វិវរណៈ ២–៣ ផ្នែក ទី ១

« យើងស្គាល់អស់ទាំងការដែលឯងធ្វើ »

PAINTING BY GREG Olson of Christ knocking on a door

ព្រះយេស៊ូវគ្រីស្ទស្គាល់យើងម្នាក់ៗ ។ ទ្រង់ជ្រាបពីអ្វីដែលយើងកំពុងធ្វើបានយ៉ាងល្អ ហើយទ្រង់ក៏ជ្រាបពីអ្វីដែលយើងអាចធ្វើបានប្រសើរជាងមុន ដើម្បីប្រែក្លាយដូចជាទ្រង់ផងដែរ ។ នៅក្នុងសារលិខិតដាច់ដោយឡែកពីគ្នាទៅកាន់សាសនាចក្រទាំងប្រាំពីរនៅអាស៊ី យ៉ូហានបានកត់ត្រានូវព្រះសូរសៀងរបស់ព្រះយេស៊ូវគ្រីស្ទដែលទទួលស្គាល់កិច្ចការល្អរបស់ពួកបរិសុទ្ធ ហើយព្រមានពួកគេអំពីអ្វីដែលពួកគេត្រូវផ្លាស់ប្តូរ ។ មេរៀននេះអាចលើកទឹកចិត្តអ្នកឲ្យស្ដាប់ឮព្រះសូរសៀងរបស់ព្រះអង្គសង្គ្រោះដែលទទួលស្គាល់អំពើល្អរបស់អ្នក និងផ្ដល់ឲ្យអ្នកនូវការកែតម្រូវចាំបាច់ ។

ផ្ដោតលើការជួយដល់សិស្ស ។ អំឡុងពេលរៀបចំមេរៀន សូមផ្តោតលើសិស្ស មិនមែនផ្ដោតតែលើសម្ភារមេរៀននោះទេ ។ សូមសួរថា « តើសិស្សនឹងធ្វើអ្វីក្នុងថ្នាក់ថ្ងៃនេះ ? » ឬ « តើសិស្សអាចរកឃើញសេចក្ដីពិតដែលមានអត្ថន័យចំពោះពួកគេដោយរបៀបណា ? »

ការរៀបចំរបស់សិស្ស ៖ សូមអញ្ជើញសិស្សឲ្យកំណត់ថាផ្នែកណាខ្លះក្នុងជីវិតពួកគេដែលពួកគេមានអារម្មណ៍ថា ព្រះអង្គសង្គ្រោះអាចនឹងពេញចិត្ត ។ ជាផ្នែកមួយនៃការអញ្ជើញនេះ សិស្សអាចអធិស្ឋាន និងទូលសូមព្រះវរបិតាសួគ៌ជួយពួកគេឲ្យយល់ពីអ្វីដែលពួកគេកំពុងធ្វើបានល្អ ។ ពួកគេក៏អាចសូមឲ្យឪពុកម្តាយរបស់ពួកគេជួយដល់ពួកគេផងដែរ ។

សកម្មភាពរៀនសូត្រដែលអាចមាន

សូមកត់ចំណាំថា សារលិខិតរបស់យ៉ូហានក៏រួមបញ្ចូលនូវការសន្យារបស់ព្រះអង្គសង្គ្រោះចំពោះអ្នកដែលយកឈ្នះលើការសាកល្បង និងឧបសគ្គនៃជីវិតរមែងស្លាប់ផងដែរ ។ វានឹងត្រូវបានរៀបរាប់យ៉ាងលម្អិតនៅក្នុងមេរៀនបន្ទាប់ ។

ស្ដាប់ព្រះសូរសៀងរបស់ព្រះអង្គសង្គ្រោះ

សូមបង្ហាញរូបភាពព្រះយេស៊ូវកំពុងគោះទ្វារ នៅពេលសិស្សពិចារណាពីសំណួរខាងក្រោមនេះ ។

Jesus Christ depicted knocking on a door. Christ is portrayed wearing red and white robes. The painting illustrates the concept of Christ “knocking on the door,” as described in scripture. There is no doorknob depicted in the painting, symbolizing that the door must be opened from within.

