PAINTING BY GREG Olson of Christ knocking on a door
Kilala ni Jesucristo ang bawat isa sa atin. Alam Niya kung ano ang mahusay nating ginagawa, at alam Niya kung ano ang mapagbubuti pa natin upang maging mas katulad Niya. Sa magkakahiwalay na mensahe sa bawat isa sa pitong simbahan sa Asia, isinulat ni Juan ang mga mensahe ni Jesucristo na kumikilala sa mabubuting gawa ng mga Banal at nagpapaalala sa kanila tungkol sa mga bagay na kailangan nilang baguhin. Ang lesson na ito ay makahihikayat sa iyo na pakinggan ang tinig ng Tagapagligtas na kinikilala ang iyong mabubuting gawa at itinutuwid ka.
Pagtuon sa pagtulong sa mga estudyante. Sa paghahanda ng lesson, pagtuunan ang mga estudyante at hindi lamang ang materyal ng lesson. Itanong, “Ano ang gagawin ng mga estudyante sa klase ngayon?” o “Paano matutuklasan ng mga estudyante ang mga katotohanang magiging makabuluhan sa kanila?”
Paghahanda ng estudyante: Sabihin sa mga estudyante na tukuyin kung aling mga bahagi ng kanilang buhay ang sa palagay nila ay maaaring ikalugod ng Tagapagligtas. Bilang bahagi ng paanyayang ito, maaaring manalangin at hilingin ng mga estudyante sa Ama sa Langit na tulungan sila na maunawaan kung ano ang mahusay na nagagawa nila. Maaari din nilang hilingin sa kanilang mga magulang na tulungan sila.
Mga Posibleng Aktibidad sa Pag-aaral
Tandaan na kasama rin sa mga mensahe ni Juan ang mga pangako ng Tagapagligtas sa mga tao na nagtatagumpay sa mga pagsubok at hamon ng mortalidad. Ito ay tatalakayin nang mas detalyado sa susunod na lesson.
Pakinggan ang tinig ng Tagapagligtas
Magpakita ng larawan ni Jesus na kumakatok sa pinto habang pinag-iisipan ng mga estudyante ang sumusunod na tanong.
Larawan
Jesus Christ depicted knocking on a door. Christ is portrayed wearing red and white robes. The painting illustrates the concept of Christ “knocking on the door,” as described in scripture. There is no doorknob depicted in the painting, symbolizing that the door must be opened from within.
Ano kaya ang mararamdaman mo kapag may narinig kang kumakatok sa pintuan ng iyong tahanan at malaman na ang kumakatok ay ang Tagapagligtas? Bakit?
Sa kanyang mensahe sa mga miyembro ng Simbahan sa Laodicea (kung saan itinatag ang isa sa pitong simbahan na sinulatan ni Juan sa Asia; tingnan sa Apocalipsis 1:11), nagtapos si Juan nang may paanyaya mula kay Jesucristo.
Basahin ang Apocalipsis 3:20 at tukuyin ang paanyaya ng Tagapagligtas.
Maglaan ng oras upang tulungan ang mga estudyante na maunawaan ang simbolismo ni Jesus na nakatayo sa pinto at kumakatok. Maaari mong talakayin kung ano ang ibig sabihin ng pagkatok Niya at pagpasok sa ating tahanan at pagkain Niya na kasalo natin sa ating panahon. Halimbawa, kapag inaanyayahan natin ang Tagapagligtas sa ating buhay, makapagbibigay Siya ng lakas, sigla, at kapanatagan sa ating mga kaluluwa.
Ano sa palagay mo ang simbolikong kahulugan ng Apocalipsis 3:20 ?
Sa iyong palagay, bakit kumakatok ang Tagapagligtas sa pinto sa halip na pumasok na lang?
Paano mo mapagbubuksan ng pinto si Jesucristo at mas mapapakinggan ang Kanyang tinig?
Ano ang nagawa mo kamakailan upang marinig ang Kanyang tinig at buksan ang pinto?
Bagama’t si Juan ang sugo, si Jesus ang tinig ng mga mensahe sa pitong simbahan. Habang pinag-aaralan mo ang mga mensahe sa Apocalipsis 2–3, pakinggan ang mensahe ni Jesucristo sa iyo. Mag-isip ng mga paraan na mabubuksan mo ang pinto upang makasama ang Tagapagligtas at mapalakas ka Niya.Bagama’t natatangi ang bawat isa sa pitong mensahe, may ilang pagkakatulad din.
Magkakaroon ang mga estudyante ng pagkakataong pag-aralan ang mga talatang ito nang mas detalyado kalaunan sa lesson. Para sa aktibidad na ito, hikayatin lang sila na tukuyin at talakayin ang kahalagahan ng inulit na pariralang “Alam ko ang iyong mga gawa.”
Hanapin at markahan ang inulit na pariralang “Alam ko ang iyong mga gawa” sa Apocalipsis 2:2, 9, 13, 19 ; 3:1, 8, 15 . Isinulat ni Juan sa mga talatang ito ang mensahe ni Jesucristo, na kumakatawan din sa kalooban ng Ama sa Langit.
Bakit maaaring mahalagang maunawaan na ang Ama sa Langit at si Jesucristo ay “alam ang iyong mga gawa”?
Ang isang katotohanan na makikita natin sa Apocalipsis 2–3 ay dahil kilala ng Ama sa Langit at ni Jesucristo ang bawat isa sa atin, makikilala Nila ang ating mabubuting gawa at mapapaalalahanan Nila tayo tungkol sa mga kinakailangan nating baguhin. Maghanap ng katibayan ng katotohanang ito habang pinag-aaralan mo ang payo sa pitong simbahan.
Payo sa pitong simbahan
Ipakita ang sumusunod na mapa at mga reperensya. Maaari ninyong pag-aralan ang isa sa pitong simbahan bilang isang klase upang ipakita kung paano masasagot ang mga tanong na kasunod ng mga reperensya. Pagkatapos ay maaaring hatiin sa klase ang mga natitirang simbahan. Sabihin sa mga estudyante na pag-aralan ang mga talata at sagutin ang mga tanong nang mag-isa o sa maliliit na grupo. Kumustahin ang mga estudyante sa kanilang pag-aaral at magbigay ng tulong kung kinakailangan.
Ang impormasyon sa sumusunod na mga reperensya at bahaging “Komentaryo at Pinagmulang Impormasyon” ay makatutulong sa mga estudyante na maunawaan ang mahihirap na salita at parirala.
Larawan
Map of the Mediterranean.
Tingnan ang mapa ng pitong simbahan at pumili ng kahit dalawang simbahan na pag-aaralan. Hanapin ang mabubuting gawa na kinikilala ni Jesucristo sa ilan sa mga simbahan at ang pagtutuwid na ibinibigay Niya sa bawat simbahan.
Efeso ( Apocalipsis 2:1–7): Ang mga Nicolaita ay isang pangkat ng relihiyon na nagsasabing makagagawa sila ng kasalanang seksuwal nang walang kaparusahan dahil ililigtas sila ng biyaya ng Diyos.
Pergamo ( Apocalipsis 2:12–17): Ang doktrina ni Balaam ay tumutukoy sa paglabag sa mga kautusan ng Diyos upang matugunan ang mga makamundong hangarin o maghangad ng mga parangal ng tao (tingnan sa 2 Pedro 2:15). Tandaan ang kahulugan ng mga Nicolaita sa itaas.
Filadelfia ( Apocalipsis 3:7–13): Kinikilala lamang ng mensaheng ito ang mabubuting gawa.
Laodicea ( Apocalipsis 3:14–22): Iwinawasto lamang ng mensaheng ito ang mga hindi perpektong gawa. Pansinin na ang ibig sabihin ng malahininga ay hindi lubos na tapat sa ebanghelyo ni Jesucristo.
Anong mabubuting gawa ang kinilala ni Jesucristo? Paano mo nakita ang mga katulad na mabubuting gawa ng mga miyembro ng Simbahan sa ating panahon?
Anong pagtutuwid o payo ang ibinigay ni Jesus sa simbahang pinili mo? Bakit magandang payo pa rin ito para sa Simbahan ngayon?
Pagkatapos ng sapat na oras, sabihin sa mga estudyante na ibahagi sa klase ang natutuhan nila. Maaari kang gumawa sa pisara ng listahan ng mabubuting gawa at mga kinakailangang pagtutuwid. Habang tinatalakay ang susunod na tanong, maaaring ipabahagi sa mga estudyante ang kanilang mga karanasan mula sa aktibidad sa paghahanda.
Bakit si Jesucristo lamang ang nakaaalam kung ano ang mabuti nating nagagawa at kung paano tayo kailangang magpakabuti pa?
Payo para sa sarili mong buhay
Hinikayat tayo ni Pangulong Thomas S. Monson (1927–2018) na buksan ang pinto at tulutang makapasok ang Tagapagligtas sa ating buhay. Basahin ang sumusunod na pahayag mula sa “Mrs. Patton—Ang Karugtong ng Kuwento.”
Larawan
Official portrait of President Thomas S. Monson, 2008.
Taglay ang buong lakas ng aking kaluluwa pinatototohanan ko na mahal ng ating Ama sa Langit ang bawat isa sa atin. Dinirinig Niya ang mga dalangin ng mapagpakumbabang puso; dinirinig Niya ang paghingi natin ng tulong. … Ang Kanyang Anak na ating Tagapagligtas at Manunubos, ay nagsasalita sa atin ngayon: “Narito ako’y nakatayo sa pintuan at tumutuktok: kung ang sinoman ay duminig ng aking tinig at magbukas ng pinto, ako’y papasok sa kaniya” [ Apocalipsis 3:20 ].
Pakikinggan ba natin ang katok na iyon? Maririnig ba natin ang tinig na iyon? Pagbubuksan ba natin ng pinto ang Panginoon, upang matanggap natin ang tulong na handa Siyang ipagkaloob? Dalangin ko na gawin natin ito.
(Thomas S. Monson, “Mrs. Patton—Ang Karugtong ng Kuwento,” Liahona, Nob. 2007, 24)
Balikan ang larawan ni Jesus na kumakatok sa pinto at pagnilayan ang natutuhan mo.
Maaari mong bigyan ang mga estudyante ng oras upang pag-isipan ang mga sumusunod na tanong at sagutin ang mga ito sa kanilang study journal.
Ano sa palagay mo ang nais ng Tagapagligtas na malaman mo na mahusay mong ginagawa?
Ano ang maaaring sabihin sa iyo ng Tagapagligtas na baguhin mo sa iyong buhay?
Ang mga Banal sa Efeso ay napagwikaan dahil sa pagbabalewala sa utos na ibigin ang Diyos (tingnan sa Mateo 22:37–38).
Apocalipsis 2:9 . Paano maaaring maralita tayo pero mayaman pa rin?
Kinilala ng Tagapagligtas ang pananampalataya ng mga Banal sa Smirna at tiniyak Niya sa kanila ang mga walang hanggang kayamanan na ipinangako sa mga sumusunod sa Kanyang mga kautusan (tingnan din sa Santiago 2:5 ; Doktrina at mga Tipan 11:7).
“Si Balaam ay isang propeta sa Lumang Tipan, na ang mga gawa ay nakatala sa Mga Bilang 22–24 ; 31:16 . Sa simula ay tapat siya sa Panginoon at sa Kanyang mga tao, na paulit-ulit na tinanggihan si Balak sa kahilingan nito na isumpa ang Israel. Gayunpaman, tinanggap kalaunan ni Balaam ang alok na kayamanan ni Balak at tinuruan si Balak kung paano pahihinain ang mga hukbo ng Israel sa pamamagitan ng kasalanang seksuwal at pagsamba sa diyus-diyosan (tingnan sa Mga Bilang 25:1–5 ; 31:13–16). Kasama sa plano ang pag-akit ng mga babaeng Moabita sa mga kalalakihan ng Israel at pag-udyok sa kanilang mag-alay ng mga hain sa mga diyus-diyosan, sa gayon ay espirituwal silang mawawasak” (New Testament Student Manual [2014], 534).
“Ang ibig sabihin sa Hebreo at sa Griyego ng salitang ‘amen’ ay tunay, tiyak, o tapat. Sa Apocalipsis 3:14 , ang pagiging tapat at totoo ni Cristo bilang dakilang ‘Amen’ ay inilalahad bilang paghahambing sa mga malahiningang pag-uugali ng mga taga-Laodicea [tingnan din sa Apocalipsis 3:15–16 ]” (New Testament Student Manual [2014], 536).
Paano ko maaanyayahan ang Diyos na ipakita sa akin ang Kanyang pagsang-ayon at pagtutuwid?
Itinuro ni Pangulong Henry B. Eyring ng Unang Panguluhan:
Larawan
Official Portrait of President Henry B. Eyring taken March 2018.
Samantalang sinusuri ninyo ang inyong buhay habang isinasagawa ang ordenansa ng sakramento, nawa’y hindi lamang nakatuon ang inyong isipan sa mga nagawa ninyong mali, kundi sa mga nagawa rin ninyong tama—mga sandaling nadama ninyo na natutuwa sa inyo ang Ama sa Langit at ang Tagapagligtas. Maaari kayong maglaan ng ilang sandali sa oras ng sakramento para hilingin sa Diyos na tulungan kayong makita ang mga ito. Kapag ginawa ninyo ito, ipinapangako ko na may madarama kayo. Makadarama kayo ng pag-asa.
(Henry B. Eyring, “Lagi Siyang Alalahanin,” Liahona, Peb. 2018, 5)
Mga Karagdagang Aktibidad sa Pag-aaral
Pagpapakilala kay Jesucristo
Ang bawat isa sa pitong mensahe ay nagsisimula sa pagpapakilala kay Jesucristo. Ipaalala sa mga estudyante ang simbolismo na natutuhan nila sa Apocalipsis 1. Sabihin sa kanila na pag-aralan ang unang talata ng bawat mensahe na ipinadala sa bawat isa sa pitong simbahan, at maghanap ng paglalarawan kay Jesucristo (tingnan sa Apocalipsis 2:1, 8, 12, 18 ; 3:1, 7, 14). Pagkatapos ay sabihin sa mga estudyante na ibahagi sa klase ang natutuhan nila tungkol sa Tagapagligtas mula sa bawat paglalarawan.
Pagiging lubos na tapat kay Jesucristo
Matapos matuklasan ng mga estudyante na ang mga Banal sa Laodicea ay “malahininga” (tingnan sa Apocalipsis 3:15–16), sabihin sa kanila na isipin kung ano kaya ang hitsura ng maging malahininga sa ebanghelyo. Sabihin sa mga estudyante na pag-isipan ang mga sumusunod na tanong: Sa sukatang 1–10, paano mo ire-rate ang iyong katapatan kay Jesucristo? Upang maiwasan ang pagiging malahininga, ano ang magagawa mo upang mas tumugma ang iyong katapatan sa Tagapagligtas sa Kanyang katapatan sa iyo?
Upang matulungan ang mga estudyante na matutuhan pa ang tungkol sa pagiging lubos na tapat, maaari mong ipanood ang video na “Tunay na mga Disipulo ng Tagapagligtas” mula sa time code na 2:22 hanggang 4:37, na matatagpuan sa SimbahanniJesucristo.org. Ipaliwanag na ang ibig sabihin ng pariralang “fair dinkum” sa Australia ay pagiging lubos na tapat o totoo, ang kabaligtaran ng pagiging malahininga. Sabihin sa mga estudyante na maghanap ng mga pagkakatulad ng mga kuwento ni Elder Vinson at ng pagiging tapat sa ebanghelyo ni Jesucristo.
