Fakahā 8–11

Ko Hono Fakaava ʻo e Meʻa Fakamaʻu Hono Fitú

ʻOku ʻomi ʻe he folofolá ha ngaahi faingamālie lahi ke ako ai ha ngaahi lēsoni mahuʻinga mei he niʻihi naʻa nau moʻui ʻi he kuohilí. ʻOku nau toe akoʻi mai foki ha ngaahi meʻa ne kikiteʻi ʻe hoko ʻi he kahaʻú. Naʻe lekooti ʻe Sione ʻi he Fakahā 8–11, ʻa e ngaahi kikite fekauʻaki mo e ngaahi meʻa mahuʻinga mo fakamamahi ʻe hoko kimuʻa pē ʻi he Hāʻele ʻAnga Ua Mai ʻa Sīsū Kalaisí. ʻOku fakataumuʻa ʻa e lēsoni ko ʻení ke tokoniʻi koe ke ke ongoʻi ʻa e mālohi ʻo e ʻEikí mo ʻEne malava ke maluʻi kitautolu mei he ngaahi faingataʻa mo e kovi ʻo e ngaahi ʻaho fakaʻosí.

Fakamatala Fakamahinó mo e Puipuituʻá

Ngaahi ʻEkitivitī Fakalahi ki he Akó

Fakahā 10 . Ko e misiona ʻo Sioné

Fakakaukau ke hiki ʻa e ongo foʻi lea Melie mo e Kona ʻi he palakipoé pea kole ki he kau akó ke nau fakakaukau mo vahevahe ha ngaahi aʻusia ʻi he moʻuí ʻe lava ke pehē ʻoku melie mo kona fakatouʻosi.

Fakaafeʻi e kau akó ke nau lau e Fakahā 10:1–3, 8–11 mo e Tokāteline mo e Ngaahi Fuakava 77:14 , ʻo kumi e meʻa naʻe foaki kia Sioné, meʻa naʻá ne fakahoko ʻakí, mo e meʻa naʻe fakafofongaʻi ʻe he ngāue ko ʻení. Fakamahinoʻi ange naʻe tāpuekina ʻa Sione he ʻikai te ne mate koeʻuhí kae lava ke ne ʻomi e niʻihi fakafoʻituituí ki he Fakamoʻuí (vakai ki he  Tokāteline mo e Ngaahi Fuakava 7:1–4).

• ʻE lava fēfē ke fakamatalaʻi ʻa e ngaahi meʻa ʻe hoko ʻi he ngaahi ʻaho fakaʻosí ʻa ia naʻe kikiteʻi ʻe Sione ʻoku fakatou melie mo koná?

• Ko e hā ha ngaahi fatongia ʻe ala ʻomi ʻe he ʻEikí kiate kitautolu ʻa ia ʻe lava ke iku ki ha ngaahi aʻusia ʻoku fakatou melie mo kona?

• ʻOkú ke pehē ko e hā ka tuku ai ʻe he ʻEikí ke tau aʻusia fakatouʻosi iá?