Մատթեոս 5․48

«Արդ դուք կատարեալ եղիք»

Երանիների պատվիրանները և բարձր օրենքը ուսուցանելուց հետո Փրկիչը պատվիրան տվեց Իր Երկնային Հոր բնույթի վերաբերյալ: Այս դասի նպատակն է օգնել ձեզ հասկանալ Փրկիչի պատվիրանը` լինել «կատարեալ..., ինչպէս [մեր] Հայրը որ երկնքումն է, կատարեալ է» (Մատթեոս 5.48):

Ուսուցանելիս աղոթքով փնտրեք Տիրոջ օգնությունը Ավետարանի ուսուցումը Տիրոջ աշխատանքն է, և Նա ցանկանում է, որ դուք հաջողության հասնեք այդ գործում: Եթե դուք դիմեք Նրան ամեն օր, դուք կզգաք և կճանաչեք Նրա օգնությունը (տես Վարդապետություն և Ուխտեր 100․5-8):

Ուսանողի պատրաստում. Այս դասից առաջ խնդրեք ուսանողներին հնարավորության դեպքում դասարան բերել իրենց մանկական նկարները: Ավելի արդյունավետ կլինի դա անել առնվազն դասից մի շաբաթ առաջ՝ ծնողների օգնությամբ:

Հնարավոր ուսումնական վարժություններ

Ինչպե՞ս դուք եք փոխվել

Կարող եք օգտագործել հետևյալ կամ նմանատիպ հարցերից մի քանիսը, որպեսզի օգնեք ուսանողներին հասկանալ, թե իրենք ինչպես են աճել ու փոխվել մանկությունից սկսած:

Գտեք ավելի վաղ տարիքի որևէ նկար կամ մտածեք, թե ինչպիսին էիք դուք, երբ երեխա էիք:

• Ինչպե՞ս եք ֆիզիկապես կամ հոգևորապես աճել ու փոխվել այդ ժամանակից ի վեր:

• Ինչո՞ւ եք կարծում, որ փոփոխությունը մեր Երկնային Հոր ծրագրի բնական և կարևոր մասն է:

• Արդյո՞ք դուք աճել եք վերջին մի քանի տարիների ընթացքում՝ Երկնային Հորը և Հիսուս Քրիստոսին ավելի շատ նմանվելու համար: Եթե զգում եք, որ ձեր հոգևոր աճը բավարար չէ, մտածեք, թե ինչն է ձեզ խանգարել, և ինչ կարող եք անել այդ օրինաչափությունը փոխելու համար:

Կարդացեք Մատթեոս 5.48-ը՝ փնտրելով, թե գլուխ 5 -ում Փրկիչն ինչպես եզրափակեց Իր ուսմունքները: Իմացեք, որ հունարեն բառը, որն այս հատվածում նշանակում է կատարյալ կարող է նաև թարգմանվել որպես «ամբողջական, ավարտուն կամ լիարժեք զարգացած» ( Մատթեոս 5.48 , ծանոթագրություն բ):

Մատթեոս 5.48-ում ներկայացված Փրկիչի ուսմունքներից մենք սովորում ենք, որ Հիսուս Քրիստոսը մեզ պատվիրել է Երկնային Հոր նման կատարյալ լինել:

• Մատթեոս 5-րդ գլխում ներկայացված Փրկիչի ուսմունքներից որո՞նք են ձեզ ոգեշնչել ավելի շատ նմանվել Երկնային Հորը: Ինչպե՞ս։

Ուսանողներին կարող է օգտակար լինել կրկնել Մատթեոս 5-րդ գլխում ներկայացված ուսմունքները, այդ թվում՝ իրենց սուրբ գրություններում կամ օրագրերում արված գրառումները:

• Ինչպե՞ս եք վերաբերվում Փրկիչի՝ կատարյալ լինելու պատվիրանին:

• Այս պատվիրանի սխալ ընկալումն ինչպե՞ս կարող է բացասական ազդեցություն ունենալ Երկնային Հոր և Հիսուս Քրիստոսի հետ ձեր հարաբերությունների վրա:

Հասկանալ, թե ինչ է նշանակում «կատարեալ» լինել

Ուսանողներին բաժանեք փոքր խմբերի՝ ուսումնասիրելու նախագահ Ռասսել Մ. Նելսոնի, Երեց Ջեֆրի Ռ. Հոլլանդի և Երեց Ջերիթ Վ. Գոնգի հետևյալ հայտարարությունները: Այս հայտարարությունների մի քանի օրինակներ կարող են տպվել և փակցվել դասասենյակում կամ ցուցադրվել այլ եղանակներով:

Կարդացեք նախագահ Ռասսել Մ. Նելսոնի, Երեց Ջեֆրի Ռ. Հոլլանդի և Տասներկու Առաքյալների Քվորումից երեց Ջերիթ Վ. Գոնգի հետևյալ հայտարարությունները՝ փնտրելով օգնություն կամ սփոփանք՝ Երկնային Հոր նման կատարյալ դառնալու ճանապարհին:

Մատթեոս 5.48 հատվածում օգտագործվող կատարեալ եզրույթը թարգմանված է հունարեն teleios բառից, որը նշանակում է «ամբողջական»: … Բայի անկատար ձևը՝ teleiono (ամբողջացնել), նշանակում է՝ «հասնել վերջնակետին, լիարժեք զարգանալ, հասցնել ավարտին»: Ուշադրություն դարձրեք, որ բառը չի ենթադրում «սխալներից ազատում, այլ ենթադրում է՝ «հասնել հեռավոր նպատակի»: …

… Մենք չպետք է շփոթվենք, եթե կատարելությանն ուղղված մեր անկեղծ ջանքերն այժմ այնքան անմատչելի [դժվարին] և անվերջանալի են թվում։ Կատարելությունն ընթացքի մեջ է։ Այն կարող է կատարված համարվել միայն Հարությունից հետո և միայն Տիրոջ միջոցով: Այն սպասում է բոլոր նրանց, ովքեր սիրում են նրան և պահում են նրա պատվիրանները:

(Ռասսել Մ. Նելսոն, «Կատարելությանը սպասելիս», Ensign, նոյեմբեր 1995, 86, 88)

Եղբայրնե՛ր և քույրե՛ր, մեզանից յուրաքանչյուրը ձգտում է ապրել ավելի Քրիստոսանման կյանքով, քան մեզ սովորաբար հաջողվում է ապրել: … Եթե մենք հաստատակամ շարունակենք, հավերժության մեջ մեր զտումը կավարտվի ու կամբողջացվի, ինչը կատարելություն բառի նշանակությունն է Նոր Կտակարանում:

Ես վկայում եմ այդ հոյակապ ճակատագրի մասին, որը մեզ հասանելի դարձավ Տեր Հիսուս Քրիստոսի Քավությամբ, ով շարունակեց «շնորհից շնորհ» [ Վարդապետություն և Ուխտեր 93.13 ], մինչև Իր անմահության մեջ Նա ստացավ սելեստիալ փառքի կատարյալ լիությունը:

(Ջեֆրի Ռ. Հոլլանդ, «Արդ դուք կատարեալ եղիք, ի վերջո», Ensign կամ Լիահոնա, նոյեմբեր 2017, 42)

Կատարելություն բառը … երբեմն սխալմամբ ընկալվում է որպես՝ երբեք սխալ չանել: Գուցե դուք կամ ձեր ծանոթներից մեկը փորձում է լինել կատարյալ հենց այս ձևով: Այդպիսի կատարելությունը միշտ թվում է անհասանելի, քանզի նույնիսկ լավագույն ջանքերը կարող են ավարտվել հուսահատությամբ: Մենք ապարդյուն փորձում ենք կառավարել մեր հանգամանքները և մեզ շրջապատող մարդկանց: Մենք տառապում ենք մեր թուլություններից ու սխալներից: Եվ որքան ավելի շատ ենք փորձում հասնել կատարելության, այնքան ավելի հեռու է այն թվում: …

Կատարյալ լինելու սխալ ընկալումը կարող է բերել կատարելապաշտության, երբ մարդը ցանկանում է լավը լինել և վերածում է այդ ցանկությունը հենց հիմա կատարյալ լինելու անիրական ակնկալիքի: Երբեմն կատարելապաշտությունը ծնվում է այն զգացումից, որ միայն նրանք, ովքեր կատարյալ են, արժանի են սիրո կամ, մենք արժանի չենք երջանիկ լինելու, եթե մենք կատարյալ չենք:

(Ջերիթ Վ. Գոնգ, «Ինչպես դառնալ կատարյալ Քրիստոսի մեջ», Ensign, July 2014, 14–15, 17)

