Young man wearing eyeglasses, sitting outside reading scriptures. (horiz)
Në një kohë ose në një tjetër, të gjithë ne do të duhet ta mbrojmë atë që besojmë. Duke iu drejtuar shenjtorëve që jetonin në Romë, Pali shpalli se ai “nuk k[ishte] turp për ungjillin e Krishtit” ( Romakëve 1:16). Padurimi i tij për ta shpërndarë mesazhin e ungjillit ishte vetë prova. Ky mësim mund të të ndihmojë të mos kesh turp të njihesh si një dishepull i Jezu Krishtit.
Tregimi i historive dhe ndodhive të vërteta. Për të ndihmuar në nxitjen e interesit të nxënësve në mësim, merreni parasysh të tregoni histori vetjake të vërteta nga jeta e profetëve, historia e Kishës, bisedat e konferencave të përgjithshme ose revistat e Kishës.
Përgatitja e nxënësve: Ftojini nxënësit të vijnë të përgatitur të diskutojnë arsyen përse njerëzit mund të ngurrojnë të njihen si dishepuj të Krishtit ose ta shpërndajnë ungjillin tek të tjerët.
Veprimtari të Mundshme të të Mësuarit
Detyra vijuese e kontrollit mund të përdoret për të dhënë mësim rreth Letrave në Dhiatën e Re. Përgjigjet janë 1) c; 2) b; 3) c; 4) a.
Më shumë informacion rreth këtyre letrave mund të gjendet te “ Letra të Palit ” tek Udhëzuesi për Shkrimet e Shenjta (scriptures.ChurchofJesusChrist.org) ose te manuali Eja, Më Ndiq – Për Individët dhe Familjet.
Çfarë di ti tashmë?
Përfytyro sikur i thua një prej shoqeve të tua, që është e një besimi tjetër të krishterë, që ti po studion Dhiatën e Re në seminar. Ajo të thotë se i pëlqen Dhiata e Re por ndonjëherë e ka të vështirë t’i kuptojë Letrat. Ajo të pyet se çfarë di ti rreth tyre. Bëje detyrën vijuese të kontrollit për të parë se sa mirë mund të jesh në gjendje t’i përgjigjesh asaj.
Çfarë janë Letrat?
Lajmërime zyrtare të Kishës të bëra nga profeti
Biseda të dhëna nga udhëheqësit e Kishës të cilat janë mbledhur gjatë viteve
Letra të ndryshme të shkruara nga udhëheqësit e Kishës për shenjtorët
Meritë e kujt është shkrimi i 14 prej 21 letrave që përfshihen në Dhiatën e Re?
Pjetrit
Palit
Llukës
Si ishin të organizuara 13 Letrat e para?
Në mënyrë kronologjike (sipas kohës kur u shkruan)
Sipas rëndësisë
Sipas gjatësisë
Kush ishin disa nga autorët e tjerë të Letrave?
Jakobi, Pjetri, Gjoni dhe Juda
Jakobi, Pjetri, Gjoni dhe Stefani
Jakobi, Pjetri, Gjoni dhe Timoteu
Letra drejtuar Romakëve
Libri i Romakëve është një letër që Pali ua shkroi shenjtorëve në Romë pranë fundit të udhëtimeve të tij misionare. Roma – kryeqyteti i Perandorisë Romake – qe e tejmbushur me filozofitë e botës dhe ishte një vend i vështirë për ta predikuar dhe jetuar ungjillin e Jezu Krishtit. Pali u shkroi shenjtorëve romakë që ta forconte besimin e tyre, t’i përgatiste ata për mbërritjen e tij, t’i qartësonte dhe mbronte mësimet e tij dhe të nxiste unitet midis anëtarëve judeas dhe johebrenj të Kishës.
Ndërsa studion vargjet te Romakëve1 , kërko të vërteta që mund të të nxitin teksa përpiqesh të jesh një dishepull i Jezu Krishtit.
Unë nuk kam turp
Lexoni vargjet te Romakëve 1:15–17 , duke kërkuar se çfarë ndjenje pati Pali rreth ungjillit të Jezu Krishtit. Merreni parasysh t’i shenjoni fjalët ose frazat në këto vargje që ju duken domethënëse.
Ti mund t’i kesh shenjuar fjalët “Unë nuk kam turp për ungjillin e Krishtit” te Romakëve 1:16 .
Nga ajo që mësove rreth Palit në librin Veprat e Apostujve, si e kishte treguar ai se nuk kishte turp të njihej si një i krishterë?
Me çfarë situatash mund të përballen të rinjtë sot ku duhet ta mbrojnë dhe të mos kenë turp për ungjillin e Krishtit?
Pali e dinte se Roma ishte një vend i vështirë për ta jetuar dhe predikuar ungjillin. Ai u përball edhe me kundërshtim nga ata që i keqkuptuan ose refuzuan mësimet e tij. Sidoqoftë, Pali mezi priste të shkonte në Romë dhe të predikonte atje për t’i sjellë të tjerët te Krishti (shih Romakëve 1:15).
Mendo për përvojat ku, ashtu si Pali, ti ke pasur mundësinë për ta mbrojtur ose për ta treguar besimin tënd te Jezu Krishti. Bëj një listë të shkurtër në ditarin tënd. Përfshi mendimet dhe ndjenjat e tua mbi atë se sa shumë dëshirove ta tregoje besimin tënd në ato situata.
Mund të jetë e dobishme t’u kujtoni nxënësve se ka shumë mënyra të vogla dhe të thjeshta me të cilat ata mund ta tregojnë se nuk kanë turp për ungjillin e Krishtit. Merreni parasysh të ftoni disa vullnetarë t’i tregojnë shembujt e tyre. Nxënësit mund të tregojnë edhe përgatitjen e tyre për këtë mësim duke diskutuar se përse njerëzit mund të ngurrojnë ta shpërndajnë ungjillin.
Përse një i ri ose e re mund të ndihet i/e turpëruar të njihet si i/e krishterë? Çfarë mund të bëjnë nëse i kanë ato mendime ose ndjenja?
Shembuj nga shkrimet e shenjta dhe kohët e sotme
Shqyrto shembujt vijues të njerëzve që nuk patën turp ta bënin të njohur besimin e tyre në Zot. Mendo për situatat në të cilat ndodheshin ata dhe kërko ngjashmëri ndërmjet jetës së tyre dhe jetës tënde.
Shihni pjesën “Veprimtari Plotësuese të të Mësuarit” për shembuj të tjerë dhe një ide mbi mënyrën se si ta përdorni teknologjinë për këtë veprimtari.
Kur të tjerët të gjykojnë: Gruaja që i lau këmbët e Jezusit me lotët e saj ( Lluka 7:36–50)
Kur duhet të mbash qëndrim përpara bashkëmoshatarëve të tu: Abinadi dhe Alma ( Mosia 13:1–9 ; 17:1–4 ; 18:1–3)
Çfarë të bëri përshtypje nga këta shembuj?
Si e demonstruan këta individë se nuk kishin turp për ungjillin e Krishtit?
Kush ka qenë një shembull në jetën tënde që nuk ka pasur turp nga ungjilli i Jezu Krishtit? Si e ka treguar ai ose ajo besimin e vet?
Romakëve 1:15–17 na tregon se entuziazmi i Palit për ungjillin e Krishtit vinte pjesërisht ngaqë ai e kuptonte se “[ungjilli] është fuqia e Perëndisë për shpëtimin” për të gjithë fëmijët e Perëndisë. Me fjalë të tjera, për shkak se Pali e dinte se askush nuk mund të shpëtohej pa ungjillin e Jezu Krishtit, ai donte që t’ua shpërndante atë të gjithëve.
Përgjigjet e nxënësve për pyetjet vijuese mund të jenë shumë të ndryshme nga njëri tek tjetri. Ndërsa këto pyetje diskutohen, ndihmojini nxënësit ta kuptojnë që zbatimi i këtij parimi është vetjak dhe ata nuk duhet t’i gjykojnë të tjerët bazuar në mënyrën se si ata e shprehin besimin e tyre.
Si mund të të ndihmojë të kujtuarit e asaj që Shpëtimtari ka bërë për ty që të mos kesh turp për Të dhe ungjillin e Tij?
Ndërkohë që mund të ketë raste kur ne thirremi për ta mbrojtur besimin tonë në shkallë të gjerë ose dramatike, në shumicën e rasteve besimi ynë tregohet më mirë me mënyra të vogla dhe të thjeshta (shih Alma 37:6–7). Si mund të duket, tingëllojë ose ndihet “[të mos paturit] turp për ungjillin e Krishtit” në jetën tënde të përditshme?
