Zbulesa 5
“I Denjë Është Qengji”
Si mendon, çfarë do të thotë të adhurosh Atin Qiellor dhe Jezu Krishtin? Si mendon, pse i adhurojmë Ata? Gjoni pa fronin e Perëndisë dhe qeniet e ndryshme të përlëvduara që e përlëvdonin dhe adhuronin Atë. Ky mësim mund të të ndihmojë që të të shtohet dëshira për ta adhuruar Atin Qiellor dhe Jezu Krishtin me më tepër dashuri dhe sinqeritet.
Forcimi i marrëdhënies sonë me Atin Qiellor dhe Jezu Krishtin. Nxënësit që e duan Atin Qiellor dhe Jezu Krishtin dhe janë në dijeni të dashurisë së Tyre për ta, ndiejnë një dëshirë të sinqertë për të qenë pranë Tyre. Kujtojuni nxënësve se seminari mund t’i ndihmojë ata ta ndiejnë dashurinë e Perëndisë për ta.
Përgatitja e nxënësve: Ftojini nxënësit të flasin me një pjesëtar të familjes ose udhëheqës të Kishës lidhur me domethënien e adhurimit të Atit Qiellor dhe Jezu Krishtit.
Veprimtari të Mundshme të të Mësuarit
Froni i Perëndisë
Merreni parasysh ta filloni orën e mësimit duke kënduar një himn që lavdëron Perëndinë, siç është “Perëndis’ Lart Lavdi” ose “Gjith’ Krijesat e Per’ndis’ Son” (Himne, nr. 34, 32). Ftojini nxënësit të vënë re qëndrimin adhurues në himn.
Një mundësi tjetër është t’u kërkoni nxënësve të mendojnë për dikë që e duan dhe mënyrën se si i tregojnë atij personi se ata e duan atë. Ftojini nxënësit të marrin parasysh se si ata i tregojnë dashuri Perëndisë.
Ftojini nxënësit t’i renditin në tabelë përgjigjet e tyre për pyetjen vijuese.
-
Çfarë di ti rreth Atit Qiellor dhe Jezu Krishtit që nxit brenda zemrës tënde një dëshirë të sinqertë për t’i adhuruar Ata?
Adhurimi i Atit Qiellor dhe Jezu Krishtit mund të ketë një ndikim të rëndësishëm në jetën tonë dhe mund të na ndihmojë të ndihemi pranë Tyre.
-
Cilat janë disa mundësi që ti ke për ta adhuruar Atin dhe Birin?
Gjej një çast për të menduar se sa shpesh ti e adhuron me sinqeritet Atin Qiellor dhe Jezu Krishtin. Reflekto mbi mënyrën se si jeta jote do të ndryshonte po t’i adhuroje ata më shpesh dhe në mënyrë më domethënëse. Kërkoje ndikimin e Frymës së Shenjtë teksa studion te Zbulesa 5 për të ditur se si mund ta adhurosh me më tepër sinqeritet Atin Qiellor dhe Jezu Krishtin.
I denjë është Qengji
Në vegimin e tij, Gjoni pa fronin e Perëndisë në mbretërinë çelestiale. Rreth fronit ishin qenie të ndryshme të përlëvduara dhe bisha që lavdëronin dhe adhuronin Perëndinë (shih Zbulesa 4:1–11). Ai pa Atin Qiellor të ulur në fronin e Tij, duke mbajtur një libër të vulosur me shtatë vula (shih Zbulesa 5:1). Libri përmbante vullnetin, misteret dhe veprat e Perëndisë gjatë 7000 viteve të ekzistencës së përkohshme të tokës (shih Doktrina e Besëlidhje 77:6–7).
Lexo te Zbulesa 5:2–4 , duke kërkuar reagimin e Gjonit.
-
Çfarë vure re?
-
Meqë libri me vulat përfaqëson historinë e përkohshme të tokës, Gjoni mund të jetë shqetësuar për faktin se nëse nuk do të kishte ndonjë njeri të denjë për ta hapur atë, atëherë qëllimi i Perëndisë në krijimin e tokës nuk do të realizohej. Çfarë do të ndodhte me fëmijët e Atit Qiellor nëse plani i Tij për shpëtimin e tyre nuk do të mund të kryhej?
Lexo te Zbulesa 5:5–7 , duke kërkuar arsyen përse nuk ishte e nevojshme që Gjoni të qante. Vër re se te Përkthimi prej Joseph Smith-it për vargun 6 , numri shtatë u ndryshua në dymbëdhjetë (në Shtojcën e Përkthimit prej Joseph Smith-it).
Mund t’i ftoni nxënësit t’i tregojnë ndjenjat e tyre për Shpëtimtarin dhe arsyen përse ata janë mirënjohës për Të. Ndërsa nxënësit studiojnë, jepuni atyre mundësi të tregojnë se çfarë zbuluan dhe të bëjnë pyetje. Ndihmojini ata të gjejnë përgjigje në shkrimet e shenjta. Merreni parasysh ta diskutoni atë që ata mësojnë rreth Shpëtimtarit nga emrat e Tij dhe mënyrat se si Ai përshkruhet.
Në pjesën “Komente dhe Informacion për Rrethanat” gjenden ide shtesë për vargjet te Zbulesa 5:5–6 .
