Mataio 9–10; Mareko 5; Luka 9

Vaaiga Aoao

A o auauna Iesu i Kalilaia, o se fafine na i ai se ma’i punatoto na malolo ina ua pa’i atu i Ona ofu. Na faatuina e le Alii le afafine o Iairo mai le oti. Na valaau ma faatonu e Iesu Keriso le au Aposetolo e Toasefululua ma auina atu i latou e tala’i, auauna atu, ma faamalolo i e mamai.

Ia Saunia e Aoao Atu

O faamatalaga nei e tuuina atu ai i faiaoga ia manatu i mea e ono manaomia ona vave saunia mo lesona taitasi.

Mareko 5:24–34;

Mataio 9:20–22

Faamoemoega o le lesona: O le a fesoasoani lenei lesona i tagata aoga e malamalama i ai pe faapefea ona faaaoga le mana o le Faaola i totonu o o latou olaga e ala i le faatinoina o lo latou faatuatua ia te Ia.

Tapenaga a tagata aoga: Valaaulia tagata aoga e manatunatu i se taimi na latou liliu ai ia Iesu Keriso mo se fesoasoani. E mafai foi ona mafaufau i ni aafiaga o se tasi tagata.

Anotusi e faaali faalautele: Sauni e faaali faalautele le faamatalaga a Peresitene Russell M. Nelson.
: “Ua faamaloloina e Iesu le Fafine Faatuatua” (1:38); “Mauaina o le Mana o Iesu Keriso i o Tatou Olaga” (mai le taimi 11:30 i le 13:20)

Fautuaga mo aoaoga e faaaoga ai fesootaiga faavitio: Faaali le vitio “Jesus Heals a Woman of Faith” (1:38). Afai e faatagaina e le polokalama faatekinolosi o e faaaogaina, mafaufau pe valaaulia tagata aoga e galulue i totonu o potu fesootai laiti ua uma ona faataape i ai i latou e talanoaina ai fesili nei: O le a se mea e mafai ona e faia e faaali ai o le taliaina o le fesoasoani a le Faaola o lou naunautaiga silisili lea? E faapefea ona ese lou olaga pe ana e toaga e faaaoga le mana o Iesu Keriso?

Mareko 5:21–24, 35–43

Faamoemoe mo le lesona: O le a fesoasoani lenei lesona i tagata aoga e faatino ai lo latou faatuatua ma ia talitonu ia Keriso i taimi o le mata’u ma le lē mautonu.

Tapenaga mo tagata aoga: Uunai tagata aoga e tauloto le faaupuga “Aua e te mata’u, tau lava ina e faatuatua” ( Mareko 5:36). Talosaga ia i latou e mafaufau loloto pe faapefea ona fesoasoani lenei faaupuga ia i latou i taimi o puapuaga.

Vitio: “Ua Toe Faatuina e Iesu le Afafine o Iairo” (3:25)
Anomea mo tagata aoga: A mafai, aumai ni oloa tusiata mo tagata aoga e faaaoga e tusi ai se ata ma le faaupuga “Aua e te mata’u, tau lava ina e faatuatua.”

Fautuaga mo aoaoga e faaaoga ai fesootaiga faavitio:Valaaulia tagata aoga e faasoa i totonu o le auaunaga mo feau tusitusi i tusitusiga paia po o faamatalaga mai konafesi aoao e uiga i le lē mata’u. E mafai lea ona valaaulia ni tagata aoga faapitoa e faasoa i se tusitusiga paia na latou mauaina e ala i le lafoina mai o le vaega vaaia o le latou masini tou te matamata faatasi i ai a o faaali faalauteleina le tusitusiga paia mai le Gospel Library i le initoneti po o le polokalama o le Gospel Library.

Mataio 9:36–38; Mataio 10

Faamoemoega o le lesona: O le a fesoasoani lenei lesona i tagata aoga ina ia malamalama i valaauga ma faamoemoega o Aposetolo o loo fai ma sui ma molimau a Iesu Keriso.