Përfundoje fjalinë vijuese: Unë nuk kam turp për ungjillin e Jezu Krishtit, sepse…
Merreni parasysh të dëshmoni për lumturinë dhe paqen që mund të vijë nga të qenit i vërtetë ndaj bindjeve dhe besëlidhjeve tuaja.
Komente dhe Informacion për Rrethanat
Si mund ta jap dëshminë time në mënyra normale dhe të natyrshme?
Plaku Diter F. Uhtdorf, i Kuorumit të Dymbëdhjetë Apostujve, dha mësim:
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“E di se disa prej nesh janë më të shoqërueshëm sesa të tjerë. Është normale. Zoti e bën të mundur për secilin prej nesh, sipas mënyrës sonë, t’i ftojmë të tjerët të vijnë e të shohin dhe të vijnë e të ndihmojnë. Më pas Perëndia do të bëjë punën e Tij të shpëtimit dhe ata do të vijnë e të qëndrojnë.
A mund t’ju sugjeroj pesë gjëra që kushdo mund t’i bëjë për të marrë pjesë në urdhërimin e madh të Shpëtimtarit për të ndihmuar në mbledhjen e Izraelit.
1. Afrohuni më pranë Perëndisë.…
2. Mbusheni zemrën tuaj me dashuri për të tjerët.…
3. Përpiquni fort të ecni në shtegun e dishepullimit.…
4. Shpreheni atë që keni në zemër.…
5. Mirëbesoni se Zoti do të bëjë mrekullitë e Tij.”
Përdorimi i teknologjisë për të pasur qasje tek artikuj dhe materiale filmike
Mund të jetë e dobishme të krijoni kode QR ose URL të shkurtuara për artikuj dhe materiale filmike që janë në dispozicion në ChurchofJesusChrist.org. Këto kode ose URL mund të paraqiten nëpër klasë në mënyrë që nxënësit t’i hapin burimet në pajisjet e tyre individuale.
Shembuj të tjerë të besimit
Këta shembuj të njerëzve që nuk kishin turp ta bënin të njohur besimin e tyre në Zot, mund të përdoren te pjesa “Shembuj nga shkrimet e shenjta dhe kohët e sotme” e këtij mësimi.
Mbretëresha Ester: Esterit 3:8–13 ; 4:13–16 ; 7:1–6 (për një rrëfim më të thjeshtuar por të plotë, lexoni bisedën e Presidentit Tomas S. Monson “Paçi Kurajë” [Ensign ose Liahona, maj 2009, f. 127.])
Plaku Leri Eko Houk, i Të Shtatëdhjetëve: “Eja tek Unë, O ti Shtëpi e Izraelit”, Ensign ose Liahona, nëntor 2012, f. 32
Ligësia dhe mëkatet që mbizotëronin në kohën e Palit dhe në kohën tonë
Te Romakëve 1:18–32 , Pali renditi shumë nga mëkatet që mbizotëronin në kohën e tij ashtu edhe sot. Ndërkohë që shumë njerëz mund t’i pranojnë këto sjellje, diskutoni arsyen përse këto gjëra na pengojnë ta kemi lumturinë e planit të Atit Qiellor për shpëtimin.
Vini në dukje se prej Romakëve 1:18–32 , ne mësojmë se profetët dhe apostujt na mësojnë rreth sjelljeve dhe qëndrimeve që janë fyese për Perëndinë.
Gjuha e përdorur për t’i përshkruar këto sjellje mund të jetë e vështirë për t’u kuptuar nga nxënësit. Shpjegoni se vargu23 i referohet idhujtarisë, ose adhurimit të skulpturave të bëra nga njerëzit dhe jo adhurimit të Perëndisë. Vargjet28 deri në32 përmendin disa mëkate të tjera që i dëmtojnë marrëdhëniet tona me njëri-tjetrin dhe me Perëndinë, siç janë xhelozia, dhuna, pandershmëria dhe krenaria.
Nxënësit mund të kenë pyetje rreth referencave për homoseksualitetin te vargjet26 dhe27 . Për më shumë informacion ose për t’i ndihmuar nxënësit ta kuptojnë qëndrimin e Kishës ndaj sjelljes homoseksuale, shihni kapitullin 38.6.15 te Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme (ChurchofJesusChrist.org).