• តើអ្នកនឹងមានអារម្មណ៍យ៉ាងណា ប្រសិនបើអ្នកស្ដាប់ឮការគោះទ្វារនៅផ្ទះរបស់អ្នក ហើយដឹងថាព្រះអង្គសង្គ្រោះជាអ្នកគោះទ្វារនោះ ? ហេតុអ្វីទៅ ?

នៅក្នុងសារលិខិតរបស់លោកទៅកាន់សមាជិកសាសនាចក្រនៅស្រុកឡៅឌីសេ ( ជាកន្លែងមួយដែលយ៉ូហានបានសរសេរសំបុត្រទៅ ដែលបានបង្កើតជាសាសនាចក្រមួយក្នុងចំណោមសាសនាចក្រទាំងប្រាំពីរក្នុងទ្វីបអាស៊ី ។ សូមមើល វិវរណៈ ១:១១ ) យ៉ូហានបានបញ្ចប់ដោយការអញ្ជើញមួយមកពីព្រះយេស៊ូវគ្រីស្ទ ។

សូមអាន វិវរណៈ ៣:២០ ហើយរកមើលការអញ្ជើញរបស់ព្រះអង្គសង្គ្រោះ ។

សូមចំណាយពេលដើម្បីជួយសិស្សឲ្យយល់ពីនិមិត្តសញ្ញានៃព្រះយេស៊ូវដែលកំពុងឈរនៅមាត់ទ្វារ ហើយគោះ ។ សូមពិចារណាអំពីអត្ថន័យនៃការឲ្យទ្រង់គោះ ហើយយាងមកទទួលទានជាមួយយើងក្នុងជំនាន់របស់យើង ។ ឧទាហរណ៍ ៖ នៅពេលយើងយាងអញ្ជើញព្រះអង្គសង្គ្រោះមកក្នុងជីវិតរបស់យើង ទ្រង់អាចផ្តល់កម្លាំង ការមើលថែទាំ និងការលួងលោមដល់ព្រលឹងរបស់យើងបាន ។

• តើអ្នកគិតថា វិវរណៈ ៣:២០ មានអត្ថន័យជានិមិត្តសញ្ញាអ្វីខ្លះ ?

• ហេតុអ្វីបានជាអ្នកគិតថា ព្រះអង្គសង្គ្រោះគោះទ្វារជាជាងចូលទៅក្នុងតែម្ដង ?

• តើអ្នកអាចបើកទ្វារទៅរកព្រះយេស៊ូវគ្រីស្ទ ហើយខំស្តាប់ឮព្រះសូរសៀងទ្រង់ឲ្យបានកាន់តែប្រសើរដោយរបៀបណា ?

• តើអ្នកបានធ្វើអ្វីខ្លះថ្មីៗនេះ ដើម្បីឮព្រះសូរសៀងទ្រង់ ហើយបើកទ្វារ ?

ទោះជាយ៉ូហានជាអ្នកនាំសារក៏ដោយ ក៏ព្រះយេស៊ូវជាសូរសៀងនៃសារលិខិតទាំងនោះទៅកាន់សាសនាចក្រទាំងប្រាំពីរដែរ ។ នៅពេលអ្នកសិក្សាសារលិខិតនៅក្នុង វិវរណៈ ២–៣ សូមស្តាប់រកព្រះសូរសៀងរបស់ព្រះយេស៊ូវគ្រីស្ទទៅកាន់អ្នក ។ សូមពិចារណាពីវិធីដែលអ្នកអាចបើកទ្វារដើម្បីអនុញ្ញាតឲ្យព្រះអង្គសង្គ្រោះគង់ជាមួយអ្នក និងពង្រឹងអ្នក ។ខណៈពេលដែលសារលិខិតនីមួយៗក្នុងចំណោមសារលិខិតទាំងប្រាំពីរមានលក្ខណៈប្លែកគ្នា វាក៏មានភាពស្រដៀងគ្នាមួយចំនួនផងដែរ ។

សិស្សនឹងមានឱកាសសិក្សាខគម្ពីរទាំងនេះឲ្យកាន់តែលម្អិតនៅក្នុងមេរៀនក្រោយ ។ សម្រាប់សកម្មភាពនេះ គ្រាន់តែសុំឲ្យពួកគេរកមើល និងពិភាក្សាអំពីសារៈសំខាន់នៃឃ្លាដដែលៗនេះថា « យើងស្គាល់អស់ទាំងការដែលឯងធ្វើ » ។

សូមរកមើល ហើយពិចារណាគូសសម្គាល់ឃ្លាដដែលៗ « យើងស្គាល់អស់ទាំងការដែលឯងធ្វើ » នៅក្នុង វិវរណៈ ២:២, ៩, ១៣, ១៩ ; ៣:១, ៨, ១៥ ។ នៅក្នុងខគម្ពីរទាំងនេះ យ៉ូហានកត់ត្រានូវព្រះសូរសៀងរបស់ព្រះយេស៊ូវគ្រីស្ទ ដែលតំណាងឲ្យព្រះទ័យរបស់ព្រះវរបិតាសួគ៌ផងដែរ ។

• ហេតុអ្វីបានជាវាអាចជាការសំខាន់ក្នុងការយល់ថា ព្រះវរបិតាសួគ៌ និងព្រះយេស៊ូវគ្រីស្ទ « ស្គាល់កិច្ចការ [ របស់អ្នក ] » ?

សេចក្តីពិតមួយដែលយើងនឹងរកឃើញនៅក្នុង វិវរណៈ ២–៣ គឺថា ដោយសារព្រះវរបិតាសួគ៌ និងព្រះយេស៊ូវគ្រីស្ទស្គាល់យើងម្នាក់ៗ នោះទ្រង់ទាំងទ្វេអាចទទួលស្គាល់កិច្ចការល្អរបស់យើង ហើយព្រមានយើងអំពីការផ្លាស់ប្តូរដែលចាំបាច់នានា ។ សូមរកមើលភស្តុតាងនៃសេចក្តីពិតនេះ នៅពេលអ្នកសិក្សាការប្រឹក្សាដល់សាសនាចក្រទាំងប្រាំពីរ ។

ការប្រឹក្សាដល់សាសនាចក្រទាំងប្រាំពីរ

សូមដាក់បង្ហាញផែនទី និងសេចក្ដីយោងខាងក្រោម ។ សូមពិចារណាសិក្សាសាសនាចក្រមួយក្នុងចំណោមសាសនាចក្រទាំងប្រាំពីរជាថ្នាក់រួមគ្នា ដើម្បីធ្វើជាគំរូដល់វិធីឆ្លើយសំណួរដែលមានបន្ទាប់ពីសេចក្ដីយោងទាំងនេះ ។ បន្ទាប់មក សាសនាចក្រដែលនៅសល់អាចបែងចែកក្នុងចំណោមសិស្សក្នុងថ្នាក់បាន ។ សូមឲ្យសិស្សសិក្សាខគម្ពីរ ហើយឆ្លើយសំណួរដោយខ្លួនឯង ឬជាក្រុមតូចៗ ។ សូមមើលជាមួយសិស្សនៅពេលពួកគេសិក្សា និងផ្តល់ជំនួយតាមតម្រូវការ ។

ព័ត៌មានដែលមាននៅក្នុងសេចក្ដីយោងខាងក្រោម និងផ្នែក « វិចារណកថា និង ព័ត៌មានសាច់រឿង » អាចជួយសិស្សឲ្យយល់ពីពាក្យ និងឃ្លាពិបាកៗបាន ។

Map of the Mediterranean.

សូមក្រឡេកមើលផែនទីនៃសាសនាចក្រទាំងប្រាំពីរ ហើយជ្រើសរើសសាសនាចក្រយ៉ាងហោចណាស់ពីរដើម្បីសិក្សា ។ សូមរកមើលអំពើល្អដែលព្រះយេស៊ូវគ្រីស្ទទទួលស្គាល់នៅក្នុងសាសនាចក្រមួយចំនួន និងការកែតម្រូវដែលទ្រង់ប្រទានដល់សាសនាចក្រនីមួយៗ ។

1. អេភេសូរ ( វិវរណៈ ២:១–៧ ) ៖ ពួកនីកូឡាស គឺជាក្រុមសាសនាមួយដែលបានអះអាងថា ពួកគេអាចប្រព្រឹត្តអំពើបាបខាងផ្លូវភេទដោយគ្មានការដាក់ទណ្ឌកម្ម ដោយសារព្រះគុណនៃព្រះនឹងជួយសង្គ្រោះពួកគេ ។

2. ក្រុងស្មឺន៉ាថា ( វិវរណៈ ២:៨–១១ )

3. ក្រុងពើកាម៉ុស ( វិវរណៈ ២:១២–១៧ ) ៖ គោលលទ្ធិរបស់បាឡាម សំដៅលើការបំពានបទបញ្ញត្តិរបស់ព្រះដើម្បីបំពេញបំណងប្រាថ្នារបស់លោកិយ ឬដើម្បីស្វែងរកកិត្តិយសរបស់មនុស្ស ( សូមមើល ពេត្រុស ទី២ ២:១៥ ) ។ សូមកត់ចំណាំនិយមន័យរបស់ នីកូឡាស ខាងលើ ។

4. ក្រុងធាទេរ៉ា ( វិវរណៈ ២:១៨–២៩ )

5. ក្រុងសើដេស ( វិវរណៈ ៣:១–៦ )

6. ក្រុងភីឡាដិលភា ( វិវរណៈ ៣:៧–១៣ ) ៖ សារលិខិតនេះទទួលស្គាល់តែអំពើល្អប៉ុណ្ណោះ ។

7. ក្រុងឡៅឌីសេ ( វិវរណៈ ៣:១៤–២២ ) ៖ សារលិខិតនេះគ្រាន់តែកែតម្រូវការមិនល្អឥតខ្ចោះប៉ុណ្ណោះ ។ សូមកត់ចំណាំថា ភាពស្ទើរៗ មានន័យថា មិនបានតាំងចិត្តពេញលេញចំពោះដំណឹងល្អនៃព្រះយេស៊ូវគ្រីស្ទឡើយ ។

• តើព្រះយេស៊ូវគ្រីស្ទបានទទួលស្គាល់អំពើល្អណាខ្លះ ? តើអ្នកបានឃើញអំពើល្អស្រដៀងគ្នានេះក្នុងចំណោមសមាជិកសាសនាចក្រនៅសម័យយើងដោយរបៀបណា ?

• តើការកែតម្រូវ ឬការប្រឹក្សាអ្វីដែលព្រះយេស៊ូវបានប្រទានដល់សាសនាចក្រដែលអ្នកបានជ្រើសរើស ? ហេតុអ្វីនេះក៏ជាការប្រឹក្សាដ៏ល្អសម្រាប់សាសនាចក្រសព្វថ្ងៃនេះផងដែរ ?

ក្រោយពីមានពេលគ្រប់គ្រាន់ហើយ សូមឲ្យសិស្សចែកចាយជាមួយសិស្សក្នុងថ្នាក់អំពីអ្វីដែលពួកគេបានរៀន ។ សូមពិចារណាធ្វើបញ្ជីនៃអំពើល្អ និងការកែតម្រូវដែលត្រូវការនៅលើក្តារខៀន ។ នៅពេលសំណួរបន្ទាប់ត្រូវបានពិភាក្សា សិស្សអាចត្រូវបានអញ្ជើញឲ្យចែកចាយបទពិសោធន៍របស់ពួកគេមកពីសកម្មភាពរៀបចំ ។

• ហេតុអ្វីបានជាព្រះយេស៊ូវគ្រីស្ទតែមួយអង្គដែលគត់ ស័ក្តិសមដើម្បីដឹងពីអ្វីដែលយើងកំពុងធ្វើបានល្អ និងរបៀបដែលយើងត្រូវកែលម្អ ?

ការប្រឹក្សាសម្រាប់ជីវិតរបស់អ្នកផ្ទាល់

ប្រធាន ថូម៉ាស អេស ម៉នសុន ( ឆ្នាំ ១៩២៧–២០១៨ ) បានលើកទឹកចិត្តយើងឲ្យបើកទ្វារ ហើយអនុញ្ញាតឲ្យព្រះអង្គសង្គ្រោះចូលមកក្នុងជីវិតរបស់យើង ។ សូមអានសេចក្តីថ្លែងការណ៍ខាងក្រោម ឬទស្សនាវីដេអូ « Mrs. Patton—the Story Continues » ចាប់ពីលេខកូដម៉ោង ១៥:០៨ ដល់ ១៥:៥៦ មាននៅលើគេហទំព័រ ChurchofJesusChrist.org ។

Official portrait of President Thomas S. Monson, 2008.

ដោយអស់ពីកម្លាំងនៃព្រលឹងខ្ញុំ ខ្ញុំថ្លែងទីបន្ទាល់ថា ព្រះវរបិតាសួគ៌ស្រឡាញ់យើងម្នាក់ៗ ។ ទ្រង់ព្រះសណ្ដាប់ឮការអធិស្ឋាននៃដួងចិត្តរាបទាប; ទ្រង់ព្រះសណ្ដាប់ឮសម្រែករបស់យើងដើម្បីសុំជំនួយ ។ … ព្រះរាជបុត្រាទ្រង់ គឺព្រះអង្គសង្រ្គោះ និងព្រះប្រោសលោះរបស់យើងមានបន្ទូលមកយើងរាល់គ្នានៅថ្ងៃនេះ ៖ « មើល យើងឈរនៅមាត់ទ្វារទាំងគោះ បើអ្នកណាឮសំឡេងយើង ហើយបើកទ្វារឲ្យ នោះយើងនឹងចូលទៅឯអ្នកនោះ » [ វិវរណៈ ៣:២០ ] ។

តើយើងនឹងស្តាប់ឮការគោះនោះទេ ? តើយើងនឹងឮសំឡេងនោះទេ ? តើយើងនឹងបើកទ្វារឲ្យព្រះអម្ចាស់ ដើម្បីយើងអាចទទួលបានជំនួយដែលទ្រង់ត្រៀមជាស្រេចដើម្បីផ្ដល់ឲ្យដែរទេ ? ខ្ញុំសូមអធិស្ឋានថា យើងនឹងធ្វើបែបនេះបាន ។

( ថូម៉ាស អេស ម៉នសុន « Mrs. Patton—the Story Continues » Ensign ឬLiahona ខែ វិច្ឆិកា ឆ្នាំ ២០០៧ ទំព័រ ២៤ )

សូមក្រឡេកមើលរូបភាពព្រះយេស៊ូវគោះទ្វារ ហើយពិចារណាពីអ្វីដែលអ្នកបានរៀន ។

សូមពិចារណាទុកពេលឲ្យសិស្សសញ្ជឹងគិតសំណួរខាងក្រោមនេះ ហើយឆ្លើយសំណួរទាំងនោះនៅក្នុងសៀវភៅកំណត់ហេតុការសិក្សារបស់ពួកគេ ។

• តើអ្នកគិតថា ព្រះអង្គសង្គ្រោះចង់ឲ្យអ្នកដឹងថាអ្នកធ្វើអ្វីខ្លះបានល្អ ?

• តើព្រះអង្គសង្គ្រោះអាចលើកទឹកចិត្តអ្នកឲ្យផ្លាស់ប្ដូរអ្វីខ្លះ នៅក្នុងជីវិតរបស់អ្នក ?

