Zbulesa 1

“Zbulesa e Jezu Krishtit”

Pamja

Actor portraying Jesus Christ is standing on a hillside as the sun rises over the horizon.

Për shkak të përdorimit të simbolikës në të, libri i Zbulesës mund të duket ndonjëherë i çuditshëm ose pështjellues. Është e vërtetë që libri i Zbulesës është i mbushur me simbolikë që i bën pjesë të tij të vështira për t’u kuptuar. Megjithatë, shumë mesazhe në librin e Zbulesës janë të vërteta të thjeshta për gjëra të tilla si rolet e Jezu Krishtit, ngjarjet që rrethojnë Ardhjen e Dytë dhe fitorja përfundimtare e së mirës mbi të keqen. Libri u shkrua nga Apostulli Gjon dhe u drejtohet shtatë bashkësive të Kishës në Azinë e Vogël (Turqia e ditëve të sotme). Ashtu si shumë njerëz sot, këta ndjekës besnikë të Jezu Krishtit vuajtën për shkak të besimit të tyre në Jezu Krishtin dhe u ngushëlluan nga mesazhet dhe gjuha e figurshme e përdorur nga Gjoni. Ky mësim ka për qëllim të të ndihmojë të kuptosh një pjesë të simbolikës në librin e Zbulesës dhe atë që ajo mund të japë mësim rreth Jezu Krishtit. 

Të kuptuarit e simbolikës. Simbolet përdoren shpesh në shkrimet e shenjta për të dhënë mësim të vërteta shpirtërore domethënëse. Gjeni kohë për t’i ndihmuar nxënësit të përdorin metoda të ndryshme të interpretimit të këtyre simboleve. Kjo gjë do t’i ndihmojë ata ta kuptojnë më mirë të gjithë librin e Zbulesës.

Përgatitja e nxënësve: Ftojini nxënësit të lexojnë pikën “ Zbulesë e Gjonit ” tek Udhëzuesi për Shkrimet e Shenjta, në dispozicion në scriptures.ChurchofJesusChrist.org dhe të vijnë të përgatitur për të treguar se çfarë u intereson të mësojnë dhe përse.

Veprimtari të Mundshme të të Mësuarit

Vegimi i Gjonit

Paraqiteni figurën vijuese dhe ftojini nxënësit të diskutojnë atë që shohin të ndodhë në të dhe çdo pyetje që kanë rreth saj.

Përndryshe, merreni parasysh ta filloni mësimin si në vijim: përpara orës së mësimit, vendosni një send mbi një tavolinë ose karrige përpara klasës. Mbulojeni sendin, në mënyrë që nxënësit të mos e dinë se çfarë është. Kur të fillojë ora mësimore, ftojini nxënësit të hamendësojnë se çfarë sendi është. Pas disa hamendësimeve, ftojeni një nxënës që të vijë përpara klasës për të hequr një pjesë të mbulesës në mënyrë që vetëm ai ose ajo të mund ta shohë sendin. Kërkojini këtij nxënësi që t’ia përshkruajë sendin klasës pa e thënë se çfarë është ai. Ftojeni nxënësin të ulet. Merreni parasysh të bëni pyetjen që vijon:

Si mund të përfaqësojë nxënësi që përshkroi sendin, një rol të profetëve dhe apostujve?

Pamja

Book of Revelation Transparencies

Si “Zbulesa e Jezu Krishtit” ( Zbulesa 1:1), libri i Zbulesës quhet nganjëherë “Apokalipsi”, që në greqisht do të thotë “e zbuluar ose e pambuluar” (shih tek Udhëzuesi për Shkrimet e Shenjta, “ Zbulesë e Gjonit ”).

Ky libër zbulon Zotin Jezu Krisht dhe autoritetin, fuqinë dhe rolin kryesor të Tij në planin e Shpëtimit të Atit. Libri gjithashtu zbulon informacion të rëndësishëm rreth ngjarjeve që çojnë në Ardhjen e Dytë dhe në Mijëvjeçar.

Apostulli Gjon, dishepulli i dashur i Jezu Krishtit, është autori i këtij libri. Gjoni e shkroi librin nga ishulli i Patmosit në një kohë kur të krishterët po përballeshin me mësime të rreme, plogështi [shpirtërore] dhe përndjekje të ashpra (shih Zbulesa 1:9 ;  2:4, 10, 14–15 ;  3:16 ;  6:9).

Libri i Mormonit pohon se Gjoni ishte parashuguruar për të shkruar gjërat e shënuara në librin e Zbulesës (shih 1 Nefi 14:18–27 ; Ethëri 4:16).

Kjo mund të jetë një kohë e mirë për t’i ftuar nxënësit të japin mendimet e tyre nga veprimtaria e përgatitjes së nxënësve.

Lexo te Zanafilla 1:1–3 dhe vër re atë që Gjoni dha mësim rreth zbulesës që ai mori. (Vër re që Përkthimi prej Joseph Smith-it, thotë, “Bekuar janë ata që lexojnë dhe ata që dëgjojnë e kuptojnë fjalët e kësaj profecie.”)

Çfarë të bëri përshtypje në këto vargje?
Çfarë thotë Gjoni se duhet të bëjë një person për të qenë i bekuar nga përmbajtja e librit të Zbulesës?

Shih pjesën “Komente dhe Informacion për Rrethanat” për ide mbi “mbretërit dhe priftërinjtë” dhe “Alfa dhe Omega”.

Çfarë gjete te Zbulesa 1:4–8 që Gjoni dëshironte që shenjtorët të dinin dhe ndienin për Jezu Krishtin?
Cila prej këtyre të vërtetave rreth Jezu Krishtit do të ishte e dobishme për këta shenjtorë që po vuanin përndjekje?