Lexo te Zbulesa 5:8–14 , duke kërkuar mënyrën se si qeniet e ndryshme të përlëvduara u përgjigjën kur Jezu Krishti pati mundësi ta merrte librin nga dora e Atit Qiellor. Ti mund të lexosh gjithashtu mënyrën se si Jozef Smithi i përshkroi qeniet rreth fronit të Perëndisë te Doktrina e Besëlidhje 76:20–21 .
-
Si mendon, përse qeniet e përlëvduara u përgjigjën në këtë mënyrë?
-
Përfytyro sikur të ishe atje. Si mendon se do të ndiheshe? Çfarë do të bëje?
-
Çfarë mund të mësosh nga mënyra se si qeniet e përlëvduara e adhuronin Atin Qiellor dhe Jezu Krishtin?
Një e vërtetë që mësojmë është se teksa dallojmë dhe ndiejmë mirënjohje për Atin Qiellor dhe Jezu Krishtin, ne dëshirojmë t’i adhurojmë dhe lavdërojmë Ata.
Adhurimi
Merreni parasysh ta paraqitni thënien vijuese.
Peshkopi Din M. Dejvis (1951–2021) i Peshkopatës Kryesuese dha mësim rreth adhurimit. Ti mund të lexosh thënien e mëposhtme ose të shikosh materialin filmik “Bekimet e Adhurimit” (nga kodi kohor 03:34 deri në 04:45 dhe 08:54 deri në 11:14), në dispozicion në ChurchofJesusChrist.org.
“Kur ne e adhurojmë Perëndinë, ne i afrohemi Atij me dashuri, përulësi dhe admirim nderues. Ne e njohim dhe e pranojmë Atë si Mbretin tonë sovran, Krijuesin e universit, Atin tonë të dashur, pafundësisht të përzemërt.
Ne e respektojmë dhe e nderojmë Atë.
Ne i nënshtrohemi Atij.
Ne i lartësojmë zemrat në lutje të fuqishme, e çmojmë fjalën e Tij, gëzohemi në hirin e Tij dhe zotohemi ta ndjekim Atë me besnikëri të përkushtuar. …
Kur adhurojmë, zemra jonë i thërret në lavde Perëndisë sonë të bekuar, në mëngjes, drekë e darkë.
Ne e përlëvdojmë dhe e nderojmë Atë vazhdimisht – në shtëpitë tona të mbledhjeve, banesat, tempujt dhe në të gjitha punët tona.
Kur adhurojmë, ne ia hapim zemrën tonë fuqisë shëruese të Shlyerjes së Jezu Krishtit.
Jeta jonë bëhet shenja dhe shprehësia e adhurimit tonë.”
(Din M. Dejvis, “Bekimet e Adhurimit”, Ensign ose Liahona, nëntor 2016, f. 94–95)
-
Çfarë mësove rreth adhurimit nga kjo thënie?
Për të vlerësuar të kuptuarit e adhurimit nga nxënësit, ftojini ata t’ia shpjegojnë konceptin e adhurimit të Perëndisë një shoku të klasës. Dëgjojini me vëmendje përgjigjet e tyre dhe jepni njohuri shtesë sipas nevojës.
-
Si mendon se adhurimi i sinqertë i Atit Qiellor dhe Jezu Krishtit do ta bekojnë jetën tënde?
-
Kur je ndier pranë Atit Qiellor ose Jezu Krishtit nëpërmjet adhurimit të sinqertë?
-
Si mund t’i reflektojë adhurimi më mirë ndjenjat që ti ke për Atin Qiellor dhe Jezu Krishtin?
-
Zgjidh një ose disa nga veprimet vijuese dhe përsiat se si adhurimi i sinqertë mund t’i ndihmojë ato të jenë më domethënëse: lutja, studimi i shkrimit të shenjtë, marrja e sakramentit, nderimi i Shabatit, agjërimi, frekuentimi i tempullit.
-
Çfarë je ndier i nxitur të përmirësosh ose ndryshosh lidhur me mënyrën se si ti adhuron?
Mund të jetë e përshtatshme të tregoni një përvojë vetjake të adhurimit të Atit Qiellor dhe Jezu Krishtit.
Komente dhe Informacion për Rrethanat
Veprimtari Plotësuese të të Mësuarit
Adhurimi i përditshëm
Shembujt e adhurimit në Librin e Mormonit
Nxënësit mund t’i studiojnë shembujt vijues nga Libri i Mormonit si klasë ose në grupe të vogla dhe të raportojnë atë që mësuan rreth adhurimit të Perëndisë.
Përfytyrimi sikur të ishit në praninë e Perëndisë
Për t’i ndihmuar nxënësit të përfytyrojnë sikur janë në praninë e Perëndisë, ata mund të studiojnë vargun te Alma 36:22 për të parë se si Alma u ndje kur e përfytyroi Perëndinë. Nxënësit mund të përsiatin se si ata mund të ndihen në praninë e Perëndisë dhe t’i krahasojnë ndjenjat e tyre me ato të Almës. Nxënësit mund të studiojnë edhe përvojën e Almës te vargjet 17–21 . Çfarë zbuloi Alma rreth Jezu Krishtit? Në ç’mënyrë ishte zbulimi i tij i ngjashëm me atë që Gjoni mësoi rreth Jezu Krishtit te Zbulesa 5:2–9 ?
Puna krijuese e nxënësit
Kënga është një formë adhurimi (shih Zbulesa 5:9). Disa nxënësve mund t’u pëlqejë të shkruajnë një himn që e lavdëron dhe adhuron Zotin. Një mundësi tjetër është t’i ftoni nxënësit të shkruajnë një poezi ose të vizatojnë një pikturë.