វិចារណកថា និង ព័ត៌មានសាច់រឿង

សកម្មភាពរៀនសូត្របន្ថែម

ការណែនាំអំពីព្រះយេស៊ូវគ្រីស្ទ

សារលិខិតនីមួយៗនៃសារទាំងប្រាំពីរចាប់ផ្តើមដោយការណែនាំអំពីព្រះយេស៊ូវគ្រីស្ទ ។ សូមរំឭកសិស្សអំពីនិមិត្តសញ្ញាដែលពួកគេបានរៀននៅក្នុង វិវរណៈ ១ ។ សូមអញ្ជើញពួកគេឲ្យសិក្សាខទីមួយនៃសារលិខិតនីមួយៗដែលបានផ្ញើទៅសាសនាចក្រទាំងប្រាំពីរ ដោយរកមើលការពិពណ៌នាអំពីព្រះយេស៊ូវគ្រីស្ទ ( សូមមើល វិវរណៈ ២:១, ៨, ១២, ១៨ ; ៣:១, ៧, ១៤ ) ។ បន្ទាប់មក សូមឲ្យសិស្សចែកចាយជាមួយនឹងសិស្សក្នុងថ្នាក់នូវអ្វីដែលពួកគេបានរៀនអំពីព្រះអង្គសង្គ្រោះចេញពីការពិពណ៌នានីមួយៗ ។

ការប្ដេជ្ញាយ៉ាងពេញលេញចំពោះព្រះយេស៊ូវគ្រីស្ទ

បន្ទាប់ពីសិស្សបានរកឃើញថា ពួកបរិសុទ្ធនៅឡៅឌីសេមាន « ភាពស្ទើរៗ » ហើយ ( សូមមើល វិវរណៈ ៣:១៥–១៦ ) សូមអញ្ជើញពួកគេឲ្យគិតអំពីអ្វីដែលវាអាចនឹងមានភាពស្ទើរៗនៅក្នុងដំណឹងល្អ ។ សូមឲ្យសិស្សសញ្ជឹងគិតពីសំណួរដូចតទៅនេះ ៖ នៅលើមាត្រដ្ឋានពី ១–១០ តើអ្នកនឹងវាយតម្លៃការប្តេជ្ញាចិត្តរបស់អ្នកចំពោះព្រះយេស៊ូវគ្រីស្ទយ៉ាងដូចម្ដេច ? ដើម្បីកុំឲ្យមានភាពស្ទើរៗ តើអ្នកអាចធ្វើអ្វីបានដើម្បីឲ្យការតាំងចិត្តរបស់អ្នកចំពោះព្រះអង្គសង្គ្រោះកាន់តែស៊ីសង្វាក់គ្នានឹងការប្តេជ្ញាចិត្តរបស់ទ្រង់ចំពោះអ្នក ?

ដើម្បីជួយសិស្សឲ្យរៀនបន្ថែមទៀតអំពីការតាំងចិត្តពេញលេញ សូមពិចារណាមើលវីដេអូ « True Disciples of the Savior » ចាប់ពីលេខកូដម៉ោង ២:២២ ដល់ ៤:៣៧ ដែលមាននៅលើគេហទំព័រ ChurchofJesusChrist.org ។ សូមពន្យល់ថា នៅប្រទេសអូស្ត្រាលី ឃ្លា « ហ៊្វែរ ឌីងគឹម » មានន័យថាមានការប្តេជ្ញាចិត្តពេញលេញ ឬពិតប្រាកដដោយមិនអាចប្រកែកបាន ផ្ទុយពីភាពស្ទើរៗ ។ សូមឲ្យសិស្សរកមើលភាពស្រដៀងគ្នារវាងរឿងរបស់អែលឌើរ វីនសុន និងការប្ដេជ្ញាចិត្តចំពោះដំណឹងល្អនៃព្រះយេស៊ូវគ្រីស្ទ ។