Ром 2–3
Есүс Христэд итгэх итгэлээр дамжуулан зөвтгөх
Паул Ромын гэгээнтнүүдэд хайртай байсан бөгөөд тэдэнд Есүс Христэд итгэх итгэлээрээ дамжуулан нэгдмэл байхад нь туслахыг хүссэн. Иудейн болон харийн хөрвөгчдийн аль алинд нь Есүс Христийн хүчинд тулгуурлах болон Түүний Цагаатгалын адислалаас хэрхэн хүртэх талаар ойлголттой болоход нь тусламж хэрэгтэй байв. Энэ хичээл нь Есүс Христээр дамжуулан гэм нүглээсээ өршөөгдөх эсвэл зөвтгөгдөх хэрэгцээ шаардлагын талаар илүү сайн ойлголттой болоход тусална.
Хувь хүнд төвлөрөх. Заахад тулгардаг сорилтуудын нэг бол өөр өөр гарал үүсэл, сонирхол, итгэл найдвар, асуудал бүхий суралцагчдын хэрэгцээ шаардлагыг хангах явдал юм. Ариун Сүнс танд хичээлээ бүх суралцагчийнхаа хэрэгцээ шаардлагад нийцүүлэн өөрчлөхөд тусална. Суралцагчдыг Аврагч руу чиглүүлэх арга замыг ол. Тэрээр суралцагч бүрд өөр өөрийнх нь онцгой нөхцөл байдалд тусалж чадна.
Суралцагчийн бэлтгэл: Суралцагчдыг Ирээд, Намайг дага—Хувь хүн, гэр бүлүүдэд зориулав: Шинэ Гэрээ 2023 гарын авлагын Ром 1–6-г судлах хичээл дээрх тодорхойлолтуудыг уншихад урь. Тэднээс зөвтгөл, ач ивээл зэрэг үгсийн тодорхойлолтыг өөрсдийн үгээр хуваалцахад бэлдэж ирэхийг хүс.
Боломжит суралцах үйл ажиллагаа
Есүс Христ бүх хүнд хэрэгтэй
Суралцагчдыг дараах үйл явдлыг чанга унших үед судлах тэмдэглэлдээ (эсвэл самбарт) дүрслэн зурахад урих талаар бодож үз.
Та очихыг ихэд хүсэж байсан газар луугаа явж байна гэж төсөөл. Явах замд тань замыг хаасан хашлага буюу хана байв. Хашлага цааш явах замыг хааж, та өөрийн чадлаар давж гарах боломжгүй байлаа.
Очихоор зорьж буй газраа Бурханы оршихуй гэж нэрлэ.
-
Яагаад та Бурханы оршихуйд эргэж очихыг хүсдэг вэ?
Паулын амьдарч байсан цаг үеийн Сүмийн гишүүд янз бүрийн соёл, үндэс гаралтай хүмүүс байжээ. Тэдэнд нийтлэг нэг зүйл байсан нь тэд бүгд гэм нүгэл үйлдсэн бөгөөд Бурханы оршихуйд орох зохисгүй байлаа. Та Ром 2–3-ыг судлахдаа Тэнгэрлэг Эцэг, Түүний Хайртай Хүү хоёр бүх хүнд Бурханы оршихуйд эргэж очиход саад болдог хашлагыг даван гарахад туслахын тулд юу хийснийг нь ойлгохыг эрэлхийл.
Үгсийг тодорхойлох нь судрын шүлгийн хам сэдэв, агуулгыг илүү сайн ойлгоход суралцагчдад тусална. Ром номын шүлгүүдийг уншихдаа, эдгээр тодорхойлолтыг суралцагчдад харагдах газарт тавихыг бод. Шүлгийг хамтдаа уншаад, шүлэгт буй үгийг тодорхойлолтоор нь орлуулан унших нь тустай байж болно. Мөн суралцагчид суралцагчийн бэлтгэлээр сурч мэдсэн зүйлээ хуваалцаж болно.
Ромчуудад зориулсан Паулын сургаалыг илүү сайн ойлгоход дараах тодорхойлолтууд тус болж болох юм.
Зөвтгөл, зөвтгөх, зөвтгөсөн: “Нүглийн төлөөх шийтгэлээс уучлагдаж мөн гэмгүй хэмээн мэдэгдэх. Аврагчид итгэх итгэлээр дамжуулан, Түүний нигүүлслээр хүн зөвтгөгддөг. Энэхүү итгэл нь наманчлалаар, түүнчлэн сайн мэдээний хуулиуд болон ёслолуудад дуулгавартай байснаар харагддаг. Есүс Христийн Цагаатгал наманчлах эсвээс тэдний хүлээн авч болох шийтгэлээс чөлөөлөгдөх буюу уучлагдах боломжийг хүн төрөлхтөнд олгодог” (Судруудын удирдамж, “ Зөвтгөл, зөвтгөх ,” scriptures.ChurchofJesusChrist.org).
Итгэл найдвар: “Есүс Христэд итгэх итгэл бол итгэл найдвар бөгөөд энэ нь Түүнийг дуулгавартай дагахад удирддаг” (Судруудын удирдамж, “ Итгэл, итгэх ,” scriptures.ChurchofJesusChrist.org).
Хууль: Энэ нэр томьёо нь Мосегийн хуулийг болон үүнтэй холбоотой гадагш чиглэсэн үйлдлүүд буюу “үйл хэргийг” хэлж байгаа болно (“8-р сарын 7–13. Ром 1–6: ‘Аврах Бурханы хүч’”-ийг Ирээд, Намайг дага—Хувь хүн, гэр бүлүүдэд зориулав: Шинэ Гэрээ 2023-аас; мөн Судруудын удирдамж дахь “ Мосегийн хууль ”-ийг scriptures.ChurchofJesusChrist.org-оос үзнэ үү).
Ач ивээл: Есүс Христийн Цагаатгалын ачаар бидэнд ирдэг адислал, өршөөл, тусламж, хүч (Судруудын удирдамжаас “ Ач ивээл ”-ийг үзнэ үү).
Ром 3:10–12, 20–23-ыг уншаад, Бурхан болон бидний хоорондох саад бэрхшээлийг Паул хэрхэн дүрсэлснийг олж мэд.
-
Паулын сургаалын ямар үг хэллэг саад бэрхшээл гэж юу болохыг ойлгоход бидэнд тусалдаг вэ?
Зургийнхаа хашлаганд эдгээр үг хэллэгийг бич.Тухайн үед Тэргүүн зөвлөлд үйлчилж байсан ерөнхийлөгч Дийтр Ф. Угдорфын дараах мэдэгдлийг уншаад, хашлагаар юуг төлөөлүүлж байгаа талаар нэмэлт ойлголт олж ав.
ЗурагOfficial portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.Бүгд “нүгэл үйлдсэн тул Бурханы алдар сууд хүрдэггүй” [Ром 3:23] бөгөөд “өчүүхэн ч цэвэр бус зүйл Бурханы хаант улсад орж чадахгүй” [1 Нифай 15:34] тул бидний хүн нэг бүр Түүний оршихуйд эргэн очихуйц зохистой биш юм.
Хэдийгээр бид Бурханд өөрсдийн бүхий л бие сэтгэлээр үйлчилсэн ч энэ нь хангалтгүй бөгөөд бид “ашиггүй зарц нар” [Мозая 2:21] хэвээр байх бөлгөө. Бид өөрсдийн хүч чадлаар тэнгэрт очиж чадахгүй. Учир нь бидний хооронд шударга ёсны шаардлага байдаг ба бид үүнийг зөвхөн өөрийн хүчээр гүйцэтгэх боломжгүй юм.
(Дийтр Ф.Угдорф, “Ач ивээлийн бэлэг,” Ensign, May 2015, 108 эсвэл 2015 оны 4-р сарын Ерөнхий чуулган, 95)
Суралцагчид мөн зургийнхаа хашлаганд Шударга ёсны шаардлага гэж нэмж болно.
Өөрийнхөө шаардлага хангахгүй байгаа хэсэг эсвэл даван туулахаар хичээж байгаа гэм нүглийнхээ талаар бодож үз.
“Тайлбар ба нөхцөл байдлын талаарх мэдээлэл” хэсэг дээрх ахлагч Угдорфын мэдэгдлийг энд хуваалцах нь тустай байж болно.
Ром 3:24–28-ыг уншаад (24-р шүлгийн зүүлт тайлбар a дээрх Иосеф Смитийн Орчуулгыг ажигла), Паул бидний зөвтгөгдөх эсвэл гэм нүглээсээ өршөөгдөх цорын ганц арга замын талаар юу гэж заасан болохыг олж мэд.
Суралцагчдыг энэ сэдэв эсвэл эдгээр шүлгийн талаар байж болох ойлголт эсвэл асуултуудаа хуваалцахад урь. Жишээлбэл: Суралцагчид “эвлэрүүлэл” (25-р шүлэг) гэсэн үгийг ойлгохгүй байж болно. Тэд үүнийг ойлгоход туслах зүүлт тайлбарыг ашиглаж болно. Эдгээр шүлгээс урган гарсан, дараах хараар тодруулсан үнэнийг ойлгоход нь суралцагчдад тусал.
Таны эдгээр шүлгээс мэдэж авч болох нэг үнэн бол Есүс Христийг итгэл үнэмшилтэйгээр хүлээн зөвшөөрөх замаар бүх хүн төрөлхтөн Түүний ач ивээлээр дамжин зөвтгөгдөж болно гэсэн үнэн юм.
Есүс Христ бидэнд нүгэл, сорилт бэрхшээлийг даван туулахад тусалдаг.
-
Энэ үнэний талаар эргэцүүлэх үед танд ямар бодол, мэдрэмж төрсөн бэ?
Арван хоёр төлөөлөгчийн чуулгын ахлагч Дийтр Ф. Угдорф Есүс Христийн Цагаатгал гэм нүгэл, төгс бус байдлаа хэрхэн хардгийг маань хэрхэн өөрчилж болохыг заасан.
ЗурагOfficial portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.Аврагчийн хязгааргүй Цагаатгал гэм нүгэл, төгс бус байдлаа харж болох арга замыг маань эгнэгт өөрчилдөг. Гэм нүгэл, төгс бус байдлаа үргэлж бодож, гэтэлгэгдэх аргагүй эсвэл найдваргүй гэж бодохын оронд бид тэдгээрээс сургамж авч, найдварыг мэдэрч болно. Наманчлалын ариусгах бэлэг нь бидэнд гэм нүглээ орхин, шинэ бүтээл болох боломжийг олгодог билээ.
Есүс Христийн ачаар, алдаа дутагдал маань биднийг тодорхойлох ёсгүй. Харин энэ нь биднийг цэвэршүүлж чадна.
(Дийтр Ф.Угдорф, “Бурхан бидний дунд,” 2021 оны 4-р сарын Ерөнхий чуулган, 5–8)
Суралцагчид судлах тэмдэглэлдээ дараах асуултуудад бие даан хариулах нь дээр байж болох юм.
-
Өөрийн алдаа, төгс бус байдлыг харах байдал тань ахлагч Угдорфын дүрсэлсэнтэй хэрхэн нийцэж байна вэ?
Есүс Христ бидэнд саад бэрхшээлээ даван туулахад хэрхэн тусалдаг болохыг дүрсэлсэн зургийг зургууддаа нэм.
-
Бид бүгд гэм нүгэл үйлддэг бөгөөд авралын болзлыг хангадаггүй гэдгийг ойлгох нь Есүс Христийг харах өнцгийг тань хэрхэн өөрчилж болох вэ?
-
Энэ хичээлээр сурч мэдсэн зүйлийнхээ ачаар та ямар ойлголттой болсон бэ? Мөн танд ямар мэдрэмж эсвэл сэтгэгдэл төрсөн бэ?
Тайлбар ба нөхцөл байдлын талаарх мэдээлэл
Би зөвтгөлийг хэрхэн илүү сайн ойлгож болох вэ?
Арван хоёр төлөөлөгчийн чуулгын ахлагч Д. Тодд Кристоффэрсон зөвтгөл гэсэн үгийн утгын талаар ийн заасан.
ЗурагPortrait of Elder D. Todd Christofferson. Photographed in March 2020.Есүс Христ “Өөрийнхөө агуу цагаатгагч золиосын төгсгөлгүй сайн үйлээр” бидний төлөө “хуулийн шаардлагуудыг хангаж,” эдгээрт хариулсан юм. Зовлон шаналлаараа шударга ёсны шаардлагыг хангасан Түүний ач ивээлээр өршөөл ирдэг. … Тэрээр хуулийг үгүйсгэлгүйгээр бидний буруутгалыг арилгасан юм. Бид өршөөгдөж, Түүнтэй хамт зөв шударга байдлын нөхцөлд тавигддаг. Бид Түүнтэй адил, нүгэлгүй болдог. Бид хууль, шударга ёсоор дэмжүүлж, хамгаалуулдаг. Нэг үгээр хэлбэл, бид зөвтгөгддөг.
Иймээс бид зөвтгөгдсөн хэн нэгнийг өршөөгдсөн, нүгэлгүй эсвэл буруугүй гэж зохих ёсоор хэлдэг.
(D. Todd Christofferson, “Justification and Sanctification,” Ensign, June 2001, 20)
Дэлхийд яагаад Есүс Христ хэрэгтэй вэ?
Гэм нүгэл Тэнгэрлэг Эцэгийн төлөвлөгөөнд саад болж байсан уу?
Тэргүүн зөвлөлийн ерөнхийлөгч байсан Дийтр Ф. Угдорф ийн заасан.
ЗурагOfficial portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.Тэнгэрлэг Эцэг биднийг энэхүү мөнх бус оршихуйд ирэхийн өмнө сөрөг хүчнүүд биднийг замаас гаргахаар уруу татах болно гэдгийг мэдэж байсан. Учир нь “бүгд нүгэл үйлдсэн тул Бурханы алдар сууд хүрдэггүй” [ Ром 3:23 ]. Тиймээс Тэрээр бидэнд засаж залруулах арга замыг бэлдэж өгсөн. Жинхэнэ наманчлалын өршөөнгүй үйл явц болон Есүс Христийн Цагаатгалаар дамжуулан бидний гэм нүгэл өршөөгдөж, бид “мөхөхгүй харин мөнх амьтай байх болно” [ Иохан 3:16 ].
(Dieter F. Uchtdorf, “A Matter of a Few Degrees,” Ensign, Liahona, May 2008, 60)
Паул “Харийнхан … хуулийн шаарддаг зүйлсийг зөнгөөрөө үйлдвэл” гэж хэлэхдээ юу хэлэх гэсэн бэ? (Ром 2:14)
“Паул зарим харийнхан зөн совингоороо ёс зүйтэй амьдарч байсныг олж харсан. … Эдгээр харийнхан ‘хүн бүрийг гэгээрүүлдэг (Иохан 1:9; Сургаал ба Гэрээ 84:46–47)’ Христийн Гэрлийг дагаж байв [Судруудын удирдамж, “ Гэрэл, Христийн гэрэл ,” scriptures.ChurchofJesusChrist.org]. Хэдийгээр тэдэнд Мосегийн хууль байгаагүй ч Паул тэдэнд ‘хуулийн шаарддаг зүйлс зүрхэнд нь бичигдсэн’ (Ром 2:15) болохыг хэлжээ (Шинэ Гэрээний суралцагчийн гарын авлага [2018], “Ром 1–3,” 337).
Нэмэлт суралцах үйл ажиллагаа
Зүрх сэтгэлээсээ дуулгавартай байх
Суралцагчдыг Ром 2:28–29-ийг уншаад, иудей гэсэн үгийг хожмын үеийн гэгээнтэн гэдгээр, хозлол гэдэг үгийг гэрээ гэдэг үгээр тус тус солих талаар бодож үз. Энэхүү өөрчлөлт Паулын сургаалын талаарх бидний ойлголтыг хэрхэн нэмэгдүүлж байна вэ? Сүмийн гишүүдийн хувьд “зүрх сэтгэлээрээ, сүнсээрээ” үйлдэх үед илүү утга учиртай, хүчирхэг болдог зүйлсийн ямар ямар жишээ байна вэ? (Ром 2:29). (“8-р сарын 7–13. Ром 1–6: ‘Аврах Бурханы хүч,’” Ирээд, Намайг дага—Ням гаргийн ангид зориулав: Шинэ Гэрээ 2023.)
Сэргээлтийн судар дээрх зөвтгөлийн тухай сургаал
Түүнчлэн зөвтгөлийн тухай сургаалыг Мормоны Ном болон Сургаал ба Гэрээн дээр заасан байдаг. Суралцагчид хос хосоороо хуваагдаж, 2 Нифай 2:5–8 эсвэл Сургаал ба Гэрээ 20:29–31-ийн аль нэгийг уншаад, зөвтгөлийн талаар ойлголт олж авч болно.
Мосегийн хуулийн талаарх иудей гэгээнтнүүдийн итгэл үнэмшил
Дараах жишээ нь Паулын захидлаа хандаж бичсэн Ромын гэгээнтнүүдийн зарим итгэл үнэмшлийг илэрхийлж болох юм. Паулын дурдсан зарим буруу ойлголтыг ойлгоход суралцагчдад туслахын тулд үүнийг ашиглах талаар бодож үз.
Ашер нь Ромд хоёр үеэрээ амьдарсан, итгэл үнэмшилдээ үнэнч иудей гэр бүлээс гаралтай. Өсөх насандаа тэр Мосегийн хуулийг дуулгавартай дагахыг заалгасан байв. Түүний гэр бүлийнхэн Мосегийн хуулийн зан үйл, гадуур биеэ авч явах байдал, ёслолын дагуу амьдарснаар аврагдана гэдэгт итгэсээр ирсэн байна. Ашерын гэр бүлийнхэн Есүс Христийн тухай олж мэдээд, Түүнийг өөрсдийнх нь хүлээж байсан Мессиа мөн гэдэгт итгэжээ. Тэд баптисм хүртсэн боловч Мосегийн хуулийн дагуу үргэлжлүүлэн амьдарч, хатуу чанд дуулгавартай дагаж мөрдөх нь тэдэнд авралыг авчирна гэдэгт итгэж байв.
-
Ашер болон түүний гэр бүлийнхэн ямар үнэнийг мэдэх хэрэгтэй байна вэ?