Հիշեք, որ պատվիրան պահելու և ապաշխարելու մեր բոլոր ջանքերը երբեք բավարար չեն լինի, _ եթե դրանց նպատակը մեղքերից մաքրվելը և մահից վերածնվելը չէ՝ այն, ինչ մենք ստանում ենք Փրկիչ Հիսուս Քրիստոսից՝ Նրա Քավության շնորհիվ: (Տես 2 Նեփի 25.23 ; Ալմա 34.9–10):

Եթե ուսանողները կարիք ունեն լրացուցիչ օգնության՝ կատարյալ լինելու պատվիրանը հասկանալու համար կամ չեն ընկալում կատարելապաշտություն հասկացությունը, նրանց կարող է օգնել «Կատարելապաշտություն. Արդյո՞ք ես կկարողանամ երբևէ բավականաչափ լավը լինել» տեսաֆիլմը «Լրացուցիչ ուսումնական վարժություններ» բաժնից:

Առաջարկեք ուսանողներին դասարանի հետ կիսվել, թե ինչ են քննարկել իրենց խմբերով:

Որպեսզի օգնեք ուսանողներին ավելի լավ հասկանալ, թե ինչպես է Փրկիչը մեզ օգնում դառնալ կատարյալ, կարող եք կարդալ և քննարկել Մորոնի 10.32 հատվածը:

Քննարկման հնարավոր հարցեր

Ուղղեք հետևյալ հարցերից մեկը կամ մի քանիսը՝ քննարկում սկսելու համար: Կարող եք նաև ցուցադրել այս կամ նմանատիպ հարցեր և խնդրել ուսանողներին պատասխանել դրանցից երկուսին կամ մի քանիսին իրենց օրագրերում: Այնուհետև ուսանողները կարող են դասարանով քննարկել իրենց գրածը:

• Այս մարգարեների խոսքերը ի՞նչ են ուսուցանում այն մասին, թե ինչ է նշանակում «արդ դուք կատարեալ եղիք» արտահայտությունը:

• Ի՞նչ են մարգարեներն ուսուցանում այն մասին, թե այս բառերը ինչ չեն նշանակում:

• Ո՞րն է Փրկիչի դերը` կատարյալ դառնալու գործում մեզ օգնելիս:

• Ի՞նչ գիտեք Երկնային Հոր և Հիսուս Քրիստոսի մասին, որը ձեզ հույս է տալիս, որ մի օր դուք կարող եք Նրանց նման կատարյալ դառնալ:

• Ի՞նչ հոգևոր, ֆիզիկական, սոցիալական կամ մտավոր ջանքեր եք այժմ գործադրում՝ Երկնային Հորը և Հիսուս Քրիստոսին ավելի շատ նմանվելու համար:

Կարող եք վկայել Փրկիչի, Մատթեոսի 5-րդ գլխում ներկայացված Նրա ուսմունքների և մեզ կատարյալ դարձնելու Նրա դերի մասին:

Բացատրական և պատմական տեղեկություն

Ինչպե՞ս կարող եմ կատարյալ դառնալ

Յոթանասունից երեց Սքոթ Դ․ Վայթինգն ուսուցանել է․

Նրա նման լինելու պատվիրանը նախատեսված չէ ստիպելու ձեզ մեղավոր, անարժան կամ չսիրված զգալ: Մեր ողջ մահկանացու կյանքի փորձառությունը առաջընթացի, փորձելու, ձախողվելու և հաջողության մասին է: …

Դուք բավականաչափ լավն եք, դուք սիրված եք, բայց դա չի նշանակում, որ դուք կատարյալ եք: Այս կյանքում և հաջորդ կյանքում աշխատանք կա անելու: Միայն Նրա աստվածային օգնությամբ մենք բոլորս կարող ենք առաջ ընթանալ՝ Նրա նման դառնալու համար:

Մեր օրերում, երբ «բոլոր բաները [կարծես], խառնաշփոթի մեջ են և … [թվում է] երկյուղը պատում է բոլոր մարդկանց» [ Վարդապետություն և Ուխտեր 88.91 ], միակ հակաթույնը, միակ դեղն է՝ ձգտել նման լինել Փրկիչին, Քավիչին ողջ մարդկության, աշխարհի Լույսին, և նմանվել Նրան, ով հայտարարել է. «Ես եմ ճանապարհը»: [ Հովհաննես 14.6 ]:

Ես գիտեմ, որ Նրա աստվածային օգնությամբ և ուժով Նրա նման դառնալը իրագործելի է քայլ առ քայլ: Եթե այդպես չլիներ, Նա մեզ չէր տա այս պատվիրանը [տես 1 Նեփի 3.7 ]:

(Սքոթ Դ․ Վայթինգ, «Դառնալով Նրա նման», Ensign կամ Լիահոնա, նոյեմբեր 2020, 14)

Օժանդակ ուսումնական վարժություններ

Այս դասը սկսելու այլընտրանքային եղանակ. Անել մի բան, որն անհնարին է թվում

Օգնեք ուսանողներին հասկանալ, որ ճիշտ հեռանկարի, հրահանգների և օգնության դեպքում, անհնարինը կարող է հնարավոր դառնալ: Կարող եք մի քանի անգամ փորձարկել այս վարժությունը՝ մինչ դասին ներկայացնելը:

Թղթի միջով անցնելու հնարքը. Ուսանողներին թուղթ և մկրատ տվեք: Հրահանգ տվեք թղթի մեջ մի անցք բացել, որը պետք է բավականաչափ մեծ լինի՝ դրանով անցնելու համար: Երբ նրանք փորձեն (և ձախողվեն), տվեք նրանց հետևյալ հրահանգները ու ևս մի թուղթ.

Քայլ 1. Թերթը երկայնքով ծալեք երկու մասի:

Քայլ 2. Ծալվածքը ձեր կողմ ուղղելով՝ կատարեք ութ հավասարաչափ կտրվածքներ՝ շարունակելով դեպի թերթի մյուս կողմը, բայց կանգ առեք՝ հակառակ ծայրին 1 սանտիմետր չհասած, որպեսզի չկտրեք ամբողջ թերթը:

Քայլ 3. Շրջեք թերթն այնպես, որ ծալվածքը մյուս կողմում ընկնի: Նախորդ կտրվածքների միջև կատարեք յոթ կտրվածք և նորից կանգ առեք՝ ծալվածքին 1 սանտիմետր չհասած, որպեսզի չկտրեք ամբողջ թերթը:

Քայլ 4. Վերադարձեք ծալված ծայրին: Ծալված ծայրում արված ութ կտրվածքներն այժմ կազմեցին ինը օղակ: Կտրեք յուրաքանչյուր օղակի ծալվածքի երկայնքով՝ բացի առաջինից և վերջինից:

Քայլ 5. Զգուշորեն բացեք թերթը այնպես, որ չպատռեք այն: Այժմ այն կազմեց մի մեծ օղակ, որով դուք կարող եք անցնել:

Հասկանալ կատարելապաշտությունը

Եթե դա օգտակար կլինի և դասաժամանակը կհերիքի, կարող եք ցուցադրել «Կատարելապաշտություն. Արդյո՞ք ես կկարողանամ երբևէ բավականաչափ լավը լինել» տեսանյութը (4:33), որը կարող եք գտնել ChurchofJesusChrist.org կայքում:

Perfectionism: Will I Ever Be Good Enough?

Do you sometimes feel like you’re not good enough for God or anyone else? Chances are you’ve had a bout with perfectionism. Whether you know it or not, God’s Grace reaches everyone—including perfectionists.

Փրկիչը նեփիացիներին ուսուցանեց կատարելության մասին

Այն, ինչ Փրկիչն ուսուցանեց նեփիացիներին Իր Հարությունից առաջ (տես Մատթեոս 5.48) համեմատեք Հարությունից հետո Նրա ուսուցանածի հետ (տես 3 Նեփի 12.48): Առաջարկեք ուսանողներին հղումներ կամ խաչաձև հղումներ կատարել իրենց սուրբ գրություններում: Եթե անհրաժեշտ է, նշեք, որ Փրկիչը հիշատակեց նաև Ինքն Իրեն՝ նեփիացիներին կատարելությունը նկարագրելիս: Քննարկեք, թե դա ինչ է դա ուսուցանում:

Լեռան քարոզը. օրագրի վարժություն

Եթե ուսանողներն արդեն ունեն նշումներ «Մատթեոս 5.1-12» դասի վերաբերյալ, կարող եք առաջարկել նրանց ավելացնել այսօրվա դասից ստացած մտքերն ու տպավորությունները: