիշներ, ապա կգտնենք ավելի մեծ երջանկություն:

• Ձեր կարծիքով, Փրկիչի ապրելակերպն ինչպե՞ս է նպաստում Նրա երջանկությանը:

Եթե դուք առաջարկել եք ուսանողներին դասից առաջ սովորել հատկանիշներից մեկի մասին, խնդրեք նրանց կիսվել իրենց սովորածով: Հարցրեք ուսանողներին, թե ինչ աղբյուրներից են օգտվել՝ տվյալ հատկանիշը գտնելու համար:

Սովորեք հետևյալ հատկանիշներից մեկի կամ մի քանիսի մասին. Մտածեք, թե զարգացնելով այդ հատկանիշը և ստանալով խոստացված օրհնությունները, ինչպե՞ս կարող եք ավելի երջանիկ լինել:

Ուսանողներին թերթիկի ձևով տվեք հետևյալ հարցերը. Հորդորեք ուսանողներին թերթիկը փակցնել այնպիսի տեղում, որ հետագայում կարողանան միշտ օգտագործել այն:

Երանիների պատվիրաններ
Հղում	Հատկանիշ
Մատթեոս 5.3, 3 Նեփի 12.3	Հոգով աղքատ Լինել խոնարհ կամ «երախտագիտությամբ ընդունել ձեր կախվածությունը Տիրոջից, հասկանալ, որ դուք անընդհատ Նրա օգնության կարիքն ունեք: Հեզություն նշանակում է գիտակցում, որ մեր տաղանդներն ու ունակությունները պարգևներ են Աստծուց» (Ավետարանական թեմաներ, «Հեզություն», topics.ChurchofJesusChrist.org):
Մատթեոս 5․4	Սգալ Որևէ բանի համար վիշտ ապրել: Անձը կարող է սգալ սեփական կամ ուրիշների մահկանացու կյանքի փորձությունների համար: Անձը կարող է սգալ նաև մեղքի վշտի պատճառով։
Մատթեոս 5.5	Հեզ «Աստվածավախ, արդար, խոնարհ, ընկալունակ և տանջանքների հանդեպ համբերատար» լինել [Սուրբ գրքերի ուղեցույց, «Հեզ, Հեզություն», scriptures.ChurchofJesusChrist.org]: Նրանք, ովքեր ունեն այդ հատկանիշները, պատրաստակամ են հետևել Հիսուս Քրիստոսին, և նրանց բնավորությունը հանգիստ է, հլու, հանդուրժող և ենթարկվող (Ուլիսես Սոարես, «Եղեք հեզ ու սրտով խոնարհ», Ensign կամ Լիահոնա, նոյեմբեր 2013, 9):
Մատթեոս 5.6, 3 Նեփի 12.6	Արդարության քաղց ու ծարավ Աստծո կամքն իմանալու և ըստ դրա գործելու մեծ ցանկություն ունենալ:
Մատթեոս 5.7	Ողորմած «Կարեկցող, հարգալից, ներողամիտ, բարեսիրտ և համբերատար լինել, նույնիսկ եթե մենք տեղյակ ենք ուրիշների թերությունների մասին» (Ավետարանական թեմաներ, «Ողորմություն», topics.ChurchofJesusChrist.org):
Մատթեոս 5․8	Սրտով մաքուր Սրտով մաքուրները նրանք են, «ովքեր սիրում են Տիրոջը, ովքեր ձգտում են հետևել Նրան և պահել Նրա պատվիրանները, ովքեր ձգտում են ապրել առաքինի կյանքով և հավատարմորեն դիմանալ մինչև վերջ։ Սրտով մաքուրները նրանք են, ովքեր վերահսկում են իրենց մտքերը և իրենց զերծ են պահում անբարոյական երևակայություններից և արարքներից» (Շելդոն Ֆ. Չայլդ, «Հիսուսի Խոսքերը. Մաքրաբարոյությունը»» Ensign կամ Լիահոնա, հունվարի 2003, 44):
Մատթեոս 5.9	Խաղաղարար «Մարդկանց ընդհանուր հիմք գտնելու հարցում օգնելու պարգևն է, մինչ ուրիշները միայն տարաձայնություններ են տեսնում» (Հենրի Բ․ Այրինգ, «Սովորել քահանայությունում» Ensign կամ Լիահոնա, մայիս 2011, 63):
Մատթեոս 5․10–12	Արդարության համար հալածվող Հնազանդվել և պաշտպանել Հիսուս Քրիստոսին և Նրա ուսմունքները, նույնիսկ, եթե դրա համար մեզ ծաղրեն կամ վատ վարվեն մեզ հետ։

Կարող եք քննարկել տարբեր եղանակներ, որոնցով աշխարհը սահմանում է երջանկությունը: Համեմատեք դրանք Տիրոջ կողմից տրված երջանկության սահմանման հետ: Քննարկեք, թե Երանիների պատվիրաններով ապրելը ինչպես կարող է տարբերվել աշխարհի կողմից ընդունված ապրելակերպից, բայց տանել դեպի տևական աստվածային երջանկություն:

• Փրկիչն ինչպե՞ս է ցույց տվել այս հատկանիշներից մեկը կամ մի քանիսը սուրբ գրություններում կամ ձեր կյանքում:

• Ձեր կարծիքով, զարգացնելով ձեր կողմից ընտրված հատկանիշը կամ հատկանիշները, ինչպե՞ս կարող եք ավելի երջանիկ լինել: Ինչո՞ւ:

Ձեր մեջ բացահայտեք Քրիստոսանման հատկանիշներ

Կատարեք հետևյալ ուսումնասիրությունը: Դրա նպատակն է օգնել ձեզ ճանաչել ձեր կողմից դրսևորված հատկանիշները, ինչպես նաև այն հատկանիշները, որոնք դուք կարող եք զարգացնել:

Հետևյալ Քրիստոսանման հատկանիշներից յուրաքանչյուրի դիմաց դրեք 1-5-ը մի թիվ (ուր 1-ը նշանակում է «ոչ շատ զարգացած» իսկ 5-ը «չափազանց զարգացած»):

__ Ես գիտակցում եմ իմ հոգևոր կարիքները:__ Ես վիշտ եմ ապրում սգացող մարդկանց համար, և աստվածային վիշտ եմ ապրում, երբ մեղք եմ գործում:__ Ես հեզ եմ:__ Ես արդարության քաղց ու ծարավ եմ զգում։__ Ես ողորմած եմ:__ Ես սրտով մաքուր եմ:__ Ես խաղաղարար եմ:__ Ես հավատարիմ եմ, երբ հալածվում եմ իմ համոզմունքների համար:

Բացահայտեք այն հատկանիշները, որոնք դուք հաջողությամբ զարգացնում եք և շնորհակալություն հայտնեք Աստծուն՝ Նրան և Հիսուս Քրիստոսին ավելի շատ նմանվելու գործում ձեր առաջընթացի համար: Մտածեք, թե որ հատկանիշները կցանկանայիք ավելի շատ զարգացնել և խնդրեք Աստծուն օգնել ձեզ զարգացնել դրանք:

Բավարար ժամանակ տվեք ուսանողներին այդ ուսումնասիրությունը կատարելու և իրենց առաջընթացը գնահատելու համար: Դա կօգնի նրանց ավելի հստակ տեսնել իրենց և ամրապնդել Երկնային Հոր հետ իրենց հարաբերությունները:

Եթե դժվարանում եք բացահայտել, թե ձեր որ հատկանիշն է ավելի զարգացած, իսկ որը՝ ոչ, օգտակար կլինի խոսել ծնողների կամ այլ վստահելի մարդկանց հետ: Խնդրեք նրանց ներկայացնել, թե ինչ Քրիստոսանման հատկանիշներ են նրանք տեսնում ձեր մեջ, և որոնք դուք դեռ պետք է զարգացնեք:

Փրկիչի դերը Քրիստոսանման հատկանիշների զարգացման գործում

Քրիստոսանման հատկանիշների զարգացման գործում մենք պետք է օգտվենք Փրկիչի օգնությունից: Երեց Դիտեր Ֆ. Ուխդորֆը՝ Տասներկու Առաքյալների Քվորումից, բացատրել է.

Քրիստոսանման հատկանիշները պարգևներ են Աստծուց: Դրանք հնարավոր չէ զարգացնել առանց Նրա օգնության: Օգնությունը, որի կարիքը մենք բոլորս ունենք, շնորհվել է մեզ Հիսուս Քրիստոսի Քավության միջոցով: Հիսուս Քրիստոսի և Նրա Քավության հանդեպ հավատք ունենալ նշանակում է ամբողջովին ապավինել Նրան, վստահել Նրա անսահման զորությանը, իմաստությանն ու սիրուն: Քրիստոսանման հատկանիշները գալիս են մեր կյանք, երբ արդար կերպով ենք գործի ենք դնում մեր ազատ կամքը: Հիսուս Քրիստոսի հանդեպ հավատքը մղում է գործողության: Երբ մենք հավատում ենք Քրիստոսին, մենք վստահում ենք Տիրոջն այնքան, որ հետևենք Նրա պատվիրաններին, նույնիսկ, եթե մենք ամբողջովին չենք հասկանում դրանց պատճառները: Ձգտելով ավելի նմանվել Փրկիչին մենք պետք է պարբերաբար վերագնահատենք մեր կյանքը և ճշմարիտ ապաշխարության ճանապարհով ապավինենք Հիսուս Քրիստոսի արժեքներին ու Նրա Քավության օրհնություններին:

(Դիտեր Ֆ. Ուխդորֆ, «Քրիստոսանման հատկանիշներ՝ քամի մեր թևերի տակ», Ensign կամ Լիահոնա, նոյեմբեր 2005, 102-3)

• Ի՞նչ նկատեցիք այս հայտարարության մեջ, որը կարող է օգնել ձեզ զարգացնել Քրիստոսանման հատկանիշներ

Ծրագիր կազմեք

Ծրագիր մշակեք՝ Երկնային Հորը և Հիսուս Քրիստոսին ավելի շատ նմանվելու համար: Ներառեք հատուկ գործողություններ, որոնք ամենօրյա կատարումը, ձեր կարծիքով, կարող է օգտակար լինել: Հիշեք, որ պետք է փնտրեք Փրկիչի օգնությունը: Կարող եք խնդրել ընտանիքին կամ ընկերներին աջակցել ձեզ այդ գործում: Երիտասարդների ուղեցույցում կամ սուրբ գրությունների ուսումնասիրության օրագրում գրի առեք ձեր գործողությունների ծրագիրը:

Բացատրական և պատմական տեղեկություն

Լեռան քարոզում Փրկիչն ի՞նչ է ուսուցանում մեզ Իր բնույթի մասին

Նախագահ Հարոլդ Բ. Լին (1899–1973) ուսուցանել է.

Քրիստոսը աշխարհ եկավ ոչ միայն քավություն գործելու մարդկության մեղքերի համար, այլև օրինակ սահմանելու աշխարհի առջև Աստծո օրենքի կատարելության և Հորը հնազանդվելու չափանիշի վերաբերյալ: Լեռան քարոզում Վարդապետը մեզ համար որոշակիորեն բացահայտել է Իր սեփական բնույթը, որը կատարյալ էր … և դրանով մեզ ծրագիր է տվել մեր սեփական կյանքի համար:

(Եկեղեցու Նախագահների ուսմունքները. Հարոլդ Բ. Լի [2000], 199-200):

Ի՞նչ է նշանակում, որ նրանք ովքեր արդարության ծարավ են զգում, կլցվեն

Երբ Փրկիչը կարդաց Լեռան քարոզը Ամերիկա մայրցամաքներում, Նա ասաց, որ նրանք, ովքեր արդարության քաղց ու ծարավ են զգում «կլցվեն Սուրբ Հոգով» ( 3 Նեփի 12.6):

Որո՞նք են այլ Քրիստոսանման հատկանիշները

Կարող եք դիտել «Քրիստոսանման հատկանիշներ» (2:53) տեսանյութը, որն առկա է ChurchofJesusChrist.org կայքում: Այս տեսանյութը ներկայացնում է մի քանի այլ հատկանիշներ, որոնք Փրկիչն ունեցել ու դրսևորել է Իր կյանքի ընթացքում:

//media.ldscdn.org/webvtt/youth/2014-youth-activity-resources/2014-01-001-christlike-attributes-eng.vtt

Օժանդակ ուսումնական վարժություններ

Առաջարկեք ուսանողներին ուսուցանել

Կարող եք խնդրել ուսանողներին Երանության պատվիրաններից մեկի վերաբերյալ մի զեկույց պատրաստել: (Սա կարելի է անել դասընկերոջ հետ): Երբ ուսանողները պատրաստեն իրենց զեկույցները, խնդրեք մի քանի ուսանողի կիսվել դասարանի հետ: Եթե ուսանողները դրանք պատրաստել են զուգընկերոջ հետ, կարող են միասին ներկայացնել դասարանին:

Երանիների պատվիրանները և կատարելությունը

Երանիների պատվիրանների մասին խոսելիս Նախագահ Հարոլդ Բ. Լին (1899–1973) ուսուցանել է, որ «Տիրոջ այս հայտարարությունները մարմնավորում են կատարյալ կյանքի սահմանադրությունը» (Եկեղեցու նախագահների ուսմունքները. Հարոլդ Բ: Լի [2000], 200):

Առաջարկեք ուսանողներին քննարկել, թե Երանիների պատվիրաններով ապրելն ինչպես կարող է օգնել մեզ Երկնային Հոր և Հիսուս Քրիստոսի նման կատարյալ դառնալ (տես Մատթեոս 5.48 , 3 Նեփի 12.48):

Երանիների պատվիրանների այլ տարբերակներ

Խնդրեք ուսանողներին կարդալ Ղուկաս 6.20-26 և 3 Նեփի 12.1-12 հատվածները և քննարկել այդ ընթերցումից ստացած լրացուցիչ գաղափարները:

Օրագրի վարժություն

Առաջարկեք ուսանողներին իրենց օրագրում ստեղծել նմանատիպ մի վերնագիր.

« Մատթեոս 5-7 . Ես կարող եմ ավելի շատ նմանվել Երկնային Հորը և Հիսուս Քիստոսին …»

Առաջարկեք ուսանողներին շարունակել այս նախադասությունը՝ ավելացնելով Լեռան քարոզի ուսումնասիրության ընթացքում ստացած մտքերն ու տպավորությունները: