ម៉ាថាយ ៥:១៣

ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៣ )

មាតិកា
ទំព័រចំណងជើង
សេចក្តីផ្តើម ព្រះគម្ពីរសញ្ញាថ្មី សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨, ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–ទី២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុសទី ១–២
យ៉ូហាន ទី១–ទី៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២
ឧបសម្ព័ន្ធ

ម៉ាថាយ ៥:១៣–១៦

« អ្នករាល់គ្នាជាពន្លឺនៃលោកិយ »

តើនរណាបានធ្វើជាគំរូល្អដល់អ្នកក្នុងការរស់នៅដោយសុចរិត ? តើគំរូរបស់ពួកគេបាននាំអ្នកឲ្យចូលកាន់តែជិតព្រះយ៉ាងដូចម្តេច ? បន្ទាប់ពីបង្រៀនបទជូនពរ ដែលជួយយើងឲ្យយល់ពីនិស្ស័យ និងបុគ្គលិកលក្ខណៈរបស់ព្រះហើយ នោះព្រះយេស៊ូវគ្រីស្ទបានបង្រៀនថា គំរូដ៏សុចរិតរបស់យើងអាចផ្ដល់ពរជ័យដល់មនុស្សដទៃបាន ។ មេរៀននេះមានគោលបំណងជួយអ្នកឲ្យអនុវត្តសេចក្តីពិតនេះ និងវាយតម្លៃពីសកម្មភាព និងអាកប្បកិរិយារបស់អ្នក ដើម្បីឆ្លុះបញ្ចាំងពីពន្លឺរបស់ព្រះយេស៊ូវគ្រីស្ទបានកាន់តែប្រសើរជាងមុន ។

ការរៀបចំសិស្ស ៖ សូមអញ្ជើញសិស្សឲ្យពិចារណាសំណួរខាងក្រោមនេះ ៖

តើនរណាគឺជាគំរូនៃការរស់នៅដូចជាព្រះគ្រីស្ទ ទាំងពាក្យសម្ដី និងសកម្មភាពនៅក្នុងជីវិតរបស់អ្នក ?
តើពួកគេធ្វើអ្វីខ្លះ ដើម្បីឆ្លុះបញ្ចាំងពីពន្លឺ និងសេចក្តីស្រឡាញ់របស់ព្រះ ?
តើសកម្មភាពរបស់ពួកគេជះឥទ្ធិពលលើអ្នក និងមនុស្សដទៃយ៉ាងដូចម្តេច ?

សកម្មភាពរៀនសូត្រដែលអាចមាន

អំបិលនៃផែនដី

ជារឿយៗ ព្រះអង្គសង្គ្រោះបានប្រើការប្រៀបធៀប ឬរឿងប្រៀបប្រដូច ដើម្បីបង្រៀនពីគំនិតសាមញ្ញៗ ដែលបង្កប់ដោយអត្ថន័យជ្រាលជ្រៅ ។ នៅពេលអ្នកសិក្សាមេរៀននេះ សូមគិតពីរបៀបដែលវត្ថុ ដែលព្រះយេស៊ូវបានលើកឡើង អាចជួយអ្នកឲ្យយល់ពីអ្វីដែលទ្រង់បានបង្រៀន ។

ប្រសិនបើអាចធ្វើបាន សូមយកអំបិល និងអាហារផ្សេងៗដូចជា ផ្លែឈើ បន្លែ សាច់ ឬឈីសមកកាន់ថ្នាក់រៀន ដោយកាត់វាជាបំណែកតូចៗ។ ( ផ្ទុយទៅវិញ ប្រសិនបើមិនអាចធ្វើទៅបានទេ សូមសួរថា តើសិស្សធ្លាប់បរិភោគអាហារ ដែលត្រូវមានរសជាតិប្រៃ ប៉ុន្តែបែរជាសាបទៅវិញដែរឬទេ ) សូមអញ្ជើញសិស្សឲ្យសាកល្បងអាហារផ្សេងៗដែលមាន និងមិនមានរោយអំបិល ។

សូមអាន ម៉ាថាយ ៥:១៣ ដោយរកមើលរបៀបដែលព្រះយេស៊ូវគ្រីស្ទបានពិពណ៌នាអំពីពួកសិស្សរបស់ទ្រង់ ។

ក្រៅពីប្រើដើម្បីបង្កើនរសជាតិនៃម្ហូបអាហាររបស់យើង តើយើងអាចប្រើអំបិលសម្រាប់អ្វីទៀត ?

សូមអញ្ជើញសិស្សម្នាក់ឲ្យអានកថាខណ្ឌដូចខាងក្រោមពីសៀវភៅ ចូរមកតាមខ្ញុំ ។

អំបិលត្រូវបានប្រើប្រាស់ដើម្បីរក្សាទុកអ្វីមួយឲ្យបានយូរ ផ្ដល់រសជាតិ និងបន្សុទ្ធជាយូរលង់មកហើយ ។ អំបិលក៏មានអត្ថន័យខាងសាសនាផងដែរចំពោះពួកសាសន៍អ៊ីស្រាអែល ។… នៅពេលអំបិលបាត់បង់ជាតិប្រៃរបស់វា វាឥតបានការ ឬ « គ្មានប្រយោជន៍ » ( ម៉ាថាយ ៥:១៣ ) ។ អំបិលបាត់បង់ជាតិប្រៃ នៅពេលយកវាទៅច្របល់ ឬលាយនឹងសារធាតុអ្វីផ្សេងៗទៀតនោះ ។

( ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី [ ឆ្នាំ ២០១៩ ] ទំព័រ ៣១ )

តើអ្នកគិតថា ព្រះអង្គសង្គ្រោះកំពុងបង្រៀនអ្វី តាមរយៈការប្រៀបធៀបពួកសិស្សរបស់ទ្រង់ទៅនឹងអំបិល ?
តើមានរឿងជាក់លាក់ណាខ្លះ ដែលអាចបំពុលយើងខាងវិញ្ញាណ ?

សូមចំណាយពេលបន្តិច ដើម្បីសញ្ជឹងគិតនៅក្នុងចិត្តរបស់អ្នកថា ក្នុងនាមជាអំបិលនៃផែនដី តើអ្នកជួយបង្ហាញគុណសម្បត្តិល្អបំផុតនៅក្នុងមនុស្សដែលនៅជុំវិញអ្នកបានដោយរបៀបណា ។ សូមពិចារណាពីការល្បួងដែលអ្នកកំពុងប្រឈមមុខ និងរបៀបដែលអ្នកអាចរក្សាខ្លួនអ្នកឲ្យបរិសុទ្ធផងដែរ ។ ប្រសិនបើអ្នកបានអនុញ្ញាតឲ្យមានភាពមិនបរិសុទ្ធណាមួយចូលមកក្នុងជីវិតរបស់អ្នក នោះវាអាចត្រូវបានដកចេញបាន តាមរយៈអំណោយទាននៃការប្រែចិត្តដែលកើតមានដោយសារព្រះយេស៊ូវគ្រីស្ទ ។

ពន្លឺនៃលោកិយ

សូមអាន ម៉ាថាយ ៥:១៤–១៦ ដោយរកមើលអ្វីដែលព្រះយេស៊ូវគ្រីស្ទរំពឹងទុកពីយើង ដែលជាសិស្សរបស់ទ្រង់ ។

តើគោលការណ៍នៃសេចក្តីពិតអ្វី ដែលអ្នកអាចរកឃើញពី ម៉ាថាយ ៥:១៤–១៦ ?

ចេញពី ម៉ាថាយ ៥:១៤–១៦ អ្នកប្រហែលជាបានរកឃើញគោលការណ៍មួយ ដែលស្រដៀងនឹងគោលការណ៍នេះ ៖ គំរូសុចរិតរបស់យើងអាចលើកទឹកចិត្តមនុស្សដទៃឲ្យសរសើរតម្កើងព្រះវរបិតាសួគ៌ ។

តើអ្នកគិតថា ការសរសើរតម្កើងព្រះវរបិតាសួគ៌មានន័យយ៉ាងដូចម្ដេច ?

នៅពេលព្រះអង្គសង្គ្រោះដែលបានមានព្រះជន្មឡើងវិញ ទ្រង់បានគង់នៅជាមួយនឹងពួកសាសន៍នីហ្វៃ នោះទ្រង់បានបង្រៀនពួកគេបន្ថែមទៀត អំពីពន្លឺដែលពួកសិស្សរបស់ទ្រង់គួរតែលើកឡើង ។ សូមពិចារណាពីបទគម្ពីរឆ្លង ឬការភ្ជាប់ ម៉ាថាយ ៥:១៤–១៦ ទៅនឹង នីហ្វៃទី៣ ១៨:២៤–២៥ ( សូមមើល ម៉ាថាយ ៥:១៦ ) ។

សូមអាន នីហ្វៃទី៣ ១៨:២៤–២៥ ដោយរកមើលពន្លឺដែលពួកសិស្សពិតគួរតែលើកឡើង ។

តើការបង្រៀនរបស់ព្រះអង្គសង្គ្រោះនៅក្នុង នីហ្វៃទី៣ ១៨:២៤–២៥ មានឥទ្ធិពលលើការយល់ដឹងរបស់អ្នកអំពី ម៉ាថាយ ៥:១៤–១៦ យ៉ាងដូចម្តេច ?

សូមបង្ហាញកញ្ចក់មួយដល់សិស្ស ។ ប្រសិនបើមានពន្លឺព្រះអាទិត្យនៅក្នុងបន្ទប់រៀន សូមដាក់កញ្ចក់នោះឲ្យត្រូវពន្លឺព្រះអាទិត្យ ហើយបញ្ចាំងវាឲ្យពេញបន្ទប់ ។ ប្រសិនបើគ្មានពន្លឺព្រះអាទិត្យទេ សូមឲ្យសិស្សឆ្លុះកញ្ចក់នោះ ហើយសួរថា តើពួកគេអាចមើលឃើញច្បាស់ប៉ុនណា ។ បន្ទាប់មក សូមប្រើហ្វឺតលុបបានដើម្បីផាត់ពណ៌លើកញ្ចក់នោះ ។ សូមព្យាយាមបញ្ចាំងពន្លឺព្រះអាទិត្យឲ្យពេញបន្ទប់រៀនម្តងទៀត ឬសួរសិស្សថា តើពួកគេអាចមើលឃើញខ្លួនឯងច្បាស់ប៉ុនណាឥឡូវនេះ នៅពេលកញ្ចក់ត្រូវបានបាំង ។

សូមសួរសិស្សថា ពួកគេអាចរៀនអ្វីខ្លះអំពីការឆ្លុះបញ្ចាំងពន្លឺរបស់ព្រះគ្រីស្ទ ចេញពីការបង្ហាញនេះ ។

ព្រះយេស៊ូវគ្រីស្ទគឺជាពន្លឺនៃលោកិយដ៏ពិត ហើយនៅពេលយើងដើរតាមទ្រង់ ហើយកាន់តែប្រែក្លាយដូចជាទ្រង់ នោះយើងបញ្ចាំងពន្លឺ ដែលទ្រង់បានប្រទានដល់យើង ។ ( សូមមើល យ៉ូហាន ១:៤, ៩ ; ៨:១២ ; គោលលទ្ធិ និង សេចក្តីសញ្ញា ៥០:២៤ ; ៩៣:២ ) ។

និមិត្តរូបដែលព្រះអង្គសង្គ្រោះបានប្រើ

សំណួរខាងក្រោមនេះអាចជួយអ្នកឲ្យគិតបានកាន់តែស៊ីជម្រៅ អំពីនិមិត្តរូបដែលព្រះអង្គសង្គ្រោះបានប្រើនៅក្នុង ម៉ាថាយ ៥:១៤–១៦ ។

សូមឲ្យសិស្សពិភាក្សាពីការប្រៀបធៀបផ្សេងៗគ្នា ។ ការណ៍នេះអាចធ្វើឡើងតាមវិធីផ្សេងៗគ្នាដូចជា ៖ ជាថ្នាក់ទាំងមូល ជាក្រុមតូចៗ ឬក្នុងការសិក្សាផ្ទាល់ខ្លួន ។

ទីក្រុងមួយដែលនៅលើភ្នំ ៖

តើការដើរតាមព្រះយេស៊ូវគ្រីស្ទអាចពិបាកនឹងលាក់បាំង ដូចជាទីក្រុងមួយដែលនៅលើភ្នំដោយរបៀបណា ?
កាលពីបុរាណ ទីក្រុងទាំងឡាយត្រូវបានសង់ឡើងនៅលើកំពូលភ្នំ ដើម្បីការពារពីការវាយប្រហារដែលអាចកើតឡើង ។ តើការរស់នៅតាមដំណឹងល្អដោយក្លៀវក្លា អាចការពារពីឥទ្ធិពលអាក្រក់ៗបានយ៉ាងដូចម្តេច ?
តើការប្រៀបធៀបនេះបង្រៀនអ្នកអ្វីខ្លះ អំពីរបៀបដែលព្រះអង្គសង្គ្រោះរំពឹងចង់ឲ្យអ្នករស់នៅ ក្នុងនាមជាសិស្សរបស់ទ្រង់ ?

ទៀន ៖

តើអ្នកអាចធ្វើដូចជាទៀនដែលនៅក្នុងបន្ទប់ងងឹតមួយ ហើយបញ្ចាំងពន្លឺរបស់ព្រះអង្គសង្គ្រោះដល់មនុស្សទាំងអស់យ៉ាងដូចម្តេច ?
តើមានអ្វីខ្លះ ដែលអាចបណ្តាលឲ្យមនុស្សមួយចំនួនលាក់ពន្លឺ ដែលព្រះប្រទានដល់ពួកគេនៅក្រោមថាំង ( ល្អី ) ?

តើការប្រៀបធៀបនេះបង្រៀនអ្នកអ្វីខ្លះ អំពីរបៀបដែលព្រះអង្គសង្គ្រោះរំពឹងចង់ឲ្យអ្នករស់នៅ ក្នុងនាមជាសិស្សរបស់ទ្រង់ ?

សូមអានសេចក្តីថ្លែងការណ៍ខាងក្រោមនេះមកពីប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយ ដោយស្វែងរកអ្វីដែលអ្នកអាចរៀនបានអំពីពន្លឺរបស់ព្រះយេស៊ូវគ្រីស្ទ ។

រាល់ពេលដែលដួងចិត្តរបស់អ្នកបង្វែរទៅរកព្រះដោយការអធិស្ឋានដែលរាបសា នោះអ្នកទទួលបានការដកពិសោធន៍នូវពន្លឺរបស់ទ្រង់ ។ រាល់ពេលដែលអ្នកស្វែងរកព្រះបន្ទូល និងព្រះទ័យរបស់ទ្រង់នៅក្នុងបទគម្ពីរ នោះពន្លឺនឹងបំភ្លឺឡើងកាន់តែចែងចាំង ។ រាល់ពេលដែលអ្នកសង្កេតឃើញនរណាម្នាក់ខ្វះខាត ហើយលះបង់ភាពសុខស្រួលរបស់អ្នកដើម្បីឈោងទៅជួយដោយក្ដីស្រឡាញ់ នោះពន្លឺនឹងរីកធំខ្លាំងឡើងៗ ។ រាល់ពេលដែលអ្នកបដិសេធការល្បួង ហើយជ្រើសរើសភាពបរិសុទ្ធ រាល់ពេលដែលអ្នកស្វែងរក ឬផ្ដល់ការអភ័យទោស រាល់ពេលដែលអ្នកថ្លែងទីបន្ទាល់អំពីសេចក្ដីពិតដោយក្លាហាន នោះពន្លឺបណ្ដេញភាពងងឹត ហើយទាក់ទាញដល់អ្នកដទៃដែលកំពុងស្វែងរកពន្លឺ និងសេចក្តីពិតផងដែរ ។

( ឌៀថើរ អេហ្វ អុជដូហ្វ « Bearers of Heavenly Light » Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៨០ )

តើអ្នកគិតថា សេចក្តីថ្លែងការណ៍នេះទាក់ទងនឹង ម៉ាថាយ ៥:១៤–១៦ យ៉ាងដូចម្តេច ?

សូមចាំថា ព្រះយេស៊ូវបានបង្រៀនយើងឲ្យធ្វើជា « អំបិលនៃផែនដី » និង « ពន្លឺនៃលោកិយ » ភ្លាមៗបន្ទាប់ពីទ្រង់បានបង្រៀនបទជូនពរ—បុគ្គលិកលក្ខណៈដូចជាព្រះគ្រីស្ទ ដែលជួយយើងឲ្យកាន់តែប្រែក្លាយដូចជាទ្រង់ ( សូមមើល ម៉ាថាយ ៥:៣–១២ ) ។

តើការមានលក្ខណៈដូចជាព្រះគ្រីស្ទនៅក្នុងការប្រព្រឹត្ដិ និងអាកប្បកិរិយារបស់យើង ជួយយើងឲ្យលើកទឹកចិត្តមនុស្សដទៃឲ្យខិតកាន់តែជិតព្រះវរបិតាសួគ៌ដោយរបៀបណា ?
តើមានអ្វីខ្លះដែលអ្នកអាចធ្វើបាន ដើម្បីធ្វើជាគំរូដ៏សុចរិតរបស់ព្រះអង្គសង្គ្រោះទៅកាន់អ្នកដទៃ ?
ប្រសិនបើអ្នកបានជ្រើសរើសយកបទជូនពរមួយនៅក្នុងមេរៀនមុន ដើម្បីអនុវត្តនៅក្នុងជីវិតរបស់អ្នក តើបុគ្គលិកលក្ខណៈនោះនឹងជួយអ្នកឲ្យក្លាយជាអំបិលនៃផែនដី ឬជាពន្លឺនៃលោកិយនេះយ៉ាងដូចម្តេច ?

វិចារណកថា និង ព័ត៌មានសាច់រឿង

តើសកម្មភាពរបស់ខ្ញុំជះឥទ្ធិពលយ៉ាងដូចម្ដេចលើរសជាតិរបស់ខ្ញុំ ក្នុងនាមជាអំបិលនៃផែនដី ?

ប្រធាន ជែមស៍ អ៊ី ហ្វោស្ត ( ឆ្នាំ ១៩២០–២០០៧ ) ក្នុងគណៈប្រធានទីមួយបានពន្យល់ ៖

សារធាតុចិញ្ចឹមខាងវិញ្ញាណ ដែលធ្វើឲ្យយើងមានសុខភាពល្អខាងវិញ្ញាណ អាចបាត់បង់អំណាច និងកម្លាំងរបស់វា ប្រសិនបើយើងមិនរស់នៅឲ្យស័ក្ដិសមនឹងការណែនាំដ៏ទេវភាព ដែលយើងត្រូវការទេនោះ ។ … យើងត្រូវរក្សាចិត្ត និងរាងកាយរបស់យើងឲ្យជ្រះស្អាតពីការញៀន និងការបំពុលគ្រប់រូបភាព ។ យើងនឹងមិនដែលជ្រើសរើសបរិភោគអាហារដែលខូច ឬពុលឡើយ ។ តាមរបៀបជ្រើសរើសដូចគ្នានេះ យើងគួរតែប្រុងប្រយ័ត្នកុំអាន ឬមើលអ្វីដែលមិនមានរសជាតិឆ្ងាញ់ឡើយ ។ ភាគច្រើននៃការបំពុលខាងវិញ្ញាណ ដែលចូលមកក្នុងជីវិតរបស់យើង កើតឡើងតាមរយៈអ៊ីនធឺណិត ហ្គេមកំព្យូទ័រ កម្មវិធីកម្សាន្ដក្នុងទូរទស្សន៍ និងភាពយន្ត ដែលផ្ដល់ ឬបង្ហាញជាលក្ខណៈក្រាហ្វិក នូវឥរិយាបថមិនល្អរបស់មនុស្ស ។ ដោយសារយើងរស់នៅក្នុងបរិយាកាសបែបនេះ នោះយើងត្រូវបង្កើនកម្លាំងខាងវិញ្ញាណ ។

( ជែមស៍ អ៊ី ហ្វោស្ត « Spiritual Nutrients » Ensign ឬ Liahona ខែ វិច្ឆិកា ឆ្នាំ ២០០៦ ទំព័រ ៥៥ )

តើខ្ញុំអាចបង្កើនពន្លឺរបស់ខ្ញុំបានយ៉ាងដូចម្ដេច ?

ប្រធាន ហិនរី ប៊ី អាវរិង បានបង្រៀន ៖

រាល់ពេលដែលអ្នកជ្រើសរើសព្យាយាមរស់នៅកាន់តែដូចជាព្រះអង្គសង្គ្រោះ នោះអ្នកបានពង្រឹងទីបន្ទាល់របស់អ្នកហើយ ។ នៅពេលនោះអ្នកនឹងដឹងដោយខ្លួនអ្នកថា ទ្រង់គឺជាពន្លឺនៃលោកិយ ។ អ្នកនឹងមានអារម្មណ៍ថា មានពន្លឺរះឡើងនៅក្នុងជីវិតរបស់អ្នក ។ វានឹងមិនកើតឡើងដោយគ្មានការខិតខំទេ ។ ប៉ុន្តែ វានឹងកើតឡើង នៅពេលទីបន្ទាល់របស់អ្នករីកចម្រើន ហើយអ្នកជ្រើសរើសថែទាំបីបាច់វា ។ នេះគឺជាការសន្យាដ៏ជាក់ច្បាស់មកពីព្រះគម្ពីរគោលលទ្ធិ និង សេចក្តីសញ្ញា ៖ « អ្វីដែលមកពីព្រះជាពន្លឺ ហើយអ្នកណាដែលទទួលពន្លឺ ហើយនៅជាប់ក្នុងព្រះ នោះទទួលពន្លឺថែមទៀត ហើយពន្លឺនោះភ្លឺកាន់តែខ្លាំងឡើងៗ រហូតដល់ថ្ងៃបានល្អឥតខ្ចោះ [ គោលលទ្ធិ និង សេចក្តីសញ្ញា ៥០:២៤ ] ។ អ្នកនឹងក្លាយជាពន្លឺនៃលោកិយនេះ នៅពេលអ្នកចែកចាយទីបន្ទាល់របស់អ្នកជាមួយនឹងមនុស្សដទៃទៀត ។ អ្នកនឹងជះពន្លឺនៃព្រះគ្រីស្ទដល់មនុស្សដទៃនៅក្នុងជីវិតរបស់អ្នក ។ ព្រះអម្ចាស់នឹងរកវិធីដើម្បីឲ្យពន្លឺនោះជះឥទ្ធិពលដល់មនុស្សដែលអ្នកស្រឡាញ់ ។

( ហិនរី ប៊ី អាវរិង « A Living Testimony » Ensign ឬ Liahona ខែ ឧសភា ឆ្នាំ ២០១១ ទំព័រ ១២៨ )

ប្រធាន ថូម៉ាស អេស ម៉នសុន បានបង្រៀន ៖

យើងម្នាក់ៗមកកាន់ផែនដីនេះដោយត្រូវបានប្រទានឲ្យនូវពន្លឺនៃព្រះគ្រីស្ទ ។ នៅពេលយើងធ្វើតាមគំរូរបស់ព្រះអង្គសង្គ្រោះ ហើយរស់នៅដូចដែលទ្រង់បានរស់នៅ និងដូចដែលទ្រង់បានបង្រៀន ពន្លឺនោះនឹងបំភ្លឺក្នុងខ្លួនយើង ហើយនឹងបំភ្លឺផ្លូវអ្នកដទៃ ។

( ថូម៉ាស អេស ម៉នសុន « Be an Example and a Light » Ensign ឬ Liahona ខែ វិច្ឆិកា ឆ្នាំ ២០១៥ ទំព័រ ៨៦ )