Photograph of actor portraying Jesus Christ in the Bible Videos.
Në letrën e tij drejtuar romakëve, Pali u përpoq t’i ndihmonte shenjtorët romakë ta kuptonin hirin e Krishtit duke iu dhënë mësim rreth lidhjes së tij me besimin dhe veprat. Mësimet e Palit mund të na ndihmojnë ta thellojmë kuptueshmërinë tonë rreth nevojës sonë për falje dhe shpëtim nëpërmjet hirit të Jezu Krishtit. Ky mësim do të të ndihmojë ta rritësh kuptueshmërinë dhe vlerësimin tënd për hirin e Jezu Krishtit.
Të kuptuarit e doktrinës dhe parimeve. Ndërsa studentët përcaktojnë doktrinën dhe parimet në shkrimet e shenjta, udhëhiqini ata përmes diskutimeve që do t’i ndihmojnë ta analizojnë dhe kuptojnë më mirë domethënien e këtyre të vërtetave. Kur nxënësit e kuptojnë një doktrinë ose parim të ungjillit, ata e kuptojnë lidhjen e tij me të vërtetat e tjera doktrinore në planin e Zotit dhe e kuptojnë se si mund të zbatohet në jetën e tyre.
Përgatitja e nxënësve: Ftojini nxënësit të lexojnë pjesën “Hir” tek Udhëzuesi për Shkrimet e Shenjta (scriptures.ChurchofJesusChrist.org) dhe më pas të përcaktojnë një mënyrë se si ata e kanë marrë hirin e Perëndisë në jetën e tyre.
Veprimtari të Mundshme të të Mësuarit
Çfarë do të të shpëtojë?
Përfytyro sikur po vdes nga etja në një shkretëtirë dhe ka një shishe me ujë në majë të një kodre atje pranë. Sa e rëndësishme është secila prej pikave në vijim për mbijetesën tënde?
Merreni parasysh ta paraqitni tekstin dhe figurën vijuese dhe t’i ftoni nxënësit t’i kopjojnë të dyja në ditarin e tyre të studimit.
Bindja jote se uji mund të të shpëtojë
Përpjekja jote për të arritur tek uji
Vetë uji
Pamja
Line drawing of a stick figure man crawling in the desert to get some water. Sun and cactus are in scene
Nxënësit mund ta diskutojnë pyetjen lidhur me atë se çfarë do t’i shpëtonte ata dhe pyetjet vijuese si klasë, në dyshe ose në grupe të vogla.
Përse është vetë uji e vetmja gjë që nuk do të të lejojë që të vdesësh nga etja?
Përse nuk janë të mjaftueshme bindja tek uji dhe përpjekja për ta marrë ujin?
Si funksionojnë të gjitha së bashku bindja jote, përpjekja jote dhe uji?
Kjo situatë mund të të ndihmojë t’i kuptosh mësimet e Palit rreth mënyrës se si besimi, veprat dhe hiri lidhen me shfajësimin.
Si do t’i përkufizoje fjalët besim, vepra dhe hir?
Mund të jetë e dobishme t’i përsëritësh përkufizimet e këtyre fjalëve te mësimi mbi kapitujt te Romakëve 2–3 ose tek Udhëzuesi për Shkrimet e Shenjta (scriptures.ChurchofJesusChrist.org).
Nëse nxënësit e lexojnë përkufizimin e fjalës hir si pjesë të përgatitjes së tyre për këtë mësim, ata mund të ftohen ta tregojnë atë që mësuan.
Në kohën e Palit, disa nga të krishterët judeas besonin se shpëtoheshin nëpërmjet veprave të tyre duke iu bindur ligjit të Moisiut. Pali u përpoq ta korrigjonte këtë keqkuptim. Lexo te Romakëve 4:16 .
Çfarë na mëson ky varg rreth mënyrës se si ne shfajësohemi ose marrim faljen për mëkatet tona?
Në këtë varg Pali na mëson se ne shfajësohemi nga besimi dhe veprat nëpërmjet hirit të Jezu Krishtit.
Shkruaji fjalët besim, vepra dhe hir pranë frazës në figurën tënde me të cilën përkon çdo fjalë.
Çfarë mund të mësosh nga kjo analogji rreth besimit dhe veprave?
Çfarë mund të mësosh nga analogjia rreth hirit të Shpëtimtarit?
Nëse nevojitet, ndihmojini nxënësit të kuptojnë që bindja tek uji është si besimi, përpjekja për ta arritur ujin është si veprat ose veprimet tona dhe vetë uji përfaqëson hirin e Perëndisë. Ndihmojini ata të kuptojnë që, ndërkohë që besimi dhe veprat janë të nevojshme për të marrë hirin e Jezu Krishtit, hiri i Tij është ai që sjell faljen, jo besimi ose veprat tona.
Të kuptojmë më shumë rreth hirit të Jezu Krishtit
Hiri i Jezu Krishtit na mundëson të jemi të shfajësuar, ose të marrim falje për mëkatet tona dhe gjithashtu na bekon në mënyra të tjera. Jezu Krishti jo vetëm që ofron ujin jetëshpëtues, por Ai forcon gjithashtu besimin dhe përpjekjet tona që të mund ta marrim ujin. Ne mund të bekohemi me anë të hirit të Tij përpara, gjatë dhe pasi ushtrojmë besim tek Ai dhe kryejmë vepra të mira.
Presidenti Diter F. Uhtdorf, asokohe i Presidencës së Parë, dha mësim:
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“Gjatë gjithë jetës sonë, hiri i Perëndisë dhuron bekime materiale dhe dhurata shpirtërore që i lartësojnë aftësitë tona dhe e pasurojnë jetën tonë. Hiri i Tij na pastron. Hiri i Tij na ndihmon të bëhemi më të mirët që mundemi.”
(Diter F. Uhtdorf, “Dhurata e Hirit”, Ensign ose Liahona, maj 2015, f. 108.)
Si mund të të ndihmojë hiri i Shpëtimtarit të bëhesh njeriu më i mirë që mund të jesh?
Lexo fragmentet vijuese të shkrimeve të shenjta dhe kërko bekime të tjera të lidhura me hirin e Shpëtimtarit. Romakëve 5:1–2, 21
Çfarë bekimesh të tjera mund të vijnë nga Jezu Krishti nëpërmjet hirit të Tij?
Kur e ke përjetuar hirin e Shpëtimtarit në jetën tënde?
Si ndikon kjo te ndjenjat e tua ndaj Shpëtimtarit?
Nëse nxënësit u përgatitën për mësimin duke menduar për mënyrat se si e kanë marrë hirin e Perëndisë në jetën e tyre, ata mund t’i tregojnë përvojat e tyre. Merrni parasysh të tregoni një përvojë vetjake ose edhe një shembull.
Të ftosh hirin e Shpëtimtarit në jetën tënde
Presidenti Uhtdorf dha këtë pikëpamje rreth mënyrës se si ti mund ta marrësh në mënyrë më të plotë hirin e Jezu Krishtit:
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“Hiri është një dhuratë nga Perëndia dhe dëshira jonë për të qenë të bindur ndaj secilit prej urdhërimeve të Perëndisë është shtrirja e dorës sonë të vdekshme për ta marrë këtë dhuratë të shenjtë nga Ati ynë Qiellor”.
(Diter F. Uhtdorf, “Dhurata e Hirit”, Ensign ose Liahona, maj 2015, f. 110.)
Merreni parasysh t’i ftoni nxënësit t’u përgjigjen pyetjeve në vijim në ditarët e tyre të studimit.
Çfarë mendimesh dhe ndjenjash ndien kur mendon rreth efekteve të hirit të Jezu Krishtit në jetën tënde?
Çfarë mund të bësh për ta ftuar më plotësisht hirin e Jezu Krishtit në jetën tënde?
Dëshmoni për nevojën tonë për hirin e Perëndisë dhe forcën e dhuratën që mund të jetë në jetën tona përpara, gjatë dhe pas përpjekjeve tona për të qenë besnikë dhe të bindur.
Komente dhe Informacion për Rrethanat
Si mund ta pranojmë nevojën tonë për hir?
Presidenti Diter F. Uhtdorf, asokohe i Presidencës së Parë, bëri pyetjet vijuese rreth nevojës sonë për hir:
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“A e kuptojmë se i kemi borxh Atit Qiellor dhe a përgjërohemi me gjithë shpirtrat tanë për hirin e Perëndisë?
Kur biem në gjunjë për t’u lutur, a e bëjmë që të përmendim sërish arritjet më madhështore të vetë drejtësisë sonë, apo është që t’i rrëfejmë gabimet tona, të përgjërohemi për mëshirën e Perëndisë dhe të derdhim lot mirënjohjeje për planin mahnitës të shëlbimit?”
(Diter F. Uhtdorf, “Dhurata e Hirit”, Ensign ose Liahona, maj 2015, f. 109.)
Cili është një shembull i hirit që vepron në jetën e dikujt?
Romakëve 4:16 . Përse Abrahami u përdor si shembull i të qenit i shfajësuar?
Për ta korrigjuar idenë që vetëm ata që ishin rrethprerë dhe po e zbatonin ligjin e Moisiut mund të shpëtoheshin, Pali dha mësim se Abrahami kishte marrë bekime përpara se të rrethpritej dhe shekuj përpara se ligji i Moisiut të jepej. Më pas Abrahami vazhdoi të ishte besnik pas bërjes së besëlidhjes me Perëndinë edhe pasi u rrethpre. Prandaj, Pali pati mundësinë të tregonte që individët nuk shfajësoheshin nëpërmjet bindjes ndaj ligjit të Moisiut, por me anë të besimit dhe veprave nëpërmjet hirit të Jezu Krishtit.
Si lidhet hiri i Perëndisë me Rënien e Adamit?
Te Romakëve 5:12–21 Pali dha mësim se Jezu Krishti na ndihmon t’i mposhtim efektet e Rënies. Për shkak të shkeljes së Adamit, mëkati dhe vdekja hynë në botë. Megjithatë, për shkak të “dhurat[ës] me anë të hirit [të] një njeriu, Jezu Krishtit” ( Romakëve 5:15), të gjithë mund t’i mposhtin efektet e mëkatit dhe të vdekjes dhe të marrin jetën e përjetshme. Referenca e Palit për Rënien na ndihmon ta kuptojmë fuqinë e lartë të hirit të Shpëtimtarit për t’i mposhtur të gjitha gjërat.
Veprimtari Plotësuese të të Mësuarit
“Shtrëngimi prodhon këmbënguljen”
Pyetini nxënësit nëse kanë qenë ndonjëherë mirënjohës për një sprovë që kanë përjetuar. Pyetje të mundshme për diskutim mund të jenë: “Në çfarë pike u bëre mirënjohës/e?” ose “Çfarë do t’i thoshe dikujt që po kalon një sprovë që mund ta ndihmojë atë ta durojë mirë?” (Shih Doktrina e Besëlidhje 121:7–8 .) Shpjegoni që Pali kaloi shumë sprova të vështira në jetën e tij dhe shkroi për bekimet që rezultuan nga ajo që ai vuajti. Ftojini nxënësit të lexojnë te Romakëve 5:3–5 , duke kërkuar atë që Pali thotë se mund të rezultojë nga sprovat ose shtrëngimet në jetën tonë. Merreni parasysh t’u kërkoni nxënësve të tregojnë se si ata e kanë përjetuar ndonjë nga këto bekime.
Të mësojmë rreth hirit nga Libri i Mormonit
Profetët e Librit të Mormonit ishin të frymëzuar të jepnin mësim dhe të shkruanin rreth Jezu Krishtit dhe hirit të vënë në dispozicionin tonë nëpërmjet Tij. Nxënësit mund të lexojnë të paktën tre nga vargjet vijuese, duke menduar atë që këto vargje u mësojnë atyre rreth hirit.
Një mundësi tjetër është t’i vendosni nxënësit në grupe dhe t’i caktoni çdo anëtari një ose më shumë nga fragmentet e shkrimeve të shenjta. Vërini ata t’i lexojnë vargjet e tyre nga shkrimet e shenjta dhe ta shkruajnë referencën dhe një fjalë ose frazë të parapëlqyer nga fragmenti i shkrimeve të shenjta në një fletë letre. Më pas vërini ata t’i qarkullojnë letrat dhe përsëriteni procesin për letrat e çdo anëtari tjetër të grupit. Pasi veprimtaria të ketë përfunduar, nxënësit mund ta shohin fletën e tyre fillestare dhe t’i shohin fjalët dhe frazat e zgjedhura nga anëtarët e grupit për të gjitha vargjet.
Për t’i ndihmuar nxënësit ta zbatojnë atë që kanë mësuar në këtë mësim, merreni parasysh t’u jepni atyre një fletë shënimi ose një fletë të vogël letre. Ftojini ata ta mbajnë atë me vete për 24 orët e ardhshme ndërsa kërkojnë hirin e Perëndisë në jetën e tyre dhe të shkruajnë çdo provë që gjejnë. Ftojini ata të luten më pas dhe të shprehin mirënjohje për çdo rast dhe t’i kërkojnë Atit Qiellor t’i ndihmojë të kenë sy për ta parë më mirë hirin e Tij në jetën e tyre. Nxënësit mund të raportojnë për përvojat e tyre në mësimin e ardhshëm.