Faaaliga 6–14

Vaaiga Aoao

I le avea ai o se vaega o lana faaaliga, na vaaia e Ioane le Tamai Mamoe a le Atua o loo tatalaina ia faamaufaailoga muamua e ono o le tusi na faamaufaailogaina. Na ia tusifaamauina valoaga e uiga i mea taua ma faigata o le a tutupu a o lei oo i le Afio Mai Faalua o Iesu Keriso. Sa ia faasoa mai auiliiliga o lo tatou i ai i le muai olaga, e aofia ai se “taua i le lagi” (Faaaliga 12:7) ma le tetee o Satani i soo o Iesu Keriso i le olaga nei. Sa ia valoia foi le Toefuataiga o le Ekalesia a le Faaola ma le tuueseeseina o e amiotonu mai e amioleaga.

Saunia e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona muai saunia mo lesona taitasi.

Faaaliga 6–7

Faamoemoega o le lesona: O lenei lesona e mafai ona fesoasoani i tagata aoga e lagona ai le taua o le faalagolago ia Iesu Keriso ina ia mama a’ia’i ai ma tumau faamaoni i taimi o faigata o aso e gata ai.

Sauniuniga a le tagata aoga: Valaaulia tagata aoga e faitau le fesili o loo maua i le Faaaliga 6:17 ma o mai saunia e faasoa mai mea latou te manatu o le a manaomia e tetee atu ai i puapuaga o aso e gata ai.

Faaaliga 8–11

Faamoemoega o le lesona: O lenei lesona ua faamoemoe e fesoasoani i tagata aoga e lagona ai le mana o le Alii ma Lona agavaa e puipuia ai i tatou mai mala ma mea leaga o aso e gata ai.

Sauniuniga a le tagata aoga: Mafaufau e faasoa atu le saunoaga a Peresitene Russell M. Nelson mai le amataga o lenei lesona ma valaaulia tagata aoga e suesue e uiga i ni isi o galuega maoae o le a faatinoina e le Alii a o lei oo i Lona Afio Mai Faalua. O tusiga “ Aso Amulī, Aso e Gata Ai ” i le Taiala i Tusitusiga Paia ma le “ Aso e Gata Ai ” i le Taiala i Autu (o loo maua uma i le scriptures.ChurchofJesusChrist.org) e mafai ona avea ma punaoa aoga mo lenei mea.

Ata: O le ata ua faatusaina ai mea na tutupu o faamaufaailoga e fitu; o se ata o le Mauga o Olive, e pei o Ata o le Tusi Paia, nu. 11, “Mauga o Olive” (Mafaufau e fesoasoani i tagata aoga e sue lenei ata i a latou tusitusiga paia.)

Faaaliga 12

Faamoemoega o le lesona: O lenei lesona ua faamoemoe e fesoasoani e faatupulaia ai tautinoga a tagata aoga e mulimuli ia Iesu Keriso e ala i le fesoasoani ia i latou ia malamalama i a latou filifiliga i le muai olaga e mulimuli i le Faaola ma teena Satani.

Sauniuniga a le tagata aoga: I ni nai aso a o lei oo i lenei lesona, valaaulia tagata aoga ia nofouta i auala latou te vaai ai o tauivi Satani e faasagatau atu ia Iesu Keriso ma Ona soo. Fautuaina i latou e sauni e faasoa mai ni faataitaiga patino o mea na latou maitauina.

Ata: “Faamoemoe o Isaraelu” (1:01:34; matamata mai le faailotaimi 20:52 seia oo i le 21:36)
Ata: O le ata o le fafine ma le tarako
Siata: O le siata o loo faamalamalama mai ai faatusa o loo maua i le Faaaliga 12:1–3

Faaaliga 14

Faamoemoega o le lesona: O lenei lesona ua faamoemoe e fesoasoani i tagata aoga ia malamalama i le ala e mafai ai e le Faaola ma Lana Ekalesia toefuataiina ona fesoasoani i le lalolagi—e aofia ai ma i latou—ia saunia mo Lona Afio Mai Faalua.

Sauniuniga a le tagata aoga: Valaaulia tagata aoga e fai se lisi o mea ua latou lagona o faamoemoega e tolu pe fa aupito sili ona taua O Le Ekalesia a Iesu Keriso o le Au Paia o Aso e Gata Ai.

Ata: O se ata o se faatagata o le agelu o Moronae i luga o se malumalu; o se ata o se selesaito
Anomea mo tagata aoga: Kopi o punaoa nei pe afai e le mafai ona maua e tagata aoga i luga o le upega tafailagi: Russell M. Nelson ma Wendy W. Nelson, “Faamoemoe o Isaraelu” (faigalotu a le autalavou i le lalolagi atoa, 3 Iuni, 2018), faaopoopoga i le New Era ma le Ensign, ChurchofJesusChrist.org; Russell M. Nelson, “Auai o Tuafafine i le Faapotopotoina o Isaraelu,” Ensign po o le Liahona, Nov. 2018, 68–70; Russell M. Nelson, “Ia Faamuamua le Atua,” Ensign po o le Liahona, Nov. 2020, 92–95

Toe Faamanatu 25 o le Atamai i Aoaoga Faavae

Faamoemoega o le lesona: O lenei lesona o le a tuu atu ai i tagata aoga se avanoa e faaloloto ai lo latou malamalama ma faaaoga ai upumoni o loo maua i fuaitau e 13 o le atamai i aoaoga faavae mai le afa lona lua o le Feagaiga Fou.

Sauniuniga a le tagata aoga: Mafaufau e tuu atu i tagata aoga se kopi o le pepa e tufa atu o loo aofia ai i lenei lesona. Valaaulia i latou e toe faamanatu tusi faasino o mau ma fasifuaitau autu o mau ma mafaufau i tulaga e ono fesoasoani ai le malamalama i na fuaitau.