Tapenaga mo tagata aoga: Valaaulia tagata aoga e manatunatu i a latou aafiaga ma Aposetolo a le Alii e ala i le faia o fesili o le a mulimuli mai nei: Ua faapefea ona faalatalataina atili e Aposetolo a le Faaola oe ia Iesu Keriso? O le a se mea ua faagaeetia ai oe e uiga ia te i latou? O a ni au fesili o iai e uiga i le matafaioi a se Aposetolo? Mafaufau i le isi manatu mo tapenaga mo tagata aoga o loo i ai i le vaega o “Faatinoga Faaopoopo”.

Anotusi e faaali atu: Sauni e faaali atu, pe fai ma pepa tufa, le faamatalaga a Peresitene Nelson ma fesili mo tagata aoga e iloilo ai i o latou lagona ma uiga faaalia e faasaga i Aposetolo a Iesu Keriso.
Punaoa mo tagata aoga: Mafaufau po o a punaoa mai ia i latou pe e uiga i Aposetolo faaneionapo o le a e saunia mo au tagata aoga.

Luka 9:24–26, 57–62

Faamoemoe mo le lesona: O le a fesoasoani lenei lesona i tagata aoga ina ia mataulia auala e aveva ai ma soo moni o Iesu Keriso.

Tapenaga mo tagata aoga: Valaaulia tagata aoga e mafaufau i auala o loo latou taumafai ai e mulimuli ia Iesu Keriso.

Fautuaga mo aoaoga e faaaoga ai fesootaiga faavitio: Mo le fesoasoani i tagata aoga e lipoti mai i mea ua latou suesue i ai, mafaufau pe faaaoga le laupapa paepae po o se auaunauga e tai tutusa i ai. E mafai ona faamaea e tagata aoga le faaupuga “Ina ia fai ma soo moni o Iesu Keriso, e mafai ona tatou …”

Toe Iloiloga o le Atamai Faapitoa i Aoaoga Faavae 3

Faamoemoega mo le lesona: O le a fesoasoani lenei lesona i tagata aoga ina ia faatupulaia ai lo latou malamalama i ai ma tuuina ia i latou le avanoa e faataitai ai ona faamatala mataupu faavae o le a aoaoina i fuaitau o atamai i aoaoga faavae o le a mulimuli mai nei: Mataio 5:14–16 ; Luka 2:10–12 ; Ioane 3:5 ; ma le Ioane 3:16 .

Manatua: E ono manaomia ona aoaoina se lesona tau fuaitau o atamai i aoaoga faavae nai lo lenei lesona toe iloilo. Fai ma faasino i le faasologa faatulagaina o lesona ua saunia e le taitai faatonu po o le taitai faamaopoopo o le eria po o le pitonuu e faamautinoa ai o le a aoaoina lesona taitasi tau fuaitau o atamai i aoaoga faavae a o faagasolo seminare.

Tapenaga mo tagata aoga: Valaaulia tagata aoga e filifili i se tasi o fuaitau o atamai faapitoa i aoaoga faavae o loo anoa ia i latou mai le Mataio, Luka, po o Ioane. Talosaga ia i latou ia mafaufau e uiga pe aisea e anoa ai lenei fuaitau ia te i latou ma ia o mai sauniuni e faasoa i o latou mafaufauga i le vasega.

Anotusi e faaali atu: Mafaufau pe faaali atu le lisi o metotia aoao o le a faaaogaina e tagata aoga e iloilo i ai po o fea o metotia nei e silisili ona fesoasoani mo le latou aoaoga.
Meafaitino: Toeiloilo i faatinoga o loo faamamafaina i ai metotia aoao eseese, ma filifili oloa e ono manaomia e au tagata aoga ina ia mafai ai ona faamaea manuia le faatinoga latou te filifilia.

Fautuaga mo aoaoga e faaaoga ai fesootaiga faavitio: Mafaufau pe tuu i tagata aoga ni manatu e uiga i meafaitino ma mea faigaluega mai a latou fale e mafai ona latou faaaogaina a o faamaeaina le faatinoga tau metotia aoao. Valaaulia tagata aoga e faasoa i a latou meafaitino ma le vasega.