Merreni parasysh t’i shkruani në tabelë të vërtetat që gjetën nxënësit.

Si mund të jenë të dobishme këto të vërteta teksa përballesh me sfida në jetën tënde?

Vegimi simbolik i Gjonit

Në vegimin e tij, Gjoni dëgjoi zërin e Krishtit (shih Zbulesa 1:10–11). Kur u kthye drejt zërit të Shpëtimtarit, ai pa figura simbolike të ngjashme me figurën e treguar në fillim të mësimit.

Gjatë gjithë shkrimeve të shenjta, profetët e përdorën simbolikën për të thelluar të kuptuarit rreth Jezu Krishtit dhe ungjillit të Tij. Simbolika mund të jetë një mjet i efektshëm i mësimdhënies, pasi ajo mund të kuptohet nga njerëz të gjuhëve, kulturave dhe brezave të ndryshëm. Simbolika mund të kumtojë edhe disa mesazhe të ndryshme. Gjithashtu, simbolika mund të pasurojë të kuptuarit me anë të ideve frymëzuese dhe emocioneve që janë të vështira për t’u kumtuar vetëm me fjalë.

Sa i sigurt je ti në aftësinë tënde për të kuptuar kuptimin e simboleve në shkrimet e shenjta?
Mendo për disa simbole të përdorura në Dhiatën e Re për të përshkruar Jezu Krishtin (siç është qengji, buka, uji, guri dhe bariu). Si të ndihmojnë këto simbole ta kuptosh më mirë Atë?

Lexo te Zbulesa 1:12–18 dhe kërko hollësi dhe simbole të tjera në vegimin e Gjonit për Jezu Krishtin.

Në tabelën vijuese ti do të shohësh disa nga simbolet e përmendura në vegimin e Gjonit. Një mënyrë me vlerë për t’i kuptuar simbolet në shkrimet e shenjta është të përdorësh shkrime të shenjta të tjera.

Merreni parasysh të bëni një kopje të fletushkës për çdo nxënës. Ftojini ata t’i lexojnë shkrimet e shenjta dhe të shkruajnë kuptimin e mundshëm të simboleve. Mund të jetë e dobishme që nxënësit ta punojnë të gjithë fletushkën në dyshe, në grupe të vogla ose si klasë.

Ide rreth simboleve shtesë që nuk gjenden në tabelë mund të gjenden në pjesën “Komente dhe Informacion për Rrethanat”.

Simbolet në Vegimin e Gjonit

Simboli	Kuptimi i mundshëm
1. Shtatë shandanë ari ( Zbulesa 1:12)	1. Shih te Zbulesa 1:20 ; 3 Nefi 18:24
2. Dora e djathtë e Shpëtimtarit ( Zbulesa 1:16–17)	2. Shih tek Eksodi 15:16 ; Isaia 41:10
3. Shtatë yje ( Zbulesa 1:16)
4. Një shpatë e mprehtë me dy tehe ( Zbulesa 1:16)	4. Shih te Hebrenjve 4:12 ; Helamani 3:29–30
5. Çelësat e vdekjes e të Hadesit ( Zbulesa 1:18)	5. Shih te 2 Nefi 9:10–13

Pamja

New Testament Seminary Teacher Manaul - 2023

Lejojini nxënësit të tregojnë gjetjet e tyre dhe çdo pyetje që mund të kenë.

Duke menduar për lavdinë e Jezusit dhe kuptimet e mundshme të simboleve në vegimin e Gjonit, shikoje përsëri figurën e paraqitur në fillim të mësimit.

Si do ta shpjegoje atë që kjo figurë përfaqëson?
Cilat të vërteta mund të mësojmë rreth marrëdhënies ndërmjet Jezu Krishtit dhe ndjekësve të Tij besnikë?

Një e vërtetë që mund të mësojmë nga këto simbole është se Jezu Krishti kujdeset dhe shqetësohet për ndjekësit e Tij besnikë.

Si mund të ketë qenë kjo e vërtetë dhe këto simbole një bekim për shenjtorët e shtatë kishave?
Në cilat rrethana kjo e vërtetë ose figurë simbolike e Krishtit mund të jetë një burim ngushëllimi për një adoleshent sot?
Si të ka ndihmuar simbolika e këtij kapitulli ta kuptosh më mirë se kush është Shpëtimtari dhe se si është Ai?
Çfarë mësove rreth simbolikës që mund të të ndihmojë teksa vazhdon ta studiosh librin e Zbulesës?

Merreni parasysh të jepni dëshmi për gjërat që ndiet rreth Jezu Krishtit dhe mënyrën se si Ai kujdeset dhe shqetësohet për ndjekësit e Tij besnikë. Mund t’i ftoni nxënësit të bëjnë të njëjtën gjë.

Komente dhe Informacion për Rrethanat

Veprimtari Plotësuese të të Mësuarit

Konteksti i librit të Zbulesës

Për të bërë një hyrje në kontekstin e librit të Zbulesës, merreni parasysh të hartoni një detyrë kontrolli që bën pyetjet “për kë”, “nga ku” dhe “përse” u shkrua ky libër. Nxënësit mund të lexojnë te Zbulesa 1:4, 9 për të gjetur përgjigje.

Vegimi i Gjonit dhe Libri i Mormonit

Vargjet vijuese mund të përdoren për të treguar se vegimi i Gjonit ishte i rëndësishëm aq sa për t’u dhënë mësim nga profetët e Librit të Mormonit. Ftojini nxënësit të lexojnë te 1 Nefi 14:18–29 dhe të kërkojnë atë që Nefi pa dhe përse ai nuk shkroi për pjesë të vegimit të tij. Nxënësit mund të lexojnë gjithashtu tek Ethëri 4:16 për të kërkuar atë që Zoti tha rreth përmbushjes së vegimit të Gjonit.